المشاركة الأصلية كتبت بواسطة قهرني طلال

اشكر كل من تجاوب معي والله يجعلها بميزان حسناتكم
انا كنت ناويه امس اكلمه بعد المغرب لاني اعرف الوقت الي يكون زوجي فاضي فيه
لاكن هو اتصل علي بالعصر ورديت عليه وجلسنا ساعتين نتناقش
وفهمته كل شي وش الي ضايقني صراحه جلس ساكت وانا اتكلم لين حسيت ريقي نشف
يعني خلاني اقول الي بخاطري وقال مايصير خاطري الا طيب بس قالي لايجي في بالك واحد بالميه اني باقاطع طلال
قت انا ماقلت قاطعه عط طلال حقه وعطني انا وولدك حقنا
بس قلتله شي اني مستحيل ارجع بدون رضوه ابيها فلوس مابي هديه >>> علشان يحرم يطردني من البيت
وفهمته ان هذا الشي علشان طردته لي من البيت قالي كم تبين قلت الي تقدر عليه بس مو اقل من خمس طعش
وسالني اذا اهلي عندهم خبر قلت ايه ابوي عنده خبر وقلتله انا ماقلت لبوي السالفه كلها ولا قلت له انك تكلمت على اهلي
علشان ماتطيح من عين ابوي وحلفني اذا هو صدق ماقلت لبوي عن كلامه وانا حلفت لاني صادقه وانبسط وقال ماتتصورين قد ايش كنت مهموم انك ماقلتي لبوك واعتذر وحلف مايعيدها وان شالله رحلته بكره بالليل بيجي ياخذني وبيجيب الرضوه ورجعتنا الاحد علشان دوامه وعلشان كليتي
وان شالله يصير الي اتفقنا عليه
واذا استجد شي بالموضوع برجع اسدحه لكم
الله يكتب اجركم جميع