الاخت اللي حكت ليه مانسوي شوفه شرعيه
مستحيل لازم يكون فيه اقتناع كامل
الشوفه ماهي بسيطه اطلع لرجال ونشوف بعض والتالي لا عفوا انا مابغاك
ماهي حلوه
وماهي سهله والله

الرؤية الشرعية ماهي دليل على الموافقة او الرفض او الاقتناع او غيره و مو شرط الشوفة تعني موافقة
اكيد انه صعب تطلعين لرجل لكن راح تتوضحلك امور كثير و تزول حيرتك و لو مبدئيا و ادا وافقتي راح توافقي على بينة و ادا رفضتي ايضا على بينة

إيمان في بعض المجتمعات تعتبر الرؤية كموافقة مبدئية ..على ماأعتقد هو خوفها هكذا من هذا الأمر ..
أخوتها وأمها بقربها فلم التردد في قرار مثل هذا ..
العمر كبير جداً شاسع !
يُفترض أن تُقرر ولا تجعل يوم من حياتها يضيع هكذا ..!
وهو متزوج ووو ..
أنا لاأرى إيجابيات بهذا الزواج ..!
وسخر الله لها الخير..

المفروض الانسان الخمسيني يكون واعي و ناضج و لا يفوته إن فارق السن كبير جدا بينهم انا صراحة اتعجبت انه يقول اتركوا لها فرصة
تفكير العشريني مو مثل تفكير الخمسيني و من اي ناحية راح توازن الامور
عموما وفقها الله لما يحب و يرضى

عني انا ماني شايفة ميزة وحدة تخليك تغامرين و تاخذينه

يا دمعه وحدة من صديقاتي عمرها 30 ملكت على واحد عمره 53

يوم خذت معاه اسبوعين تصييح ماتبيه تقول كني اسولف مع جدي

و هي خذته عشانه فرصة مريش و رجال يقولون كفو و يمدحونه بس ما كان فيه قبول

عجزت تقبله كبير شاااايب ما رضيت يقرب منها و فسخت الملكة بعد كم شهر

تخيلي الموقف و قيسيه عليك

يا دمعه الشيون مشوا كيف الحلوات ..!!!

لا تقلقين بيجيك نصيبك اللي بتاخذينه و انتي بكاامل اقتناع و بكل (فرح )

__________________

‏
الوعي هو الملاذ ..

أستغفر الله العظيم ؛
( الفردوس غايتي )

ومن قال إنه لا يدرك أن فارق السن كبير جداً؟!

هو يعلم بهذا دون شك .. ولكن ربما يكون هدفه من هذا الزواج لا يؤثر عليه عامل السن كثيراً .. بل إن بعضهم لا يزال يعتقد أنه كلما صغر السن كلما كانت النتيجة التي يطمخ إليها أفضل!

ومسألة اختلاف التفكير ربما لا تهمه كثيراً وليست في ذهنه!

__________________


اللهم طِيبَ الأثر .. وحُسْنَ الرحيل.

الرجل الخمسيني حينما يرغب بالزواج من أخرى
خصوصًا صغيرة..

مُراده واضح
(شهوة) لا غير!

---



أعرف شعورك هذا كويس وأدري وش قد صعب..
كلنا بنات ونفهم ع بعض،،

عارفة،
قبل 3 سنوات خطبني ولد عمتي، أعرفه زييين
كنت لسى بالجامعة، وكان مصمم يبغاني، وكلم أبوي
وأبوه بعد كلم أبوي...

بس سبحان الله من كنت صغيرة كنت أكرهه وما أحب ألعب حتى معه
رغم أني ما قد سمعت عنه أو شفت عليه شيء مو كويس وهو كبير
بس كذا سبحان الله عدم ارتياح..

ورفضت،
ورجعوا كلموا أبوي ورجعت رفضت
عجزت أرتاح أبداً


بنفس الوقت كان مرررررة صعب القرار
كنت أفكر زيك، طيب هو ما فيه عيب ليش بس عشان ما ارتاح له أرفضه
ممكن يكون أفضل فرصة تجيني
شاب، ووسيم، وموظف، وعلاقتي بعمتي وخواته مررررة كويسة وقوية

بس برضو عجزت ارتاح..
ونفسيا تعبت شوي ذيك الفترة بعد ما رفضت، بس ما كنت أبين لأهلي
وابوي كان يقول القرار لك، أنا مستحيل أجبرك دامك ما ارتحتي



بعدها سبحان الله
تزوج وبانت أشياء ما كانت واضحة لأحد قبل وما كنّا نعرفها!
والآن انفصل بعد ما جاب ولد!


