يمكن ي مليت انتى مافيك شي ويطلع زوجك
مسحور اومعيون لوتلاحظي هو المتغير من الناحية الجسديه وكونه
يختلق المشاكل يمكن هو التعبان ي نفسيا بسبب النقص الي يحسه او مرض روحي
ولاتنسي الدعاء اخيه

يعني إنت اللي بدأت بالهجر وترك الغرفة... ولما هو كان عنده ردة فعل زعلتي!

هجر سرير الزوجية أثره كبير على الزوجين.. وإنت يوم إنك تركت السرير بارادتك، فتقبلي النتيجه.. ولا تزعلي..

أنا برأيي أنت مكبره الموضوع.. والموضوع بإذن الله ميسر..

ولازم تعرفي إنه إنت اللي حاسه بنفور.. ومحسسه زوجك فيه.. وبالتالي هو ردة فعله مناسبة تماماً لإحساسك.. وهو إنه مبتعد عنك..
إنت رومانسيه وتبين مثل الأفلام والمسلسلات قصة حب وغرام ورومانسيه وإن زوجك يبادر بالكلام اللطيف والنظرات..
وهالشي مستحيل في حالتك حالياً! لأن فاقد الشيء لا يعطيه..
ولا تقيسي زوجك بأهله.. هذا معيار خاطيء لأن إنت ممكن تعوديه على اللي إنت تبينه..
راجعي نفسك.. وهددددي نفسك.. لأنك طالما قاعده تقولين أحس بنفور.. مو طايقته.. حفظت كلامه.. مو قادره أطالع بوجهه.. إيش تبيه يكون ردة فعله؟؟؟ مبتسم وياخذك بالأحضان؟؟
راجعي نفسك.. راجعي تصرفاتك معه..
وأنا واثقه تماماً إنك أنثى دلوعه وفيك غنج ودلال ورومانسيه... وهي مع كل الناس إلا زوجك.. الذي تعاملينه بجفاااف وتنتظري منه الحب والغرام..
وإنت ما قبلتي بكل الأساليب اللي أعطيتك ياها في ردي السابق من مدحه والإبتسام له وإعطائه إحساس بالحب والود تجاهه... ورجعتي تعطيني نفس السبب.. ما أقدر أمثل.. كرامتي.. وقولك أنا عارفه انه ما بيجيب نتيجة..

أنت ريحتي نفسك على الآخرررر وتنتظري مبادره منه..

طيب تخيلي إنه زوجك (هالإنسان اللي يرمي كلام جارح ويعصب ويقولك كلام مؤذي وما يحسسك بقيمتك كأنثى ) وكل العلل الي ذكرتيها..
تخيلي لو صار الطلاق (لا سمح الله) وجاته زوجه ثانيه.. هل سيكون معها بنفس الأسلوب؟ كلااااا لأنها هي رح تكون غير.. مع إنه هو الشخص نفسسسه..
أختي صلحي من نفسك.. وزوجك مو سيء أبداً.. بل على العكس.. ومافي رجل كامل.. أغلب الرجال عصبيين وينتقدون ويحولون يظهرون إنهم كاملين ومن هالكلام اللي كلنا نعرفه..

راجعي نفسك.. وعندنا مثل يقول (قدمي السبت.. بتلاقي الأحد)
يعني ما تعرضيه في البدايه.. هو اللي رح تحصديه في النهايه..

الله يوفقك

__________________

	* ليس من الضروري أن تنال ما تشتهي.. يكفي أن تكون قادراً على ذلك ** لا تصفق الباب خلفك.. فقد تضطر للعودة منه *** إن أول خطوة لتحقيق الحلم.. هي الإستيقاظ من النوم أختكم: دندووون

تحياتي والله جد جد مادري
الله يكتب لي الخير يارب...

