ان شاء الله مايكون بدري على كلامي هذا .. لانه ان شاء الله حاسه بصدق نيتك وانك تبين اتوبين اليوم قبل بكره ..
بس حبيت اذكرك اختي الغاليه لو ربي باذنه كتب لك الهدايه وبعدتي عن هالشابين " كماذكرت انه سبق وابتعدت عنهم لكن تردين تشتاقين لهم وتحنين وترجعين "
حبيت اذكرك اختي انه قد يجيك الشيطان من مدخل انك خلاص زانيه زانيه ومالك طريق للهدايه ويبقى يحسسك بالذنب وانه اصلا الله ماراح يسامحك وانه راح يفضحك وانه وانه ويقول لك ويدخل في بالك كلام سخيييييف من وسواااسه .. فقط استعيذي بالله منه .. وصلي لك ركعتين ودخلي هالحرب مع الشيطان وانتي واثقه من نجاحك .. تدرين ليش ؟ لانه اصلك طيب وماضيك ابيض ولله الحمد ... حافظي على صلاتك حافظي عليها حافظي عليها .. لا تصلين الصلاه بس لاحل تأدين الواجب .. صلي الصلاه بفن وحب وتقرب الى الله وتتلذي فيه صدقيني مافي احلى من التلذذ من الصلاه ... في برنامج اسمه كيف تتلذذ في صلاتك ماذكر اسم الشيخ لكن البرنامج فناااااااااااان ماشاء الله تبارك الله .. حاولي تدروينه في يو تيوب او من اي مكان على النت .. سوي بحث في قوقل ويطلع لك ع طول ..
وان شا الله ربي يشرح صدرك ويسمعنا الاخبار الزينه .. واذكرك استررري على نفسك دام ربي ساتر عليك .. وربي يمكن مافضحك الحين لانه ليحين فيج خير وفيك الاحساس بالذنب لكن خافي من غضب الله وان تبتي انسي هالموضوع كلش ولا كانه صار ودووم قولي اللهم " اللهم انك عفو كريم تحب العفو فاعف عني " .. اتعرفين ياختي انه هالدعاء يمسح الذنب كللللللش .. قوليه مره ومرتين والف ...
موفقه ياختي والله يعيينج ..
اختك .. ام فطوومه
__________________
يارب فرج كل هموم نساء ورجال المنتدى وارزق كل بنات المنتدى الزوج الصالح ... وارزق من يتمنى الذرية الصالحة .. اللهم آميييين ...
يارب يا رحمن يارحيم يا قادر على كل شي .. يارب فرحني في اختي نايت ... عاجلاً غير اجل ...
يارب نسمع خبر ملكتها على رجل خير طيب صالح فالح يعينون بعض على طاعتك وعبادتك ...