وكل ما شفت ولده المسكين اللي مشتت،
أقول الحمدلله اللي صرفه عني.

طيب واذا كان فيه اقتناع وشافته ولا عجبها، تجامل وتقول موافقة عشان مو حلوه بحقها؟!!
مالكم كيف تحكمون، هذا زواج مو مجاملات
او لا تجي بكرة تندب حظها

اختي... فيه نقاط حابه أعلق عليها

1- شبه منفصل ... لا يعني أنه غير متزوج او مطلق
2- زوجته راح ينفصل عنها بعد الزواج منك ... كلام يحتمل الصدق ويحتمل الكذب
3- زوجته مادية واذا ما اعطاها تقول ستوب... عفواً أحد كان يصور معاهم المشاهد
4- إذا بتتزوجينه وهو على هذا الوضع فتاكدي إنه متزوج وحتى لو تركها فترة ويمكن تكون فترة تأديبية
راح يرجع لها علشان أولاده بما إنه سبق طلقها ورجعها
5- احتمال انه يكون ما رجعها علشان اولادها بس ... يمكن فيه أشياء نفسية أخرى لا تعرفينها منها الحب والعشرة
حتى لو ما اعترف
6- لمى تقررين تتزوجينه .. ما لك علاقة بأي شيء يخص زوجته وأولاده... ومن الاشياء الي ما لك علاقة فيها
علاقته فيها ورجوعه لها او بقاءه معاك فقط اسبوع بحكم انك بكر وبعدين يبدأ يعدل

كل النقاط السابقة واقعية .. ستعايشينها

بقي نقاط أخرى حولك انتي

- شوفي ايجايبات وسلبيات هذا الرجل ...إذا المادة مهمة بحياتك ... فحطي له نقطة، إذا ما تهمك معناته هذا الجانب صفر لديك
- مسألة علاقاته ونفوذه.. وش بتفيدك فيه بشكل فعلي..
هذا شيء له مو لك ...
هل هناك مصلحة معينة لك أو لأهلك ما تمشي بعد الله إلا بدعم هذا الرجل...

- ارجع واقول اذا العز يهمك ( بيوفر لك فيلا وسائق وخادمة وسفرات وفلوس فضعي هذا الشيء بحسبانك) وهذا يعني انك مادية.. ولعلمك انا انسانه مادية وما فيها شيء عيب المادة عصب الحياة .. بس نرجع ونقول إن زوجته مادية ويحق لها..!!!

- هل تتوقعين إن زوجته غبية او هبلة او ما تحبة وهو ابو عيالها وعنده منصب وتزهد فيه لأنها تحب نفسها وما عليها منه !!!!!!!!

أختي اتركي كل الكلام على الجنب

أساس هذا الموضوع رجل ثري ويريد فتاه شابه ولو كان فقير ما جاء تقدم لك وبهذا يكون الفكرة العامة هي المادة..(معليش ركزت على هذا الموضوع)
بس حتى لو كان متحدث لبق ومو باين عليه العمر .. ومثقف وله علاقات اجتماعية كبيرة..وطيب وحبوب
والكل يقدره
بس انه فقير ما كان تقدم لك وما كان احترتي لو تقدم لك
فالنقطة الجوهرية الي تركزين عليها ( ثراءه)

- إذاانتي بنت مو محتاجه ودرستي وبتلاقين وظيفة ليش تدخلين نفسك في متاهات ...

- حياتك لك... مو لاخوانك ولا لاهلك ولا لأحد....

انتي شوفي وش يخارجك ويسعدك ... ويضمن لك راحة النفس والبال

اليوم وصلني الكاست هذا وتذكرتك:

" •









تذكر دائماً آنك لستَ محدوداً بفرصة وحيدة
آو شكل مستقبل معين الحياة آوسع من آن تتمسك بشيء ظنا منك بأنه قد لا يتكرر"

ابعطيك اللي انت تبين تسمعينه من اي احد او يقنعك فيه
لا تتوقعين انه رح يكون مثل الشاب في عطاءه لك من جميع النواحي
شيلي هالاحتمالية من بالك
زميلتي زوجها 52 سنة وداءما تتكلم عنه لدرجة تحبينه من كلامها، مره ورتني صورته الجمت ما قدرت اتكلم مع انه زكرت ومشخص لكن يظل الكبر فيه