دندونا...هدي بالك ..قريتي ردودي كلها؟؟

اولا، انا ماتركت الفراش بنفسي
هو زعل هذاك اليوم وارسل لي رسايل طووويلة
كلها سب وتهديد عشانه دخل للمطبخ وقال قصري وطالعته ببرود وقلت طيب
فلمن طلع ينام قفل باب الغرفة
ومن بكرة قال شيلي اغراضك من الغرفة ماابيك تنامين عندي


من وين جبتي اني تركت غرفتي من نفسي؟؟

ومن وين جبتي انني ابي رومانسية وحب وتدليل منه؟
اعتقد من بديت موضوعي قلت ماابي منه شي غير يكف لسانه عني
واني اعيش بهدوء وسلام وسكينة مو عالداخلة والطالعه ينتقد لان نقده
هو بنفسه اقتنع ان احنا عائلة من كثر ماينتقد جاه الاحساس والاقتناع


الله يهديك تدرعمين لمجرد رديت عليك
وردودي وتوضيحاتي السابقة!

الله يفرجها عليك امين
استمري على سورة البقره
سوره البقره اخذها بركه وتركها حسره ولا يستطيعها البطله أي السحره
وبكره راح يجي الفرج
ان شاء الله

__________________
انا لله وانا اليه راجعون

لا تستحين حبيبتي من طرح مشاكلك
بلائك وإن طال فلابد من فرج ,
مافيه حال تدوم ؛ وكل طريق وله نهاية , وعساها نهاية خير وتباشير وسعد
لو ماكان في طرحك للمواضيع إلا الفضفضه والتخلص من الوضع السلبي اللي تعيشينه

وارجعي لغرفتك اليوم

مليت!

من أول ما بديتي تطرحين مواضيعج وأنا أقرا .. ودايماً مب محصلة شي أقوله لج!

بس حبيت أقول لج إني حبيتج.


أسأل الله أن يحبب فيج خلقه ويكفّ عنج الأذى.

__________________


اللهم طِيبَ الأثر .. وحُسْنَ الرحيل.

الله يعينك فعلا ،، تخيلت نفسي فعلا راح احس بضعف ماتحسينه .. لكن تعرفين افضل اسلوي اشوفه هو فعلا التطنيش مع الابتسامة! دعى عليك اضحكي وابتسمي! مو هو يبغيك تنغمين باي وسيلة ؟؟؟ عطيه العكس يمكن بتحسينه صعب شوي لكن جربي وشوفي ولو علق على ابتسامتك وضحكك ردي عليه بشرب مااء بارد واعملي نفسك (( اااح الحمدلله باااااارد على القلب )) ،، ساعات بعض الرجال لما يوصولون لهالسن تصيبهم هالحالات كما النساء ولا يفوتك ساعات يوصل لاكتئاب وهاذي حركاته فا اما تشوفي الرجل صامت ومبتعد ووحيد او انه عصبي ويحط الحرة باقرب مالديه وهي زوجته ... الابتسامة اللي نصحتك بها مو له بالدرجة الاولى كثر ما لكي انتي ،، انتي محتاجة لطاقة ايجابية ولو قليلة بوجوده لحتى ماتحسين بالضغط المتواصل ،، خلي لك وقت لنفسك واولادك عشان مايزعجونك شوفي شنو الشي اللي يجذبهم فخليه بوقت الاستراحة تبعك بالتعالي كل واحد لاهي على الاقل لربع ساعه تكونين ازحتي الطاقة السلبية من جسمك حتى لو بتشغيل سورة من سور القرآن الكريم ...

زوجك ،، اعطيه عكس ما يرغب بمعنى اخر خليه هو على اعصابه مو انتي ،، خلي لك السبحة بيدك وفي وقت العداء وغيره لبي طلباته وانتي تسبحي وتركزي بالاستغفار فاذا انتقد ردي بكلمة ان شاء الله وواصلي التسبيح بهالحالة ماراح يصير له وقت يرد ينتقد وان عاد الانتقاد بعد ردي ب ان شاء الله وواصلي تسبيح وانتي زايده بصوتك قليل ...

جربي طريقتي ،، ولا تخلي نقطه ضعفك طلاقك انتي قوية ويبان من كلامك انسانة متوازنة بافعالها و ذكية .. زوجك مو بنيته طلاق او حتى هجران وهالشي نقطه ضعفه انه مايقدر يقدم على هالخطوة لانه يخاف حتى وان هدد فيها الف مرة .. شيلي من بالك نقطه تشتتك مع ابناءك وخوفك من هالشي ولو فكر او مافكر بالطلاق لان صدقيني رغم اللي يسويه هو مجرد قاعد يحط حرته وعقدته فيييك ،،،، طنننشي وابتسمي وان شاء الله واستغفار وتنفس عميييق لها مفعول من مجرب

مليت خلص كلامي ..وماعندي إلا إني أدعي لك........... الله يفرج عنك آميــــــــــــــــــــــن

يسعدكم يارب

أنا قعدت لي فترة مارديت...
وتخيلوا وضعي من هذاك اليوم لليوم كالتالي...

