اول مره ادخل الموضوع بس وصلت لي دى النقطه وضحكت هههههههههه

من جد التويكس غير

ذكرتينى بموقف من اسبوع فتحت التويكس واتلهيت بي شغله رجعت حتى الورقه مالقيتها انقهرت الصراحه

ترا دى الحركات اخوانى يسوها كتير حتى كاسة المويه على بال امليها واجلس القيها فاضيه

دى حركات الشباب المعتاده
الله يعينك يارب ويهدى زوجك

__________________
ياررب ارح قلبي وعوضني خير

لا يروح فكرك بعيد لا سمح الله
لإنه حتى أنا استغربت في البداية و تضايقت كثيييييير


بإختصار ، أبوه بخيل جدا ، فزوجي كان يحب يخرج متكشخ ، و كان يستخدم العطر تبع أخواته ، و لا تبع
أمه ، فشايف إنه عادي عشان السبب هذا .. و أخوانه الأولاد طلعوا على أبوه ما يحبوا يتعطروا و لاشئ


و أي واحد يكون محروم من شئ ، يحب يطلعه أول ما تجيه الفرصة ، و أنا اللي جات على راسي
تركته براحته ، سنة سنتين ، ثلاثة ،،
بس زاد الموضوع و تكلمت معاه في الأخير بشكل جدي ،، و الحمد لله تخلص من عقدة العطور تقريبا
بس ما زال يشوف إنه مافيها شئ لو تعطر بعطر نسائي ، موو شايف إنه هناك فرق

و أنا ما اهتميت بالموضوع هذا ، قلت حرية شخصية ، بس قلت له إني أخبل على العطور الرجالية
يعني هو عنده عطر رجالي ، نسائي مو مشكلة ،، المهم كلها في الأخير اسمها ( عطر )
المهم ، كلها تؤدي الغرض


أنا أبوي كان يجيب عطور لأمي ، و خلاص نعرف إنه هذه عطور نسائية وو أبوي كان يتعطر بعطر رجالي
و أخواني ، فعشان كذا نعرف الفرق
( يعني بأراعي الظروف دايما و أعطي للإنسان فرصة و مساحة يخرج الكبت اللي بداخله بحدود طبعا،
لكن بعد كذا ، أقول له لو سمحت ، لحد هنا و كفاية )


أنا مو ضد إنه الإنسان يتعطر و يتكشخ ، بالعكسسسس أحب الشئ هذا ، و أشجعه ،،
بس هناك حدود ، يعني من طلعة وحدة ممكن واحد أو 2 سانتي من القارورة تخلص ؟؟؟؟؟

هلا أختي الغالية ، الغربة مرة

اسمك يوم أقراه أحس بألم بقلبي : (

هو أول مرة يتحمل المسؤولية ، صح كلامك ،، و تعبت في البداية كثيييييييير و خاصة في الغربة

و أنا عكسه ، أمي و أبوي مخلينا نتحمل المسؤوليات من صغرنا و الحمد لله ، فالحكاية مالها علاقة

في العمر أبدا



و معاك حق في كل اللي قلتيه ، و هو بالفعل بدأ يتحسن هنا و الحمد لله بشكل ملحووووووظ

لا توصي حريص ،، و أنا ماني شايلة المسؤوليات كلها ، أنا بأعوده كل شوي

صح زمان كنت مية بالمية شايلة كل شئ ، للدرجة اللي حسيت إنه الموضوع صار استغلال منه و من

أهله ، بس الحمد لله صحيت و انتبهت من بدري و حطيت لكل شئ حد


و الحمد لله ، الأمور دحين ماشية للأفضل


فينها ( بناتي غيروني ) ، ما قلت لك طلعت الحكمة من عيوني

دانا شفت الهوااااايل في حياتي


عشان كذا ، دايم أنصح أي وحدة ، تحب نفسها ، تدلع نفسها ..

