موهبة الكويت ياقلبي

هذا اللي راح اعمله ان شاء الله ..
و من جد لازم اقوي قلبي ..

وردة المخمل ..

هذا هو أسلوبي معاه دايماً ، و الحمد لله دحين يحب ولده الكبير و ياخذه البقالة مرات و يشتري له ..
و هذا العيد، اول مرة زوجي يشتري ملابس العيد لولده ..

لو تشوفيه كيف كان معاه زمان ..
*

روح المساء

هو صحيح قال ادبرها ، بس هذه الكلمة مع زوجي لازم تدخليها من اذنك اليمين و تخرجيها من اليسار ..
لانه بعد يومين ينكر و بيقول لك ( متى أنا قلت راح أدبرها ؟؟؟؟ ) <-- ممثل درجة اولى ..
و اذا عندك إثبات و وريتيه مثلا رسالته، بيقول لك ( خلاص ما قدرت ادبرها .. صار شي بالدنيا ؟ )

شقردية ..

تحليلك لشخصيته صحيح مية بالمئة .. ما اكذب عليك اني توصلت لرقم مستشار اسري
و قلت لزوجي، و قالي تبغيني اوديك، اوديك مو مشكلة .. بس أنا ما اروح و لا احتاج له

زوجي قال لي مرة، يشتاق لخصامي له مرات .. هو عكس الرجال و قلتله مرة ..
من جد فيك عقدة لازم تتخلص منها و تتعالج منها ..

و الاسلوب تبع الثقة و التشجيع و المديح ، تعاملته معاه باول سنتين من الزواج ..
بس للأسف ما نفع معاه .. و حسبني هبلة و على نياتي و ضعيفة و بدأ يفرد عضلاته علي ..
و بدأ يشوف حاله علي و أخد مقلب بنفسه ..

جالسة ادور عن الدكتور بالنت ..

روح
انا اسفه اذا ردي رح يزعلك بس هذي الحقيقه لازم تشوفيها

زوجك شكواك عليه مازالت على ماهي عليه من ايام بريطانيا
نفس المشكله بس تغير الزمان والمكان
اتكاليه عدم مسئوليه عدم الاحراج او الحياء انه بيتكل على حرمه تقوم بعمله ودوره بدلا منه ..
لو انه يشتغل ليل نهار ويحط القرش على القرش بس ما بيده حيله اكثر من كذا كان اقولك ساعديه
لكن بوضعكم هذا الصوره مختلفه ...

اهمال / غياب عن العمل الى حد الفصل / السهر اللي بسببه يتاخر عن العمل وبالتالي يتعرض راتبه للقص/ التهور في السواقه واللامبالاة في السرعه وعارف انه ساهر قاعده تسجل ورغم ذلك متمادي بغلطه / صرف فلوس تصل ل500 ريال على امور تافهه انتي واولاده اولى بالمبلغ هذا ! / لعب بلياردو ومشاهدة مباريات وتضييع وقت ممكن يشتغل فيه بدوام مسائي حتى لو يجيب لكم الف ريال فقط اخر الشهر اسمه بذل مجهود ..

بما انه عشتم كم سنه في بريطانيا يفترض انه يكون معاه لغه انجليزيه قويه هذي تفتحله مجالات كثير بالعمل ..
اين الدورات اللي اخذها هناك؟ ليش ما بيستفيد منها هنا ؟

دللتيه كثير وشلتي عنه مسئوليه وكانكم تبادلتم الادوار او بالاصح اخدتي انتي الدورين معا .. السبب انك ما شاء الله شخصيه قياديه وتتحملي مسئوليه وحاره تحبي كل شيء يكون مضبوط ما شاء الله عليك بس جنيتي على نفسك من دون ما تحسي.

شوفي طالما زوجك عارف انه عندك مصدر دخل كبير فراح يعتمد عليك طوووووووووووووووول عمره .. عارف انه عندك راتب بقدر كذا وكذا يجيك كل اخر شهر وهومعتمد على هذا الراتب ..

برايي
اشتري شقه تمليك واكتبيها باسمك وبعد كذا معاك عذرك ما عندك ولا ريال كلها بتروح علي تسديد القرض اللي برقبتك ولا تحطي شيء بالبيت خلاص كافي اهمال وارجع اعيد واكرر لو انه يحفر الصخر بس ما بيده حيله اقولك ساعديه باللي عندك لكن اهمال ولا مبالاه وانتي تساعدي معناته انتي بتشجعيه على كذا ..
واذا سافرتو ثاني للابتعاث اجري شقتك وقولي الفلوس اللي تجي منها باسدد فيها القرض للبنك يعني باختصار فهميه انك مفلسه زيه والديون مغطياك حتى يتحرك ..واذا رجعتو اجازات اجلسو عند اهله او عند اهلك لانه هي اجازاتكم قصيره ما تسوى انه الشقه تصير مقفله طول السنه عشان اجازه مره او مرتين بالسنه الاولى انك تاجريها...
وكمان حرام والله يروح معاك الابتعاث ويقضي الوقت هناك في الكافيهات والبلياردو والدورات الخفيفه اللي تعطيها الملحقيه شجعيه يكمل دراسه(بكالريوس -ماجستير) معاك اذا قدرتي ...

