ابو عساف
انا مطيعه له بكل شي حتى حقوقي تنازلت عنها بلعكس اهو شاف طاعه له اني خلاص خايفه منه ويبدا يتجرا علي اكثر واكثر وبعدين انا مامزح معاه اهو اللي يجي يمزح معاي طبعا لو يمزح صح مايستخدم اسلوب المزح الضربي لما عطاني كف ترا لاشعوري عطاني ودائما يضربني لاشعوري ومن غير سبب عنده اضطراب نفسي والله ايش اسويله اتحمل امراضه النفسيه لحد مايجني مرض نفسي معاه؟؟ ونا مع اني متعلمه اكثر منه ومثقفه اكثر ومستواي العائلي اشوفه افضل بس ماعمري شفت نفسي عليه الا بعد ماشفته يحاول ينتقص مني ومن اهلي صرت ارد عليه لان شفت سكوتي ماجاب نتيجه ومعاملته بالحسنى برضه ماجابت نتيجه الوقاحه معاه جابت نتيجه ترا زوجي ترا ماعنده خوف من الله او حياء من الناس اي شي يجي بباله يسويه بحكيلكم جانب من شخصيته مثلا عشان ماتتوقع انه رجال كويس بس يمكن انا ماعرفت اتعامل معاه مثلا عنده طبع يحب ياكل اموال الناس مثلا عامل جاء يصلح الباب واتفق معاه بثمانميه دفع له مقدما ميه بعدين سحب عليهم وصار العامل يدق على الباب يبغى الحساب وهو يصرفه رحنا مره مستوصف اسنان سوى اسنانه ولعب على الدكتوره وعطاها ميه وسحب على خمس ميه حتى الدكتوره اعرفها واحرجني معاها رحنا مره مطعم اول مره بالعيد رمضان اللي راح وتعشينا وشبعنا وطلعنا وهرب ومادفع مع انا نادر مانروح يمكن بالسنه مرتين رحنا مره السوق سرق اغراض وحطها بعربيه الطفل يكذب على الناس ويخدعهم وياكل اموالهم مع انه دخله لايقل عن عشرين الف اقل شي وعنده تجاره وراتبه زين عشان لاتقولون يمكن راتبه مايغطي والله كل تصرفاته ماله عذر فيها حتى تعامله السي معاي ماله عذر ونا ماتسبب فيها بشي بس سوء اخلاقه وتربيته السيئه جدا اهي السبب والله انا ماحكيت لك عن كيف يهينون حريم عيالهم ترا انا اقول هالكلام كله عشان تفهمونه مثلي وتقول لي هل للانسان هذا حل يغيره؟ |
انا ناويه شررده والله مادريت الا بالفتره الاخيره عن التجسس والمراقبه بيبيتي
كنت عارفه عن الجوال وتجسسه تخيلي مره اخذ المصحف وحلف عليه انه مو يتجسس على جوالي استهتار بالله وكتاب الله اعوذ بالله كل هذا عشان تسمع اسراري انا واهلي وش بتفيده معرفه اسراري اذا خرب بيته وامام رب العالمين بكره يوم الحساب المشكله تتكلمين معاه مايفهم مصررر على ظلاله الحمدلله اني صحيت بدري ماعندي الا ولد والله يعينه على حياه ابوة |
الرجاء الاطلاع على قوانين المنتدى، يمنع :::
16 ـ وضع البريد الالكتروني, أو رقم الهاتف, أو طلب أي شيء خاص بهدف التواصل ستتعرض العضوية للايقاف في حالة مخالفة قوانين المنتدى الاشراف |
أنا آسفة كثير بس ممكن سؤال
وين الغلط الي كتبته أنا ما أعطيتها ايميل ولا رقم هاتف وبعدين لو تبغى تتواصل معي كيف بتتواصل وهي ماعندها أي شي تتواصل معي فيه وأنا قلتلها على الخاص لأن في أشياء ما أقدر أقولها في المنتدى ويمكن تفيدها لأنها أفادتني بس أنا متأسفة كثير بس قوليلي وين الغلط الي غلطت فيه |
ام. عبد الملك العزيزة
انت لم تخطأي لكني رأيت ان انبهك مسبقا بقوانين المنتدى في حال لم تطلعي عليها يعني مجرد تنبيه اختي حتى لا يصل الامر لاحقا لتبادل الايميلات او الحسابات الخاصة وبالتالي تعرضي عضويتك للايقاف.. ربنا يوفقك وصاحبة المشكلة وتنالو راحة البال . |
اعوذبالله!! ما يدري انو حلف اليمين فيلو ابتلااااء !!
ناس كتير تسرلهم مصاايب لانهم يحلفو عالقرآن كدب تخيلي ولد جيراننا صغير عمرو 18 ابوه حلفو عالقرآن على هرجه الولد خاايف من ابوه ياعيني قام حلف كدب والله كم اسبوع وجالو السكر ربي لايبلانا ولد شباب نحيف ويلعب رياضه و باول عمرو ايش يجبلو السكر فجأه غير حلف اليمين!! غلللط غلللط الاهل يحلفو اولادهم عالقرآن لانو بديهي حيكونو خايفين يقولو الحقيقه لكن زوج يكدب على زوجتو بالقرآن !! مره يعني قلك انا خايف منك والله انو لاهو خايف ولا شي لكن لسانو متعود عالكذب والعياذبالله |
كن فيكون
بالله عليكي إنك تحاولي تستعيني بالله وطلعي كل همومك بسجودك ابكي لله والله ربي بيساعدك غيري حياتك بس أنا مريت بضغوط نفسية كثير وصرت أتصرف لا شعوري وانتي يمكن مثلي لأن التجسس والتسجيل والتصوير شي مو سهل بس اسمعي والله العظيم وحدة أعرفها تدري زوجها وش يسوي فيها قالها مرة ارقصيلي وانتي مو لابسه شي وصورها بدون ماتعرف بكاميرا بدون فلاش وأخذ الصور لأهله عشان يشوفوها تخيلي بالله عليكي مو انتي أهون منها وغير كذا كان يرفع عليها السكين وهي مالها متزوجة كم شهر وكانت حامل وراحت مرة هربت منه كان يبغى يقتلها وهربت للمحكمة وتطلقت بس تخيلي راحو اهلو جابو شهادة تزوير إن فيه مرض نفسي وطلعوه من السجن على طول وصار عندها ولد الحين منه بس ما أدري هي رجعت له ولا لا لأنه كان يبغى يرجعها بس حاليا ما أعرف أخبارها |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|