لا حول ولا قوة الا بالله

والله يا اختى شىء يحزن ويدمى له القلب

ما كل هذا اهكذا يكون جو الاسرة

وحياة المتزوجين الجدد


نسأل الله له الهداية والصلاح

وجزاك الله خير الجزاء على كل ما تقومى به


ولا تحزنى على موضوع الانجاب ربما كانت
نتيجة التحاليل هى عقاب له نتيجة ظلمه
لك وتقصيره وكل ما يفعل معك

بل ربما استجاب الله دعوتك عليه يوم قلتى
يا رب اعطيه من الهم ما يشغله عنى

وربما هذا الموضوع يجعله يعود الى الله
ويتقى الله فيك ولا يظلمك ويعيش معك
بما يرضى الله سبحانه وتعالى


واخيرا اسأل الله لك التوفيق والفلاح
او يقدر لك الخير سبحانه وتعالى اينما كان

__________________

السلام عليكم...
بكمل لكم اللي صار...وهلا فيك أختي وردة بين الثلوج..والله يجزاك كل خير أنتي والجميع..ولاتنسوني من دعائكم..بارك الله فيكم..
طبعا كلامه كان مؤلم..قال أنا أحب الأطفال وأهلي ينتظرون طفل لي..أمي دايم تقول الله يرزقك..وش شعوري يوم أشوف طفل أختي..يكفي المستوصف يوم يتصلون يذكروني في الموعد معك...لعلاج العقم..يكفي كلمة العقم تتعبني...أنا كان بإمكاني ماأقول لك وأوهمك إن المشكلة يمكن منك(رغم إني سليمة)..وأخدعك وأخبي عنك!! لكن قلت لك...
سكت ينتظر إجابتي هل بطلب الإنفصال..أو بكون معه؟...أنا برضو أخواني ماتصدقون حبي الجنوني للأطفال لكن قدر الله وماشاء فعل..
طبعا وضحت لزوجي وبصريح العبارة أني أخترت الصبر..وهونت عليه..وقلت الله بيرزقنا إن شاء الله..
في نفس الجلسه قال :لازم تنتبهين لنفسك إنتبهي لازم كل شئ يكون على سنقة عشرة لأن نفسيتي بتكون تعبانه !!!! (يهددني..أجل لوقلت ياعمري أبي أطفال وأصلا أنت كلك على بعضك في عالم آخر بعيد عن القيم والأخلاق ومعاملة الزوجة بمايرضي الله..تتوقعون وش بيسوي فيني؟!!..يتكلم وكأنه موداري عن نفسه ..هوأصلا من زمان نفسيته تعبانه من زمان عصبي!!!...يعني لاجديد)...لكن ماتصدقون كيف كان شعوري حزن بدرجة كبيرة لدرجة إني أقول ليت المشكلة مومنه مني أنا..ماأدري هل أنا ساذجة أو حبه مسيطر علي...
رحت لأهلي كم يوم ..كلمني قلت له أثناء المكالمة مشتاقة لك..مارد ولاجبر بخاطري تجاهل كلمتي..طلبت منه مصروف رفض يعطيني قال (مافيه)..صار بيننا زعل..لأنه رفض يعطيني وتدرون ليش كنت أبي المصروف لأني بشري عباية لأنه يستهزأ بعبايتي ويتطنز بأسلوب...!!....وكان يقول أعطيك لو800تشرين!! ..وكالعاده أخلف بالوعد..طنشني لايتصل ولايرسل ..أرسلت ولارد..كنت أبيه يمر ياخذني..جالسه عندأهلي لامصروف ولاملابس..قلبي ينزف على كل اللي قاعد يصير..أبيه يحتويني وأبي أحتويه..لكن أعتقد أني أعيش الخيال وأطلب المستحيل..
تعبت نفسيتي ياناس والله أحبه ..أتعب إذا زعل وتركني..أدري يمكن تقولون هذا ضعف..لكن قلبي موملكي!!..إذا تركني فكل اللي بالدنيا مايحرك فيني سعادة أويحرك فيني نسيان زوجي أوتجاهل اللي قاعد يصير بيننا..أنسى الراحه أنسى الناس أنسى أكلي وشربي..وماعندي غير جوالي..أناظر فيه أترجى الجوال يدق أو صوت مسج!!...
لاحظت أمي التعب والإرهاق والحزن اللي أنا فيه وإستغربت أن زوجي ماجاء ...سألتني وش فيك؟....هنا بس بكيت ولاني قادره أقول شئ..تدرون ليش ؟..أخاف عليه من كلمة تجرحه أوتزعله من أبوي حتى لوكلمة حق أودفاع عني..
قلت لأمي إنا زعلانين من بعض...وأنه مايرد...قالت أمي أكلمه؟....ومجرد إني سمعت هالكلمه وكأن الدنيا ضحكت لي..إيه يمه تكفين.....وبسسسرعه عطيتها رقمه ..إتصلت فيه أمي....كلامه طبعا حلو مع الناس اللي غيري حتى أمي يوم خلصت المكالمة تقول ماشاء الله عليه!!!....طبعا قال لها إني أنا أبي مصروف وأن مامعه شئ ويبيني أنتظر الراتب وقال لأمي بمرها بكرة آخذها......
وطنشني ولامر ولاهم يحزنون...ووبعد 3 أيام إتصل فيني قال بمرك الليلة ..أهلي مسافرين وأبوي ماعنده أحد يطبخ له غدا!!!...تجهزت ورجعت معه...الصباح صلحت قهوته وطلع لدوام..نزلت صلحت قهوة أبوه ..وتقهويت معه..شكيت له الحال قلت ياخالي ولدك عصبي وتركني عند أهلي و..و...وقلت إني مرة تعبانه معه وإذا ماتعدل ماأتوقع إني أستمر معه..أبوه قال أنا عارف وشايف..أنا اللي قلت له البارح رح جيب زوجتك!!...وقال كلام كثير يخفف عني..
