اتيت من بعيد بعد اعلام أختي الغاليه عن هذا المنتدى ان فيه من يحل المشاكل وخاصه أخي البليغ الله يبلغه الجنه ولا يهونون الباقين اتمنى القى عندكم مايدلني على الخير والنجاة من عذاب الله

مشكلتي هي:اني متعلقه في زوجي وأحبه حب جنون وأفضله على العالم كله افضله على أمي وأبي وأخواتي وباقي الناس الوم نفسي فاأنا لست مراهقه بل عمري 34 وسبب حبي له هو زوجي الثاني وأنا زوجته الثانيه أنا لاأحب زوجي الأول وأنا عشت معه 11سنه بس بينا موده ورحمه ثم تزوجت هذا اول شي ماكنت احبه بس تعامله معي وحبه لي وكرهه لزوجته الأولى ومع الأيام وترقبي له من بعيد عرفت أنه صادق ويحبني أكثر من اولاده بديت احبه بتدريج واعشقه وافضله على العالم وهو نفس الشي يبادلني ويقول لي كلمات من القلب الى القلب وزوجي صادق صريح قوي الشخصيه ماعنده لف ودوران دايم يجيبني يقول نومي عند أهلك ابنام عند اولادي بعدين يدق بالليل يقول ابمرك اذا جاء قلت ليش مريتني يقول الله يلعن الحب ماصبر عنك

تتقولون وين المشكله:
1-من تعلق بغير الله عذب به
2-صرت اطيعه بكل شي
3-افضله على اهلي وصرت انطوائيه ولا احضر اجتماعات وأنا المعروفه بالفرفشه واني اجتماعيه
4-ماأفرح بتصال ولارساله ولا هديه الا اذا كانت منه
5-اذا زعل علي ولا كلمني ولاراسلني خلاص كان الدنيا انتهت واصير كل اليوم زعلانه ومالي خلق
6-درا عني اني ماصبر عنه واني افضله وبدا يتدلع ويرفع راسه علي ويتزعل
7-اهلي صارو يكرهون جيتي ومجالستي لاني دائما مهمومه وافكر فيه واناظر جوالي بس انتظر مكالماته ورسايله
وفيه اشياء كثثثثثثثثثثثثثثثثثثثثثثثثثثثثثثثثثثثثثثييييييييييي يييييييييييره لاتحضرني تكفون لاأحد يلومني لان هذا ابتلاء من رب العالمين الحب والكره الصحه والمرض والسعاده والتعاسه كل هذي ابتلاء الرجاء مساعدتي
وللعلم لي سنه وتسع شهور متزوجه تكفون لاتقسون علي وارشدوني لان حل نص المشكله اني معترفه اني مذنبه وان هالشي مايصلح وأنا ابتابع معكم اليم اتغير واتعلق بالله ثم أهلي ثم زوجي لانه هو جزء من حياتي وليس كل حياتي