1) عظم الله أجرك وأجر أبنائك، وأحسن عزاءكم، وغفر لميتتكم.
2) أخي الفاضل:
أ‌- اذكروا محاسن موتاكم.
ب‌- هي قد أفضت إلى ما قدمت، والله يتولاها برحمته.
ت‌- لا حاجة لذكر القصة بينكما، وما الفائدة منها؟! وماذا سنقول لك؟!
ث‌- ولو قلنا هل ستعود هي للدنيا؟!
ج‌- الأمر قد انتهى، وزيادة الكلام فيه نقصان عقل.
ح‌- لا نريد منك تبريراً أو اعتذاراً أبداً عن شيء.
3) توقف عن تهورك وعجلتك فوراً فالظروف مختلفة الآن بعد وفاة زوجتك.
4) توقف عن تهور وعجلتك فوراً+انتبه لنفسك وحياتك+راجع حساباتك مع ربك+راجع دينك وأخلاقك.
5) انتبه لأبنائك وأحسن إليهم بالمعروف.
6) ليس في يديك سوى الدعاء لزوجتك المتوفية والصدقة عنها كثيراً.
7) يجب عليك وجوباً أن تسامح زوجتك المتوفية إن هي أخطأت عليك أو قصرت بحقك ذات يوم كما ترى أنت من وجهة نظرك.
8) سامحها لعل الله يعفو عنك يا رجل.

ملاحظة مهمة:
1) من الوفاء لها أن تكون رجلاً شهماً وتذكرها بخير في كل مكان.
2) من الوفاء لها أن تكرم أهلها وكل قريبٍ لها.
3) ركز على بناتك منها أكثر، وأكرمهن وقدرهن أكثر وأكثر حتى أماما زوجتك الأخرى كما كان يفعل رسول الله صلى الله عليه وسلم مع ابنته فاطمة رضي الله عنها.
4) الرسول صلى الله عليه وسلم كان يذكر أمنا خديجة رضي الله عنها بعد وفاتها بخير حتى غارت أمنا عائشة رضي الله عنها، وقالت: "ما غرت على أحد من نساء النبي ما غرت على خديجة ، وما رأيتها ! ولكن النبي كان يكثر ذكرها ، وربما ذبح الشاة ، ثم يقطعها أعضاء ثم يبعثها في صدائق خديجة".
5) وقال عنها بأبي وأمي أيضاً: ( قد آمنت بي إذ كفر بي الناس ، وصدقتني إذ كذبني الناس ، وواستني بمالها إذ حرمني الناس ، ورزقني الله عزوجل ولدها إذ حرمني أولاد النساء) مسند أحمد.

