هو مايعرف للنت ابدااااااا ...

حتى اذا جاء يكتب على الكيبورد ... انا اللي اكتب له ..... يجلس ساااعه يدور الحروف

اخر شي يطفش ويعطيني الجهاز ...

وحريصه اني امسح المواقع اللتي تم زيارتها والمحفوظات ....

انا عارفه انو شي زي كذا لو شااافه زوجي بيخرب بيتي ...

لكن ماعندي حل ....

لو علمت اهلي بالسالفه ... تشمتو الناس ... وكبرت السالفه ... وصرت سالفه في لسان اللي يسوى واللي مايسوى


وانا والله ماكتبت مشكلتي في هالمنتدى ....... الا عشان القى حل منااااااسب لمشكلتي


احسن شي هنا الخصوصيه ...... والامانه في النصح

عفوااً أختي...

أي سالفه؟ ترى مافيه سالفه أصلاً....
الأمر مازال في طور الشك....لاتخلي الحاجه هذي تغيب عن بالك....يعني انتي ماتأكدتي الى الآن....فمن الظلم لو تشعب الموضوع وصار سالفه من لاشيء ويمكن يكون الرجل بريء وهذي مجرد شكوك وأوهام من قبلك بسبب شخصية جارتك الفضوليه....

فيه نساء تأكدوا من خيانة ازواجهم لهم باعترافهم ومع ذلك ماوصلت للأهل....والمنتدى مليان عينات منهم....بالعكس احتووا ازواجهم ووجهوهم...حذاري اختي تدخلي اهلك في مواضيعك في هالمرحله...
احنا ماقلنا ترى زوجك يخونك لا....لاتفهمينا غلط......احنا اعطيناك طرق لقطع الشك باليقين حتى ترتاحي بناء على طلبك...

سيدة الموقف
جزاك الله خير من جد صح لسانك والله يوفقك عالدرر اللي تقوليها
أسجل إعجابي بردودك الحكيمة

وردة الرياض ماقول غير الله يعينك على زوجك والجارة

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

::
الإتجاه الأول من قضيتك
كيف تجعلين زوجك يحترمك ويتعامل معكِ بإحترام ويمنحك جزء من وقته
ويخلع عن ذهنه فكرة أنكِ عجينته السهلة التي بحث عنها حتى وجدها
فبدأ بتشكيلها كيفما يشاء وخاصة أن فارق العمر بينكما كبير نوعا ما ورجح
كفة الزوج وجعله يتغلب عليك في الخبرة والحنكة وقوة الشخصية

*****
عليكِ بإتباع الخطوات التالية :

*الإبتعاد كلياً عن ذرف الدموع والبكاء أمام الزوج عند أي حوآر أو نقاش

*أتباع أسلوب الغموض والصمت لفترات طويلة في حضرته وعدم أشراكه أو أطلاعه
على أي أحداث تخصك أو أي حوار دار بينك وبين جارتك والرد بعبارات مقتضبة جداً
على أسئلته مثل ( يمكن / مدري / لا / نعم ) هذا الأسلوب سيكون مؤقت
حتى يتغير للأفضل ثم بإمكانك التبسط معه بالحديث

وحذاري من أسلوب "الثرثرة" مع الزوج حول أمور القيل والقال وكلام الجارات أو كلام
النساء حتى لاتسقطي من عينه ويعرف نقاط ضعفك ومالذي يعجبك ومن تحبين ومن
تكرهين .

*عند توجيه أي أهانة لكِ النظر إليه بنظرة حادة غاضبة دون أي كلمة وترك
المكان له وعدم القيام بأي عمل من الأعمال التي أعتدتي القيام بها له
من تحضير الفطور صباحاً أو غسل ملابسه أو كيها (عقوبة صغيرة ) لن تضره
لأن هذا الزوج ليس هناك أمر يستطيع أن يجعله يتزعزع عن موقفه إلا تغير
الرتم اليومي الذي أعتاد عليه فهو مهما فعل ومهما أساء فطعامه جاهز وهندامه
نظيف وكل مايريده حاضر إذن مالضير في توجيه الكلام السيء للزوجه وأهمالها مدام
غضبها لايتجاوز الصمت والزعل ولكنها قائمة بعملها على أحسن وجه فعذابها لنفسها
وليس له

*خففي من كلمات الشكر المفرطه عند كل صغيرة وكبيرة يقوم بها أشعريه أنه
يؤدي واجبه ولايتفضل عليكِ بشيء
فللأسف بعض الرجال يعتقد أن زوجته حين تشكره بإستفاضه فهو قد تفضل عليها
وقام بعمل جبار ويرى أنها لابد أن تقبل يدها (وش وظهر) لأنه أحضر لبيته
(خبزاً أو حليباً ) ولايعلم أنها فعلت ذلك تحبباً وتودداً وحسن تبعل

