قصدت بالاستسلام يا مستسلمه

كونك ما عدتي تظهر مشاعرك الطبيعيه و اللي تتمثل في الغيره الطبيعيه كونها ضرتك

>> انا ماني معاكي كونك عزمتيها !!

لا تتساهلي دي الامور

و لو صادفتيها صدفه في افراح و لا غيره سلامو عليكم و عليكم السلام

__________________
[img]http://im78.***********/FRd0Bi.jpeg[/img]

من قال ما أغارلازلت أغار لكن اسيطر على غيرتي وهي الي مسببه لي مشاكل ومتعباني هي صارت زوجته انا لوافتعلت المشاكل بسبب غيرتي حي ذهب اليها ويلقى ألراحه عندها انا استخدم ذكائي وطيبتي بكسب زوجي وإذا انهرت مااجد نفسي الا وانا اطرح ما شكوا منه لمنتداكم الرائع وأعود لطبيعتي واسترد قوتي وهذا كله بسبب غيرتي وحبي لزوجي اما هي صح استقبلتها ضحكنا وسولفنا وذهبت في أمان الله لم اسأل عنها حتى عيد لم أعيدها هي ذهبت بحال سبيلها وانا بسبيلي مالي دخل فيها أبد علاقتي لزوجي فقط لاغير

^
عين العقل وانتي ام العقل
الله يسخره لكم ويسخركم له ويهدي بالكم كلكم
النوايا طيبه ان شاء الله منكم الثلاثه لكن الشيطان ما ترك ولا بيترك احد في حاله ف انتبهوا

لا ياحبيبتي غلطتي يوم رحبتي فيها كذا صار مايهابك ويدلعها قدامك
ترا الرجال مايلقي وجه اذا سويتي شيء طلب شيء اعظم
من اليوم وجاي انسيها لاتجيبي طاريها قدامه ولا كانه متزوج ولا كانها انخلقت ساعتها بيقدر مشاعرك يابعديي ♡

اعجبتيني وبقوه بسم الله عليك
ايوه خليكي كذا خليك راحته واذا عندك اولاد عوديهم يسكتوا لاجاء عشان تهيؤوا له جو مريح
ترا الرجال اناني يدور راحته قسم بالله
اعرف واحد تزوج علي زوجته وطار بالثانيه ولما عليت وصارت ازعاج رجع للاولي ونسي الثانيه قسم بالله انها دايم تشتكي من بعده تدرين ليه لان الاولي بيتها هدووء ومريح

نصيحة اقطعي علاقتك فيها دام تسمع لناس وتبي منك تهتمي بمرضها وزوجك يسايرها

ترى جيل امهاتنا اللي كانو الضرات يتاخون راااااح الله يستر

بتدخلين نفسك بدوامات الغيرة وبتقرب عيالك منها

لست ملزمة باستقبالها من هي اختك امك ام زوجك ويالله منك الاحسان فما بالك بضرة

تدرس مواطن القوة والضعف فيك على بالها تنازلتي عن زوجك وعن نفسك وعن اولادك

عشان ما عندهم بيت يستاجر او ينزلها عند اهلها اذا جو مدينتك

وقلبي اوجعني مرة من موضوعك مع اني لا اعرف وش قصتك الاولى

ولا ابغاك تتغيرين باخلاقك بس معليش اعتذري عن استقابلها في بيتك ولا تدخل عليك ولا تذهبين معها

على الاقل رافة بغيرتك اهم شي يومك يمشي ومصروفك ونفقتك

بعض الضرائر او الزوجات الاوليات من يستخدم السحر ليميل زوجها اليها وكيف تستخدمه من دخولهن على بعض انتبهي لحياتك وان شاء الله لا انت ولا هي منهم

ابعدي عن النائحات المستأجرات،،،

وانتي بألف خير ...

هذا الافضل

تحياتي لكي

__________________
[img]http://im78.***********/FRd0Bi.jpeg[/img]

شوفي حبيبتي بوضح لك بعض الشغلات أنا لاأعرفك ولاأعرف زوجة زوجك ولا لي أي مصلحه لكن بحكم إني كنت بيوم زوجة معدد بعطيك بعض النصايح:

1- لاتسيئين الظن ببنت الناس ولاتفسرين تقربها منك ومن عيالك وتوددها لكم إنه نفاق وإنها تتمسكن حتى تتمكن كنت أعاني أشد المعاناة من هالموضوع لأني عاملت زوجة طليقي زي أختي الكبيره وحبيت عيالها من كل قلبي والشهاده لله عيالها ينحبون عانيت من كلام طليقي إنتي تتمسكنين _ إنتي لابسه قناع _ إنتي تمثلين لدرجة صرت أشك بنفسي وكان لما يجيني من برا يقولي هالكلام وكأن أحد غاسله مخه على أبو إنه ينصحه الله إللي يعلم بالنوايا وأنا مبيته نية الطلاق من اول ليله لكن صبرت لعلّ الله يحدث بعد ذلك أمرا ومن ثاني أسبوع بديت أصلي إستخاره بموضوع الطلاق يعني ماكنت راح أستمر مع طليقي وعارفه هالشي لكن بالرغم من كذا عاملت زوجته وعياله بالحسنى يعني ماكانت لي أي مصلحه