السلام عليكم زواجي الجديد كان عادي جدا والمدعوين بين العائلتين لايتعدون 20الي 25 شخص رجال ونساء
ووقت دخولي بزوجتي الجديده كان الساعه 3 العصر لانه عندنا رحله الي ماليزيا الساعه 11 بالليل بنفس يوم الدخله
زوجتي جدا جدا جدا جميله وهي مطلقه وفترة زواجها لاتتعدى 9 شهور من زوجها السابق وتم اختيارها لي بعنايه وكلموني قرايب لي بمواصفات وخطبتها وشفتها النظره الشرعيه ونبهرت ونصدمت بجمال هذه المراءه وسال نفسي كيف الغبي زوجها الاول طلقها وانا طالع من عندهم بعد ماشفتها مع ابوها تكلمت مع قريبتي الي وصفت لي زوجتي الجديده وهي الي اختارتها لي وزف لها نباء هديه نقديه قيمه لحسن اختيارها لي لهذه الزوجه او هذي الجوهره النادره ودايم اقول يارب انت تحبني وتبي تعوضني خير عن عناد ونكد وتطنيش زوجتي الاولى الله يرحمها الي ولا يوم تهنيت فيه معاها اربع سنوات نكد وتطنيش ولا حتى كلمة حلوه او رساله او هديه او اي شي او اتصال يعني حضوري وعدم حضوري واحد
زوجتي الجديده عاجبتني الف بالميه ولاكن عندها عيب فيها سوف اقوله اخر الموظوع ؟؟
.................................................. ...........
يوم زواجي وانا طالع الظهر من البيت لحقت بي المرحومه عند باب المجلس وقالت لي فلان تاريخ اليوم وش يذكرك فيه قلت اي تاريخ قالت تاريخ اليوم هو تاريخ يوم زواجنا قبل 20 سنه
والتفت عليها ولا قلت ولا كلمه عطيتها 3 هدايا ساعه 2800 ريال وطقم ذهب 3350 ومبلغ
7 الاف ريال ترضيه ونزلتها زوجتي عند المرايه الي بمدخل البيت ولا شافت ايش الهدايا وقالت لي متى اقلاع رحلتلك قلت اليله الساعه 11 بالليل قالت بصوت مبحوح وحرقة وغصه ونقطاع بالتنفس ؟؟؟؟
انتبه لنفسك والف مبروك زواجك والحمدلله تحقق الي انت تبيه بعد اربع سنوات
قلت المفروض متزوج من زمان بس انا اعطيتك مليون فرصه بالاربع سنوات تتعدلين ونتي مطنشه ع الاخر ...... قالت كلام الفائت ماله طعم انتبه لنفسك والان انت مسؤل عن زوجتين وبيتين وانا متنازله عن ليلتي ومتنازله عن حقي الشرعي ومتنازله عن المبيت عندي ومتنازله عن اتصال الجوال والسوال عني ومتنازله عن اي شي
اهم شي لاتظلم اولادك ولا تظلمنا ونتبه تنقص بمصروف الاولاد
قلت لها باذن الله ماراح ينقصكم شي .....
وستغربت من زوجتي الاولى الله يرحمها ماسالتني عن اسم زوجتي الثانيه ولا سالتني عن عمرها ولا سالتني هل هي مطلقه ارمله بنت بكر
لاني اعرف ان الزوجه الاولى تسال زوجها عن ضرتها ايش اسمها وكم عمرها هل نحيفه او سمينه هل هي طويله او قصيره كيف طبخها كيف شعرها وكيف وكيف وكيف
ودعت زوجتي عند مدخل البيت وركبت سيارتي وفتحت الكراج بالريموت وهي تنظر لي وتبتسم ابتسامة الموادع الحزين وفعلا هذاك الموقف هو اخر مره شفت فيه ام اولادي الله يرحمها وكان بريق في عيونها يقول لي ليش سويت كذا ليش ليش جت عيوني في عيونها وباب الكراج ينزل شوي شوي
. واخيرا جاء اليوم الي انتظره من زمان .... انا بعد ساعتين عريس
ذهبت عند عم زوجتي الجديده لان كان الاجتماع عند عم الزوجه الجديده
لان اهل الزوجه الجديده يسكنون 80 كيلو عن الرياض ولا معي وقت اروح ورجع للرياض وطلع المطار للسفر الي ماليزيا ,,,,,,,
تغديت عندهم وصليت العصر واخذت ( الملكه )زوجتي معي وذهبت لفندق صحاري المطار لانه قريب من مطار الرياض ..... دخلت بزوجتي والحمدلله يارب كنت راضي كل الرضى عنها وكل شوي اطالع بوجها الملائكي ياسبحان الله اشهد ان لاالله الا الله
المهم جاء وقت حضور المطار وذهبت الساعه 10 مساء الخطوط السعوديه وتم الاقلاع للاسف الساعه 12.40 صباحا بتوقيت الرياض
والطياره بالمدرج تمشي شوي شوي جاني اتصال من بنتي تقول امي انهارت وجاها صرع وفمها يطلع رغوه بيضاء يشبه البوده حقت الاطفال وعيونها انقلبت الي اللون الابيض وتصرخ وتبكي بنتي وماني عارف ايش وكانت بنتي تتكلم بسرعه مافهمت شي منها
قفلت الجوال واقلعت الطياره ... وقمت افكر بالموظوع قلت اكيد هذا كيد النساء الي يقولون عنه مع اني اعرف كيد النساء من زوجتي الاولى كانت ماخذه ماجستير بالنكد والتطنيش والكيد والعناد والراس اليابس ....
وصلت العاصمه كوالمبور وخذت شقه فندقيه برج ( اسكــــــوت ) لانها قريبه من الاسواق وبرج التؤم ....
جلست في العاصمه يومين وطلعت مدينة ( بينينق ) وجلست 9 ايام وبعدين طلعت جزيره العرسان ( لانكــــاوي ) وراح اجلس اسبوع كامل بها.... شاليه على البحـــــر
اليوم الرابع جاني اتصال بالليل من اخوي وقال امسك نفسك وتمالك اعصابك راح اقول لك خبر قوي شويه ولازم تتحمل الصدمه وهذا كله بامر الله وكلنا ماشين على هذا الطريق الكبير والصغير ....فسكت ثواني معدوده .... وقال ....
فلانه تطلبك الحــــــل ..... قلت ايش ايش ؟؟ انت وش تخربط وش تقول انت ....
قال ام فلان توفيت بمستشفى قوى الامن والان انا تحت بالبدروم عند الثلاجه انا وولدك فلان
دارت الدنيا ودارت ودارت وتوقفت ودارت ودارت ورجعت تدور عكس عقارب الساعه واظلمت الدنيا وتصبب عرقي وزاد نبضي وتعرقت يديني وحسيت بثقل غريب بقصدري كانه حجر كبير فوق صدري وطاح الجوال من يدي .....
صحت بزوجتي الجديده وكانت بحديقة الشاليه وقلت لها ان زوجتي فلانه توفيت اليوم بالرياض ..... قالت هون على نفسك حبيبي تمدد على الكنب ولا تتحرك وجابت لي ماء بارد وعدد اربع حبات اسبرين قالت الان بسرعه كل الاسبرين عندك اشتباه بجلطه وتصلت على الاستقبال وحضر دكتور وشرحت له ايش صار طبعا كله باللغه الانجليزيه
هي من رتبت العوده وقطع الاجازه فورا مع ان كان التخطيط نجلس 28 يوم في ماليزيا
قالو يبيلكم يومين عشان نلقى حجز لكم الي الرياض حاولت زوجتي وحاولت بجميع الخطوط المتجه للسعوديه .... ولاكن مافي فايده ....
رجعت الي العاصمه كوالمبور وحجزت العوده ورجعت الرياض بعد يوم ونص من تلقي الخبر وقابلت ولدي واخواني واخوان زوجتي بالمطار ...
وبعدين عرفت من ولدي ان امه صابها تشنج الساعه 11 بالليل وطرشت دم اسود من فمها
وصابتها رعشه وتقفل فمها .... الله يرحمها ...

