مرة سلفتي زعلت
و ام زوجي خلت ولدها يضرب زوجته

راحت بيت اَهلها و تركت الأولاد
و رجعت لهم بالإهانة و الذل و اشترطوا عليها ..

.
.

اتصالها غريب مثل ما قال الأخ عضو قديم
و قلبي مو مرتاح .. بس راح أقوم بالأصول و الواجب و ارجع اتصل
عشان ( ربنا ) ..

مرة قلبي مو مرتاح أبدا و الله يستر

.
.

زمان لما كانت تصير كويسة معايا و زي كذا أحسن نيتي
اكتشف انه ورآها فيه شي او مصلحة او أوراق بنكية او قرض او كفالة او او ..
و لو رفضت بذوق أني اورط حالي مع البنوك .. ترجع تقلب تعاملها معايا

بجد كنت مرتاحة

انا حاطة احتمال انه زوجها قالها تتصل !
لانه يمكن شافوا زوجي صاير كويس معاهم !؟
و اول مرة من نفسه يعطي فلوس لأبوه !؟

كذا جاء ببالي .. وًالله اعلم

بس والله ماني فايقة و رايقة للمشاكل !

معليش أقدمي حسن الظن على سوء الظن ..
اتصلي بس خلك حذرة ..
وعلاقتك خليها سطحية ومحدودة ..
لا ترجعي زي أول عشان ماتتجرأ وتطلب مال وغيره ..

الله يريح بالك حبيبتي روح ويسعدك دنيا وآخرة
ويبعد عنك عيون الحاسدين وكل شخص بردلك السوء
وبالنسبة لحماتك ام زوجك اتصلي عليها واحكي باخلاقك وخليكي رسمية وحاطة حدود
فرحت كتير بمستجداتك ويا رب دايما نسمع الاخبار الطيبة

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

ما شاء الله تبارك الرحمن ان زوجك تاب توبة نصوح وتغير كثير كثير للافضل ..ربي يهدي سركم ويسعدكم ويسعد اولادكم
وربي يبعد عنكم اولاد الحرام ..والله احس ان قريبة امك تكن لك كل الحقد والكراهية
ارجوكي اخرجيها من حياتك ومن راسك وكلي الله سبحانه وتعالى عليها ..
استمري في الرقية عزيزتي ان شاء الله ينفك السحر

روح بشري .. كلمتي ام زوجك ؟؟

اتصلت عليها ، و سلمت عليها و كلمتها و انا مبتسمة ..
و ما كأنه كان فيه شي ..

بعدين قبل لا اقفل السماعة ، قالت لي ( راح نجتمع في الليل في بيت ولدي الكبير .. تجي ؟ )
ترددت الصراحة .. و تلخبطت ماعرفت ايش اقول

عاد هي من قبل .. كانت تتضايق لما أقول ( أخد رايي زوجي )
بس أنا كذا تربيت في بيت أهلي ، و هي تشوف إنه ولدها ( ماله كلمة على زوجته ، و تحسب اني اصرفها )
لإنه زوجي ماله رايي عندهم ..

.
.

قلت لها ( طيب اشوف فلان اذا فاضي اليوم )
قالت ( لا .. شوفي انت اذا فاضية اليوم و لا لا ؟ )
قلت لها ( آآآآآ .. ايه ما افتكر عندي شي اليوم ، بس الخميس عندي دوام ، و اليوم فاضية )
قالت خلاص تعالي لو فاضية ..

.
.

في العصر لما رجع زوجي من الدوام .. قلت له أبغى أروح ، لاني وعدت امك ..
قالي ( لا .. مو لازم .. قوليلها زوجي رجع من الدوام تعبان و ما رضي يقوم )
^
^
ما رضيت اسمع كلامه - مثل زمان - و بالأخير ما تصدقني و تحسبني أنا اللي ما أبغى أروح
و زوجي يطلع نفسه بريئ من ورايا .. و انا اروح فيها ..

كنت زمان اسمع كلامه ، بس خلاص دحين اعمل الشي اللي اشوفه صح ..

.
.

صحيته بعد العشاء ، لإنه رجع من الدوام العصر .. و دوامه الساعة 12 الليل ..
و قلت له نعدي على محل شوكولاتة ، و أخدت كيكة لبيت اخوه ..
و اخدت لحماتي ( صحن شوكولاتة من محلات مثل باتشي ) مغلف و مزين بفصوص و ورود ..

