الله يعينك ..

__________________
يا رب خاتمة حســنة ، وزلفى ، وحسن مآب ..

قلقانه بجد يصير طلاق الحين
اتنازل واتصل عليه
او ايش تنصحوني
حسبي الله ونعم الوكيل

بسومه حبيبتي
عندك خيارين لاثالث لهما
وكلا الخيارين يحتاجان منك للصبر العظيم
وهذه الدنيا كلها والحياة الزوجيه خاصه بوجود الأطفال تحتاج لصبر عظيييييم وجهاد
ولك أجر ولن يضيع لك شيء عند رب لايظلم مثقال ذره

تنقلين عنده وتصبررررين ع كل شيء في البدايه حتى يتحسن الوضع تدريجيا لان أسبوعين غير كافيه للحكم بنجاح نقلك عنده من عدمه

تظلين كما انتي وتقبلين بما قسم الله لك
وتقنعين باليسير بقلب راض مطمئن وامل وتفاؤل ان القادم أفضل ولاتضغطين عليه بأي شيء ان جا هلا فيه وان راح الله يحفظه
ومعك الله في كل الأحوال لن يضيعك وذريتك فأحسني الظن به وتوكلي عليه وتعلقي به


ابعدي وتجنبي فكرة الطلاق نهائيا لوجود المحبه بينكما ولوجود الأطفال ولان الوضع ليس بهذا السوء الذي يستدعي الطلاق
وهو من سيحاسب لا أنت واهم شيء ان تكون راضيه عن نفسك تجاهه لله عليك بنفسك لله وهو له رب يهديه ويبصره مع الدعاء واللطف واللين والرفق والكلمه الطيبه



حبيبتي بسومه حااااسه فيك ويعلم الله كم انا صابره ومحتسبه ع شيء لايعلمه الا رب كل شيء لان هدفي الجنه بل الفردوس برحمة الله وليس كل مانتمناه نجده لذا علينا بالرضا بالقليل حتى لايزول الكثير

كون لك زوج يحصنك بالحلال ولو ع فترات متباعده خير من عدمه

كون لك اطفال ولهم أب يسأل عنهم ولو ع فترات خير من موته وتيتمهم

كون عندك بيت مستقل خير من وجودك وأطفالك عند اهلك ومضايقتك لهم

والنعم لاتعد ولاتحصى
فاحمدي الله تعالى واشكريه
وكرري دائما
اللهم لاعيش الا عيش الاخره
واسعدي بأطفالك واهلك ووالديك وصديقاتك
وبنفسك وبزوجك كلما زاركم وان ذهب الله يحفظه ف الله باقي وحي وغني وحافظ وارحم الراحمين ماحاجتك بأي أحد والله معك

الله يسعدك بالدنيا والاخره اختي الحبيبه ❤

والله عندي امتحان بكرا ومصيري ... بس عجزت استحمل لازم ارد عليك ... قلت لك لاتدقين عليه لاتدقين...نصيحه لك اذا تبينه يشتاق لك .. يدور وراك ... اتركيه يابنت الناس انسي ان عندك زوج .. بس اسبوعين بسس ولاتدقين عليه انتبهي من هالنقطه كلم لاتردين انتي عطيه اولادك يردون وانت روحي لااي مكان بالبيت عشان اولادك مايقولون ماما هنا حسسيه انه معدوم ومش هامك ابد .... لاتتهورين ....... اذا جاء عندك المره القادمه وبغيت تطلبين منه شي اطلبيه بوقت محدد اخجل اوضح لك مكانه ... خلك ذكيه وافهميه .....والله الحياة حلوه بس حنا نصعبها تمشي الحياة بس الواحد يشغل كيد النساء شوي خاصة زوجك شخصيته واضحه يبي حنان وجو مريح.

كلامك كله على راسي
لكن صدقيني صعبه
للعلم لما رحت منطقته هو اللي رفض اجلس
حاولت معاه رررفض قال مو وقته النقل لسى مايقدر
وفكرة اني اجلس في الشقه لحاااالي طول اليوم
وكل الليالي انام لوحدي مستحيله
مو ناقصني شي الحمدلله عشان اعيش عيشه بائسه كذا
اصبر اوكي بس كل شي وله أصوله
جماعته يتكلمون فيه وصار و بالاخير يتكلمون بأهلي
يقولون وين اهلها كيف يقبلون
وضع سخيف صدقيني وصعب وأهانه لي

صاحبة السعاده
ترى انا جالسه عند اهلي
زوجي قبل لايمشي مايقضي للبيت
ف أطلع عند اهلي انا وعيالي لين يجي
يقضي مقاضي وقت جلوسه بس
ان طلبت منه يقضيلي حق شهر
يقول اصلا مابطول راجع وبعدها مااشوف الا بعد شهر
اي بيت تتكلمين عنه
انا ماعرفت وش طعم الاستقرار اساسا

حبيبتي انتي
والله اشكرك من كل قلبي على ردك
انا دقيت امس
دامه مارد بسلامته
ماعاد بتصل فيه لو وش يصير
وناويه والله لو اتصل اخلي ابني يفتح الخط
اشوف حقيقته اذا يبيني او لا
لان كل مشكله تافهه تصير يهددني بالطلاق ياأرضى بالوضع الفاشل
او عندك اهلك
وانا هالتهديد مايمشي معي
لانه ناقص رجوله يهدد
لو عنده كرامه ورجال صح عمره ماكان أهانني وكسر لي قلبي
حسبي الله ونعم الوكيل

والله اني أهايط ع الفاضي
اضعف وودي اتصل
مااأحب الزعل
انا انسانه متسامحه مااحب هالشحنات
والله من ثاني يوم انسى كل شي
يمكن هالطبع اللي ماخلى لي قيمه عنده
واخاف اتصل يطنشني ويضحك علي بنفسه اصير مضحكه
مو عارفه كيف اتصرف
وشو الصح
بس عن قناعه ماودي هالمره يكون اتصال مني
وبنفس الوقت ودي يصير كلام بيننا
وبعدها اتطمن أنه مافيها نية طلاق
بعد كذا خلاص ماعاد اتصل
ادري كلامي ملخبط وافكاري مدري
وش تبي
😥

أختي ابتسامة ورد
باختصار
لا تعلّقي قلبك ومصيرك برضا زوج رضي أن لنفسه الخطأ بعدم العدل
أنظري إلأى كل شيء جميل في حياتك واستمتعي به
عندك أطفال معافين ووظيفة وأهل يسندوك
هذا محروم منه كثير من النساء
وكثير من زوجات الغير معددين لكن يعانون الأمرّين مع أزواجهم
اعتبري زوجك مسافرا
من النساء من تعيش بالأشهر والأزواج في سفر لأجل الوظيفة
ومن النساء من تربي ايتاما لا اب لهم
الأزمة هي في كيفية توظيف الأشياء المتاحة توظيفا جيّدا
ولا مانع من السعي لنيل الأفضل
لكن لا تجعليها كدرا يخنق حياتك وينسيك كل جميل لديك
اكثري من قراءة سورة البقرة فلها أثر عجيب على استقرار البيوت
ثم اعلمي أن لا شيء يعاقب به الزوج أشدّ عليه من أن يرى زوجته سعيدة من دونه
فكوني سعيدة ولا تجري خلفه
واتركيه يرى ذلك
وإن شاء الله تطيب علاقتكم ...

__________________

ماتشوفون أن عدم إتصالي
خطأ
وممكن يحدث طلاق
وأكون انا الغلطانه
اتركه لين متى
اسبوعين ثلاثه كم؟؟