صادقة مسك.

مزعج الريال اللي جذي.

زوجي أحياناً يحاول يتدخل في بعض المواقف بيني وبين أمي (أمه) أو خواته .. ووالله يكون بالمزح .. أو مثلاً يحصل شي ويكون لي موقف معين وإذا حس إني منحرجة يقول لي: أنا باقول لأمي .. وكلها مواقف عادية ما فيها أي مشاعر سلبية أو زعل .. وأساساً علاقتي بأهله زينة وما فيها أي حزازيات أو مشاكل ولله الحمد .. ومع ذلك ما أرضى وأمنعه وأقول له بشكل مباشر: لا تتدخل في سوالف الحريم.



لا تعطينه في الويه يا روان .. لكن قولي مثلاً: لا تحاتي ولا تشيل هم .. إحنا الحريم بنحلها بين بعض.

__________________


اللهم طِيبَ الأثر .. وحُسْنَ الرحيل.

جزاك الله خير مهره
بتبع نصيحتك

على فكره هو حجته
ابغى اشوفك احسن الناس
ما ابغى احد ينتقدك
ما ابغى احد يشيل عليك
الخ الخ

اقول له جزاك الله خير باتسامه
وانا بداخلي اقول: مادريت عن احد
اللي بيتكم يتكلم ويعطيني من حسناته

تدرين ليه يبيك تكلمينهم !
عشانه هو مو عشانك انت
عشان يطلع بصورة الفارس المغوار اللي شوفوني رجعتها وهذا هي تحابي اهلي وتبجلهم وتوجبهم لأن هالشي يعكس صورة هو يبيها !! صورة المره اللي تموت فيه وتدور رضاه !!
مايبي صورة اللي رجعت ومطنشه العالم لأنه ماماتت عليه هو اللي مات عليها !!

موقفك الآن قوي ياروان لأنه لازال يبحث عن رضاك ويستعطفك لكن بعد فترة بيتغير الموقف وبيشبع من وجودك ويبدا يفرض سيطرته .. إنتِ الآن فرصتك تضعين حجر الأساس لحياتك وعلاقاتك وحدوده وحدودك
..
قولي بكل ثقه أنا بس أقرر متى أكلم وكيف أكلم ومن أكلم وهالأمور لاتشغل بالك فيها .. وأخته اللي كانت بتزوجه لاتكلمينها وعطيه إشارة له ولها وللجميع أنك عزيزة و فيه حدود وفيه إحترام وجدارك ماهوب قصيّر عشان أحد يطمره !!
لا احد يقول ترجمي يكفي روان بتفهمها ههه
الله يسعدك ويسخره لك لكنك عارفه شخصية زوجك لذلك لاتنقادين معه بقوة وخليه يلمح فيه قوه وتغير ورفض وثقه واللي تبينه قولي ايه واللي ماتبينه قولي لا
إذا ماغيرتي شي الآن ياروان عمرك ماراح تغيرين !! وبترجعين زي ماكنتي وبيرجع زي ماكان وأسوأ برضو

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال

حبيبتي دلال كلامك رهيب
احسك قرأتي افكاري
انا اول ماجيت
جلس ساعه يسولف معي
فلانه عملت وعلانه فعلت
وفلان بنى وعلان خطب الخ
عطاني حياه اهله باربع شهور
وبعدين بدا يجملهم بعيني
وانهم يعزوني ويفقدوني
وختمها بطلباته اني اكلمهم الخ
ههههه ذكي صراحة
ماجابها دايركت
هالشي خلاني اتعذر بلطف وهدوء
بس واضح ماراح ييأس
اتوقع بكره بعده يعيد الموال
واذا ماشاف استجابه
يبدأ الهجوم: انتي ماتحبي اهلي
على اساس يطلعني شريره
واضعف زي زمان واحاول ابين العكس


لكن الحمدلله مرتاحه
لا اذيت احد ولا تجاهلت احد
ولا تكلمت بأحد ولا دريت عن احد
الله يوفقهم ويبعدني عن دوشتهم

ايوه اخيرا عرفتي سلبيتك
من زمان انصحك بها بس ماتصبرين على استفزازته لازم تنجرين وراها ...

بس حلو انك بردتي اعصابك يوم اخلف وعده بشأن العشا ..خليك كذا علطول ياجبل مايهزك ريح ..خليك ابرد من الثلج تجاه تصرفاته المستفزه

ألف الف مبروووك الرجعة حبيبتي والله يسخر لك زوجك كما تحبين
بتعرفي اذا رجع فتح الموضوع قوليلو حبيبي لو ما مر مدة من الوقت كنت من عيوني بتصل اليوم قبل بكرة
بس مش حلوة بحقي
بس ولا يهمك اذا صار اي مناسبة اول وحدة بتبارك لهم
وبس شوف بنت اختك بباركلها وبعطيها هدية
وطبعا الهدية من مال زوجك هون بتكوني قدمتي صورة لزوجك والهن وبنفس الوقت مش من مالك
هيك بتنفذي اللي براسك وبنفس الوقت بتحسسيه انو لو الوقت مختلف كنت سمعتي كلامه
فبكل الحالات بتضلي انت الكسبانة
الله يسعدك دنيا وآخرة

دعواتي ترافقك ⚘⚘⚘⚘
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

ايه والله عرفت واستوعبت
بس نسبه تحسني 60 بالمية
مابعد وصلت 100 بالميه
للحين مطيورة شوي بكلامي
بس ارجع اتوازن بعد ثواني
لكن اكتشفت شغله مهمه
الشخصيه المستفزة دواها التجاهل
بدل ما يضايقني بجمله
اطنش او ارد ببرود وهدوء
فيصير هو يتضايق ويخجل من نفسه

احنا لسى بالبدايات
بكرا يتعود على وجودي ويرجع لطبايعه
بس بحاول انا ما ارجع لطبايعي

ربي يسعدك دايما كلماتك ذوق ولطافه
انا تقريبا قلت نفس كلامك
بس بجديه شوي

وان شاء الله مايرجع يفتح الموضوع
ويستوعب ان علاقتي معه هي الاهم الان
شاكرة دعواتك حبيبتي

مو لازم تصدقينه في كل كلمه قالها بحق اهله ، هو شوهه صورتش قدام اهله وشوهه صوره اهله قدامش خربها من كل الجهات ، وبعد ما بردت حرته يبي يعدل الي خربه ويرمم العلاقات ، ردش له يجب يكون بثقه مو بتردد او بغضب

قولي له الامور بترجع لنصابها بالوقت المناسب من غير استعجال الاهم عندي الان عائلتي الصغيره وبعدها الاخرين

اما سالفه الواجب في اي فرصه قريبه وجمعه راح اهني واتحمد لا تشغل بالك بهالسوالف .

__________________
وهل من مصير اخر ؟