المشاركة الأصلية كتبت بواسطة هانديا

المشاركة الأصلية كتبت بواسطة أبوفواز

المشاركة الأصلية كتبت بواسطة صمت الحنان

والله انا لي ثمان سنين متزوجه وزوجي مفتون سياحه مو مقصر معي ولله الحمد لكن انا مثل زوجتك من اول سنة زواجنا لما قال بيسافر مع ربعه زعلت وبكيت اولا لاني ما اطيق فراقه ثانيا لاني اخاف عليه من الفتن لكن بالرغم من انه يحبني لكن ولا مره عطاني وجه ولا استجاب لي ودايم يقول الطير مايحب ينحبس يسافر وانا مش راضيه ودايم ازعل وارجع ارضى بعد مايعود بالسلامه طبعا هو ملتزم ويخاف الله وانا واثقه فيه لكن مع الايام عرفت ان الر جال فعلا ماينحبس وانه يحتاج لتغير الجو والسفر بدون عياله لانه طول السنه مسؤليه وعمل وضغط نفسي فا وين المشكله في انه يروح ينفس عن نفسه لوحده بدون مسؤليات لكن هل زوجتك طبعها مثل طبعي يعني ممكن ترضى مع الزمن وتلين ولو سافرت انت وهي مش راضيه لوين ممكن يوصل حجم الزعل عندها اخاف انها من النوع اللي ممكن يكبرها ويخليه مشكله كبيره بالمره ولا الصدق مافي احلى من ان الرجال يسافر والمره تروح عند اهلها هي تنبسط بهم وهو ينبسط مع ربعه لكن احرص انها تكون راضيه لان زوجي مايسافر الا لما يسمع كلمة الرضا مع انه يدري انها من ورى قلبي ويعرف اني بصراحه ماني راضيه لكن عندي مبدأ انه مافي شي بالغصب وانه اذا ماسافر بيظل متنكد وضايق صدره وفي هالحاله انا وش بستفيد اسفه طولت عليك

المشاركة الأصلية كتبت بواسطة ماريا 13

المشاركة الأصلية كتبت بواسطة الولد الرزين

أول رد أشوفه فيه عقل وحكمة ومنطق الله يزيدك..

وصراحة أغلب الردود يتكلموا وواضح جداً نقص العقل فبهم..

يعني الوحدة تفكر علشان تزوجت من شخص يعني خلاص صار عبد عندها يمسح حياته اللي عاشها كلها من يوم ما تزوجها ويكون لها لوحدها صدقوني هذا سبب لكثير من المشاكل بين الزوجين الوحدة مو عارفة إن الرجل يختلف بشكل كبير عن المرأء ما أبغى أتكلم كثير في دا الموضوع الأخت ما قصرت أعطتنا الزبدة بس أنصح كل اللي ردوا عن جهل يثقفوا نفسهم شوية ويقروا بدل ما هما عايشين في جهل..

يعني دحين الوحدة بتمنع زوجها خايفه عليه من الفتن والمغريات ما هوا إنسان عاقل وناضج ومسؤل عن تصرفاته وهو اللي راح يتحاسب ويتعاقب يعني إذا بتسوي خير تنصحه بأي طريقة أما إنها ترفض وتزعل فأكيد هذا من باب الغيرة الغبية ولا عاد تتحججوا بالله لو سمحتوا بالمغريات والفتن..


وبالنسبة للأخ صاحب الموضوع أنت لا تطرح الموضوع إنك بتستشيرها إنت تقول لها إنك راح تسافر يعني مجرد تعطيها خبر يعني مالها حق أصلا ترفض ولا تقبل ولا لها رأي أصلاً في دا الموضوع بس أكيد هيا من باب الغيرة عليك راح تزعل وتتضايق هنا يجي دورك (ركز تزعل وتتضايق لأنك راح تسافر مو تزعل لأنها رافضة) عاد بأسلوبك تبين لها إنك رايح مع أصحاب محترمين وهدفكم السياحة وتغير الجو ومن دا الكلام وتعطيها من دا الريق الحلو وتسافر تتوكل على الله أنبسط وغير جو طبعاً هذا بناء على كلامك إنك سفرتها قبل كذا وبسطتها وعودها هذا شئ طبيعي إنك تسافر مثلا سنة معاها وسنة مع أصحابك..

المشاركة الأصلية كتبت بواسطة *( ملاك )*

المشاركة الأصلية كتبت بواسطة دلوعة الناس

والله من حقها ترفض ..
لاني حسب وجهة نظري أشوف سفرتك مع ربعك مالها اي داعي , دامك الله يجزاك خير مو مقصر معاها وقاعد تسافر ومونسها خلاص يكفي , ما يحتاج تسافر مرة ثانية , ولا انت عايش عشان تهايت من مدينة لمدينة !!!!!!

خلاص يكفي انك تجتمع مع ربعك بالاستراحات , أما سفر الشباب مع بعضهم مالها أي داعي ..

والله يهدي كل شاب يارب ..