ا

نا من رايى ياقلب مشغول مادام الانف مستهدف هكذا يبقى تشيليه على جنب علشان ماينكسرش تانى وبعدين ان كان على الشم مقدور عليها
نشملك احنا ..
اوعى تزعلى باهزر والله
بكره تعملى العمليه وترجعى احلى ماكنتى

اضحك الله سنك أخ رؤوف. ماأزعل منك
إن شاء الله ربي يفرجها علي

__________________
《اللهم استودعتك أطفالي الذي لا تضيع ودائعه》

بشرينا عنك وعن اخبارك اليوم يالغالية ومعليش والله اني انقطعت علشان ظروف الإختبارات والله انك مارحتي عن بالي واليوم دخلت اشيك على موضوعك لقيته ان اعطوك موعد بعد شهر لا تحزنين يالغالية هذا هو حال كل مستشفياتنا ماغير مواعيد بالشهور ولا كمان اللي قهرني بعد تجي عندك حالة طارئة تستدعي تنويم بالمستشفى يقولون لك مافيه سرير ويرمونك بالطوارئ عشر ساعات والله هذا اللي صاير عندي بنت عمرها خمس سنوات احتاجت نقل دم سريع وجبتها لطوارئ وكانت نسبة الدم عندها 4 ولونها انقلب صاير مثل الكركم من شدة نقص الدم عندها وهم والله ماغير ركبوا لها المغذي وعملوا لها بعض التحاليل وقالوا لي استني الين يفضى لبنتك سرير ونعطيها دم اقول لهم اعطوها الدم هنا بالطوارئ يقولون لا لازم بقسم التنويم طيب انتظرت من الساعة وحدة الظهر الين الساعة12باليل وبعدين نقلونا لقسم التنويم واعطوها الدم على حدود الساعة الواحدة ولما طلعت لقسم التنويم واحنا مارين نمشي بالسيب لاحظت تقريبا ثلاث غرف كل غرفة فيها سريرين بس مو مرتبة بالشراشف فيها اسرة وطراريح بلاستيك يعني مو مجهزينها للمرضى وتحت بالطوارئ حصلت اكثر من حالة قالوا لهم مافيه اسره لتنويم وطلعت قسم التنويم وهم باقين بالطوارئ ياترى هو اهمال واضح والا كسل في الممرضات ولا يبغون الناس تموت بأمراضها علشان تخف الزحمه عليهم
والله ان قلبي مليان على المستشفيات بالحيل واللي قاهرني زيادة ان نص ميزانية الدولة تصرف على الصحة وهي كل ماجاء لها من الجرف لدحديره يعطونك مواعيد متباعده الين تطفش وتروح على حسابك تتعالج طيب اذا كان انا عندي امكانية وغيري عنده امكانية نروح نتعالج بفلوسنا بالمستشفيات الخاصة طيب واللي ماعنده واللي ظروفه صعبه وين يروح حسبي الله ونعم الوكيل في اللي مايراعي الأمانه اللي وكله فيها ولي الأمر
اذكر مرة رحت لمستشفى كبير كان عندي الم بالمعدة واعطوني دواء للحموضة وكتبوا لي وصفة حبوب اشتريها من برى شلتها واشتريتهامن الصيدلية قيمتها اذكر 70 ريال ولما جبتها جلست افكر بيني وبين نفسي اقول انا استطعت وقدرت اشتري هالدواء لأني عندي استطاعة طيب وغيري اللي يتألم بنفس الألم اللي انا احس فيه الحين لو جاهم واعطوه نفس الدواء اللي اعطوني اياه وهو ماعنده قيمته وش يسوي في قل وضعف حيلته اذا كان ماعنده امكانية وظروفه صعبه يجلس بمرضه وألمه وهو ماقدر يشتري الدواء هذا اللي المفروض المستشفى توفره لكل مريض او انها تعطيه وصفه مدفوعة الثمن يعطيها لصيدلية بحيث يكون هناك فيه اتفاقيه مسبقة بينهم وبين عدد من الصيدليات انه يكون ثمن الدواء هذا المستشفى اللي يدفع قيمته لصيدلية مادام انه ماقدر يوفره للمرضى يدفع قيمته الين يقدر يوفره هناك ميزانية خاصة تصرف لكل مستشفى اقل شئ يوفرونه للي ماعندهم استطاعه يشترون هالأدوية او يشوفون لهم آلية يحصلون عن طريقها على ادويتهم بكل يسر وسهوله هذا الدواء من مسؤليات المستشفى اللي ملزومه انها توفره لمرضاها والدولة ماقصرت الله يجزاها خير تدفع للمستشفيات ميزانيات ضخمه علشان راحة المرضى لاكن فيه بالمستشفيات اللي ماراعى الأمانه ولا حفظها ولا اهتم بارواح الناس ولا بألمهم مواعيد بعيدة ادوية غير متوفرة ومافيه اسرة لتنويم الحالات الطارئة غير الأخطاء الطبية اللي حاصلة عندنا اللي ينسون في بطنه مقص ولا مشرط حشى صارت ورشة صيانة هالمستشفيات مو مستشفى الله يعين .

