اكتب لكم وانا الدموع بعيوني صار شي غريب
كنه فيلم هندي

شوي وبرجع اكمل وارد على باقي الردود
لكن شكرا لكل من وقف معاي و ساندني و حس فيني
جزاكم الله كل خير

اختي اسجدي لله
فهو يعلم مافي ضمير الصامتين
متابعة معك منذ البداية

__________________
الحمد لله..اللهم صل على محمد و ال محمد

التفريغ المنهجي

و نعم بالله
خير رفيق وحبيب وصديق و سند

غبت عنكم لاني رحت أسجد له

جزاك الله خير لأنك ذكرتي الله ب ردك

خليني اقول لكم ايش صار معايا خلال هالساعتين

كنت قافله على نفسي الباب و اخوي صار يطلع ويدخل
ويقفل البيبان بققققوه من العصبيه وانا خايففففففه خلاص الدموع ب عيني !

جلسنا كذا ربع ساعه
بعدين بكيت لأن اختي قالت : اكيد عمي دخل و عطاه الفلوس
قلت لها : صح كلامك و اكيد بياخذها له

خلااااااص ضاقت فيني حسيت كل شي تقفل
وجوالي مافيه رصيد و عمي الثاني ينام بدري ( اللي يدري بكل الموضوع )

..

ضاقت فلما استحكمت حلقاتها فرجت وكنت أظنها لا تفرج

فجأه اسمع صوت ينادي بإسمي مررررررره خفت
قلت لأختي لا تردين

والصوت يناااااادي يناااادي مستمر
لما دققت لقيته صوت عمي ( اللي جاي يعطينا فلوس )

فتحت له وانا ميته خوف
ابتسم وقال شفيكم ؟؟
ماتبون تفتحون لي ؟
( و واضح من ملامحه انه وجهه مقلوب و اخوي قال له )

قال شخباركم و مد يده يسلم !
وانا التفت لأختي اقول لها وريه وريه
وهي ساكته وانا اقول لها ب تورينه ولا اوريه
ورفعت بلوزتها شوي مكان الخصر اوريه اثار الضرب
و انا أأشر له على وجهي اثر الكدمات والصفعات على خدي و عيني

قلت له شوف اخوي ضربني و اصييييييح
ع طول ضمني

قلت له خايفه منه وقعدت ابكي ابكي وهو ضامني ويهدي فيني
قال لا تخافين .. تخافين منه ما يخوف ؟

هو بس خايف عليكم انه طلعتوا مع السواق
قلت له : بس احنا مستأذنين من ابوي وقلنا له
قال انا مالي دخل بأبوي
وبعدين هو ما يطلعنا من بعد يوم العيد وهو حابسنا

المهم قام عمي قال بنبره حازمه : مشاكلكم المفروض ما تطلع
انتوا اخوان تتهاوشون و ترضون مهما يكون

المهم ظلينا نتكلم معاه مده قصيره وهو واقف عند باب غرفتنا
وانا طول كلامي ارررررجف من الخوف وابكي خلاص احس تكسر كل شي فيني
عن جد ارعبني

يوم شافني ما هديت
قال البسي عبايتك بسرعه وشيلي اغراضك
وتعالي بسرعه برا انتظرك

لبسنا عباياتنا واحنا نبكي
وصادفنا اخوي بالشارع ومعاه عمي
وعمي يعاتبه يقول له والله عيب عليك مهما يكون خواتك
وهو يقول والله ادري اني غلطان بس هم نرفزوني

المهم شافنا اخوي ومسوي يعنني عادي قال على وين يابنات
قال له عمي وهو مبتسم باخذهم معاي نتعشى ونسولف شوي وننبسط
تعال معانا
قال له لا شكرا انا بطلع اتعشى

دخل عمي السياره
قال طيب يمكن انتي ظلمتيه يوم قلتي ما يعطينا فلوس
يمكن ماعنده
قلت له مافي انسان ماعنده ويطلع كل يوم
والدليل توه قال لك طالع يتعشى
ولا حتى فكر يمر ع خواته يسأل عليهم كلوا ولا لا ؟؟