فيرآها ضعيفة وهو رب نعمتها

طبعاً لانقول لاتشكريه نقول في هذه الفترة غيري بعض طباعك للفت نظره
للكيان الأنثوي الرقيق الذي كان يعيش معه وملَّ من التعامل الجاف دعيه يعلم أن الجفاف
لايولد إلا جفافاً وأن قلة الإحترام لاتولد إلا جفاءً وقسوة

*أحذري أن يدخل للبيت فيجدك منكبة تنظيفين أو تمسحين أو ثيابك توحي
بأنك خادمته المطيعة

حين يقترب موعد حضورة ألبسي أجمل ثيابك تعطري أمسكي بمجلة أو كتاب
أو أنشغلي بأي شيء يتعلق بكِ أنتِ (أطلي أظافرك بلون جميل في حضوره)
دعيه يشعر أنك أنثى لديها أهتمامات أخرى غير غسل ملابسه وكيها

لا أقول لا تفعلي هذه الأمور أفعليها لكن ليس في الوقت القليل الذي يكون
فيه معكِ بالمنزل

لاتجعلي صورة ربة البيت المنهمكه في أعمال البيت هي الصورة الوحيدة
الملتصقه في سقف ذاكرة زوجك

أصنعي لكِ في خياله صور عدة لأنثى جميلة فاتنه متغيرة ومتقلبة
(تقرأ /تبتسم بغموض / تتحدث بروية / تصلح تسريحة شعرها/ تطلي أظافرها
تحرك قدميها في غنج )

دعي مشاعره القاسية تلك ولغة حوآره المتعسفة تتحول للغة مقدرة ومحبه

سيدة الموقف حلولها جيده وجميله فخذي بها ولاهانوا باقي الأعضاء وأهم شئ إقطعي علاقتك فيها إذا إتصلت عليك وقالت بجيك زياره في بيتك إعتذريها وكل ماتتصل إعتذريها حتى تفهمها بصراحه جارتك هاذي ماتصلح أبد أحس إن أمر الخيانه عندها بسيط وهين والحرمه إللي ماتصون نفسها وعرض زوجها وشرفها وسمعتها هاذي إنسانه مالها أمان ولا تثقين فيها جارتك عينها طويله وأي رجل تقع عليه عينها ويعجبها تظل تنسج حوله الخيوط حتى توقع به في شباكها
يمكن تسألك عن أمور حياتك علشان تنكشف نقاط ضعفك وتشتغل عليها حتى تجيب زوجك لها وتجلس تنصحك بنصائح تبغى تخرب بيتك وتبغى حياتك مع زوجك كلها نكد بنكد علشان زوجك يهرب من جو البيت النكد وحضرتها تستقبله يعني كل إللي تسويه وتقوله لك في صالحها هيه وفي خراب بيتك أنتي فأنتبهي لهاذي النقطه زين ولاتغفلين عنها هاذي جاره خبيثه وخبثها في حركاتها وأسلوبها مسوية نفسها الناصحه والمحبه لك وهي جالسه تدس السم بالعسل لاتعطيناها مجال تدخل منه في حياتك أبد .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

شوفي حبيبتي

شخصيتك تذكرني بشخصيتي خاصة بداية زواجي وحتى زوجي كان زي زوجك يسهر في الليل لين الفجر ويخليني لحالي وماكنت اتكلم بس ابكي واذاناقشته يقول لاتتحكمين فيني مثلك تماما

وهذي الشخصية هي اللي تخلي الزوج متطمن ويسوي اللي يبيه وهو مرتاح

خذيها مني زوجك عنده علاقة نسائية اذا مو مع جارتك مع غيرها ولا تستغربين اذا قلتلك يمكن علاقات مو علاقة وحده

انا مابي اخرب بينكم بس انا اقولك هالكلام من خبرتي ومما سمعت وشاهدت ومما قرات للاستاذة ناعمة الهاشمي استشارية العلاقات الاسرية

واقوى دليل
قفل الجوال برقم سري00لو ماعنده شي يخاف منه مايسكر جواله
اصراره لذهابك بيت اهلك من الحين 00عشان ياخذ راحته اكثر
علاقته السابقة =اغلب اللي تعودو على اقامة علاقة محرمة اذا موكلهم حتى لو كانت بالتلفون بس يحنون لها

انا زوجي لما تكون عنده علاقة يحاول يصرفني باي طريقة ودايم كان يقولللي نامي بيت اهلك خميس وجمعه
وبعدين لماارجع اكتشف انه داق على كل صديقاته مع انه يكون له فترة ماكلمهم بس اغيب عنه يحصل فرصة يشتاق لهم ويكلمهم

اللي عليك تسوينه الحين 00
تحاولين تعرفين الرقم السري بدون مايدري يعني راقبيه من غير مايحس وهو يفتحه شوفي الارقام اللي يدقها الين تتاكدين منها ولما يتحمم مثلا او وهو نايم ومستغرق في النوم حاولي تاخذين الجوال بخفة ومن غير مايحس فيك ابدا وافتحيه وشوفي

بعدها بتقطعين الشك باليقين اذا ماحصلتي في الصادر والوارد روحي للرسايل برضو الصادر والوارد والمحفوظة بعد

