وعند ذهابك للحديث معهم اكثر من قوله تعالى«وقل ربي ادخلني مدخل صدق واخرجني مخرج صدق واجعل لي من لدنك سلطانا نصيرا»
2/وقوله تعالى:«ربي اشرح لي صدري ويسر لي أمري واحلل عقدة من لساني يفقهوا قولي»
ولو تطلب من الاشراف انهم يطلبوا حضور الاستاذين الحكيمين البليغ وابو حكيم لموضوعك عن طريق مراسلتهم ..فهما باذن الله يساعدانك في موضوعك وخطوات الحل لا تتاخر بطلب الاشراف لحضورهما ..وفقك الله لكل خير
__________________
سبحان الله وبحمده..سبحان الله العظيم
هذا اكبرررر دليل لحبها لك انها مغفرة لك لان إحساسه ان جزء خاص منها وقطعه منها شاركته فيها وحده هذا بحد ذاااااته يقهر ويوجع القلب هى تعشقك للجنون ارسل لها رساله وضح لهاااا كل الى حصل وأنها الاولى والاخيره لو ان بعض الناس يعتقد انها اذلال لكن برايي الحب اقوى من أى شي ارسل لها وقولها يافلانه ماعندى أى مانع انها تكون معك لأنى أثق فيك لكن هل فكرتى كيف بيكون وضع بنتك وهى بين أبين اب بنسب وأب بتربيه اقلها خافى على نفسيتها وخلينا نطوى الماضى وربيها بينا
السلام عليكم ورحمه الله وبركاته
بصراحه قلبي المني على قصتك
انا من رأيي انها قالت بنفسها مافي حد ينغصب على زواج ثاني وهذا هو الصحيح
ثانيا هي طبيعي ما بتعطيك فرصه تتكلم رد فعلها طبيعي جدااا لكن بس بعتت مسج لك تقولك خلي البنت معي
هي تبي تشوف انت وش قرارك علشان ممكن انها ترجع عن قرار الزواج هي تبي تحرق قلبك مش اكثر
انا من رأيي انك ترد عليها برساله طالما رافضه النقاش بتاتا
ترد عليها وتقول لها انه انا اتمنى لك الخير حتى لو تتزوجين واحد غيري مع انه قلبي يعتصر والله يوفقك بحياتك المهم تكوني مبسوطه ومرتاحه وتشرح سبب زواجك...... وفي نهايته الرساله قول لها بس اعتذر منكابنتي ابيها تعيش معي هنا انت رح تضغط عليها من ناحيه البنت وتفكر كمان مره بالي رح تعمله .....
طلما لقيت طريقه تواصل رضيت فيها وهي المسجات فستغل الفرصه... اوقد نار الشوق في قلبها .... قل لها حتى لو تزوجتي فأنا لن اتزوج لاني احبك ومن هالكلام اغدق عليها ....
الله يسهل امورك اخي اكثر من الاستغفار فأنت ظلمت زوجتين مو زوجه
في حفظ الله و رعايته
تم اللقاء اليوم بعد تأجيله مرتين
تكلمت وتكلمت وتكلمت مابقيت شي ماقلته
سألتها بالبدايه اذا تمت الخطبه وسكتت
فتكلمت اولاً عن سبب زواجي والله اني ماكنت ابغى اقول لها السبب لكن ايش اسوي
وقلت لها عن مشاعري وتعلقي فيها وببنتي واني الى الان ماتركت بيتنا اللي كنا ساكنين فيه
واخر شي فهمتها انو مستقبل بنتي حاجه ثانيه وانها لو قررت تتزوج اني بخلي البنت عندها الى 6 سنوات وبأخذها
وبربيها ومارح اتزوج
علقت فقط على هذي النقطه قالت لا مستحيل كيف تقهرني كذا اربيها واتعلق فيها بعدين تاخذها
رجعت فهمتها اني ما اتخيل بنتي تكبر وتعيش حياتها كلها بعيد عني واني ما اقصد اني اغيضها
تكلمت كثير مررره نص الكلام نسيته
هي ماتكلمت بس كانت تستمع وطول الوقت الشيطان يلعب براسي انها مو مهتمه للموضوع عشان كذا ماتكلمت
وللأسف ماخلتني اشوف عيونها لو اني شايفها كانت عرفت مشاعرها بس لاحظت يدينها ترتجف
وبس ان شاء الله مانسيت شي
انا ملخبط حبتين لي رجعه هنا بإذن الله ..