اعوذ بالله قلوب ماترحم
حرمه صايمه .. وعندها طفل ومعروف الطفل لحاله يبغاله جهد
وكمان تفطر كل يوم
انا عندي بنت عمرها سنه ونصف وبسببها السنة هذي مافطرت ولا احد
وعطيت زوجي انذار ما اشوف احد لانو ماعندي شغاله
ماعندي استعداد اضيع ايام فضيله بين المطبخ والمواعين
حبيبتي انتي ماغلطتي
وزوجك الغلط راكبه من ساسه لراسه
فرصه تجلسي عند اهلك تتعبدي لربك بالعشر الاواخر بدل ماتضيع عليكي وانتي تعبي كروش فلان وعلان
وتدعي لنفسك ولزوجك بصلاح اموركم

المشكلة يا مسز انه فاهم اننا نحرضها تتطلق !!! وكل سوابق زوجها السابقة غير هذي المشكلة صفها على جنب ومعلق على ليش تقولي له شوف مين بيطبخ لك بكره
احنا نبيها تعطي زوجها قرصة فقط عشان مو كل مشكلة اخذها ورماها في بيت اهلها الين يطيح الا براسه ويرحمها ويخفف من نكران الجميل ....

انا اكثر شدني انه حتى ما استنكر تصرف زوجها لما كرفها شهر كامل وهي معاها نزيف ومهدده بالاسقاط ولما سقطت رماها عند اهلها واتهمها بقتل الجنين ...طبعا هذا في نظرة عادي كلمتها شوف مين بيطبخ لك اكبر من هذا الموقف ...

يبدو انه اخونا الكريم
لا يقرأ الردود بشكل جيد و ((شامل))
فعلا خواطر صدقتي

لأن لم يلاحظ انها قالت له انها ستحضر له فطور
أرسلت له وسائل لما تركها ((اختي نريد محتوى الرسائل))
ولم يلاحظ. ان أخاها قال لها انتظري حتى يتصل
وهو قرأها اتصلي و ارسلي
يعتقد ان تنويهنا لغلط زوجها انها دعوة للتمرد و الطلاق.

__________________

انا الآن اتوقع ان زوجها منحرج جدا
و يبحث عن طريقة لارجاعها
ولربما اهله عرفوا انها ليست معه

__________________

يا جماعة اي واحد يرمي زوجته وطفله عند اهلها بهذي الطريقة ويسحب عليهم لا مصروف ولا ملابس ما عنده مرؤة وتوقعوا منه أكثر اعتبره لئيم ونذل وان أنت أكرمت اللئيم تمردا ولازم ينقرص قرصة محترمة لأن هذا اسمه تلاعب وتخلي عن مسؤولية في رقبته لين يموت واللي يقول لا تدخلوا الاهل في المشاكل كونه يتركها في بيتها اهلها فجأة وبالأيام بلا احساس بالمسؤولية هذا اقحام صريح لأهلها وطلب لتدخلهم لكن هالنوع من الرجال الفاشلين في ادارة حياتهم الزوجية يكونوا جبناء عند مواجهة الرجال وماراح يجوا الا لما يتصلوا عليهم رجال
بالنسبة لصاحبة الموضوع زوجك تعود منك الطاعة لحد الخنوع على حساب راحتك وصحتك ويوم شافك بديت تنبهي على حالك قال خليني اقمعها من البداية بدليل لما شاف رسايلك واستعطافك زاد لؤمه ولا سأل ولا رد وقال خليها تعمل حساب لأي رفض منك لأوامره زوجك مو فاهم ان الزواج اخذ وعطاء وماهي أوامر الزواج مودة ورحمة نصيحتي لك استخيري الله في كل تصرف او كلمة ولا تتصلي عليه وخلي اخوك يتفاهم معاه كيف يرميك في بيت اهلك كذا مهما كانت مشكلتكم هذا مو تصرف رجل عنده مرؤة

الله يعينك
نصيحه لوجه الله حبيبتي وحطيها قاااعده بحياتك كلها
ان صار خلاف لو بسيط بينك انتي وزوجك
لاتجين تقولين له ودني عند اهلي بزورهم
لاتزورين اهلك حتى لو طرح الفكره عليك بوقت زعل وسوى انه طيب
تحججي بشغل البيت او او
لان اغلب الرجال ع بالهم بيأدبون الحرمه يحطونها ويتركونها
عشان يقهرك ويخليك ماعاد تراددينه وطلباته أوامر ومجابه بالحال
نصيييحه عشان تحافظين على بيتك او عالاقل تكوني
سويتي اللي عليك
والله شي يقهر مافي فهم ولا تقدير من بعض الرجال
الله ييسر امورك ويفرج همك يارب

اخ بلودزر مادري كذا اسمك

المهم
انت قمت بتحوير الموضوع لشكل شخصي اقحمت نفسك وشخصيتك وصفاتك بالموضوع

اخي انظر للموضوع بكل حياديه وعدم تحيز لبني جنسك

فلتعلم انك محاسب
ليش تلغي احترامها وقيمتها وتذل نفسها عشان زوجها وهو انسان زيها

التذليل والتذلل لايحل مشكلتها

زوجها يحتاج تاديب مو شرط يفطر ناس ويكسب اجرهم وياثم في زوجته

اذا صادق يشارك بالمخيمات افطار صائم واجرها اكبر واوسع واشمل

وين حقوق زوجته لما رماها حتى بدون علمها وماكان فيه اتفاق

زوجها يتمتع بالسلاطه متسلط

ولا احد يدخل وفي يد طفله منديل يقلب البيت ويسب ويهاوش

انا زوجي يساعدني بطفلي وياكله بدالي لاني اتعب احنا نعاني

انت تقضي يومك كله في خدمة عائلتك ؟
ولا عندك وقت لنفسك وطلعاتك ووناستك

طيب والحرمه مالها حق زيك مو لها قدرات زيك وامكانات

ليش تشوفون الحرمه قوة خارقه والتقدير لها صفر

سددوا وقاربوا
تشتغل وتخدم زوجها بس بدون مغالاه بالموضوع بالحدود المعقوله
عزايم لا والف لا
مره بالشهر وكثر الله خيرها
راحه يعطيها وقتها اي وقت تبي ترتاح بكيفها

