---------

اخوي مثابر
و اختي مبتعثة

و بقية العضوات و الأعضاء ..

بجد .. ساعدتوني كثير في تخطي امور عديدة و معالجة نفسي خاصة ..
و خاصة الاخ مثابر .. كانت أسئلته عميقة و تخلي الشخص يحفر و يغوص في اعماق نفسه
و استخراج المشاعر السلبية

.
.

الحمدلله ..

نفسيتي صارت افضل من قبل ..
و ما صرت أتأثر او أتضايق من اي تصرف منهم
ما صرت أفكر كثير و الوم نفسي في اي موقف تجاههم
راحت مشاعر الغضب و الكراهية الموجهه لام زوجي .. و صرت احمل لها شوي من المشاعر ..
و هي تحسنت معاي شوي .. و ما صارت تعمل لي حركات و لا زوجها يدقني بالكلام اذا شاف تقصير من ولده

اختفى الضغط النفسي الي كان بداخلي تجاه اهل زوجي..

.
.

جزاكم الله كل خير ..
عندي طلب استشارة بسيطة بخصوص اهل زوجي عشان موقف بسيط حصل منهم

راح اكتبه في العام ..
مررررررررة مرة مرة شكرًا اخوي مثابر
لك و للغالية مبتعثة متفائلة

اصدقيني القول

نفسك تردي عليهم ولو مرة؟

اخوي المثابر


سؤالك ينقسم لجزئين ..

- نفسك تردي عليهم !؟

الإجابة و بكل صدق ( لا ) .. لأسباب كثيرة ..

و من ضمنها .. انهم جبناء و ماعمرهم واجهوني ..
- انه النقاش معاهم عقيم جدا جدا
- انهم كذابين درجة أولى و يساندوا بعض و يغطوا على بعض
- انهم ما يخافوا الله ..
- يشوفوا نفسهم دايما انهم صح ..
- انهم ينتظروا الفرصة هذه عشان يلاقوا سبب يخليهم يكلموا زوجي عني
و يضيفوا بهارات لكلامهم و يخلوه يصدق و يخربوا ما بيننا و باحط زوجي في موقف حرج
و هو ما يعرف يرد بالنيابة عني .. و هما ما يواجهوني ابدا

و الأهم .. انه مو أسلوبي و لا تربيتي و لا طريقتي .. اني اتقاوح معاهم ..

و انا الى الان .. فيه حدود بيني و بينهم ..
و ما اعطيتهم الضوء الأخضر انهم يغلطوا علي .. و ينتظروا الفرصة هذه


.
.

الجزء التاني من سؤالك ..

( و لو مرة !؟ )

انا رديت عليهم قبل كذا .. و ردي كان - مسكت - لهم ..
و ردي على حماتي اول مرة .. خلاها ترجف في مكانها ..
وهي الي كانت بدأت و غلطت علي و ما كان لي اي يد بالموضوع ..

لانه حججي اولا قوية .. مو مثلهم تحس انهم متخبطين و مو عارفين ايش يبغوا بالضبط ..
و ثانيا .. لانهم يحاولوا يرموا علي أغلاط ولدهم و يحسبوني غبية .. بس حركاتهم ما تمشي علي ..

.
.

انا بس عيبي ..
اني ما اتعلَّم من أغلاطي و ارجع اسامح و اعطي فرص من جديد ..

نفسي اعرف فين المشكلة

فاهمة حركاتهم

موقفتهم عند حدهم

طيب ايش اللي مضايقك؟

المشكلة ( حساسيتي الزائدة ) ..
و ( قلة أدبهم ) ..

اتأثر جدا و لعدة ايام .. و مع اني ما ابين لهم ابدا اني تأثرت و ما يبان علي ..
و الشي هذا ؛ هو الي يقهرهم بزيادة .. لانهم مو قادرين يستفزوني و لا يمسكوا علي اي غلط ..
و الي يشوفني يقول ( متبلدة الإحساس ) ..

.
.

اعطيك مثال ..

ابو زوجي مثل ما قلت من قبل .. بخيل جدا جدا جدا .. و ام زوجي تحب الفلوس مررررررة مرة مرة ..
و زوجي و اخوانه و أخواته .. كل كلامهم يا فلوس .. يا 18+ ..

و قبل كم يوم كنت اكلم زوجي عن الفلوس .. انه الواحد المفترض ما يكون تفكيره بس الفلوس ..
و قالي هو اهم شي في الحياة .. المال و البنون زينة الحياة الدنيا ..
قلت له .. بس مو بالشكل المبالغ هذا .. و الي فتح الموضوع؛ لما قلت له عن الملك الله يجزاه خير و تعويضه للمصابين
و زوجي يمزح و يقول لي: ليتني كنت واحد من المصابين ..