أنا ماحد فادني و الله ، غير ربنا ثم نفسي ،،

قلت يا بنتي ، عززي نفسك ، دلعيها ، حبيها ،، إلخ


و تعلمت من أستاذتي هنا انجليزية ، قالت لي :
أنا أحب زوجي ، أدلعه ، أهتم فيه ، بس ما همني لو تغير و لا ما تغير ،، بكيفه ..
أهم شئ نفسي ، أبسط حالي ، بكيفه تغير و لا ما تغير

و من وقتها تعلمت ، إنه المفهوم اللي تربينا عليه ، غلط مية بالمية ..
يعني يوم تزوجت ، كانت كل وحدة تقول لي ، إذا تزوجتي غيريه ، إذا تزوجتي غيريه و بيتغير ، و كل
وحدة تتزوج ، تقول أنا بأغير زوجي ،، ما أعرف ؟ أحس كذبنا الكذبة و صدقناها


إنت اهتمي بنفسك ، هو لو بيتغير يتغير عشان مصلحته قبل مصلحتك ، ما يبغى يتغير خلاص هو حرّ

يعني يوم تحبي نفسك ، زوجك راح يحبك ، و راح يغير نفسه عشان تحبيه ،،

لكن تحبيه ، و تقولي له يتغير ، ما راح يتغير أبدا

بأقولها عن تجربة ، لإني جربت الطريقتين
و مو شرط يكون كلامي صحيح ، بس إنها صابت معاي و الحمد لله

ضحكتيني في حكاية فرشة الأسنان

عاد إيش أعمل ؟؟؟؟ كانت عندي وحدة وو عنده وحدة تانية .. متعودة كذا ..
بس شفت إنه اللي عنده ما يستخدمها و تجلس مثل ما هي ،،
و الي عندي يستخدمها معاي ؟؟؟؟

قمت فكيت تبعه ، بعد ما اهترت فرشتي ، و استخدمتها ،، ترك تبعي هذيك و صار يستخدم الجديدة ..


تصدقي ؟؟؟؟؟

اكتشفت دحين شئ و أنا بأرد عليك ،، و الله يمكن اكتشفت فين السر ؟؟؟؟؟؟؟
شكله أي شئ أستخدمه هو يحب يستخدمه ؟؟؟؟؟

لإنه في كل شئ أحس زوجي يقلدني ، حتى كلامه صاير مثلي ،،
أقول له أحيانا مانت ملاحظ إنه الكلمة هذه ماخذها مني ؟؟؟؟؟؟

بس هذا إيش تفسيره ؟؟؟؟؟

----------------------------------------------------------------------------------------

صرت حتى أخاف أعانده بشئ ، يقوم يقلدني و يعاندني مثل ما أعانده ..
مثلا اليوم ، عمل حركة أنا كنت دايم أعملها بدون قصد ، و يوم سألته ،، يقول لي إنت بتعملي كذا ..
قلت له طيب لو تضايقت قل لي ، مثل ما أنا أقول لك ،، لا تخليها في نفسك ..

بعدين أنا حرمة ، و الحريم عقولهم ناقصة ( ناقصات عقل ) ،، إنت المفروض عقلك أكبر من عقلي ..
مو صح ؟؟؟؟
قال لي صح ،،

قلت له ، طيب إنت المفروض تكمل عقلي ،، مو تقلد اللي عقله ناقص ..
مو صح ؟؟؟؟
قال لي صح ..

--------------------------------------------------------------------------------------

إيه صادقة ، لازم نتعلم البرود ..

و هذه اللي تعلمتها من زواجي ..

لإني حسيت إنه ماحد بيخسر غيري ،، قلت يا شيخة ،،
هاكونا ما تاتا ،، ارمي الدنيا وراك ..

الغاليةة ماريا ..

ربي يخلي لك زوجك ، قولي آمين


بس تعالي هنا ..
إنت إيش قلتي هنا ؟؟؟؟؟؟
كريم معايا صح ؟؟؟؟

طيب بأسألك سؤال ؟؟؟؟

مين يصرف على البيت ؟ إنت و لا زوجك ؟؟؟؟
مين بيصرف على أطفالك ؟ إنت و لا زوجك ؟؟؟؟
مين بيسدد الفواتير ؟ إنت و لا زوجك ؟؟؟؟؟
مين بيحرم نفسه عشان سعادة الأسرة و ما تحتاجوا لأحد ؟؟؟؟ إنت و لا زوجك ؟؟؟؟


خليه يعمل كل هذه الأشياء ،، وو يشتري عطر لنفسه كل يوم ، ما راح أتكلم ..
يا قلبي، لا تفتحي جروح قفلتها

اقتباس:

المشاركة الأصلية كتبت بواسطة بنت مكة2008 اول مره ادخل الموضوع بس وصلت لي دى النقطه وضحكت هههههههههه

يسعدك يارب ههههه ، عاد تدري ؟؟؟؟؟
كل ما أقرى اسمك ، أتخيلك وحدة ( كلبوووووظة ) من كثر ما تقولي يارب أنحف

عاد أنا العكس ، و ترى ناوية أنزل موضوع عن السمنة و بأستفيد منك
بالعافية ياقلبي ..