طبعا طول الأيام اللي كنت عند أهلي ومنحرقه أعصابي ..زوجي كانوا عيال عمه جايين من برا..وطايح تمشيات معهم ولادرى عن هوى داري....جلست يومين..اليوم الثاني قلت له أبغى أطلع مع أهلي وخالاتي لمنتزه نسائي..ووافق يوديني والله والله هذي أول مرة من تزوجت أطلع لملاهي..والله والله أول مرة من تزوجت يوديني زوجي لطلعة زي كذا...مايوديني إلا لبيت أهلي..طبعا الطلعة كانت اليوم الثالث بس لازم أعطيه خبر وإلا أحلم بالطلعه...وفي الليل بعد ماطبخت عشا وتعشيت مع خالي..وبعدين رجع زوجي وحطيت له عشا..كان جالس على اللاب توب وأنا معه في الصاله..ماأدري والله كيف إنفتح موضوع (سالفة الكلام اللي قاله لأخته وهي بصفتها تمشي وتتكلم) سألني من قال لك؟...
وبدأ يصارخ ويجرح فيني ويعيد ويزيد على سالفة الريحة وبدون إحترام ولاذوق ولارحمة ولاأدب ولامراعاة يصرخ::قلت لها عن ريحتك الخايسة مثل وجهك!!...وكأنه يريد قتلي ..كأنه يقول نسيتي السالفه أنا بذكرك وبحد السكين وأذبحك كأنه قاعد يقول خلاص من وين لك كل هالصبر روحي ياشيخه لأهلك....
بعد مارمى كلماته سكت..خلص..قال اللي عنده..وإرتاح..هوقالها من قبل بس شكله فنان بالتعذيب..
وقفت دخلت لغرفتي حطيت راسي على المخدة وتغطيت بكيت بكيت بكيت..بعد شوي جاء وإنسدح في مكانه ناداني ولارديت عليه(وش يبي يعني خلاص ذبحتني وش تبي ؟!)..سألني بتروحين بكرة للملاهي..قلت : لا....قال أكيد موبكرة تقولين بروح....ولارديت ونمت ولاأدري متى نمت...
صحيت بدري نزلت جهزت القهوة لخالي وصلحت الغدا ..تغديت أنا وخالي...وزوجي نايم ولاراح لدوام..
صلحت حلا ..فطائر..لأني بروح للملاهي مع أمي وخواتي وخالاتي وبنات خالتي إلى متى وأنا حابسة عمري عنده أراعيه ولايراعيني...نزل وراح لملحق أهله ومعاه القهوة...سألته بدون ماأدخل عنده تبي غدا؟...لا...<<والمصيبة يرد بدون نفس وكأني أنا الغلطانة...رجعت للمطبخ أكمل شغلي..جاء ودخل قال:ماشاء الله ليش مصلحه كل هذا؟...قلت بروح للملاهي.. قال أنتي البارح تقولين مابي أروح؟!...قلت بس أبي أروح.....قال:أوديك بس بشرط تقولين آسفة....قلت:ليش أقول آسفة؟.. قال:لأني مانمت البارح لأنك يوم جيت أراضيك مارضيتي!!!(قصده يوم سألني على السرير بتروحين للملاهي؟!.. يعني كذا الزوج يرضي زوجته؟)..يعني لازم أعتذر لأني سبب بعدم نومه..طيب من قاله يجرحني ويعذبني ويعذب نفسه... قلت:آسفة....قال:يالله تجهزي بوديك....وفي الطريق شب الخلاف بيننا ولاأدري بالضبط عن إيش هو صاير دايم كذا ..سألته إلى متى بنجلس على ذا الحال..قال:كل واحد منا عنده طاقة تحمل إلين ماتنتهي ويقول لثاني ماااابيك!!..
دخلت الملاهي(المنتزة)..يظن إني سعيدة!!...وأين السعادة لزوجة سمعت هذا الكلام من زوجها من حبيبها..
صدقوني دخلت وأنا عقلي وقلبي مومعي...تدرون مع مين؟..مع اللي قتلني وراح...كانت الساعات تمر ثقيلة موحاسه باللي حولي..أصطنع الإبتسامة..أحاول أدخل بالكلام معهم أبين إن مافيني شئ..موقادرة حتى آكل..طول الوقت أناظر بالجوال أنتظر رسالة تجبر بخاطري أنتظر أي شئ...أرسلت له رسالة وسائط حب ومشاعر ولارد..كنت أتمنى يرد بأي شئ على الأقل عشان أرتاح وأنبسط في طلعتي لكن للآسف؟؟!!..دخلت مكتبة في المنتزة أنا أحب أقرأ..وشفت كتب أعجبتني عن أشياء تخصني وأخذتهم ..ولقيت كتاب عن كيف تتمالك نفسك وتتحكم بأعصابك وشريته ولقيت كتاب اول مايشوفه الواحد يدل إنه يوحي عن الحب وهويخص الحياة الزوجية..طبعا أنا عندي كتب كثييرة..بس ماأدري ليش كأني كنت جالسه أتمسك بأي شئ..واللي شجعني إني أهدي زوجي هذي الكتب إنه هوبنفسه يشري كتب عن الريجيم يعني يحب يقرأ.. اليوم الثاني ماجاء ولاإتصل يعني طنشني ومر اليوم الثالث ملييت تعبت موقادرة أتحمل دقيت عليه ..سلمت وسألني عن حالي قلت له متى بتمرني ..تدرون وش رد:قال: وش تبين؟....هنا حسيت باإهانة وإنكسار وضعف...هومايدري عن حال الأزواج كيف يعاملون زوجاتهم هويظن إن أسلوبه طبيعي؟؟!!!..قلت أبي ملابس مامعي إلا اللي لابستهم بالملاهي... (طبعا هو قال لي إرجعي مع أهلك ونامي عندهم وبكرة أجي آخذك لأن بيت زوجي بعيد عن الملاهي ويقول مايمديني أرجع..وأهله بيوصلون بكرة يعني مومحتاجني)
برجع لكم...