وانتي لو عندك امكانية روحي مستشفى خاص احسن لك ولا تنتظرين موعدهم الحين يجي الا والجرح تبعك طايب وتكوني نسيتي الألم وعقب الشهر بيرجعون يخلونك تحسين بالألم من جديد افضل شئ انك تتألمي مرة وحدة ولا مرتين والحين بتكون عملية التعديل والإصلاح افضل لاكن عقب شهر يكون الجرح ملتئم وماتحسين بألم وهما يجون بعدين يعدلون بالعملية وراح يوجعك مرة ثانية هذا اذا اصلا فكروا يعملون لك عملية لأني شاكه بتجين ويناظرون في خشمك ويقولون لك ماتحتاجي عملية خلاص الجرح صار طيب بتقولي لهم عملية تعديل او تجميل بيقولون لك من جيبك اعمليها وعلى فكرة ترى والله اني عارفتهم هالمستشفيات كل دكتور يقول لك سالفة هذا يقول لك خلاص بنعمل لك كذا وكذا ويجي دكتور يناقض كلام الدكتور اللي قبله ويقول لا الأمور طيبة ومايحتاج نعمل لك كذا تلاقين كل واحد فيهم يقول رأي ويشتتون تفكير المرضى

عاد انتي شوفي اللي ينفعك واللي يصلح لك وربنا يشفيك ويعافيك
وطمنينا عنك وعن احوالك وماتشوفين شر ان شاء الله يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

هلا وغلا ومليار مرحبا بنت الحكمي عسالك بخير حبيبتي
أبشرك أنا بخير الحمدلله صرت أحسن وخف الانتفاخ نورتي المنتدى كنت متأكده بتشيكين وتسألين عني والشي هذا فرح قلبي الله لايحرمني منك ياام سلطان إن شاء الله بنتك ماتشوف شر يارب الله يدوم عليها الصحه والعافيه ويخليها لك ولاأبوها ولايوريكم فيها مكروه
الله يعين عطوني شهر والكسر بدأ يلتئم تصدقين الدكتور لويدري بينقهر بيقول المفروض تدخلين بسرعه
بس المركز الصحي هي اللي عطتني. الموعد
حتى الدكتور الأنف والاذن والحنجره يوم شاف الكسر في إلاشاعه قالي انتي فرحانه علشان خشمك انكسر قلتله لا طبعا
قالي المفروض تفرحين قلتله ليه قال علشان يظبطونه لك وانا فرحت قلت الله كريم وكنت انتظر يوم السبت بفارغ الصبر
وفي الأخير الوحدة قالت بعد شهر ان شاء الله خيره لي
ربي يسعدك ياام سلطان
خالص الحب والتقدير ومبروك الترقيه حبيبتي

__________________
《اللهم استودعتك أطفالي الذي لا تضيع ودائعه》

أها . طيب امكن حذفوه شهر لاجازة الطبيب او..أو..

المهم اذا بتعرفي انو الدكتور ما يدري انو بعد شهر
طيب روحي يوم في عيادته اخر النهار واساليه

يمكن يقول انو غلط بعد شهر ويغيروا لك


أسألك الله أن يكتب لك الخير
وأن يلبسك لباس الصحة والعافية

موفقة

__________________

سماهر
اللهم أمين جزاك الله خير
هذي أنظمه في المستشفى الحكومي والمركز الصحي هي اللي تحدد الموعد ؤبعدين أرجع للمستشفى واروح لشباك المواعيد علشان يدخلوني على الدكتور مباشره
والدكتور اللي شاف الكسر في الإسعاف.ومو شرط نفس الدكتور. .بالتناوب اعتقد
أول مره اروح للشميسي.
بارك الله فيك

__________________
《اللهم استودعتك أطفالي الذي لا تضيع ودائعه》