المهم وعمي سألني عن كل شي
وقال لي انا بالبدايه لمتك انتوا خبرتينا توقعت هوشه عاديه
ماتوقعته شوهكم كذا ، ماتوقعت اللي بوجهك منه

بالعكس تصرفك صح
قلت له اساسا انا ما دخلتكم بالموضوع الا لانه ابوي مو موجود
و راح يطول ب سفرته
واخوي عطاني مهله 3 ايام قال لو قهرتيني ب شي خلال هالمده
ب ارجع امد يدي
وانا حابسه نفسي بالغرفه يومين من الخوف تعبت نفسي
بعدين لازم احد يتصرف
وانا مسامحته ولو غلطت بعتذر بس مابي يمد يده علي مره ثانيه
قال لا ما بيمدها ان شاء الله


وتناقشنا كثير وسولفنا وضحكنا و ودانا بنده نتقضى للبيت ونتعشى
اللي طلع فيه من الموضوع انه قال :
تصرفكم وطلعتكم مع السواق لو انا مكانه بنقهر ترا
قال بس ما يحق له يمد يده
وسالفة تنظيف البيت ما تستدعي الضرب لانه بيتكم مافيه الا انتوا
وانتوا كبار مو بزران توصخون البيت

وبيتكم طول الوقت تقريبا نظيف
بإيش بيتوصخ
وقال اي شي تحتاجونه كلموني ، فلوس طلعات
واذا مارضى يطلعكم كلمونا حنا عمامكم

قلت له طيب امانه شرايك بأفكاره
قال والله مو صاحي المشكله أفكاره مو على عمره يعني عيب
قريب يدخل الثلاثين

قال لي ايش بتسوين لو تدخلوا خوالك و راح حكى لهم
قلت له مايقدر يحكي والله لا يذبحونه لو درا انه مد يده
انا دخلتكم انتوا لانكم بتتفهمون اللي صار ، خوالي ماعندهم بهالسوالف


وقلت له انو لما دخلوا علي الحراميه وانا لحالي قبل اسبوعين
رحت ماحكيت لاحد عن هالسالفه و راح اخوي نشرها
( من باب ماله داعي اخليهم يحشون ف اخوي ويتكلمون عليه )

قلت له بس تدري خوالي نادوني هذاك اليوم كلهم
دخلت عندهم المجلس
قالوا لي ما يستحي اخوك ؟ شلون يدخلون وانتي بالبيت ؟
قلت لهم نسى الباب مفتوح
قالوا تشيلين اغراضك وتجين عندنا خليه يولي

و رفضت انا بأدب

وقال لي عمي لاتروحين معاه برا
قلت له اكيد بعد الكفوف اللي خذتها هههههه
قلت له عاد وناسه هناك حقوق انسان وشرطه و سجن
قال لي لا والله تكفين لاتفشلونا هناك
يجي يعطيك كم كف لانك ما ذاكرتي هههههه


المهم دلعنا و مشانا وعطانا فلوس وعشانا
و لما راح دق يتطمن علينا
((( كذا المسؤوليه )))

قلت لعمي شوف اذا يبغى يتحمل مسؤوليتنا
يتحمل كل شي ولا يشيل يده ويخليني اتبع شوركم و شور ابوي بس
وهو ماله دخل !

و الحمدلله تقريبا انتهى الموضوع ع كذا
بس باقي عمي الثاني بيناديه ويجلس معاه بكره ويناقشه بأفكاره وينصحه !


الحين انا مره متوتره من ردة فعله ......
و بس : )

الحمدلله هههههههههههههه
ربي ارسله لك ..
لاتستفزينه وخليك هاديه ..
وان شاء الله تكون اخر مره ..
ولازم اللي يتكلم معاه يتقهم شخصيته عشان يكسبه
ويقنعه مو فرض بالقوه لا تمد يدك وخلاص ..
الحمدلله اذكري ربك ونامي وارتاحي وعمك الثاني جاي يكمل الموضوع وينهيه
ان شاء الله ،، دعواتي لك يائمر ..