عجيب عجيب جدا ......


ما أدري وش أقول لك صراحة

انصحك تطنشينه خليه يتأدب طلعي عينك الحمراء عليه والله يتأدب !!!

هالرجال قلق والله ماينفع معهم غير كذا !!

هو شايف إنك ماتقدرين تستغنين عنه فجالس يهينك يختي عطيه درس إنك بنت عائلة

وبنت ناس وطالعة من بيت اهلك معززه مكرمة يختي بدال هالرجال 1000 رجال غيره !!

أصلاً حبيبتي بعطيك قانون تستخدمينه في حل معادلة الرجال الصعبة :

المرأة القوية والواثقة من نفسها + اللي ماتبين انها محتاجة له + الكشخة = يموووتوون فيها الرجال

شوفي وش ناقصك في هالمعادلة وتقدرين تطلعين بنتيجة اوكي !!

خليك قوية ولا تراعين مشاعره عوديه على الصلابة والله خوذيها مني يتأدبون !!

دوسي على حبك له والله يجي يراكض وراك مع كذا لا تلقين له بال خليك عزيزة نفس ,, !!

بعدين سالفة العقم هذه أنتِ متأكدة منها ؟؟

تأكدي كويس من التحاليل ويفضل تسألين الدكتور بنفسك بدون مايدري ,,

كوني بخير ,,

__________________

اختي
انتي مشكلتك انك تحبيه

وشكلك مو قادره تاخذي اي قرار ضده

نصيحه مني اسمعي راي الاخوان والاخوات وطبقيه

__________________
يارب ...والباقي وحدك تعلمه

أنصحك باستشارة أحد المختصات في الشؤن الأسرية و لو بالهاتف
و عندك مراكز كثيرة
مثل مركز آسية للاستشارات الأسرية
و مشروع بن باز

و غيرها من المراكز المهتمة بالصحة النفسية
و بإذن الله يرشدونك لأفضل الحلول

__________________
سبحان الله و الحمد لله و لا حول و لا قوة إلا بالله
.

رغم كل الصعوبات ... استمتع بجمال الحياة ...

::

