اقتباس:
المشاركة الأصلية كتبت بواسطة ب نلتقي
همي أكبر همي
الله يجزاكم خير على النصيحه
لهالدرجه شايفيني أحتاج علاج نفسي !!!!!
|
العلاج النفسي لايعني بالضرورة ان فيك مرض نفسي.. هالفكرة قديمة واندثرت! بل ممكن يساعدونك المختصين تتخلصين من الاوهام اللي انتي عايشتها.. كلنا نحتاج نزور طبيب نفسي من وقت للثاني..
اجماعنا كلنا ان في خلل كبير بحياتك مو من فراغ..
وتردين بحدة وتطرف اذا خالفناك.. الرجال لين حط براسه شي ماتعوق معاه..
مستحيل يكون طبيعي اعتزالك للحياة عشان فكرة انه بيرجعك.. وتعلقين امال على لا شيء!
اصحي لنفسك.. ترا العمر يمشي.. وهو ماراح ينفعك لين صحيتي لحالك مالك احد بالدنيا..
ونصيحة لله انتبهي الرجال بيته عامر لاتسوين خطط ورسمات.. انتي بيتك انخرب على يد غيرك قبل.. لاتخربين بيت وحدة مالها ذنب..
الحين مو نفس الوضع.. في طرف ثالث وحقها مشروع هنا بانها تتهمك قدام الناس وقدام ربي..
ومنظرك مو حلو بيصير.. لانه زوجها ماعاد زوجك..
المشكلة الكبيرة انك مو قاعدة تفكرين كيف تعيشين حياتك.. قاعدة بس تفكرين متى يرجع وكيف!
اطلعي من هالقالب.. ومرة ثانية اعتبريه مات