أشكرك اخي الغالي ابو فيصل

فأنت اول داعم لي في موضوعي وانت والاخوان اكبر حافز

كما اشكرك على كلماتك الجميله فهي بلسم ,, شكراً

شكراً على اطرائك شخصي الكريم
الموضوع معقد نوعاً ما لشرح كل شيء ,, فالموضوع رد ليس كافي له
لكن سأجاوب على اسألتك


1/اسم المعهد وهل ترشحه وكم مدة دراستك في هذا المعهد..؟

اسم المعهد ( KGIC ) وانا من اكبر المؤيدين له في بداية المشوار في اللغة , ومدتي فيه 5 اشهر وقابله للتمديد " لكن احذر من دفع المبلغ كامل فـ الدفع اجعلووه شهري " متى مابغيتوا تغيرون براحتكم ماتصيرون ملزومين بعقد

2/طلعت من السعوديه عن طريق أي مكتب مثلاً الطيار أو العامودي ..؟

مكتب الفادي على طريق الستين بالملز خلف كرسبي كريم

3/هل بالإمكان مستقبلاً إني أسكن مع نفس العائله إلي ساكن معاهم إذا درست في نفس المعهد وكيف يكون ذلك ..؟
(علما أني حاليا أدرس دورات لغة انجليزيه في بلدي استعدادا لدراسة اللغه في كندا)

بخصوص العائلة اكيد ممكن ,, لكن لابد تضحي بشيء مقابل شيء , تضحي بالقرب مقابل افضل عائلة موجوده على حسب ظني
فهي بعيده نوعاً ما عن الداون تاون


اتمنى افدتك ببعض المساعده ,, واي اسئله انا حااظر


-----------------------------------------------------------------



اشكر كل من رد على موضوعي واللي ماقدرت اجاوب عن اسئلته ياليت يراسلني على الخاص عشان انتبه , بعض الاحيان اقرى الردود بالمعهد وعلى عجله ولا يمديني ارد
اشكر كل متابع لموضوعي واتمنى يرتقي لـ مستواكم ومستوى المنتدى اخواني الكراام

السلام عليكم ورحمة الله وبركاته

صبَاح / مسَاء الخير

[ نبتعد عن المقدمات ونتغلل بعمق الموضوع ]

------------------------------------------

[ توضيح للي يقوول طولت علينا والله مو بيدي / وبخصوص اللي يقول ماصارت يوميات المقصود باليوميات احكي لكم يومياتي لكن موب شرط يكون كل يوم جزء ]

نكمل من حيث توقفنا ,, بقد ماشفت الثلج بالليل وكان ويك آند وماعندي شيء قررت اطلع النهار اتمشى واشووف الثلوج بالحاره , وكانت الثلووج طوال الليل بدون توقف , المهم اول ماصحيت كانت هذي اطلالة شباك الغرفة :$


1- من اليسار






2- حديقة الجيران






3- من اليمين





طبعاً تواسيت وافطرت وتقهويت " قهوتهم موب حقتنا " وطلعت :



4- مقابل البيت , وصوره للشارع





5-






6-





7- اعجبني لون السقف بعدما كان بني






8- فالطريق للبحر المجاور للبيت






9-






10 - اول ماوصلت البحر ويتبين تحوول كل الالوان للأبيض حتى الجبال - سبحان الله -







11- صورة توضح تغير لون الجبل الاخضل للأبيض







12- عاش عاش :$ " وتراي بالع حرف " pb034






13-







17 - snow man






18-







19- رجل يجرف الثلج عند الباص ستوب " طبعاً فالطرق كل ساعه او ساعتين فيه سيارات تنظف الطريق






20- في طريق العودة






21- بزر يتزلج بس عجبني شكله , ولا امداني القط سفطته اخر شيء X_X







---------------------------------------

طبعاً فـ الليل كان فيه حفله من الملحق الثقافي في فكتوريا " النادي السعودي " فأتصل علي ابو ساره - المسؤول على المسابقات الثقافيه بالنادي وقال لي نبغاك تساعدنا ناقصنا واحد ورحت ووالله ماقصروا الشباب وسعوا صدورنا :


1- جانب من تجهيز الشباب للحلويات







*- واجهة الصالة








2- كلمة الدكتور خالد خياط - رئيس النادي السعودي -





3- جانب من فعاليات الشباب وفعاليات الاطفال بالخلف





4- ابو ساره وتقديم البرنامج الثقافي






5- ضاقت اشووف هالصووورة وانا جوعااان :"(






6- :sm1:






---------------------------------------



طبعاً الثلووج اللي تشووفونها بحينا ماجاء مثلها بالداون تاون ولا نصفها جاء شوي وبعض المناطق , لكن اول يوم من الاسبوع - يوم الاثنين - جاء ثلج فـ الداون تاون

1- فكانت هذي اطلالة من شباك الكلاس بالمعهد ,, والله اللي موب مدرستي بالرياض افتح الدريشه يلفحك هواء حاار ويقلب لونك على طوول << فديت مدرستي بالرياض بس , لها وحشه







3- هذا هو الطريق من الباص للمعهد ادخل فـ الممر pb189





---------------------------------------


في يووم من الايام كان يوم الثلاثاء ,, قالوا لي العائله عندنا دعوه في حديقه " The Butchart Gardens " اكبر وافضل حديقة زهور بالعالم ومن ضمن الدعوه بوفيه مفتووح ,, طبعاً الوقت اللي رحنا لها كان بالليل وكل شيء مغطيه الثلج وكانت الانوار بكل مكان حتى من تحت الثلج فيه اضاءة وطريقة ترتيب الاضاءة عضيم
طبعاً الحديقه كبيره وكانت منزل لشخص وزوجته واذا ماخاب ظني من ايطاليا ,, وفي عام 1904 قرروا يخلونها حديقه عامه ومع الوقت تتطور ومسماه على اسمهم / فيها اكثر اصناف الزهور بالعالم ومن كل انحاء العالم

طبعاً تعرفوون عجاز ومامعي ستاند والتصووير بالليل كيف طبعاً التصوير مره سيء لاكن اوعدكم ازورها بوقت ثاني وامخمخ لكم بالصوور


1- اول ماندخل الحديقه





2- شعار الحديقة





3- اطلالة جميلة





" طبعاً فيه مناظر والله عجيبه وجميله شلالات وبحيرات ونوافير وهدووووء لكن من كثر ما طارت بووهتي انسى اصوور << الله لايلوومه من هبايب نجد لـ حدائق فكتووريا - فديت نجد والله -


-------------------------------------------

بسم الله الاسبوع الجاي ببدأ اداوم في لفل جديد بعد آخر اختبار شهري ,, أبنتقل في الاربع مواد لمستويات جديده الله ييسر ويعين


-------------------------------------------

وبكذا انتهي من هذا الجزء ,, اتمنى يرتقي لذووقكم الرفيع
المشكله الاسبووع الجاي نفس الروتين ما ادري وش اكتب لكم لكن لعله يصير مواقف واشياء اكتبها لكم :sm5:

لكن لاتنسوونى من ردودكم pb189


مُحِبُكْم / أْحمد bp039