صراحة استفدت كثير من منتداكم الله يكتبلكم الاجر ويجزاكم خير
بجد حسيت ان الامور الي كنت افكر فيها كلها كلام فارغ صادق ابويا
الحمدلله حصلت الدخلة وصادقة الي قالت بعد الدخلة راح ارتاح وابدا اتعلق فيه والي خلاني اتعلق فيه زيادة كان مهتم فيا وقت الدخلة ويطمني ويحاول يريحني وما يبغاني اتألم.
كنت منسدحة جنبه في السرير وهو يحاول يداعبني بس انا صادة عنه في شكله قال في نفسه داخل داخل خير شر وصار يداعب يداعب الين خلاص دخت واندمجت معاه انا ما ادري ليه البنات يخوفونك في الدخلة ويقولو الم شديد وما راح تقدرين تمشين والله العظيم الم زي وخز الابرة وبعدها خلاص بس هو وقف وقال خلينا اليوم بس نفض الغشاء يوم ثاني نبدا العملية كاملة.
بجد حسيت بعد العملية اني بديت ارتاح معاه وتعلقت شوية وندمت على الي سويته فيه من جد ضحكت على نفسي.
امس تاسفت منه وسويتلو فطور يجنن وبعدها قلت خليني اكافئه واعوض الايام الي ضعيتها في بيت اهلي وبادرت انا بالعلاقة
الحمدلله حسيت اننا صرنا احسن من اول نتكلم مع بعض ونضحك
شكرا لكل وحدة ساعدتني يعطيها الف الف عافية
بس لو ممكن طلب اخير انا برمي الافكار الي في راسي الي اخذتها من امي واخواتي وابي ابدا حياة جديدة بجهدي لو تقدمو لي نصايح تفيدني في الحياة الزوجية او تعلموني على كتاب حلو معليش شكلي تعبتكم معي عادي لو ما فيكم حيل مو لازم هههه
وشكرا مرة ثانية

تطورات جميلة ، من جهتي اراه من المهم ان تصارحي زوجك مستقبلا
بما يضايقك ، وليس كل ما يضايقك ، بل فقط الامر الذي يضايقك وعجزتي ان تحليه
بطريقتك فلا بد ان تصارحيه لكي تتجنبي تراكم المشاعر السلبية داخلك ، ارى ايضا كتاب
الرجال من المريخ والنساء من الزهرة كتابا مفيدا لكل متزوج ومتزوجة ..

دمت بود ..

__________________



احيانا يجب ان نفقد ذواتنا كاملة لكي نستعيدها كاملة ...

ما شاء الله ..
جدا فرحت لك ..
زوجك طيب الحمدلله وإنتي خلك عاقلة وأتركي عنك الدلع ..
اذا في بالك أي استفسار فالاخوات مايقصروا ..
بالنسبة للنصائح حكمي عقلك .. خذي منها اللي تشوفينه في صالح حياتكم الزوجية .. وأتركي انصائح التحريض ..

الله يديم عليكم السعادة ..

اول شي ريمو الف الف مبرروك ربي يساااعدك يااارب راح اتكلم عن الكوشه وتصوير والقاعه وربي كلام فاااضي
انا تزوجت اكبر قاعه بالمدبنه واحلي مصوره واحلي فرح وتطلقت من اسبوع بعد الفرح الحمدالله
والله ياريموو اهم شي تكوني مبسوطه بعد الفرح مو ﻻزم شهر عسل اهم شي هو يكون طيب ويخااف الله فيكي
نصيحتي لكي حيااتك خاصه فيكي مو ﻻزم تكوني كتاب مفتوح مو ﻻزم احد من اهلك او اهله يعارف شي عن حياتك اهم شي ارضي زوجك وكوني عوون تساعدي بالصلاه انتي بالبدايه لاتتكسلي انك تصاحي من نوم عشان يصلي خليكي من البدايه كدا عشان يتعود وبس هده اهم شي ياااربي يساعدكم ويرزقكم الذريه الصالحه

__________________
لإإًلـه إًلإ إًنت سبحـآنـگ إًنـيَ گنـت من إًلظآلمينَ
الْلَّهُمَّ انَّ رُفِعَتْ لَكَ يدَيِيّ أَدْعُوْكَ بِحَاجَةٍ .فَلَا تَرُدَّ يَدِيَ بِلَا حَاجَتِيْ وَانْتَ الْكَرِيْمِ
الْلَّهُمَّ إِرْزُقْنِيْ مِنَ الْرِّزْقِ الْحَلَالِ مايُغنِيْنِيّ عَنْ سِوَاكَ اللهم اجبر كسري وعوضني بالزوج الصالح

الله يجزاكم خير شكرا مدن وام الدانة ويا رب عوضني
مدري ليه امي واخواتي وهم اقرب الناس ما نصحوني مثلكم اعوذ بالله نصايحهم كلها بطالة الحمدلله ربي دلني عليكم والله مرا استفدت منكم الله يعطيكم العافية هوا اصلا معدنة طيب ما يحتاج اصحيه للصلاة يعني تخيلو ما شاء الله عليه اول ما جينا من العرس تركني وراح المسجد يصلي الفجر التعب والارهاق ما منعه وان شاء الله الكتاب دا راح اشتريه والله من جد اهم شي واحد يخاف الله فيا بلا عسل بلا خرابيط

العفو عزيزتي والحمد لله اننا قد كنا على حسن ظنك ، ايضا اقرئي هنا وهناك
واطرحي مواضيعا عما تجهلين فالقراءة توسع المدارك والافق ..
ادام الله نعمته عليك ورزقك شكرها ..

__________________



احيانا يجب ان نفقد ذواتنا كاملة لكي نستعيدها كاملة ...

