اللي يشوف كلامك يقول انا لازقه له اربعه وعشرين ساعه
اصلن زوجي ع حبي له لو ما كان مُعدد ما كان عشت معاه وتحملته
يوم عن يوم كفايه عليا اتقاء للمشاكل رغم اني اوقات أندم اني تزوجت انسان عنده مسؤوليات لكن
الواقع يقول اني ما أتحمله مقابلني طول الوقت
لانه من النوع اللي دقيق وحريص ويحشر نفسه بكل شغله


عموما خلاص شكرًا له ولكم يا أهل المريخ ما ابغى حب
عفته .. وعفت الاهتمام

__________________

حتى الاولى بمزاجه يبغاها وان اتصلت عليه ما يرد اوقات
وأوقات يخاصمها قدامي بسبب مشاكل اطفالهم علشان كذا صرت اخاف اتصل ويرفع صوته علي قدامهم
قبل اتصل اكتب رساله ويقوم عنهم ..

ادري انه قلبه لي وهو قالي بداية زواجنا لما قلت له روح لها اصلن انت مشتاق لها
قال لو احبها ما تزوجتك

كان يقولي حضنك كفايه عندي عن كل الميزات اللي فيك احسه شي يخليني انسى كل الدنيا
طيب هذا انا وهذا حضني ... فينه ! ولا علشان نفاس !

__________________

برجع ارد بنتي طفشتني

__________________

نفس طبع زوجي وحركاتك تذكرت نفسي باول مولود لي مثلك حسيت بصدمه كيف زوجي الي يحبني ويهتم فيني ينساني عند اهلي ولايكلم الاقليل وزيارته يكون من بعيد لبعيد ولايطول اكيد كرهني وهاتك ياصباح وياعتاب وياغثا هههههه
الحين والله اضحك على تصرفاتي
بقولك ببساطه زوجك يحبك ويموت فيك لكن هذا لايعني انه يترك كل حياته واشغاله ويقابلك
وترا حركتك هذي اسمها تسول عاطفي
مررا حركه ممله وغثيثه انك بس تفكري ليش سوا وليش فعل
بدال هذا فكري من ناحيته وتعذري له مثلا قولي مشغول او اكيد انشغل مع بيته الاول وعياله او يستحي يطول عند اهلي او علشاني تعبانه مايبي يجلس كثير معي او اي شي
ولو منك اقول ليتك تجي بكرا ماشبعت منك ومرا اشتاقلك بصوت حنون وهادي واذا قال مشغول قولي ان سمحت لك ظروفك تجي ولامعذور الله يحفظك واستودعتك الله بكذا توصلين له رساله انك تبينه باسلوب لطيف بدون لزاقه وغثاثه
وعلى فكره ترا اسلوبك منفر انتبهي لنفسك
حتى لو قلبك محروق اضغطي على اعصابك ولاتبينين قهرك بالكلام لان بيطلع كلام سيء تندمين عليه
خوذيها قاعده وصلي مشاعرك باسلوب ودود ثم اصمتي ولاتعبدين وتزيدين بالكلام علشان ماينفر منك
الله يسخركم لبعض الزمي الدعاء والاستغفار والاذكار لاتنسينها تساعد على راحتك النفسيه

وانتي الصادقة ودك تكملي الخلاف وتطولي السالفه

لاتطلبي تواجده واطلبي تواجده (الاعتدال حلووووووو)


هههههه تعالي هنا فين رايحة؟!

هو دخول ال.... زي خروجه ؟!

بعد مااخذتي حب واحتواء وتفهم وجاء دورك لرد الدين

تقولي باي مع السلامة!!!!!

سددي الدين اللي عليكي اول بعدين عفي الحب براحتك

اللهم صلي وسلم عليك يارسول الله

يامن قلت بما معناه "تمتعوا على عوجها"

تجبرك انك تقول لها كلام (مبالغ فيه) عشان تسكت مبالغتها في المشاعر والحب

وتقوم بعد كذا تحاسبك على هذا الكلام!!!!!

خلاص انتهى يومك ورايح لزوجته الاخرى (مثلها مثلك) فليش اللقافه والمقارنة اللي مش جايبه همها؟!؟!؟!

ليش تجبريه انه يذكرها بسوء ويجعلك افضل منها عشان تسكتي ويقدر يكمّل حياته!

طيب اعطاكي كم كلمة عشان ترضي غرورك

ليش ماحمدتي ربك؟

ليش مصرّه تخربي على نفسك!

ليش تقولي " ماهو اللي قال انا احسن منها، ومايرتاح الا بحضني انا؟! اجل فين التطبيق والاثباتات، اريده يثبت كلامه الوردي والحالمي والمبالغ فيه والا راح انكد عليه واعافه الكذاب الخاين"

لك الله ايها المعدد

كذا كذا منكدة عليك الزوجة (مهما كان رقمها فهي تجيد اللعب في كل الخانات)

الله يخارجك من هذه الدنيا بسلام

وذنبك انك اردت تفريغ شهوتك نحو الانثى (النفسيه والجسديه) بالحلال!