فأنا قلت لزوجي .. استغفر الله لا تقول كذا..
لو قلت لك .. اخد منك عيون .. او رجل لا سمح الله .. و اعطيك نص مليون .. بتوافق !؟
أكيد لا .. الصحة اهم شي .. و عندك نعم كثيرة الحمدلله ..

الزبدة انه انا انسانة عارفة نفسي ..
مو همي الفلوس .. الفلوس ماهي غاية ..

و الدليل اني ما تشرطت في زواجي و لا طالعت في راتب و لا منصب و لا مظاهر ..
يعني المفترض اهل زوجي عارفين الشي هذا.. و هما على العكس ؛ كل أزواج بناتهم لازم أغنياء اهم شي ..

.
.

فاللي يقهرني مثلا ..
قبل يومين ابو زوجي يتكلم مع سلفتي عن الرواتب و عن الفلوس و فيها شوية فلسفة من راْسه ..
انا كنت شوي بعيدة عنهم .. و مشغولة مع ولدي ..

ابو زوجي يطالع فيا كل شوي و يبغاني اسمع له ..
طنش سلفتي و قال لي ( ركزي معايا .. هذا موضوع عن الفلوس .. انت تحبي الفلوس !؟ )

طبعا الي ما يفهم لهم .. بياخد بظاهر الكلام ..
بس لاني فاهمتهم و كانهم كتاب مفتوح قدامي ..
فأنا عارفة ايش سبب كلامه ..

.
.

هو مقهور من ولده .. عشان ولده بيصرف علي و على اولاده ..
ما يبغوا زوجي يصرف علي و على أولادي و بيتي ..

الكلام هذا مو من راسي ..
هذه وحدة من نقاط الاختلاف بيني و بينهم و زعل حماتي ..
لاني قلتلها مرة .. زوجي مسوول عني و عن اولاده وبيته
و هي كانت مخطط انه راتبي يروح لهم .. لكن ما صار الي في بالهم ..


يبغوا راتب زوجي كله يروح لهم .. و مقهورين مني امه و ابوه ..
و انا طلعت سيارة باسمي و زوجي يسدد أقساطها و عندي ضمانات أخدتها منه ..
فمقهورين .. بس ما يقدروا يتكلموا عن المواضيع هذه ..

فيقهروني عن طريق رمي كلمات و جمل مثل هذه ..
مثلا ( اسمعي .. الموضوع يهمك .. انت تحبي الفلوس )
بينما فعليا و بشهادة كل الي يعرفوهم .. انه ابو زوجي انسان بخيل جدا ..
و ام زوجي كمان فيها طمع و جشع ..

المشكلة ماهم شايفين نفسهم ..

.
.

انقهر غصب عني ..

لاني اكل في نفسي .. و ما اكل كم يوم ..
و ماقدر أطنش و أعدي الكلمة ..

لازم اقول لزوجي و أطلعها غصب عني ..

.
.

ابغى نفسي تكون صافية تجاههم ..
بس يقهروني بالكلمات هذه الي يستفزوني بها

.
.

لا تقول لي ما يقصدوا او حسن نية او او ..

لانهم زمان لما زودوها ..
عيوني دمعت و كلمت ابو زوجي .. قلت له ليش احسكم تتقصدوني بالكلام !؟
كاني عملت شي غلط !؟ ليش كل كلامكم علي !؟

رد علي و قال ..
لانك انسانة تتحملي المسؤولية .. فتشعري بكل كلمة انها موجهة لك .. و تتحملي مسؤليتها ..
و عشان زوجك انسان ما عنده احساس و لا يتاثر .. فنحن أصلا نقصد ولدنا . بس نرمي الكلام عليك؛.
عشان انت توصليها له بدال عننا .. لانه هو ما يحس ..

.
.

و مرة زوجي قالي ..
انت غبية ..

انا ما اعطيهم أذني و مطنشششششهم ..
و ما يلاقوا طريقة غير انهم يقهروكي و هذا هو الي يبغوه ..

طبعا زوجي ما يتكلم عن اهله قدامي ابدا ..
لكن المرة الوحيدة الي قالي كذا .. بمرة من المرات ..
قبل لا انفجر خلاص عند امه و أرد عليها و أقاطعها ..

.
.

هي دحين تابت شكلها و اخدت درس ..

لكن البقية شكلهم ما أخدوا درس الى الان .. و لا يبغوا يتوبوا لحد ما يجربوني و يتلسعوا مني ..