اهلاا ريموو مبروك ي عسسل انتي بس خليك هنا ف المنتدى وراح تكسبي .. وهوا ماشاءالله عمله نادره وصبر عليكي ومحافظ ع صلواته لاتفرطي فيه..وبالنسبه لمصايح امك واخواتك مدام كدا نصيييحه لايدرو عن تفاصيل حياتكم ابداا... ولاتحكينلهم خليك حريصه ي قلبي..
انتي واضح انك طيوبه بس كنتي جاهله لانك ببداية حياتك والحمدلله قاعده تتعلمي .. واي سوال او اشكال قولي لنا وبنساعدكك..
موفقه ان شاء الله

__________________
الحمدلله

الله يسعدك ويتمم عليك يا اخت ريمو <<تعجبني الذكية اللي تستفيد بسرعه من النصائح
مو تقعد تدافع عن غلطها صفحات وصفحات من موضوعها والكل ينصح ويوجه وهي بس تدافع عن غلطها !!طيب خير ليش حاطه استشاره!!
وانتي الله يسعدك من اول ما قلنا لك ارجعي رجعتي. قلنالك اهجدي مو مهم الفرح المهم الرجال هجدتي وسمعتي اللي فيه صالحك
وتمت الدخله
وهذا ما يدل الا انك عروسه ذكيه ولماحه تقتنصين النصيحه وتطبقينا

اول نصائحي <<لسا ما دخلت قفص الزوجيه وابي دعواتك من قلب
وانا اكبر منك لذلك عندي خبره

النصيحة الأولى
لا تحكين عن ليلة دخلت لأي احد كااااااااان
حتى هنا بالمنتدى احسك دخلتي في تفاصيل ما كان من حقنا نعرفها لو اكتفيتي ب تمت الدخله وبسسسس
وبما انك ذكيه راح تداركي غلطك ..ليش اقولك حتى بالمنتدى عشان تعودي نفسك اسرار حياتك وبالذات حدود غرفة النوم
ما يعرفها احد غيرك انتي وزوجك فقط فقط فقط

ما دام اكتشفتي غلط امك واخواتك اذن وصلتي لنتيجه انهم متسرعات وغير عقلانيات ف لا تستشيرينهم في اي شي يخص حياتك الزوجيه
واذا كنتي عند اهلك اوصاحباتك او اي تجمع نسائي خلي سوالفك كأنك لسا ما تزوجتي ولا تجيبين سيرة حياتك الزوجية
سؤال وجواب مختصر كيفك ؟الحمد لله بخير ونعمه
كيف زوجك؟يارب لك الحمد بخير
كيف الزواج؟الحمد لله
عسى مرتاحه؟الحمد لله مرتاحه
شايفه خلي اجوبتك كذا نصيييييييحه لا تسترسلي بالجواب لأن كلمه راح تجر كلمه وجملة راح تجر سؤال اخر اكثر عمق
الا وانتي قايله قصة حياتك كلها بزياره وحده لأهلك او لصاحباتك

النصيحه الثانيه
قلتي بدأت اتعلق فيه لااااااااااااااا لا تتعلقي فيه عشان ما تتعبي
حبيه بس لا تتعلقي فيه وتلزقين فيه وين ما راح وراه وكل ما طلع تتصلين ترا بيطفش منك خليك وسط وسط وسط في كل شي

النصيحه الثالثه
البسي وتشيكي بس لا تحرقين كل اوراقك خلال شهر شاف كل شي وشاف عليك كل ملابسك
لا انتي لسا عروسه ف بالتالي جديده ما تحتاجي تروحي تقصي شعرك مثلا او تصبغي او كل ساعه بلبس
هذا كله بعد سنه من الزواج لكن الحين خليك على وضعك مع لمسات ناعمه وبسيطه من المكياج الصباحي والبجامات الناعمه
اتركي الملابس المشخلعه لبعدييييييين بعد ما تبدأون تملون تجددين فيها حياتكم
الحين انتي عروسه ولبستين في اليوم تبهره ما يحتاج تجديد كل كم ساعه

النصيحه الثالثه والمفروض تكون الأولى
تعلقي بالله ولا تخلين شي يشغلك عنه وعن فروض صلاتك والخشوع فيها انتبهي يا ما حريم تأخر الصلاة عشان زوجها
وتنمص حواجبها عشان زوجهاوووومن اشياء تغضب الله عشان زوجها وفي الاخير تركها
لأن هذا شي معروف من ارضى الناس بسخط الله سخط الله عليه واسخط عليه الناس
وادعي ان الله يحفظكم ويدلك للصواب من امرك في اي مشكله ولا تخلين الله اخر من تلجأين اليه فيتركك تتخبطين بين الحلول

الله يوفقك ويسعدك وسامحيني ان شديت في البدايه
ترى اشد من قهري على الوحده

الله يرحم أيامك يا الجرئ تعال شوف "مشكلتي زوجتي سابقاً"

__________________
ياصبحِ لاتِقبل !!
عط الليل من وقتك..

ماشاء الله خبر سعيد جعل الله السعادة حياتك
وزجك به صفات رائعة والاروع انتي
والنصائح الزوجية ابتكري منك كل الاشياء السعيدة التي تناسب حياتكم
وحياتك الخاصة تحتها خط احمر حتى لوالدتك او اخواتك
وفي المجالس الخاصة والعامة لاتنشري اخباركم وحركاتكم حتى لو كنت متخاصمة واياها
لان الحياة الزوجية فيها العسل والبصل وفيها نكهات متنوعة ولكن بالحلم والصبر تحلو حياتك
حفظك الرحمن واسعدكم الله

__________________
يارب ابدل حزني فرحا وسرورا وابدل مرضي صحة وعافيه ياكريم