رد : يتهمني بال.................والله ماعمري قذفني أحد إلا زوجي!
يسعدكم يارب
أنا قعدت لي فترة مارديت...
وتخيلوا وضعي من هذاك اليوم لليوم كالتالي...
* زوج مو طايقني..
* إذا دخل البيت ومافيه إلا أنا مايبسلم!
* جلس فترة يقفل باب غرفة النوم عني...
* صادف أتصل مرتين عليه للضرورة ومارد!
( طبعاً كان دايم يردد إنه أفضل الرجال وإن غيره إذا أتصلت زوجته بس يشوف أسم زوجته متصله بالجوال ينزله ومايرد!..فهذا النموذج الوحيد اللي حسه صح وطبقه!)
أعتقد قلد طريقتهم!
* أي رساله أرسلها مايرد عليها!
بصراحه شكيت إني أنا اللي جرحته واتهمته بالشذوذ
أنا بالضبط في موقف كأنه أنا المذنبه..
قبل أكثر من أسبوع...
جاء ولقاني ع السرير بنام في الغرفة...
سمى بالله لمن شافني!
قال مالقيتي مكان ثاني تنامين فيه..قلت لا...تعوذ من أبليس وسكت ونام...
اليوم الثاني وأحنا عالغداء لمن قاموا الأولاد..
قال شوفي لك مكان ثاني تنامين فيه مو تخليني أنام برا بيتي وكلام قاله مافهمته...سكت مارديت...
في الليل أرسلت رسالة أطول مني...
رسالة إن هذي غرفتي ومحد يقدر يمنعني منها وانا من قذفت واتهمت أنا اللي المفروض أخذ موقف
وانا وحده أتعب واكرف في البيت وينهد حيلي من حقي أنام بفراشي....
رسالة ثانية وضحت فيها إني مو رجال زي مايقول بس أنا قدام واحد يعاملني بشراسه طبيعي أدافع عن نفسي....
ورسالة بينت فيها إنه كفاية إختلاق مشاكل وكلمته كصديقة مو كزوجة
إن زوجتك تحبك وماتبي مشاكل معك..وأنها وإن زوجتك مالك أي حق تقلل إحترامك لها ..وعادي تعصب بس أحترم..عادي تزعل بس أحترم.....
كتبت كلام كثير أترجاه فيها إنه يسمع مني ويحتويني ويكف عني...
مارد علي...
رجع زي ماهو ماتغير شي....
بعد أسبوع بالضبط وأنا في الصالة وهو لغرفة الجلوس...
كتب رد ( ياكثر بربرتك
)
قلت بخاطري صباح النوم!
حسيته مقهور وشافني صاده قال خل أستفزها يمكن ترد رد مو كويس وأطلع غضبي فيها وأسفل فيها!
أنا مافهمت ليش رد الآن ومثل هذا الرد!
ماشاف رسالته لي اللي أطول من شارعنا وكلها سب وشتم!
أنا حالياً مقهورة حيل حيل حيل...
مو عاجبني الوضع
واللي تقول شيليه من بالك الله لايبالاك يارب
هو مو شخص نتشارك وظيفه وحده...
هو مو شخص مالي علاقة شخصية فيه
مادري كيف أغلب الردود تجاهلي ولا يصير محور تفكيرك..
هذا زوج
مطلوب يكون سكن وراحة لي إذا صار العكس فهالشي يرهق أعصابي...
أنا مو عارفة أتصرف الآن...
أعرفه زعله ماله نهاية
كانه يستلذ
ولا ينفع أتكلم ولا أناقش ولا أرسل ولا أتصرف حقيقة
أنا مجروحة وماتهون نفسي علي أتصرف أي تصرف يهين كرامتي...
وش مطلوب مني الآن....
( أتمنى الرد حسب وضعي يعني لاتشطحون بشي مالي قدره عليه )
وتراعون إني وحده ماأحب المشاكل في بيتي توترني
بيتي هو راحتي أتمنى أعيش هالراحة فيه