وفي كل الاحوال سواء تاكدتي او لا 00ابقي هادية وتحكمي بعواطفك وهيأي نفسك عشان ماتنصدمين وماتتأثرين ولايحس انك شاكة فيه ابدا دايما قوليله انا واثقة فيك

تحتاجين تغيرين من شخصيتك -شكلك -طريقة كلامك معاه -ديكورات البيت واماكن الاثاث -سوي له جلسه رومنسية قبل لايطلع من البيت
خليك غامضة فالمراة الغامضة تشكل لغزا تجبر الرجل على ملاحقتها وفك لغزها
خليه يشوفك مهتمة في نفسك وباناقتك وغيري من طريقة شعرك ومكياجك وعطورك ولبسك عشان تجذبينه لك حتى كلامك استخدمي ارق طبقة في صوتك لما تكلمينه واختاري كلمات جديدة تمدحينه فيها كل يوم امدحي شي فيه صفاته في شكله جسمه خليه يشتاق لك وللقعدة معاك وكأنك وحدة جديدة
واعلمي ان الرجل لايريد خادمة تلبي له طلباته انما يريد اميرة تتوج له عرشه
ولاتتخلين عن صديقاتك واهلك خليك زي اول تقولين انه يغار اسمعي ليه
تقول الاستاذة ناعمة من بداية العلاقة بين الرجل والمراة يتوق الرجل إلى الإستحواذ على حبيبته
ويصاب بحب التملك وبشكل خاص حينما تكون محط أنظار الآخرين
وبحسن نية منه وبرغبة أكيدة في الإستيلاء على قلبها واهتمامها
يبدأ في تجريدها من كل ما يلفت الإنتباه ( منصبها/ أناقتها/ شخصيتها المميزة/ ابتسامتها الجذابة)
لكي لا يكون لديها ما يلفت انتباه غيره فيأخذها منه
ولكي يشعر بالراحة والطمأنينية
بعد أن يكون على مدى سنوات قد جردها بحسن نية من كل مايحب ومن كل ماكان سببا في حبه لها
يستغرب من هذه الإنسانة التي تزوجها
إنها ليست كما كان يريد
وينسى تماما أنه كان هو السبب فيما هي عليه اليوم
ويبدأ في لومها على كل شيء
وهو في الواقع يلومها بصدق فهو لا يتذكر وتلام المرأة التي تذيب شخصيتها نهائيا
والمطلوب هنا من كل سيدة أن تواجه طلبات زوجها بالتفهم، والتفاهم
وتجد وسيلة لإرضائه دون أن تطفئ شخصيتها

إذا وضعت زوجك فوق رأسك فلن يراك.. لأنك ستكونين اقل من مستواه.. وسيبدأ البحث عن نساء يدللن انفسهن وفي نفس مستواه
امشي كالملكة .. مرفوعة الرأس واثقة الخطى ..حينها يحدث عقلك جسدك هناك
امرأة سعيدة .. مرحة .. محبة .. واثقة ... زدها من ذلك
.. أما الصمت فهذه لغة التواصل العجيبة ..ذات التأثير العجيب
معه اصمتي ..لا تتحدثي كثيرا .. لا تسردي كثيرا ..تحتفظين بطاقتك وتزيدين
من اعجابه بك .. فاذا تحدثتي ..أوجزي وأخفضي صوتك

انا مابي اطول عليك الكلام كثير اقري مقالات ناعمة الهاشمي واعرفي شخصية زوجك من خلال بوصلة الشخصية حق ناعمة عشان تعرفين تتعاملين معاه

وزي ماقالولك لاتروحين بيت اهلك في النفاس وخليه يكون معاك قوليله هذي اول ولادة وابغاك تكون جنبي عشان البيبي يتعود عليك ومن هالكلام

واسأل الله العظيم ان يصلح زوجك وييسر لك امورك وولادتك

__________________

يوووه يابنت الحكمي .. وش كثر كنتي متعذبه
الحمدلله ربك فكك منا .. بس اكيد تنقهرين بين فترة والثانيه عشان حركتها
لما فتحت وعليها ملابس داخليه ..

حسبي الله عليها ماني مصدقه انه في حريم يرضون على نفسهم بالحرام

حاولي تقطعي علااقتك معها ولا تكلمينها ابد ولا تخلينها تزورك ولا تزورينها

الله يكون في عونك
اختي رازجي عجبني كلامك كتييييييييييييييييييييييييييييييييييييييييييير
فعلا هادا اللي بيصير الرجل بيحاول يمسح شخصية المراة بيحاول يخليها انسانة تابعة وبعدين بيدور على غيرها

__________________

سولفي معاها وقولي حاسه ان زوجي عنده علاقات
وانا جالسة اتحرى ووالله لو اكتشفت شئ لأفضحه هو وإياها
كذا لو كان بينهم شئ صدقيني بيبان برده فعلها
ورده فعل زوجك في البيت لو كلمته

__________________