طبعا هو كان رافض اني اخد اي شي ..
لكن اصريت اني .. ما أروح و يدي فاضية .. و قلت له ( لا يتدخل بليز ) ..

.
.

بس رحت و سلمت عليها ، و استقبلوني كويس .. هي و زوجات أخوان زوجي - سلفاتي -
و بنات اخوان زوجي .. و أخت زوجي ..

و بس ..


.
.

أتوقع ، و الله أعلم ..

إنه أبو زوجي هو اللي مسويي حاله دحين زعلان ..
لإني قلت لزوجي بعد كم يوم ، أبغى أروح أسلم على أبوه ..
و لما سأل أمه ، قالي ( مو لازم خلاص ) .. و صرفني ..

و ما رجعت طلبت منه بعد كذا ..

.
.

و أنا انسانة ما اعرف اعتذر ..
وخاصة اني ماني غلطانة في شي ، عشان اعتذر ..

و ما أبغى اذل نفسي له ..

هو من يوم المشاكل اللي صارت بسبب ولده ، عمل حاله زعلان ..
و طبعا حماتي ما حكت له بالضبط تفاصيل المشكلة .. و فهمته الشي اللي يكون ضدي ..

و حاليا هي - راضية - ، لكن ما راح تقدر تقول له إيش كانت الحكاية بالتفصيل ..
عشان لا يقلب عليها و على ولدها ..

عشان كذا ..
واثقة من حالي إني ماني غلطانة بشي ..

ياحلوك ياروح
انتي من الناس الي احب اقرى لهم
عندك شفافيه رهيبه

لي عودة للردود

يسعدك ربي ( مبتعثة )

و انا احس روحك قريبة من روحي مرة كثير ..
حساسيتك تشبه حساسيتي جدا ..

.
.

زرت اهل زوجي اول يوم و فطرنا هناك ..
و ابو زوجي تعامله كويس معايا و يبتسم لي و يمزح معايا عادي ..

.
.

انا كلامي قليل معاهم ..

و ما اعرف اذا ذهابي للشيخ كان فيه تأثير علي !؟

.
.

كنت زمان احس بضيقة و كتمة و رغبة بالبكاء اذا جيت أروح عندهم ..
دحين اختفى الإحساس هذا !

.
.

حتى فيه وحدة من العضوات هنا .. أفتكر كتبت انها ملاحظة علي اني متغيرة من 4 أشهر ..
و هي الفترة الي اخدت فيها علاج الشيخ .. احس اني رجعت لطبيعتي من بعد زيارتي للشيخ ..

.
.

كلمتني حماتي و تبغى تجيب ملابس داخلية لأولادي عشان العيد ..

طبعا اول مرة الصراحة ..
ما عمرها جابت لهم شي ..

.
.

ابغى اجيب لهم هدية بسيطة للعيد .. ام زوجي و ابوه و اخته الصغيرة ..
ايش ممكن اخد لهم !؟

ما أبغى شي مرة مكلف ..
خلينا كذا كويسين و لا استعجل و ارجع افتح أبواب ..

ابو زوجي يعطيني في العيد ( عيدية ) مثل بناته ..
شي بسيط .. بس اسمه عيدية .. ^_^

.
.

اخته اذا جيت اجلس في سفرة الفطور .. تتوصل فيا و مع انها كانت ما تعاملني زمان كويس ..
تقول هذا لروح الطير ..

ايش سبب تغيرهم - ماشاءالله - للافضل !؟

.
.

أولادي ناكرين الجميل ..

لما يشوفوا ابوهم .. ينسوني ..
بس احسن هههه .. افتك منهم .. ^_^

.
.

ايوة ؛ كلامي قليل مرة مع اهل زوجي .. و احس كذا افضل ..
عشان كذا كمان علاقتنا دحين احسها افضل و رسمية نوعا ما ..
يعني الاحترام ما بيننا ..

الله يتم نعمته عليك ياروح ويسعد قلبك دوم يارب

ان شاء الله اهل زوجك ماوراهم نوايا خفية رمضان فرصة تتسامح القلوب وتتصافى علشانكم وعلشان اولادك

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.