السلام عليكم
اكثري الاستغفار حبيبتي
الله يسر امورك
في رايي حاولي توصلي فكرة زوجك غير مباشرة اي مع اخته مثلا انك مو ناوية الرجوع ابدا وانك مرتاحة عند اهلك
اطلعي مشاوير مع اهلك وصحباتك وبناتك استمتعي بكل دقيقة لا تنعزلي وتبقى تفكري به وبمشاكله
حتى اغلقي هاتفك او استعملي رقم جديد واقنعي والدك بعدم الاتنصال به ابدا
اي خليه يفكر انك حافظة خط الرجعة لكن اقتنعي بالفكرة انت اولا اي اكذبي الكذبة وصدقيها
هل ممكن ان الخيانة هي سبب طلاقه الاول وان كانت لا تدفعي ثمن اخطاء الاخرين
او انها لم تستطع ان تتحمل ما تتحملينه انت من شكوك

ممكن حبيبتي ان زوجك لما يكون غير مستقر ماديا وما يحب يكسر راسه بمصاريفك وبناتك يستغل اتفه الاسباب حتى تروحي لاهلك ويتفك من مصاريفكم
وبعد ما تتيسر حاله يرجعكم
هل انت عاملة ام لا؟

اختي ريتاج فعلا هذا اللي لاحظت في تصرفاته لما يكون مضغوط من العمل ويرجع البيت
واطلب منه شغلات ضروريه احس انه يتضايق اكثر وبعدها يبدأ يبحث عن اي زله عشان تصير
مشكله ويخليني اروح لأهلي ،، لأن قبل لا تصير المشكله ب دقاىق بس قلتله ترا ناقصنا شوي
طلبات للمطبخ وكلها شغلات ضروريه طالعني وقال فلوس فلؤس طلبات وبعدما صارت المشكله
هذي قلت له ليه كذا مكبر الموضوع عشان سالفة الحظر ولا كل هذا عشاني قلت لك
ناقصنا اغراض للمطبخ خلاص ما ابي منك شيء طالع فيني وضحك ضحكة احراج وقال وش دخل
هذا أنا اقدر اغطيك واغطي البيت كله اغراض ،، بعدها قال خلاص لا تكثري كلام يلا بسرعه
خلي احد يجي ياخذك ،،
وعلى فكره هو جدا حريص من الناحيه الماديه لدرجة البخل احيانا ،،
بس هذا ما يهمني لأني جدا قنوعه ولله الحمد رغم تقصيره
كل اللي يهمني الحين ما ادري هو على ايش ناوي لأن يغيب ب الاسابيع والشهور وعادي عنده

اختي هل انت متاكدة انه ليس له خرابيط مع بنات اخاف تكوني نايمة على وذانك الظاهر انك طيبة
اعلم ان الرجل لا يستطيع ان يمتنع عن زوجته لمدة طويلة الا اذا كان به شئ اي عندة مشاغل اخرى لا تجعله يفكر بها
انا لا اقصد ان ادخل الشك بك لكن اريد ان تفهمي كل جوانب زوجك لتستطيعي التاقلم معه
وان كان بخيل كما قلت لماذا لا تعملي لتلبي حاجاتك وتشتري هنائك بمالك

اختي ريتاج عشان اكون صريحه اكثر قبل فتره اكتشفت محادثات بالواتس مع بنت
بس من خلال مراقبتي عرفت أنها علاقه ما تتعدى المحادثات وحتى مكالمات مافيه بينهم ..
وبعد فتره طفشت البنت منه وقطعت علاقتها فيه ،،
وحاليا هو ابدا مو فاضي لهالخرابيط صار كل اهتمامه بشغله وبالمحل الجديد
اللي فتحه ،،

بصراحه احس أني بدأت افقد الأمل .. زوجي متهور ويتخذ قرارات مفاجئه
مدري ليه نفسي اتصل له واقول له كل اللي بخاطري وانه فعلا ظلمني
،، ما ابي اخسره رغم كل شيء ..
ماقدرت اخلي الوضع عادي واعيش حياتي
ماقدرت اشيله من بالي
اتمنى اكلمه ويسمعني
نفسيتي تعبانه جدا ،،
يارب رحمتك ..

اياني واياك تكلمينه
لانك بكذا ذليتي نفسك
وكسرتي كلمه ابوك
ع كذا مافيه فايده من زعلك عليه

الله يكتب اللي فيه الخير يارب ،،
ما ادري ليه أنا و زوجي كذا مايمدي نرجع لبعض
ونستانس واقول الحمدلله يارب الا وتصير مشكله
رغم أني انسانه هادئه ومسالمه واحاول قدر الامكان اتجنب
اي شيء ممكن يثير غضب زوجي ،،
بس الحمدلله لعلها خيره ،،

انثىً حبيبتي تتوقعي زوجك يتعدل ولا لا؟؟
تنصحيني ارجع ولا ماارجع؟؟
بما انهً كل فتره وانا بمشكله واجلس عند اهلي فتره
بس شهر او شهرين ودي المره طولت ليه3شهور
تصدقي مرررره محتاره وانا مابيدي اي شي
وزوجي طبعا مايتنازل ابدا

__________________

خليه يشتاقلكم..
خلاص دام ابوك بيتصرف ... رجاااء لاتكلمينه ولو تغيرين رقمك هالفتره احسن لك
هو محتاج انه يفقدك انتي وعيالك .. لازم يحس بغلطته
ويعرف انك مو لعبه بيده كل ماشتهى رماك ورجعتي بستي رجوله

اصبري ولا تتواصلين معاه وان شاء الله بيجيك الفرج