__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]

أنا ماكنت معاك من بداية المشكلة .. ومالة فايدة ردي بس إلا بـ أرد : )
صراحة موضوعك غريب شوي وشدني .. صحيح تصير مشاكل بينا وبين اخوانا بس ماتوصل للضرب ،،
الله يهدية .. اجمل مافي الموضوع وقفة عمانك معك ، وانهم ماتخلوا عنك الله يخليهم لك ..
صدقيني اختي الحياة ماتكمل لأحد بس انتي الحمدلله ناجحة في كل جوانب حياتك إلا مع أخوك
يعني اخوي ولا أم او ابو او زوج ...
وبما اني قريت كل موضوعك اهنيييك كثير تبارك الرحمن على حرصك ع الدين وع تطوير نفسك
واشغال نفسك بالمفيد ...
بيني وبينك انا كثير اتحسر ع نفسي وفي اشياء كثير اتمناها ويعجبني نمط الحياة اللي كذا ..
بس حاليا بيت وابناء وزوج بس ولو لو أحصل الحد الأدنى بس ماآقعد مكتوفة اليدين ..
كني طلعت عن الموضوع .. معلية اعذريني بس مكتئبة من وضعي وجيت افضفض في موضوعك ..
ع العموم حابة افيدك بالنسبة لأخوك وماقريتة عن شخصيتة ...
انتي تصرفك صح بإدخال طرف ثالث في الموضوع لان الموضوع قوي والضرب مو شي سهل يعدي وخلاص ..!
بس في نقطة ليتك تنبهين اعمامك عليها ، اذا نصحوه يستخدمون الفاظ مثل انت رجال
وماهقيناها منك .. وماشاء الله عليك سمعتك زينة ويعتمد عليك ماتوقعنا يطلع منك كل هذا ..
اهمال وضرب ووو ...
يعني يلعبون ع الوتر الحساس منها قرصة اذن ( انو ياويلك ان مديت يدك على اختك ومن هالكلام )
ومنها مايكسرونة ويعاملونة مثل خوالك اللي كلامهم اساس معاملتة لك بهالشكل هالكلام والتحقير والتقليل من الشأن )
احنا صحيح نعامل الطفل بهالشكل لما يكون يغلط كثير نحاول نعزز جوانبة الحسنة وانك افضل واكبر من إن تتعامل بهالأسلوب وانت شاطر ورجال وكذا .. بس مايمنع اننا نتبع هالأسلوب مع بعض البالغين ..
خصوصا اللي عندة عقدة نقص وامور انزرعت فية من الصغر خلتة يطلع بهالشخصية المتناقضة نوعا ما

طولت عليك بالكلام بس ماحبيت اطلع من موضوعك بدون فايدة ..
الله يوفقك يارب ويهدي اخوك ويردة للصواب .. مافي اجمل من انك تكونين سبب في هداية
اقرب الناس لك واصلاح خلل شخصيتة او تخفيفة ع الأقل ..
في حفظ الله .

__________________
سبحان الله وبحمدة .. عدد خلقة .. ورضا نفسة .. وزنة عرشة ..ومداد كلماتة

هو الحين بيخلي المشكله بسيطه وبيقلب الطاوله عليكم وانكم غلطانين والضرب هذا كله بسبب السواق ..
واشوف لازم تمسكين دليل ( تسجيل صوت ) انه قال بيرجع يضربك او بيشوه سمعتك عند خوالك او او او
لازم يكونون بالصوره عشان مايلومونك ليش دخلتي عمامك
اهلك متى يرجعون ؟
وايش تتوقعين ردة فعل امك وابوك ؟

ههههههه الحمدلله هذا من فضل ربي
ثم فضل الدعاء والاستخاره واستشارتكم

- ممكن يكون دافع من دوافع اعتذاره خوفا من ابوي
لانه طول ب اعتذاره جلس يعتذر فوق ال 3 ساعات - يعني احتمال وارد
و الله اعلم ب نيته
لكن اللي متأكده منه انه فعلا يحبنا وفعلا كان يبغى يعتذر عشان ما يخسرنا

وعشان كذا انا انجرحت و زعلت عليه لما قلت له ما نبغى نكلمك
لاني عارفه انه يحس نفسه وحيد دايماً ويحاول يحسن علاقاته ب العايله هالسنه
عشان يوخر هالشي
لانه قد قال لي هالشي قبل فتره !

