اخر مستجدات الي طرات بمشكلتي
طبعا مثل مانتو عارفين .. اني طلعت من بيت زوجي بدون ادنه
استمر يكاابر ولا تكلم ولا حاول يحل شي ابد اسبوعين عايشه زي
المعلقه ..
جو اهله زياره بسيطه عندنا بحكم انهم بيسافرون فقط جو عندنا زياره عاديه
وراحو ماحد فتح معاي اي سيره عن زوجي ..
وعندما ارادو الدهاب اتصلت احدا اخواته بزوجي وطلبت منه انو يجي ياخدهم
جا اخدهم ولا فكر ينزل يسلم لانو كان هوا بعد بيسافر ..
اليوم الي بعد ارسل لامي رساله انو اسف اني مانزلت سلمت عليك
وانا برجع بعد كم يوم وابغا زوجتي تكون في بيتها
ردت امي عليه انو عادي والله يستر عليك ..ومرتك بتكون ببيتها وترجع بالسلامه
وارسلتلو كلام مادري اش هوا انو الحياه كدا في البدايه ماعليش لازم تصبرون على بعض
ولازم كل واحد ادا غلط يعتدر للثاني وكلام طويل كلو حكم ونصايح زي هيك
رد على امي لاتضلميني انتي سمعتي من بنتك لانها بنتك واتعاطفتي معها ومو لازم كل شي
قالتو لك صح اكيد لانك امها بتصدقينها
كلام طويل قالو بس زبده الموضوع انو بدا بعنف امي خافت قالت بسم الله
انا قاعده انصحكم الاثنين وما قصدي شي
هوا الي فهمو اني انا عبيت راس امي كلام وحرشتها عليه هههه استغفر الله
ردت امي عليه ترا زوجتك ماقالت لي شي وشكلك فهمت غلط انا لما نصحتك
مو قصدي انك انتاغلطان ترا حتى بنتي هاوشتها وادتيها نصايح وانا اعتبركم مثل
اولادي ولا اقصد شي
.. وفي كلمتين قالها لامي .. انو قوليل بنتك لاتقرا من المنتديات اشياء وتطبقها علي؟؟
وانها تشوف المسلسلات الخليجيه وتتاثر فيها ؟؟ خليها تخفف منها
مادري اش قصدو انا كنت ادخل منتديات تخص المراه من حيث الحقوق والواجبات على الزوج
واقرا نصايح من بعض المنتديات التي تخص الحياه الزوجيه .. واقرا مايحب ويكره الزوج من زوجته
اشياء زي كدا بس كان قصدي اني اتعلم منمن هم اكبر مني بحكم خبرتهم بالحياه
استغربت من النقطتين الي قالها
اتوقع انو كان يفتش ورايا ولا كيف عرف !! لانو لاب توبي مخصص لي لانتشارك فيه
بس كان يتسخدمو من فتره لفتره يقولي ابغا اشتغل فيه شوي واعطيه
والمسلسلات كنت اتفرج فيها فقط تمضيه وقت ليس الا وكنت لما تسير احداث
اتفاعل معاهم .. مثلا اقوول لاااا وحرامم ليش يسوي كدا
كان قصدي شريف.. ويمكن انو فهم انها دقه له !! الله اعلم
طبعا كل هالكلام كان بينه وبين امي
,,,,,,,,,,,,,,,,,,,,,,,,,,,,,,
خلاصه الموضوع انو بعد الشوشره الي سواها اليوم الثاني كان الوقت متاخر
جتني رساله منوو ... ( وينك غبتي عني كل هالمده اشتقتت لك وماقدر اعيش من دونك بموت )
رديت عليه .. وكأنو ماصدق اني رديت .. قالي وينك بالبيت .. قلت اي
رد علي انا في الطريق ربع ساعه وبجي .. كان ودي يعطيني وقت اتجهز قلتلو انتضر ساعه
الله يخليك ابي ارتب نفسي قالي لااا بسسررعه بجيك الحين
الله يهدييه استعجلني مامداني اسوي شي
ورحت معاه قعدت يومين وبعدها سافر يودي اهله الحالو وبيجي بعد كم يوم