أشكرك

[COLOR="Indigo"]
أكمل لكم...
قال: خلاص بمر عليك بعد بكرة إذا طلعت من الدوام...في الليل أرسلت كوول مي..وحول لي رصيد.وأرسل راسي مصدع وش تبين؟.صارت بيننا رسايل.وكالعاده إهواش من بين الرسايل أنا عمري ماظلمتك ويمكن سالفة مشكلة الإنجاب بسبب ظلمك لي ودعوتي عليك..إتق دعوة المظلوم..أنا ماعمري ظلمتك ولاقصرت بشئ...وسبحان الله بعض الناس قاسي وحتى لوتجيه مصيبة ماعليه من أي شخص أذاه لكن إذا إكثرت عليه المصايب يجلس يفكر ويندم على أنه بيوم ظلم فلان
اليوم الثاني تفاجأت أرسل لي رسالة(الشغل بيسحبون سيارتي مني)(وكتب معها نفس رسالتي اللي فوق) كأنه يقول هذا ظلمك إكثرت المصايب..طبعا هوماعنده غير سيارة الشركة ولاعنده فلوس يشري
أرسلت له رسالة(ماعلية ياقلبي ربك إن شاء الله يفرجها..بإذن الله الفرج يجي من الله)
والعصر مر علي..ونسيت أقول لكم يوم قال بمر عليك بعد يومين رحت لأمي وترجيتها توديني السوق..طبعا يوم الملاهي عطاني مية ريال وقال إنه متسلفها وأنا حاسه فيه وماااااقصر والله ماقصر إنه تسلف عشاني والله يجزاه كل خير..ومابقى من المية غير30 ريال وكنت سامعه إن محل يبيع أقمشة رخيصة جدا بعشرة وعشرين ورحت لسوق وبحثت عن قماش ساده حرير وردي هذا إن شاء الله بيعجه أبغاه فستان هادي يناسبني وأنا عارفه إن زوجي يحب الجديد..يحب التغيير....
شاليهات المرسى حجزت بعد إسبوع كانت بي 400ريال تسلفت من أمي اللي تسلفتهم من أبوي رحت شفت الشالية دايم نمره وإحنا رايحين لبيتنا أنا وزوجي يعني أشوفه لكن عمري مادخلته المهم دخلته كان غرفة صغيرة ومسبح تذكرت إنه يحب السباحه..شريت شموع وإضائة الموية وحجزت الورد وقلت لأخوي هذا سر بيني وبينك والأربعاء الجاي أكيد بجيكم وأبيك تجيبني هنا الخميس بدري لأني بجهزه بكل شئ وأعزم زوجي وألبس فستاني ولاأحد يقول ليش تسوين كذا..لاأحد يقول مثل الباقين أنتي جالسه تبلطين البحر..لاأحد يقول أنتي طاشه عمرك عليه.. هذا زوجي والله أحبه وماعمرنا طلعنا مع بعض زي كذا..يمكن يغير جو..يمكن يتغير...
مرني ذاك اليوم وهوطالع من الدوام كان غييير يسألني ويسولف والله تبون الصراحه ماأدري سولف أو لا..لكن الأكييييد مزاااجه راااايق وأنا تأكدت إني أحبه والدليل إن أي شئ بسيط يجي منه (يعني بالعربي يعطيني وجه) أنبسط..وفي الطريق للبيت شفنا عجوز فقيرة..نزل وعطاها المقسوم..وصلنا بيتنا..مر اليوم هادئ..وقلت له إني شريت لك هدية(والحق يقال أكثر من مرة يهديني ..أول هدية كان مسافر..والثانية برضو كان مسافر..والثالثة كانت قرآن مررره شكلة الخارجي حلو من المخمل طبعا يكفي إنه مصحف يقول أول ماشفته تذكرتك وشريته لك..ولاتستغربون هداياه كانت بأيام يعصب فيها ويهاوش..يعني متقلب جدا..)