اخواتي و اخواني

الي اعترضو على تصرف اخوي
انا اخوي قلي كلام طووويل وراح اسرده لكم بالتفصيل والقصد من ورا عدم محاسبته لزوجي

اخوي سبق وصارت مشكله مع زوجته و جلست عند اهلها

وراح اخوي يرجعها وعمه ابو زوجته استقبله ودخل بنته الي هي زوجة اخوي عليه وقال لهم تفاهمو بينكم وقفل عليهم الباب

طبعا اخوي اول مره يحكيني وقال لي

لو راح يحاسبني ويجمع اخوانها وكم رجال عليه

راح اطلقها لانه بكذا بيحرجني بس يقول كبر بعيني و بنته كبرت بعيني على هالاسلوب لان الي بينهم ماوصل لمرحلة الضرب او خلاف قوي كان خلاف بسيط وحب عمه ينهيه ببساطه وبدون تضخيم للامر

هو لمن قالي هالكلام فكرت فيها

زوجي طيب وغير كذا احبه ومايقصر بشي بس عيبه لوصلني لاهلي وقت زعل يتركني عندهم

واخوي قال لي مشكلتكم بسيطه بالتفاهم تنحل واذا فيها تدخلات كل شخص راح يدلو بدلوه وتكبررررررر

واذا كبرت خلاص الرجال بيعافك بيقول ذي على اي شي بيصير بتعلم اهلها مراح تسكت
مع ان قلت لاخوي انه سبق عمل الحركه لمن سقط قالي رجع وتفاهم معاك ومشيت حياتكم صح
قلت صح
قال اذا لاتربطي شي راح بشي صار اللحين تفاهمك معاه خليه يكون على حركته ذي

وقلت له طيب عالاقل بعطيه قرصه

قال لي هالقرصه اعطيه لمن يرجعك عنده تكون بينك و بينه بدون اي تدخلات وبدون اي اهانات

هذا رده لي

مسز داني اشكرررررك من اعماق قلبي واسال الله ان يسترك و يرزقك بواسع فضله انتي و كل وحده ردت تدافع عني

رسائلي له والله ثم والله كانت كلها اني مشتاقه له وانه وحشنا واني اسفه على اي خطاء بدر مني في ساعة زعل وقلت له ماشتقت لولدك وقلت له اني احبه ومستحيل ازعله واننا مانقدر نعيش بدونه بس للاسف مارد علي

بس فيه بعض التطورات صار يرسل لاخوي الكبير رسائل دينيه من باب يجس نبضه واخوي قلي انا رديت بمثل هالرسائل عشان ابين له اني ماعرف شي


اخ بلدوزر انت كلامك صحيح ولاكن اسلوبك في الكلام هو الغلط ان تحملني كامل الغلط مع انه كذالك غلط
و والله لو كنا بين ايدي الرحمان لانصفني بدلن من حكم البشر

الحمدلله ماقصرت معاه ولا راح اقصر ليس لشي لا

لان والدي رحمه الله دايما يقلي ادفعي بالتي هي احسن مو مهم تحصليه بالدنيا لانها فانيه المهم تحصليها بالاخره

واي جديد راح اخبركم ان شالله

يعني ما هي الخطوة العملية التي ستتخذينها هذه الأيام ؟

__________________

بس احد يفهمني كيف يتركها في بيت اهلها كذا وما يتدخل اخوها او ابوها يعني هو اللي خرجها من بيتها وخرج مشكلتها وخلا الاهل يدرون استغرب وعجزت افهم كيف تقعد بذي الطريقة في بيت اهلها وما يجيبه اخوها ويحاسبه يعني مثلا يسكت اخوها ويسوي نفسه مو شايف اخته في البيت ولا تكون له ردة فعل عيب يا ناس اخذها من بيت اهلها عزيزة مكرمة ليش يرجع يرميها الا اذا ما يبيها واذا يبيها ليش ما يحل مشكلتهم في بيتهم وبينهم حتى لا يدخل احد من اهلها او اهله ويطلع فاشل ما عرف يدير امور حياته ارسل لخوك يجس نبضه لأنه عارف انه غلطان وماهي سوات رجال انه يتركك وولدك كذا ويثاقل عليك لان شاف منك رسايل وحب واشتياق قال خليها تخاف بعدين
شوفي انت لازم تحافظين على بيتك وزوجك وهذا الموقف فكري بذكاء كيف تخلينه درس له ولك كيف يقدرك ويحترم اهلك وكيف ما يكلفك فوق طاقتك وكيف انت تتصرفين وتتعاملين معاه ولا ترى بينقلب عليك وانت مكروفة ومذمومة استخيري وفكري مزبوط وعزي نفسك وفي نفس الوقت حافظي على بيتك