.
.

على فكرة ..

اخر مرة قابلت أخواته في عيد الفطر ..
و دحين قابلت بس اتنين منهم ..

و امه قابلتها في عيد الفطر و قابلتها بعد العيد بشهر ..
و انا طلبت من زوجي انه أعدي و اسلم .. وأبو زوجي كان نايم وقتها .. مع انه كان العصر ..

لكن بنتواصل انا و امه بالجوال بعض المرات ..
و الامور بيننا سليمة الحمدلله .. رسميات و في حدود ضيقة جدا جدا ..

.
.

المشكلة مثل ما قلت ياخوي المثابر

انهم يتقصدوا الاستفزاز و بشهادة ابوهم و شهادة زوجي .. و من تصرفاتهم
و اني اتأثر للأسف الشديد و حتى لو ما بينت لهم ..
و اخر شي .. الاحساس بالظلم .. و عدم التقدير و عدم وجود الرابط و الجو الاسري ..
و إحساسي اني وسط ( حرب ) .. كل ما جيت اروح لهم .. اجلس ادعي كم مرة و أكرر كم مرة دعاء اللهم اكفني شرهم

.
.

اخلص منهم ؛ تجي سلفتي التانية ..
حاقدة علي بشكل مو طبيعي ؛ هي ما تقدر عليهم .. و يعاملوها كأنها شغالة ..
و انا ارفض معاملتهم؛ فتلاقيني اتصرف بالوضع الي يليق بي كإنسانة و بشر ..
مثلا كلهم جلسوا عالطاولة عشان الفطور ؛ اجلس مثلهم ..
ما اجلس مع الاطفال في سفرة عالارض .. و تشوف اخوات زوجي و امه مقهورين مني ..
و زوجي يباشرني بكل شي موجود عالسفرة ..

سلفتي التانية اذا هي رضيت على نفسها .. مو ذنبي انا ..
و مع كذا .. تلاقيني اخد بخاطرها باي طريقة ..

الرد طويل اعتذر ..

لكن كتبته و انا نعسانة و اخاف أتأخر عليك بسبب التأجيل كل شوي
و أولادي ما يخلوني اكتب شي لو صادوني و انا اكتب

خلينا نحللها سوى

انتي اللي قاهرك في الموضوع السؤال التالي :

س- هذولي عمات وجد وجدة عيالي (يعني اهل) فلماذا يعاملوني هذه المعاملة بعد العمر اللي قضيته معهم؟ ليش مايعاملوني زي بنتهم وخاصة اني انسانة طيبة واريد الخير لهم (بشكل ثانوي) واريد الخير لاولادي (بشكل اساسي)؟!!

هل هذا السؤال هو اللي متعبك؟

اخوي مثابر

انا بعد شوي رايحة بيت اهل زوجي .. عشان العيد ..
و فيه وحدة من أخواته المتزوجات الي جات من السفر و الي ممكن تدق بالكلام ..

و الله اني رايحة لهم الان و نفسي صافية تجاهها ..
حتى زوجي قبل لا يروح صلاة العيد .. قالي ايش رايك تروحي انت و الاولاد لبيت اهلي !؟
قلت له عيد .. كيف ما نروح !؟
قالي .. نايمين و لسى ما نمتي انت و تعبانة ..
قلت له .. امك تزعل .. ايش اقول لها بعدين !؟
قالي .. امي ماهي فيه و مسافرة ..
قلت له .. قبل لا تسافر قالت لي اجهز الاولاد و نفسي يوم العيد و نروح نفطر عند بيت اهلك ..
لانه عندك دوام و هي مسافرة تكون ..

سكت و ما قال شي ..

.
.

يعني شوفني كيف طيبة و حبوبة مع امه و الحمدلله ..
لانها عرفت و فهمت كيف تتعامل معايا .. و بدون حركات الدق و غيره ..

بس هي قبل لا تصير كذا معايا ..
انا الصراحة انفجرت عليها و بعدها خلاص تابت ..

تحاول تعمل معايا الحركات القديمة .. بس ترجع شكلها و تفتكر انه ممكن توصل الأمور للقطيعة
لاني ما احب أرد عليها و هي قد امي .. و لا ابغى أغلط عليها ..
ممكن اسحب نفسي اقل شي .. لو شفت منها شي لا سمح الله
.
.

انا مابغى منهم شي ..

يكفوا شرهم عني و بس ..
اذا مقهورين من أخوهم و انه بعيد عنهم .. مو ذنبي ..
حتى أخوهم التاني عزوبي و ما يسال عنهم و دايما برة البيت ..
و مالي دخل فيه ..