المهم عطيته الهدية الكتب وأعجبته وكان يضحك لأن واحد منهم كان عن النسيان عند المرأة لأني أنسى كثير ويمكن من كثر التفكير صرت أنسى..مرت ثلاث أيام خلالها قال لي ليش ماتبيعين ذهبك بسوي عمليتي(ثمان ألاف ريال)وتشرين فستان لزواج أخوك!!..قلتها بصريح العبارة آسفة أهلك ليش مايعطونك؟(أهله جالسين يدورون لأخوه على عروس توه متوظف يعني أهله معهم فلوس)(وأنا مقهوره لأن يوم تناقشت مع زوجي قبل شهور عن سالفة المطبخ تدخلت أمه وإنصدمت ذلك اليوم منها قالت بأعلى صوتها إذا موعاجبتك العيشة إتصلي على أبوك يجي ياخذك وترى فيها جلسة رجاجيل وترجيع مهر!!!) قال أهلي مامعهم وأصلا ماقلت لهم عن مشكلتي وإني أحتاج عملية ..(رغم إني متأكدة إنه مايخبي على أمه شئ..وتأكدت أكثر يوم قال بيعي ذهبك!! أكيد أمه قالت له أنا عارفه تفكيرها..أنا طيبة معهم بس موغبية..صحيح أتغافل بس موغبية )..نزلت اليوم الثاني الظهر ولقيت أمه تغسل الحوش ورحت طبخت غداهم يعني أساعدها وبعدين طلعت فوق وطبخت غداي أنا وزوجي ولما كنت عندها بالمطبخ قالت ليخالك بيشري سيارة ولازم يدفع ثمان ألاف ولاعنده وقلت له مافيه غير نوفر كل شهر ألف!!!!)أصلا من متى يتكلمون عندي بأمورهم الخاصة؟!! كأنها تقول إسمعي وأعي ياجارة..لاوقالت نفس المبلغ ثمان ألاف..يمكن زوجي قال لها إني قلت أهلك معهم؟!!..ماأدري عنهم؟!! الله أعلم بالنيات.. وكنا جالسين في الليل كالعادة هوفاتح اللاب توب وأنا جالسه عنده في الصالة والتلفزيون شغال.وفتح موضوع عمليته قلت ولاأدري كيف قلت:كيف تبيني أعطيك ذهبي وبكرة توديني عند أهلي وتقول عطيني مهري اللي عطيتك عشان أطلقك..(صدقوني ماأثق فيه والله ماأثق فيه)قلت له خلني أفكر وبشوف أصلا ذهبي كم بيجيب
والله ثم والله قررت أعطيه ذهبي لكن موعندي في بيت أهلي وقررت إذا رحت لهم ببيعه وبعطيه واللي يصير يصير الله ماراح يضيعني
الليلة الثانية إنفتح موضوع (سالفة كلام أخته)وقال أنا أبي أعرف من وصل لك الكلام؟..(أنا أول ماقلت له يوم عاتبته ماسألني من قال لك؟...وبعد فترة سألني وقلت إني سمعتك يوم تقول لأختك..وإقتنع وسكر الموضوع)..يصارخ بعرف من قال لك؟ ترى سالفة إنك سمعتينا ماخشت براسي...ويصارخ لدرجة جنونية وموأول مرة عصبيته..بتقوليين وإلا مايأذن الفجر إلا وأنتي عند بيت أهلك..قلت أنا حسيت من سوالف أختك إنك تقول لها بس ويوم واجهتك أنت اللي إعترفت..قال روحي جيبي المصحف وإحلفي إنك صادقة..طبعا يقولها بصراخ فظيع ..قلت أنا عندي عذر..طبعا أكذب لكن ماأقدر أحلف كذب لوأخسر الدنيا ومافيها مستحيل أحلف كذب مستحيل أشري الدنيا وأبيع الآخرة..صارخ علي قومي إنقلعي
اليوم الثاني صحيت صلحت القهوة وكان عنده موعد بالمستشفى ورجع كان الغدا جاهز..طبعا مانكلم بعض ولاأجلس عنده..جاء ورمى علي مية ريال وهوكان موعدني يعطيني 500ريال لأن عندنا مناسبة ومية ماتكفي..وقال مية بس ودبري عمرك..