* زوج مو طايقني..
* إذا دخل البيت ومافيه إلا أنا مايبسلم!

* جلس فترة يقفل باب غرفة النوم عني...
* صادف أتصل مرتين عليه للضرورة ومارد!
( طبعاً كان دايم يردد إنه أفضل الرجال وإن غيره إذا أتصلت زوجته بس يشوف أسم زوجته متصله بالجوال ينزله ومايرد!..فهذا النموذج الوحيد اللي حسه صح وطبقه!)
أعتقد قلد طريقتهم!

* أي رساله أرسلها مايرد عليها!


بصراحه شكيت إني أنا اللي جرحته واتهمته بالشذوذ

أنا بالضبط في موقف كأنه أنا المذنبه..

قبل أكثر من أسبوع...
جاء ولقاني ع السرير بنام في الغرفة...
سمى بالله لمن شافني!
قال مالقيتي مكان ثاني تنامين فيه..قلت لا...تعوذ من أبليس وسكت ونام...

اليوم الثاني وأحنا عالغداء لمن قاموا الأولاد..
قال شوفي لك مكان ثاني تنامين فيه مو تخليني أنام برا بيتي وكلام قاله مافهمته...سكت مارديت...


في الليل أرسلت رسالة أطول مني...

رسالة إن هذي غرفتي ومحد يقدر يمنعني منها وانا من قذفت واتهمت أنا اللي المفروض أخذ موقف
وانا وحده أتعب واكرف في البيت وينهد حيلي من حقي أنام بفراشي....

رسالة ثانية وضحت فيها إني مو رجال زي مايقول بس أنا قدام واحد يعاملني بشراسه طبيعي أدافع عن نفسي....

ورسالة بينت فيها إنه كفاية إختلاق مشاكل وكلمته كصديقة مو كزوجة
إن زوجتك تحبك وماتبي مشاكل معك..وأنها وإن زوجتك مالك أي حق تقلل إحترامك لها ..وعادي تعصب بس أحترم..عادي تزعل بس أحترم.....

كتبت كلام كثير أترجاه فيها إنه يسمع مني ويحتويني ويكف عني...

مارد علي...
رجع زي ماهو ماتغير شي....

بعد أسبوع بالضبط وأنا في الصالة وهو لغرفة الجلوس...
كتب رد ( ياكثر بربرتك )

قلت بخاطري صباح النوم!
حسيته مقهور وشافني صاده قال خل أستفزها يمكن ترد رد مو كويس وأطلع غضبي فيها وأسفل فيها!
أنا مافهمت ليش رد الآن ومثل هذا الرد!


ماشاف رسالته لي اللي أطول من شارعنا وكلها سب وشتم!

أنا حالياً مقهورة حيل حيل حيل...

مو عاجبني الوضع
واللي تقول شيليه من بالك الله لايبالاك يارب

هو مو شخص نتشارك وظيفه وحده...
هو مو شخص مالي علاقة شخصية فيه

مادري كيف أغلب الردود تجاهلي ولا يصير محور تفكيرك..

هذا زوج
مطلوب يكون سكن وراحة لي إذا صار العكس فهالشي يرهق أعصابي...

أنا مو عارفة أتصرف الآن...

أعرفه زعله ماله نهاية
كانه يستلذ

ولا ينفع أتكلم ولا أناقش ولا أرسل ولا أتصرف حقيقة

أنا مجروحة وماتهون نفسي علي أتصرف أي تصرف يهين كرامتي...

وش مطلوب مني الآن....

( أتمنى الرد حسب وضعي يعني لاتشطحون بشي مالي قدره عليه )
وتراعون إني وحده ماأحب المشاكل في بيتي توترني

بيتي هو راحتي أتمنى أعيش هالراحة فيه

اخت مليت بيتكم فيه شغاله او قبل جايبين شغاله؟