بالنسبه للشغاله استقدمي اوفر لك من انك تجيبي من جوى البلد لانهم اغلى وصراحه ما تعرفي ايش الامراض اللي فيها وبكذا تكوني وفرتي فلوس الحضانه وتجلس مع ولدك وانتي بالدوام لانه لو داومتي وين بتحطي ولدك؟ محد رح يشيلك هو... والسواق لا تجيبي خلي زوجك يوصلك ويجيبك بما انه فاضي ..
جمعي فلوسك واشتري الشقه الملك واكتبيها باسسسسمك واعتبريها استثمار ..


هذا الي في بالي الان اتمنى اني ما اكون زعلتك انا بس حبيت اوضحلك الصوره اكثر عشان تقدري تعالجي الخلل اللي فيها وان شاء الله يكون حلولي فادتك وربي يخليلك الوالده يارب ويلبسها ثوب الصحه والعافيه ويجعلها تحضر زواج النونو الجديد اللي توه جاه قادر على ذلك سبحانه ..

__________________

8
8
8
رأيها منطقي وممتاز
ومؤيدة له
روح خُذي بنصيحة Crestalla

:*

__________________

هدوء أنثى

بالخارج كنت مجبرة، كنت أبغى اخلص دراستي بأي طريقة و ارجع السعودية و اكون جنب امي ..
كنت أبغى اروح الجامعة و أنا متطمنة على ولدي انه كل شي متوفر له و مو بحاجة لشي و أنا غائبة عنه ..
كنت بارتاح من مشاكل الشغالة اللي كانت معاي هناك ..

كنت ابغى اخلص و ارجع السعودية .. و بالسعودية أبدأ احاسبه ..

و الحياة بالخارج مو مثل هنا ..

.
.

و قبل رمضان قلت لكم ، كان واضح كثير التغيير اللي فيه و ماكان ياخد اي قرش مني ..

اما حكاية التنظيم ووالتنسيق و كذا .. فهذه الصراحة أنا ما ارفض اني استلمها و ماهي مشكلة بالنسبة لي ..
يعني مثلاً عندهً مشكلة، ممكن افكر فيها معاه و اعطيه حلول و أرتبها له .. بس انه يرميها علي ؟ و يروح هو ينام ؟
هذه ارفضها ..

و هو ماهمه شي، لانه ( ماشي عالبركة ) و زي ماتجي .. تجي .. و عشان كذا حياته ماهي مرتبة و ملخبطة ..
و على باله المرة هذه اني بأتحمل و اصبر زي كل مرة ..

و أنا اذا استلمت مسؤولية شي .. فتكون فيها مصلحة ولدي اهم شي ..
يعني مثلا شقة التمليك هذه، بترجع فايدتها للأولاد ..
*

خالة جرين ..

أنا ما باخلي البطاقة بيده و هو يعرفني، أشيك على حسابي كل مرة .. و هو ما يتدخل براتبي و وظيفتي ..
بس الإيجارات عندنا زي النار .. و واحد راتبه ألفين ، ايش ممكن يسدد فيه ؟؟؟

كذا تفكيري .. بس يوم افتكر إهماله مرات و سهره و تطنيشه و عدم اهتمامه ..
اقوم اقسي قلبي ( عشان يحس بالمسؤولية ) ..

.
.

اكرر ..

هو كان شايل كل شي من يوم رجعنا من برة و من سنة لحد شهر رمضان .. و ما كان ياخد شي مني ..
و هذا اللي زرع الأمل بداخلي انه بالفعل بيتغير للأفضل ..

بس من يوم انفصل من شهر رمضان و لحد دحين .. أنا شايلة عشان ظروفه و عشان تقدير للفترة اللي فاتت
بس هو كانه بدأ بيعتمد من جديد لو اعطيته فرصة من جديد ..

عشان كذا احترت و جيت اسأل ؟
أساعد .. و لا أخذ موقف و اشيل يدي من الموضوع ..؟؟؟ *

.
.

أنا لحد دحين مبينة له اني ما راح أساعد بشي .. و لا قلتله عن الأفكار هذه اللي استشرتكم بها ..
و هو بدأ يتحرك من امس و يدور على شقة، وقت شافني ما أتراجعت عن رأيي ..
و جالس اليوم يستشيرني و ياخد رأيي ..

يعني بدأ يهتم من امس ..
فيه ( أمل ) بإذن الله ..*

دلوعة مودي ..

اما ماتعرفي كمان رقم بطاقة الصراف تبعك ؟

أنا بداية الزواج كنت اخلي بطاقتي معاه و ما اهتم، بس شفت انه ما يستحق ..
و سحبتها منه على طول و دقيت عالبنك و غيرت الرقم السري ..

زعل و قال ماتوثقي فيا ووو الخ و ما اهتميت ..

بنت ابي ..

مشكورة يا قلبي ،، و من جد لأستفيد كثير من الأفكار و الاراء ..
و الدليل انه من امس بدأ يتحرك ..

قبل كان يقول لي طيب و يرجع ينام و يشخر .. بس من امس فاتح النت و يدقدق على اصحاب المكاتب
و أخذ اليوم منهم مواعيد و أخد الكاميرة معاه عشان يصور لي الشقق من جوة .. و يجيبهم لي بكرة
ان شاء الله بعد ما يخلص دوامه ..