طبعا أخذتها بنفس زينه وسكت...كنت حاسه إنه يبيني أعارض يبي مشكلة وبس...وأنا تعبانه ولاأبي المشاكل..المهم نزل وبعدين رجع وشافني كويت شماغه ومخلصه منهم كانوا إثنين..قال إكويهم مرة ثانيه كويك موزين(يدور مشاكل) قلت إن شاء الله..نزل تحت ..بعد شوي وفقت ومخططه أسوي حلا فطاير أبي أتقهوا معه المغرب وخلاص مابي الزعل ..أكره الزعل.. وقبل أدخل المطبخ رحت لجوالي كان صامت ولقيت مسج...تخيلوا وش كاتب(إجمعي عفشك كله بوديك أهلك)بكيت إتصلت على أخوي قلت له زوجي مرسل رسالة إجمعي عفشك..قال وأنتي خلاص ماعندك كرامة إنعميتي..روحي إجمعي عفشك
جمعت عفشي ماتركت ولاشئ..دخل زوجي يشوفني أجمع عفشي وساكت ويروح ينزل ويرجع..خلصت ولبست عباتي..حتى الجوال اللي هوشاريه نزلته خلااص اللي مايبينا مانبيه..إلى متى؟!
جاء وأنا جالسة عل الكرسي موقادرة أرفع راسي وأناظر فيه...ياناس لوبشوفه ببكي بتمسك فيه بصرخ عليه بقول ليش تعذبني؟؟..لييييش؟؟...وفضلت أسكت إلين يرميني عند بيت أهلي...سألني أنتي طيب تبين تروحين؟!
سألني مرة ثانيه طيب أنتي تبين تروحين؟....قلت:أنا ماجيت وقلت ودني أنت اللي ماتبيني تقول إجمعي عفشك بوديك أهلك وأنا جمعت عفشي خلاص أرجوك ودني أهلي..
قال:لا خلاص خلينا نفتح صفحة جديدة.....ولارديت عليه..لأني تعبببببتتتتتت والله ياناس تعبت ولاأدري وش أرد؟...
رجع كرر كلامه..خلينا نفتح صفحة جديدة...وكررها مرة ثالثة ورابعة ..ينتظر الإجابة ..لكن أنا موقادرة أجاوب أقول لااااا.. وإذا رحت لأهلي بعذب عمري بقول ليش ماوافقت يمكن يتغير..أقول لااااا..وأخاف أندم وأقول ليتني عطيته فرصة...
أخاااف أقول موافقه نفتح صفحة جديدة..وبكرة ينقلب علي..وأنجرح للمرة العاشرة...آآآه
كرر كلامه(يادلع)خلينا نفتح صفحة جديدة وبرضو مارديت..جلس على كرسي قدامي ,وكرر كلامه....وبكى....والله ياناس أتوقع كل الرجاجيل يبكون إلا زوجي..ماتوقعت...بكى قال أنا والله يوم تروحين لأهلك ثلاث أيام ماأقدر أتحمل وأعيش بدونك.. قلت خلاص نفتح صفحه جديدة ..بسرعه قام وراح يغسل وأنا إنهرت بكيت..بكيت على حالي..وبكيت لأني أتمنى الموت ولا تنزل دمعه منه..رجع قال إوقفي يادلع..وسحبني إوقفي يادلع وضمني قال موأنتي تقولين أرتاح إذا ضميتني ليش تبعدين عني...تدرون ليش؟ لأني مومتعوده إنه يوقف ويضمني ...نادرا جدا جدا يمكن مرة أو مرتين من تزوجنا..بكيت على صدرة وقلت تكفى لاتكررها لاتقول إجمعي عفشك وروحي لأهلك...قال أوعدك ماراح تسمعينها وأوعدك مانفتح موضوع سالفة أختي أبد أبد ..قال:توني أتأكد إنك صدق تحبيني!!!!!....ولاأدري ليش مومصدق إني أحبه وأتمنى سعادته..
طلب لنا عشا وتعشينا وكان مررة مبسوط وأنا أكثر ..وأخوي جالس يتصل وقلت له إنا تصالحنا وترجيته مايفتح الموضوع لامع زوجي ولامع غيرة... وجلست يومين أرتب عفشي..