الله يعينك يا اختي
ما دام مسك هذي ااجمله اعتذري عنها بطريقه غير مباشره واشرحيله قصدك
لا تتركي للشيطان فرصه عليكممن اول مواضيعك وانا ملاحظه حب زوجك لك والاحظ ثقتك في ان ميله القلبي لك والمراة لا تجامل نفسها في حب زوجها لها او عدمه فاحمدي الله ان قلبه لك واتذكر انك كنتي تقولين لن اشعر بالامان الا اذا انجبت وها هو اثبت لك حبه وانجب منك
وانه لقي عندك ما ينقصه زي اي رجل يعدد بحثا عن ما ينقصه عند زوجته وانتي ما شاء الله لقي عندك مراده بناء على مواضيعك السابقه
فلا تفرطي في ميزتك هذه اهتمي به اذا جا وانسيه اذا راح /
لان هذا طبعه زي ما قلتي حتى مع زوجته لو كان معك انتي فقط بنقول صح يحقلك تزعلين لكن دام هذا طبعه فهو ادرى بفواءد تصرفه على حياتكم

اختي مرة اخرى ما دام قلبه معك خليه يروح يؤدي ما لزوجته وابناءه من حقوق عليه
ومرده يرجع لمن ملكت قلبه كما يصرح لك كثيرا اعانك الله وحفظ طفلتك

عضو قديم
بسألك..

يعني الأفضل اني استناه الين يتصل هو ؟؟؟
طيب هو عنده قدره على التحمل مو زيي ..

موعد البنوته يوم الثلاثاء ... يمكن يأجل تواصله معايا للثلاثاء بس طويله والله

ما اقدر انام زعلانه ... مافي طريقه تخليني أتواصل معاه وأنهي هذا الحوار وما ارجع اطلب منه لا حب ولا تواصل بس ما نكون على خلاف ؟؟؟؟

__________________

انتظر جوابك

زعلانه من ايه؟

كيف تقسيم الايام بينكم؟ انتوا مو بنفس المدينة؟

كأنه في أحد جالس يمسخرني هنا !
تتكلم بلسانه وبنفس أسلوبه الساخر..
مبسوط بنفسه اني احبه...
الصباح امي ادتني إياها بوجهي قالت اثقلي الرجال مايدور الحرمه اللي تجري ورآه خليه هو يدور عليك انشغلي بنفسك وبنتك وهذا احنا حوالينك .. زوجك وعارفه طبعه مايحب كثرة الزّن وزين منه انه حظرك !!!!!!

اه واه وألف ومليون اه
طيب خلاص ما ابغى شي منه << رغم انه قلبي يقول بس ابغاه

توقعت لما اجيب النونو انساااااه وابعد وانا من الان اقول يالله النونو راح يشغلني عنه !

كلامك صح وعين الصح عضوقديم وكلامكم كلكم صح ..
لكن قلبي رهيف .. وإحساسي اكبر مني .. ادري لا هو عذر ولا مبرر لحالتي معاه لكن هذا اللي صاير ...

عضو قديم
ما ابغى بكرا افتح موضوع اقول زوجي ان سافر ما يسأل عني ..
لكن هو بيسافر عشرين يوم .. طيب كيف اتحمل غيابه ..؟
كيف أمسك نفسي عن عتابه وهو هناك علشان ما يخظرني ؟

العام حظرني وانا ما كان ليا شهرين متزوجه وما كنت فاهمه طبعه وقتلت نفسي بكا.. ولما جا بكلمتين خلاني انسى كل دمعه وندمت اني بكيت
الان راح يتكرر السيناريو بس على اخف لاني عرفته .. بس ودي اتسلح كويس علشان احمي نفسي وما يتكرر السيناريو بنفس حدة اللي فات ..
هو يحلف انه وهو هناك لما يروح مكان حلو يتمناني اكون معاه واني دايما بباله .. لكن هذا الشي ما يبينه ليا حتى رسايل ما يحب ..

بالنسبة للاحتواء والحب ترى يحلف انه ما عمره عاشها بحياته ولا حسها الا معايا .. ما اقولك كذا علشان افتح مجال للمقارنه بيني وبين غيري .. لا
اقولك هذا الكلام علشان تعرف قد ايش هو عايش بنعمه..
اخته لما تشوف احتفالاتي فيه وعزوماتي له بسناب تقول لي طلعتي اخويا للدنيا مسكين كان محروم ..
يعني عاش معايا السعادة بغض النظر عن عيوبي .. ما يقدر يهديني السعادة بالحجم اللي انا اتمناه ؟؟؟

__________________