- ماراح اروح معاه باذن الله
وانا عارفه لو جا الوقت وطلعت الاسامي راح يحاول يلطف الجو
ويبين ان الموضوع عادي ، لان هذا اللي سواه مع عماني امس
لكن ماراح اروح خلاص

- ههههه بالنسبه لزوجته هو يقول ماراح اتزوج الا بعمر ال 40
ويقول لو يوم قصرت بالتنظيف راح اكسر عظامها و اطلقها
بس انا عندي احساس ان راح يصير العكس معاها تماما !!

يعني مدري احس واضحه شخصيته
ما مد يده علينا الا بغياب ابوي كذا مره - هذا معناه انه لو ارتبط
واكيد عارف ان زوجته وراها اهل و اخوان ماراح يسوي معاها اي شي

- عجبتني جدا ردة فعل ابوك ماشاء الله
تدرين على طاري الطرد ابوي مره قبل يمكن 7 سنين
فتح الباب ع غرفة اخوي وهو نايم و سحبه من ملابسه و طرده برا
لانه كان ما يصلي حتى الجمعه

وانا انجنيت انا واختي بكينا و دخلناه من ورا ابوي

ليش يسوي كذا معانا
يمكن طول هالسنه يقول انا اخوكم وبكون سندكم و عزوتكم
احس مهما صار ماراح اعتبره بالنسبه لي سند بعد الموقف
ومهها رجعت علاقتنا ما راح ألجأ له لو احتجت لموقف رجل يحميني
لانه عيشني فتره مو بسيطه ب خوف منه و عدم امان !!

صورت كلامك و احتفظت فيه ب جوالي
لانه رفع لي معنوياتي كثير !

شوفي زي اللي احس صار في غشاوه على عيني
انا محبوسه وبدون تيلفون و ماعرف لمين ألجأ من اقاربي
واخوي جلس ينتقدني بكل شي بحياتي 3 ساعات يعتذر و ينتقد !
تعرفين اللي احس تلخبطت
صرت احس العالم حدوده اخوي و تفكيره !

لما طلعت مع عمي امس
ولما كلمت عمي الثاني
وطرحت لهم افكار اخوي 1 2 3
ارتحححححححححت لما حسيت في ناس تأيدني انه مو طبيعي
و انه افكاره غلط !
وانه اللي انا كنت افكره و اعيشه و ابني عليه حياتي سنين
ك افكار انه الرجل المفترض ما يمد يده على الحرمه
ما يسبها بكلام قذر
ما يرميها بالأيام ويصيرون اصحابه رقم 1 وهي تكون ب حمايته
ما يطلب منها اي ريال حتى لو عندها مال قارون الا ب رضاها و يتولى هو الصرف عليها

ارتحت لما كلمت عماني وحسيت ان العالم فعلا نظيف و أبيض
ولسه فيه خير وان الأفكار الحلوه اللي كنت افكر فيها موجوده ولسه تتطبق عليها !

شكراً لأنك دعيتي لأبوي الله يجزاك خير
هو اللي له الفضل بعد الله بكل شي حلو بحياتي
لأنه هو الشخصيه المحوريه الوحيده بحياتي اللي آمنت فيني و صدقتني و وقفت معاي و شجعتني بكل شي + اختي الله يحفظها

والله لو اقولك ب إيش دعمني ما بتصدقين
بتقولين مافي رجل بمجتمع مغلق ومحافظ ب يدعم بنته ب شي زي كذا

- والله يجعل بناتك افضل مني و تقر عينك فيهم ويرفعون لك راسك يارب