بعد يومين..أخذت من خالتي(أم زوجي عود طبعا هي تجيبه من جارتها تبيعه بمية ريال)وأنا كنت ماخذه منها وخلص ولاقلت لزوجي لأن هذي من كماليات البيت أنا أبخر البيت غير إنه يستخدمه ..وماتوقعت يزعل..جاء عصصصصب علي وجلس يصارخ قال لازم تستأذنين..وروحي رجعيه لأمي خليها ترجعه للحرمه...يعني عشان مية ليش يكسر بخاطري وأنا لوالمية اللي عطاني معي كان دفعتها لكن المية دفعتها للعشا اللي إطلبه لأن ماكان عنده صرف..حسيت إني إنحرجت من أمه والله لوهو في مكاني كان بيسوي سالفة..المهم رجعته وفي الليل سمعت أمه تكلمه (كانت عند أختها وأختها برضو تبيع عود ومعمول)وسمعته يقول بمية خلاص يمه جيبي لنا واحد!!(بيعة سيارة !! وإلا عناد!!)العود أحلا والسعر نفسه ماعلي منه بكيفه ماراح أصغر عمري وأسوي سالفة عشان عود...قال لي إنه بيتعشا برا..قلت عطني فلوس بنزل عند البنات بطلب لهم من البقالة شئ وبجلس معهم عطاني وقبل ننزل ضمني وإستغربت نزلنا تحت جات أخته الصغيرة ونادتني بإسمي ..قال زوجي لا إسمها موكذا..هذي(وقال إسم دلع تصغير لإسمي) ضحكنا شوي وطلع(طبعا أنا كل يوم أنزل تقريبا...ويوم دريت إن خالتي موفيه قلت بنزل عند البنات وأصلح لهم عشا)(خواته بالإبتدائي وثنتين بالمتوسطة)وأنا والله أحبهم وأعتبرهم مثل خواتي وهم بعد يحبوني وماعمرهم طلبوني شئ ورفضت أوقصرت بشئ..حتى إذا وحدة منهم تكلمت أجلس أسمعها إلين تخلص رغم إن فارق العمر كبير وسوالفهم ماتناسبني لكن ماأدري ليش أحبهم يمكن من حبي لأخوهم..
المهم صلحت قهوة وجلسوا يسولفون عن المدرسه وجابوا شناطهم...وسألتهم وش تبون عشا؟..وطلبت من البقالة وصلحت العشا اللي يبونه وحطيت لأخوانهم الباقين(أبوهم مسافر)..الصغيرونه تقول ماأحبه هذا العشا وقبل أطلع فوق صلحت لها ساندوتش جبن وقلت لهم ناموا عند أختكم وتصبحون على خير..طلعت فوق..وبعده دخل وراي سألني توك تجين من تحت...قلت:إيه عشيت البنات...قال:من وين نزلت الرحمة؟!....أناإنصدمت لكن مارديت...وجلسنا شوي وهوفاتح اللاب توب...رحنا ننام...أخذ اللي يبي بسرعه وعطاني ظهره وأنا متضايقة حدي..من كلمته من أسلوبه ...من خيانته..قريت مرة إن اللي يخون وقلبه مومع زوجته فهو مايرغبها لكن ماعنده غيرها بالفراش وبدون حتى مايناظرها...زوجي كذا أصلا مايشوف وجهي معقوله يتخيل غيري..أوأنا مومهمه عنده...بكيت والله بكيت من قلب مدري ليش طفشت خلاص طفشت رحت بكيت بالصاله بعدين رجعت بنام على السرير..وتفاجأت فيه يسألني ليش بكيتي؟..وأصر إلا إنه يعرف وش سبب بكائي.. قلت أناأحتاج إنك تخمني(تضمني)..والله لايوريكم كيف رده يصارخ ويسب ويشتم..من ضمن الكلام اللي قاله أنا مومرتاح مع أهلي ولا بشغلي لأني أصلا مومرتاح معك..قلت ليش أنا وش قصرت فيه...قال بصراخ:ماأدري ماأدري..وقال إنه ضمني اليوم فماله داعي أطلب إنه يضمني الحين!!..وجلس يصارخ وأخذ مخدته وراح لصاله وبكيت حسيت إني خلاص تعبت جالس يلعب فيني وأنا تعبت أنا حتى أتضايق إذا شفته متضايق بكيفه لوسعادته مع غيري الله يسعده ..إذا يحب غيري الله يسعده...لكن لايعذبني معه..إذا أنا مامليت عينه ليش يعذبني..يتركني وربي بيرزقني باللي أملا عينه..
قلت خلاص أنا طاقتي خلصت ودني لأهلي..COLOR]