اذا يبغوني اخدمهم .. فلا يحلموا ..
بيت اهلي ما خدمت و لا بيتي ..
اذا هما تحركوا .. قمت ساعدت معاهم

لكن مثل الأميرات يجلسوا و انا و سلفتي نخدم !؟
ما وصلت للدرجة هذه من الغباء

يحمدوا ربهم اني باعمل أشياء لاخوهم :. و هما ما عملوها مع أزواجهم ..
كل وحدة فيهم ماشاءالله .. تسافر برة مع زوجها و على حسابه المصاريف ..
و عايشة في بيت من جيب زوجها .. و عمري ما طالعت الحمدلله ..

بس انا شايلة أخوهم .. و الحمدلله محافظة على بيته و أولاده ..
خلاص خليهم ساكتين .. و المفترض يشيلوني فوق رأسهم ..
و خاصة انهم عارفين كيف كان أخوهم و كيف صار ..

.
.

طالما انا ساكتة .. و محترمة حالي ..
خليهم هما كمان ساكتين ..

لاني ممكن انفجر باي وقت ..
لو شفت اي حركات منهم بعد كذا ..

.
.

دحين انا رايحة .. و نفسي صافية تجاه اخته ..
لكن لو شفت حركات مثل اخر مرة .. ما اضمن حالي ..

خاصة انه حركاتها تكررت اكثر من مرة ..

.
.

زمان كنت ازعل و اقول ليش ما يعاملوني كاني بنتهم !؟
لكن خلاص اقتنعت اني انا زوجة ولدهم .. و هما كذا ينظروا لي ..
و قلت لأختهم الكبيرة مرة من المرات ..
انه ابغى اكون مثل وحدة من أخواتهم و قالت لي ( صعبة )

.
.

و بعدين ما عمره احد يغلط علي و ماعمري قابلت احد زي كذا ..
عشان كذا .. ما اتوقع راح اسكت لهم المرة الجاية

يحمدوا ربهم .. اني جالسة مع ولدهم ..
و خاصة انهم عارفين بموضوع المحكمة و اني رجعت له بصعوبة
خلاص خليهم محترمين حالهم و ساكتين

كل عام وانتم بخير

منتظر نتائج هذه الزيارة

كيف كانت الزياره روح

روح ولا تسمحي لاي احد يسبب لك كابه ويضيق خلقك
الي يلقح بالكلام ولا يواجه اسحبي عليه
ولا ياثر فيك لا بحزتها ولا بعدين
اصلا مسكين هذا ان دل دل على انه سفيه وجبان
سالفه ان ارد على كل من هب ودب انسيها
فيه ناس سعادتها لما تستفزك وبتعيدها كل مره لانها حققت مرادها
الا اذا احد واجهك وقال كلمه غلط بحقك ردي باسلوب وسكتيه بدون صراخ ولا زعل
بالنسبه لسلفتك برضو احذريها
ولا تحطي ببالك انك تروح لبيت اهل زوجك عشان بس تقابليها
اصلا عيب
هو ماهو كوفي شوب تتعازمي انتي وياها عليه
بيت الحموله يظل له احترامه
واذا قعدو البنات مع اخوانهم مو مشكله
انتي بعد تلهين وتنشغلين مع عيالك ومع زوجك وانتي عندهم
ولا حبيتي لما رمت عليك الكلمه انك جايه تقعدي مع زوجك
عشان كذا برضو لا تصيري انتي نفس الشي وتلونيهم اذا جلسوا مع اخوانهم
لا تطولي قعدات معاهم زوريهم بفترات متقاربه وزيارات قصيره وانويها لوجه الله
قولي لي ليه ماحبيت موقف سلفتك
انا ياروح ماحب صاحب الوجهين المنافق
يعني تخدمهم وتطير فيهم
وتجي تشتكي لك من وراهم
ماهي ملزومه تعمل كذا
ولا حتى خوف من زوجها
بس في ناس كذا تضبط وضعها وعقب تتحلطم عند الناس الثانيين وتتبكبك
وتبين انتي الي تسوي الي هي ماسوته وتحطك بوجه المدفع
ولو تشوفك عسل معاهم تنقهر
لاتفتحين جبهات حرب انتي بغنى عنها
وماخصك بحد
ونصيحه لا تعطي الناس امبر من حجمها
وتقعدي تحللي تصرفاتهم
اسمعي من هنا وطلعي من هنا
وعيشي حياتك وانبسطي
وشوفي اولوياتك بالحياه واشتغلي عليها