بتكلم عن شخصية زوجي او اللي كان زوجي انا الى الآن ما ادري هو علي انا فقط ام هذي هي شخصيته... لكن اذكر دايمن يعصب على الهنود ويهاوشهم على اتفه شي مره قال هندي حنا مسوين تخفيظات وتهاوش معه على كذا... ابوي يقول الحمدلله والشكر لقيته مره يتهاوش مع الهنود بالبقاله!! مايتحمل احد يسأله كثير شفت هالشي لما راحت اخته معنا مره للمستشفى ومره شفته عند امه كذا.. مرة يهاوشني يقولي انتي ماتطلعي بالحوش قلت حنا بالصيف مو بالشتى نطلع الظهر نتدفى ..خذ طفلي وحطه بالشمس الساعة 3 الظهر والطفل احترق من النار!!!!!... النقاش والحوار ماينفع معاه وامه الآن تقول حنا عجزنا عنه مو قادرين عليه لأنهم يحاولون انه يرجعني ..وتقول ما جبت اعند واخبث منه...ابوه يقول نفس الكلام.. انا جربت الحيله معه بالأقناع تنفع معاه... زوجته الجديدة لا ادري هل حبيبته كما قال لي ام انه فقط يقهرني.. اليوم دقت علي وحده متصادقه معاها عندهم قالت لي -اللي سواه ما يصلح ابدا كل اللي عندنا انتقدوه يقولون بدل ما ترجع زوجتك واطفالك تروح تتزوج؟؟؟ -وماراح تلاقي زيها ((اللي هي انا))ابوه يدعي عليه يقول الله يسلط عليه...وقال لما راح يخطب انا ما راح ازوجك انت تختار.. - وان زوجته الجديده من اختياره عن طريق وحده من اخواته ....هي اخته الكبيرة.. اخته هذي لما راحت معانا للمستشفى كانت تقول له ماله داعي تنام عندها مايصلح جماع الحامل..؟؟شدخلها ما ادري...ولما اكون معاها عند زوجي دايمن تطلعني اني غلط...وبينه وبينها علاقة قويه... على فكرة اخته بنتها اصيبت بنفس المرض الروماتيزمي اللي عندي!!! اخته الثانيه كان يقولي هذي دايمن تجيب اشاعات عنك... |
زوجك مايبغى يطلقك الحين .. عشان العيال .. مشكله والله .. يعني مافي الا محاكم ..
عموماً لاتنسين تفهمينه برساله انك مستحيل ترجعين له بس خلال كلامك ورسايلك انتبهي تسبينه او تغلطين عليه لانه راح يمسكهم ادله ضدك وقت المحاكمه .. وانتبهي ينرفزك وتعلمينه انك راح تشتكين عليه .. اتوقع لو اضغط عليه طلق ...لكن ابوه مولع الحرب معاه لاتطلقها.. اصلا هو مايتصل يحاول يرجع ابدا الا مرة دقيت عليه ودق ... واليوم ارسلت له رساله اني بايعتك وماطلعت من بيتك الا بايعتك... والله متحمسه معك والحمدلله اهلك واقفين معك .. انا امي واخوي الكبير ضدي وباقي اهل امي واقاربهم والحريم يقولون اصبري عليه وكل الرجال يخونون ويخربطون ووو الخ ولازم تتحملين عشان ولدك واللي جايه ببطنك .. ويقنعوني اتنازل عن الخلع وانا قلت بفكر بعد الولاده .. لان الموعد بعيد وقلت لو تنازلت عنها عشان افتك من حنتهم واروح واجي براحتي مايعاملوني كاني مذنبه .. اهلك زي اهلي زمان كانو يقولون لي اصبري ...والان غيرو رايهم بعد ما اتوهقت الله المستعان بس لا وسمعت يقولون بنرجعك بعد مايتزوج ترجيعة ترفع الراس والا طلاق يرفع الراس... وعندهم اعتقاد كبير انه راح يندم انه اتزوج علي ويرجعلي...وقايله لهم تراني ما ارجع له ولا عاد اتقبله بجلس معلقه لحد مايزهق ويطلقني .. ونفس الوقت مابي اتسرع .. ويارب يجي ابووي ويطلقني منه انا غلطتي علمته اني اشتكيت عليه خلع وعلم اهلي وقلبو الدنيا فوقي .. لكن بصراحه احس براحه االحين وانا بعيده عنه مشكلة زوجك الزنا والأختلاط بالحرام وصراحه هالشي مخيف ممكن يضر بصحتك الله يعينك قلبي ويفرجلك عاجلا احس بحريه ووناسه وكرامتي فووووووق .. وراح اتوظف واسوي كل شي ابيه وانا معلقه لحد مايطلقني او اطلق نفسي بنفسي .. لكن مايمنع اني استانس شوي قبل يعاملوني معاملة مطلقه .. مافيها شي الطلقة بالعكس المطلقات معذبات..الله يقول((وان يتفرقا يغن الله كل من سعته)) انا مبسوطه اني مطلقة بعد هالزواج الله يفرج همك وهمي ياااارب ويخلي لنا اولادنا وبناتنا .. يارب بنتي تكون بحضانتي علطول او تصير ولد.. |
إهتمي بصحتك بهالفتره واتركي التفكير بشي بما إنك اخذتي قرارك ومرتاحه له خلاص اعتبري موضوعك منتهي علشان ماتأثرين على حملك وإن شاء الله ربي بيكون معاك في كل امورك ويعوضك بأطفالك خير ويفرج همك وهم اختنا الملاك لونا وهم كل مسلم ومسلمه يارب الملاك لونا كيفك؟ انتِ بعد اتركي كل شي واهتمي بنفسك ونفسيتك مانبغى اطفال عصبين ومتوترين من كثرة التفكيرالله الله يكون بعونكم ولاتنسوا يابنات الدعاءبهالايام الفضيله ايام رمضان وكثرة الاستخاره والاستغفار |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|