جلس يصارخ...ويابنت(........)..قلت إستح على وجهك إلا أبوي حدك..ورماني بالعقال والجزمة..ورحت للسرير ..قلت الظاهر إنك مريض نفسي كان المفروض تتعالج قبل تخطب بنات الناس..قرب عندي قال: لوسمعت حرف واحد ياويلك...
راح لصاله ونام..أنا رحت بكيت صليت إلين أذن الفجر صليت ونمت..
اليوم الثاني عادي تزينت صلحت قهوته..والغدا..لكن طبيعي مانكلم بعض ولانجلس مع بعض..طبعا كان يوم الأربعاء زيارتي لأهلي...وقف قدامي حاول يضمني..ودفيته عني..قال طيب بتكلم وإسمعيني..قلت:مابي أسمع شئ!!..
ركبنا السيارة..قال تكلمي...قلت ماعندي شئ.. وفتح موضوع عمليتة وفلوسها وإنه بيبيع اللاب توب اللي إشتراه لي هدية بعد ملكتنا وبيبيع اللاب توب حقه ....قلت أختك ليش ماتعطيك وإلا بس تكون أختك عند الحكي والكلام بخصوصياتنا!!...المهم نزلت عند أهلي وتركت اللاب توب معه ..قال: تبين الصدق لاالأم ولا الأب عليهم من أحد!!
عطتني أمي فستاني..إبتسمت يوم تذكرت إني بكرة برسل له دعوى لشالية..يمكن يغير جو..يمكن نتغير..
جلست نص ساعه ودق علي...قال:روحي لغرفة لوحدك بكلمك....وجلس يصارخ علي ..وكالعاده قال:أبي أعرف من وصل لك الكلام؟..قال:أنتي اللي فتحتي موضوع أختي بالسيارة..قلت أناإنزعجت يوم أخذت اللاب توب ..قال:لأني إكتشفت إنك ماتستاهلين الهدية وبكرة بجيب أمي وأختي تقولين قدامهم من اللي قال لك(شين وقوة عين)وسكر الخط
أرسلت له رسالة(حتى أنا بواجهك في أبوي لأنك قلت يابنت (...) و(...)
أرسل رسالة(دلع أنتي طالق)

ومستحيييييل زوج أخته يكون له دخل
ولايدري عن شئ.....لكن أخته تجيب له من السوالف والقصص كماذكرت لتبين لأخوها إنه مسكيييين وإني مقصرة
هذه المصيبه يظن أن خواته أعرف الناس بالحياة...!!!