إيه عاااااااااااادي ، ياما أخواني يفتحوا الفريزر و ياكلوا أي شئ أجيبه ..
ترى قلت لكم ، أنا من النوع اللي أحب المشاركة في كل شئ .. أحب الروح الجماعية ..
( بإستثناء أبونا على قولة أهل نجد )

ههههههههههههههه كنت اعاني من هالشي بس ماحطيته ف بالي لانه ترك هالطبع ...

بس انا كنت اخذها باسلوب ضحك اقول له من بخلك تييب العطر باسمي وانتي تخلصه عني ..

هاكونا ماتاتا إرمي الماضي الي يغيظ ......إنساه
....و المستقبل إديه كل التركيز هذا هو البهريز الفلسفي

__________________

طيب نجي للزبدة ، عشان نخرج بفايدة :

1 - بما إنه زوجي العزيز ، يستخدم فرشتي اللي استخدمها ،، فاكتشفت من خلال الردود ..
و لأول مررررررة ،، إنه زوجي يحب يقلدني في كل شئ .. علشان كذا يستخدم عطوري و يترك عطوره على جنب و بعدين يستخدمهم بعد ما تخلص عطوري و كريماتي .

2 - بما إنه زوجي مدمن عطور ، و ما تفرق معاه عطور نسائية أو رجالية ، المهم كلها تؤدي نفس الغرض
فيقوم يختار لي العطر اللي تعجبه ريحتها ، فما يقدر يقاوم نفسه ، و يقوم يستخدمها من قبل لا
أستخدمها.

3 - كنت ناوية على فكرة جهنمية أو خبيثة على قولتهم ،، مثل ما قلت للغالية موهبة الكويت
كنت ناوية اشتري له هدية عطر ( نسائي ) لإنها ما تفرق مع زوجي ..

و إذا تكلم و قال لي هذا عطر حريمي مو رجالي ، أقول له بس إنت تحب العطور النسائية ..
فأكيد بيتضايق وقتها ، و يعرف الفرق من حاله.

و مو بس كذا ،، أقوم أستخدم العطر و أخلصه له ..

يعني يصير كأني جبت عطر لنفسي ، و نفس الوقت اسمها هدية لزوجي ..
ليه أخسر حالي و أجيب له عطر رجالي زي دايما و أنا ما استخدمه <- هذه طريقة تفكيره

أمزح ،، بس شكلي ما راح أعملها ( حزنت الصراحة ) ..

بس إذا تكررت مرة تانية ، بأعمل الحركة هذه ..
أجيب له عطر حريمي هدية ، و أخليها دايم في شنطتي ، و من تاني يوم أفكها و أتعطر منها ..

منها يعرف إحساسي ، و منها يكره العطور النسائية ..

إيش رايكم ؟؟؟

و الحمد لله ،، انحلت المشكلة كذا ..

بفضل من ربنا ثم بفضلكم ..
صح هي صغيرة ، لكن خلفها أشياء كبيرة ..

أم جمانة ..
كل ما أفرش أسناني ، راح أفتكرك

عاد باقي أخبي فرشة أسناني ..
من جد و الله ، يترك فرشته و يستخدم تبعي و لوو ما استخدمتها يزعل و يقول تقرفي مني ؟؟؟

ياختي نفسي في هدية من زمان ..
شكلي بأشتري هدية و أغلفها و أرسلها لنفسي ..

أمزح ترى ..
إن شاء الله بس أتخرج يارب ، و أعمل حفلة كبيييييير لنفسي و أعزمكم كلكم
( ترى و الله مو عشان الهدايا )

بس ودي أفرح من زمان .. و الغربة تعبتني ..