mamaman1
معنى ذلك ان هناك احتمالين
ان ينصلح حال زوجي (وهذا مستبعد)
او ان احمل لقب زوجة اولى
لاني متأكدة انه لايفكر بالطلاق

بالنسبة لي
اما ان ينصلح او ننفصل
لاني لا استطيع التحمل اكثر

هو يرسلك رساله يبينلك انه استغنى عنك لكنه ليس كذلك. كم شهر مر على اسلوبه المتغير؟

السلام عليكم ورحمة الله وبركاته

كنافه أتوقع مشاكلكم كلها بسبة العلاقه الخاصه ، شنو الشي الي يخليه يستغني عنها ، هل عنده بديل إسمحيلي على هالسؤال

__________________
الحمدلله حمدا جزيلا ...

كل مرة يعمل لك نقطه استفزاز وغموض لتدوري حولها وتنسي حاجتك الاساسية او المطلب الاساسي وهي ( العلاقة الخاصة ) وينجح دائما !

حاليا هذا الحاصل ،، ولكن النقطة الغائبة عنه انك بكل نهاية مشكلة تتذكري تقصيره ! فبدل ماتكون المشكلة بسيطة تكبر بعينك ..

تحتاجون لاستشاري نفسي واسري وتكونوا مجتمعين مع بعض لحتى كل واحد يفهم الحاصل

سنة.. لكن كل شي صار بالتدريج
وصل الان لمرحله انه يطبخ لنفسه
يكوي ملابسه بنفسه الخ

بالنسبه للعلاقه الخاصة تحديدا
مقصر قيها منذ 3 سنوات
برضو بالتدريج
كان مره الاسبوع صار مره بالاسبوعين
بعدين مره بالشهر والا مره كل 3 شهور

ما اعرف ولا فكرت اتجسس عليه
وكل مره له حجه في هجر العلاقه الخاصه

عرضت عليه ورفض
ماهو راضي يعترف اصلا ان في مشكله
واذا احتد النقاش
قال لي: حتى انا محروم!!

معليش ردي بيكون مختلف عن الباقين ماني متشائمة ولا مخببة بس بصراحة من زمان ياكنافة وانا شايفة وشبه متيقنة ان نهاية علاقتكم الطلاق لما قلت حامل اول قلت الله المستعان زيادة في الضحايا لأني متأكدة كل مشاكلك مبدأها من غرفة النوم وهو رافض حتى مناقشة انه عنده مشكلة ...
المشكلة الآن انك بديتي تنجرفين بسبب الحرمان يعني ورشة عمل مختلطة ثلاث ساعات شعرت فيها بميل لواحد من اللي حضرو كيف لو توظفت وتخصصك مجاله غالبا مختلط اخشى فعلا انه تنزلق رجلك للحرام والغريزة لما تسيطر على العقل تفقد الشخص التفكير السليم والواعي ومدافعة الرغبة زي اللي يحاول يحرك جبل لاهو اللي قادر يحركه ولاقادر يصبر على وجوده ...
كنافة حبيبتي استخيري الله بصدق واجعلي هذي الفترة فترة تفكير عميق في حياتك حال زوجك مع العلاقة كل ماله يتدهور وانت كل مالك تنضجي جسديا هل عندك استعداد للصبر وكبت رغباتك الطبيعية ولا خايفة انك تنجرفي للحرام كثيرات مثل وضعك جعلو من الطلاق خط أحمر لايمكن تطالبي فيه لكن في المقابل ماقدرت تقاوم وزلقت رجلها في الحرام فمن البداية الوحدة الزم ماعليها دينها وعفتها ووجود رجل وجوده وعدمه واحد في حياتي بصراحة ماله لزمة لاتقولي انا بداية الثلاثينات وصعب الطلاق الرزق من الله وربي قادر يغني كلا منكما من سعته فكري وقرري ولاتهتمي لكلام اهل او ناس نفسك اولى بالتفكير من اي شيء .

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

طيب لما تبادرين أنتي يتم كل شي بشكل سليم ؟

__________________
الحمدلله حمدا جزيلا ...

اسمحوا لي اضيف

عملت مثل ماقلت لكم
وهو يشرب الشاي رحت له
وقلت له ياولد الناس ما اقدر اكمل معك
الصبر نفذ.. وبديت افكر بالانفصال
وهو طبعا استنكر بالبدايه
بعدين قلت له انا مافيني نقص الحمدلله
نظافه
وادب واخلاق وسنع وذوق وووووو
واسلوبي زي العسل واني نعمه هو ماقدرها
قال لي: صح صح كل كلامك صح
بعدين جرحني ورفع صوته وهو يقول السبب


انا بحملي الاول لمح لي زوجي ان في ريحه بفمي
وطلع عندي التهاب جيوب انفيه
عالجت الالتهاب وراحت الريحه
بس من زماااااان تركت الكورس العلاجي
ونسيت الموضوع تماماااا
والريحه ماتبين الا عند الالتصاق الشديد
وزوجي قال لي عنها قبل 3 سنوات
مع العلم اني افرش يوميا واتمضمض
بس الجيوب فيها التهاب مزمن
ولازم اتابع عند الدكتور.. وانا لهيت ونسيت


هو قال لي بصوت عالي اليوم:
متى ارتاح من ريحه فمك!!!!!
اسلوبه وطريقته كانت جاااارحه
قال تستاهلين لاني قلتي انفصال!!!
انا قلت له لنفترض هذا السبب الحقيقي
المفروض قلته لي مو تسكت سنين
قال انه تكلم قبل 3 سنوات
وقال ان هالشي منفره مني ومتعبه و و و


الى هنا انتهى الموضوع

انحرجت منكم وانا اكتب هالرد
بس لازم انقل اللي صار