هذي كل القصه الي صارت معاااااي .... انا مسامح زوجتي بتطنيشها لي وعنادها لي ..
وبالنسبه للعيب الي بزوجتي الجديده هي ( بالفراش ) .....................
وسبب طلاق زوجتي الثانيه من زوجها هو هذا السبب ... او مايعرف بالشبق الجنسي ................
قلت لها انا عمري 48 ماقدر اسوي معاك الي انتي تبينه ....
...................
قلت انا مريض سكر ومعي جلطه وضغط دم ....
كرهتني بالجنس وكرهت نفسي ...
بس هذا الي كنت بكتبه لكم وعندي نصيحه لجميع الرجال الي ناوين يتزوجون على زوجاتهم صدقني صدقني الي مع الزوجه الثانيه نفس الي مع الزوجه الاولى ...
يعني لو اكلت برتقال في حائل او جده او خميس مشيط او اي مكان
ترى طعم البرتقال نفسه ماراح يتغير ....
هذي كل قصتي وارجو من الجميع الي بيكتب رد يكون رد عقلاني تحياتي لكم ؟؟

----
تقول انك مسامحها
بس وهي هل سامحتك
راجع نفسك و راجع تصرفاتك معها
هل كنت نعم الزوج و كنت السند لها
تغيرها عليك ما هو الا ردة فعل
اسال نفسك انا ايش سويت حتى زوجتي تغيرت علي

---
اما الزوجة الجديدة
فارق العمر بينكم كبير و هي في اوج شباباها فلا تستغرب تفوقها عليك
و المفروض تحسب حساب هالشئ بس الظاهر ان جمالها خلاك تنسى
انظر لعلاقتك مع الله و صححها

(وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى )

كم صار لها زوجتك من توفت ؟

كم صار لك من تزوجت عليها ؟

__________________

حاجة الناس إليكم من نعم الله عليكم ، فـ لا تملوا النِعم ☁✨

قصة مؤثرة مبكية ..لكن لا فائدة من تجديد اﻷحزان....راجع علاقتك مع الله...واستغفر وتب إلى الله وأكثر من الدعاء لك ولزوجتك...لا تغضب من النصيحة لكن لاحظت فيك صفة العناد ..تستشير ثم تعمل ما تريد..اﻵن عوض أبناءك واعمل وقف لزوجتك لعله يخفف عنك

فالله يرحمها و يصبر عيالها واهلها و يصبرك و بس

__________________

عشرين سنه زواج

بس ركزت على اخر اربع سنوات !!

وانت تمدحها وتثني على مواقف لها .

ليش ماتجاوب على اسئلة الاعضاء

عشان تبدأ التغييير

ليش زوجتك الاولى رحمة الله عليها

كانت مطنشنك !!

ليش كانت يائسه منك ؟؟ ومبتعده

كن صادق مع نفسك قبل الاخرين .

__________________
اللهم ألهمني الرشد

__________________
اِهدنِيْ فِيْمن هَدَيْت ..

.....
على العموم اذا فعلن اللي قلت عن زوجتك ابني لها مسجد
وان الله غفور رحيم الله يقبل توبتك