في رايك شوري علي اتطلق اتركه واترك ولدي وبدون حتى النصيحه والمحاولات واتطلق شرايك هل هذا حل افيديني؟؟؟؟؟؟؟؟ |
فنكاحك باطلٌ وهو ليس زوجاً لك وليس له عليك طاعة ويجب عليك أن تفارقيه وترجعي إلى أهلك ثم إن هداه الله إلى الإسلام وآمن بالله ورسوله وأقام الصلاة فإنه يعقد لك عليه عقداً جديداً وتبقين معه إن شاء الله تعالى في سعادةٍ |
بخبركم
بكل شي صحى الفجر قلتله ابي اتكلم معك قال اليوم اذا جيت من دوامي نجلس ونتكلم االحين انا تعبان قفلت عالموضوع الى وقت جيته من الدوام وانا بتفاهم معاه واقولكم وش يصير معي طبعا الفجر لما صحي قلت له قوم صلي قال طيب قعد ساعه عالنت وقام صلى ورجع مكانه بس كان يسكتني واليوم بانهي معه كل شي |
اختي هذه فتوى لابن عثيمين والله تعالى امرنا ان نسال اهل الذكر
وقد وضح لك الشيخ الفعل المطلوب منك وانت تسالين اتطلق والا لا وهناك اعظم من الطلاق فتارك الصلاة حده القتل ان استتب ثلاث مرات ولم يصلي ويرجع لدينه وتركك له بمثابة نصيحه له وتخويف لك منه ان يلزم الصلاة واعطيه الفتوى واخبريه بقرارك |
الى كل من واساني
ونصحني وجبر خاطري ولم يجرحني بكلامه عن الانفصال والطلاق ومن تابع قصتي اولا لاحرمتم الاجر من مساندتكم ودعمكم النفسي لي اتابع معكم ماحصل امس جاء من دوامه قال وبدون ما اسأله انا صليت بالدوام كل فروضي طبعا مثل ماقلت لكم يرجع من دوامه 5 المغرب يعني بقى العشا والمغرب لما جا نام صحى على 8 طبعا صحيته يصلي المغرب عجزت اصحيه نومه ثقيل مارد اصلا علي بعدما صحى وتقهوى وروق قال قومي نطلع امشيك شوي قلت ما ابي ابي اتكلم معك ابي ارتااااااااح قال وبعدها نطلع انتي حابسه نفسك قلت اول شي نقعد نكلم عن كل اللي ابغااااااااه قال يالله قولي اللي عندك انا بديت بولدنا لانه نقطة ضعفه اي شي الا ولدنا متعلق فيه مره مره قلت ترضى ان ولدك يموت ولا يجيه شي تغيرت ملامح وجهه قال انتي ليش تتفاولين كذا قلت ما تفاول انا اقولك انت ما حفظت ربي وشلون يحفظك ويحفظ ولدنا بعدين ترضى اروح لاهلي واخذ ولدي معي لانك ماتصلي وحرام نبقى معععععععععععك قال؟ليش هذا كله قلت انت متساهل في انك ماتصلي قال انا ما تساهلت بس كل يوم اقول بكره قلت بعد نقااااش طويل ابيك تصلي انا احبك و ولدنا يبيك قال خلاص انتي ذكريني وانا بصلي طبعا صلى العشاء والفجر احس ان الحياه تغيرت بس انشا الله يستمر الله يعلم وحده اني احبه فقادر وكريم رب العالمين انه يقر عيني بهدايته |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|