2- الكلام إللي قالك زوجك إنها هي قالته أولاً لاتصدقينه طليقي كان يقولي كلام إن زوجته قالته وأنا عارفه إنه كذاب لأنه يبي يخرب علاقتي فيها ولأنه يبي يستفزني عشان في إعتقاده أظهر على حقيقتي

3- إحتمال فعلاً في أحد يقولها شي كذب عنك الناس ياقلبي مايتركون احد بحاله ولا يحبون يشوفون ثنين مرتاحين تأكدي إنه في ناس بيحاولون بشتى الطرق يثيرون الفتنه بينكم أنا سلفاتي لما حضرت عزيمه كانت لي ولطليقي بمناسبة زواجنا طبعاً كل وحده فيهم شغاله مراقبه علي كل كلمه وكل تصرف وتعاملي مع عيال طليقي ومع أمه وأخواته كلها تتسجل ولما راحوا بيوتهم ماقصرت ولا وحده فيهم أعطوا زوجة طليقي التفاصيل أنا متأكده إنها ماطلبت منهم هالشي لكن وش بتقولين عن اللقافه إللي في بعض الحريم

4- زوجة زوجك صارت جزء من حياتكم مسألة إنه مايجيب طاريها لك أبداً هاذا شي مستحيل وتأكدي مثل مايطريها عندك يطريك عندها ويذكرك بكل خير

5- لما قالك راعيها عشانها مريضه الرجال نظرتهم للأمور تختلف عننا هو يشوفها فرصه عشان تتقربون لبعض ويمكن هو أقترح عليها تروح عندك وقالها إن أم فلان تقول جيبها عندي أنا أقوم فيها الحرمه مريضه الله يعافيها يعني لاهيه بنفسها وبصحتها وأكيد إنها تتمنى تروح لأهلها لأنها تمون عليهم وبتاخذ راحتها عندهم أكثر من عندك

6- حياتك الزوجيه وعلاقتك بزوجة زوجك لاتتكلمين فيها عند أحد وكل من سألك عنها أذكريها بالخير ولاتعطين أي تفاصيل زي ماقلت لك في ناس شغلتهم إثارة الفتن والنميمه

7- علاقتك فيها خليها علاقة موده وإحترام وكل وحده لها خصوصيتها وبيتها وحياتها خلك بعيد حبك يزيد والقاعده ذي مع كل الناس كثرة الإحتكاك بالأشخاص تولد المشاكل يعني بالمناسبات ممكن تتقابلون أو تكلمون بعض غيره مايفضل لكن علاقتها بعيالك تكون مستمره بأي وقت ومن دون مناسبه إحتمال يصيرون أخوان عيالها لو صحتها تسمح

8- الناس للناس والكل بالله تحتاجينها يوم تحتاجك يوم مافيها شي لو يوم مسكت عيالك أو إنتي مسكتي عيالها زوجة طليقي مره كانت بتروح زواج وإستأذنت مني أخلي عيالها عندي و وافقت مع إنها كانت ليلتي بالعكس إنبسطنا وتعرفت على عياله أكثر ومره أقترح علي يخلي عياله عندي ويروح هو وياها لأوتيل لأن ماعندهم وقت يختلون ببعض ماكان عندي مشكله لكن الموضوع ماصار وأتوقع هي رفضت لاتعيشين حياتك وكأنك في حرب وتكونين متشنجه طول الوقت وتسمعين نصايح فلانه وعلانه لأنك راح تتعبين وتنشحن نفسك عليه وعلى زوجته أي نعم الواحد مايكون طيب بزياده ولا يتنازل عن حقوقه لكن بنفس الوقت يكون مرن ويخلي إهتماماته اكبر من إني أسوي مشاكل مع وحده عشان رجل مع خالص إحترامي للرجال

مواضيع التعدد مو أي أحد ينفع يعطيك نصيحه فيها إنتبهي لهالشي والله يوفقك ويألف بين قلوبكم وقبل كل شي أحتسبي الأجر من رب العالمين

لا تشيشونها على ضرتها وهم ما بينهم الا كل خير
وهي ما سمعت من ضرتها مباشرة يمكن حتى ضرتها المسكينه ما قالت شي او تسمع ومطنشه كلام الناس

ومع هذا الاخت مستسلمه ظنت بضرتها كل خير
وانتوا دخلتوا بنواياها حتى بالهدايا انها تبي تستميل عيالها طيب هذا تصرف صح مو هذولا بيصيرون اخوان عيالها
اش تبغون عداوات حتى بين الاخوان!!

الله يصلح حالك اخت مستسلمه وانا واثقه بعقلك انك تعرفين اش الكلام اللي تاخذيه واش اللي ينرمي ورى الظهر