منتظرتك من ايام تردي ولما شفتك خفت افتح !!!
وقريت مستجداتك وانا اررجف ( اكثر موضوع وترني )
الله يكون بعونك ، لاحول ولاقوة الا بالله
انصحك لا تفضحيه استري عليه اذا انفضح بيعاند
ويزيد فجور وهو في الاخير والد عيالك اهم سمعتهم
تصدقي عجزت اواسيك ايش اقول !!!!!!!

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم

الله يفرج همك ويطمنك على صحتك اختي انتي مو ساكنه معاه في نفس البيت
اللهم أصلح شباب المسلمين وردهم إليك ردا جميلا وحسبي الله على من ينشر الفساد في البلاد اللهم عليك بهم فإنهم لايعجزونك

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

استغفرالله العظيم عنده الحلال ويذهب للحرام ويبخل على اهله وحرمته ويصرفها في الدعاره والحرام ........... وسالفة هو مايبغى ذي الاشياء بس اخوه خربه ماتمشي الانسان العاقل الصاحي لو كل الي حوله مفسدين يكون عاقل وصاحي ويفرق بين الحلال والحرام لاكن الي يميل لذي الاشياء طبيعي يتأثر من اول كلمه ....... لاكن كويس انه وضحت صورته امامك وتلحقين على نفسك اذا نقل أمراض او غيره هذه خيره لك انه انفضح امامك

__________________
لاتأسفن على غدر الزمان لطالما رقصت على جثث الأسود كلاااااب
ولا تحسبن برقصها تعلو على اسيادها ولاكن تبقى الأسود اسود والكلاب كلاب

لاحول ولاقوة الا بالله
أسأ الله العظيم ان يفرج عليك ويصبرك ويجعل مااصابك كفاره لذنوبك
افهم من كلامك انك للآن ماواجهتيه ولايدري انك عرفتي ؟
الغريب انه بلكك لما شافك متصله بالواتس!!
من معرفتك له ايش سبب هالفعل؟
وهل هو من طبعه اذا سافر يقطع تواصله معاكم ؟؟!
الزم ماعليك يااختي صحتك وعيالك وكلي امرك لله
الزمي الدعاء والاستغفار
الله يعافيك من كل سوء ويحفظك لعيالك

__________________
أشتقت لكم جداً 💔

لاحول ولاقوة إلا بالله
الله يربط على قلبك ويلهمك الصبر والصواب ويحفظلك عيالك ويحفظك لهم ويسلمك من الأمراض ويهدي زوجك ويرده اليكم ردا جميلا

مرحباً أختي

كم أعماركما ..؟؟

وكم سنة متزوجين ..؟؟

وهل والدك موجود أو لديك أخ ..؟؟

وهل والد زوجك موجود وعلاقتك به طيبة ..؟؟

وهل ترغبين الإستمرار معه لو تاب وندم وتوقف ..؟؟


بارك الله فيك

لا حول ولا قوة الا بالله
ان شاء الله تكونين سليمة واكثري من الدعاء والصدقة قبل التحليل
اجمعي كل الادلة كي تاخذي حقك واكثر منه .......
لانه لو عنده ذرة ضمير لا يقربك بعد العاهرات وانت ام اولاده ولم يخف عليك
لكن لا تفضحيه من اجل سمعة اولادك ومستقبلهم
الله يصبرك ويعوضك خير

انا لله و انا اليه راجعون ...
فكري جيدا في مسألة البقاء من الانفصل ..
و ضعي نصب عينيك هلاك صحتك و هلاك اولادك ...
و الله المستعان

__________________
أشهد أن لا إله إلا الله و أشهد أن محمدا رسول الله صلى الله عليه و سلم

عمري 30 وهو 36
متزوجين من 10 سنوات
والدي موجود ولدي اخ اكبر مني ولكن اريد ان يكن هذا اخر خيار عندي لان اصلا علاقة زوجي باسرتي سيئة وكانت في بداية تحسنها ثم سافر وخرب كل شي.. اهلي ملو منه ومن تصرفاته وعنهجيته ولامبالاته ولاازيد ان افضحه اذا كان فيه فرصة لتوبته وهدايته

والده موجود وهو نسخه محسنه منه من ناحية عناده وعصبيته ومحاولته تصيد الاخطاء
تخيلوا اني كنت طلبت منه نسافر مكه بالاجازة الاخيرة لاجل العمرة والرقية من العوارض التي يشتكي منها.. قاوم وبشدة هذا الموضوع وافتعل مشكله كبيره لدرجة رماني بالشارع وقالي اركبي تاكسي للجامعة وكلم والده ليكلم اهلي يشتكي مني اني منعته انه يزور اهله واني احاول فرض رأيي عليه وطبعا والده ماقصر وكلم اخوي الكبير وقاله بنتكم تألف على ولدي انه مسحور وهو مافيه شي وودوا بنتكم طبيب نفسي وبنتكم تبي تمنع ولدنا يجينا (لانهم في منطقة ثانية) صحيح انه وافق بعدها يوديني مكه وقرينا عند الشيخ الحمد لله ووجد تحسن عظيم جدا وحس بالفرق ولكن بعد ماطلع عيني وبعد ماشرط علي اروح لاهلي اول مانرجع..
للاسف اكتشفت انه كان ناوي يروح للبلد ذي بالاجازة وكان حاجز ومضبط اموره ويوم انا اصريت على مكه واضربت عن كل شي ورفضت اطلع من البيت وقدمت تنازلات ووافقت على شرطه وافق يودينا واجل السفره الين رجعنا من مكه
يعني راح الحرم واعتمر وهو ناوي يزني ويرتكب كبيرة من كبائر الذنوب ماادري وش يحس فيه وهو بالحرم يدعي ربي ويطوف والله كل ماافكر فيه كل مااعجز عن فهم جرأته على المعاصي للدرجة ذي
لا وقال لي اذا تبين عمره في رمضان ماعندي مانع.. شكل قصده يكفر عن ذنوبه ولاحول ولاقوة الا بالله

بالنسبة لسوالك ماادري وش اقولك
ودي اجلس لان عيالي مرتبطين بابوهم جدا جدا وكل يوم يسألوني عنه خصوصا الكبير. ومن جهة ودي اتطلق منه لاني مليت من كل شي فيه حتى قبل خيانته وبعد الخيانه كرهته اكثر..
يمكن الاحساس الاكبر اني اجلس لعيالي ولكن راح اشرط عليه مايقرب صوبي ابدا الين يكبرون العيال وبعدها اتطلق منه..

اختي همس الافضل لا تحذفين شي من المقاطع والصور والمحادثات والارقام احتفظي فيها ماتدرين يمكن يقلبون كل شي عليك عشان لو سمح الله صار شي هذي بتكون اثبات لك

الله يفرج همك

__________________
كُل خيانـہ لـم تكن صدفـہ بل تم الأستعداد لها من قبل وبكل دقـہ...! 💔