اختى قبل ان تلومينى لأنى لم ابادر بمصالحة زوجى سأقول لكى انه عندما ابادر بصلحه(يذلنى)حتى يرضى

والله فيه ليله كامله جلست ابوس يده وماكان يحرك ساكن

لكن انا مهما كان زعلى بمجرد مابيصالحنى برضى علطول

__________________
{ربي إَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ}

حبيبتى أشعر والله بما تمرين به
وكأنى أنا مكانك وبالفعل وضعة نفسى مكانك
كيف هتصرف

ووجدت للأسف داخلى ينهار ( مزال حلمى أن عروس تتدلع على حبيبها بداخلى )
كيف أحقق حلمى مع هذا الرجل الجاف المتعجرف

غمضة عينى لمدة دقائق :
وطلعة بنتيجه
1 - أنا محتاجه ( حب - حنان - دلع )
زوجى لا يعطينى أياهم
أخذ حقى بيدى كيف
أولا :

أصــــــــــارح وبدون عصبيه الكتابه ممكن أستخدمها لكن التحدث أفضل لأنه مواجه ( والمواجه صفة الشجعان)
ماخافش منه ده حقى الشرعى أنا من حقى أدلع على جوزى من حقى أجد حب فى تعامله حنان فى عطائه
أتكلمى ووضحى رغبتك وضحى ألمك بدون ما تدمع عينك حتى يفهم أن شخصيتك غير ضعيفه ( لأن الرجل بصفه عامه لاتجذبه الشخصيه الضعيفه)

ثانيا :
التهديد بأنك هتتركى حياته وترجعى لأهلك وبشكل جد جداااااااا ( ممكن يخاف )

ثالثا :
مفيش أحسن من البحث عن الاسباب
إن وجدتى بالفعل غير مقصره فى بيتك
فمن الممكن تكونوا محسوده ولا شيئ ( لاتستبعدى هذا الامر العين حق)
سورة البقره والاستغفار

رابعا :
كيف تأخذى حقك بدون ما تعطى يلا أستودعى الالم والدموع
وقفى أمام مرأتك لتصبحين جميله وشيقه وقمر
ويرجع البيت وانتى فى كامل زينتك واطلبى منه الجلوس معك والتحدث وتحاورى معه فى هذا الامر

خامسا :
صارحيه بأنك ترغبين فيه بس تحتاجى منه المساعده لتتعالجى من التشنج المهبلى بسلاسه ويسر

سادسا : عندمى تدخلى الحمام حاولى تمرنى عضلة المهبل ( التمرينات متوضحه على النت ) أن شخصيا بعملها كتتتتير اول مره اعمليها 100 مره بعد كده زوديها 200
وأسفه على جرأتى بس لابد منها وانتى فى المداعبه أعتقد أنك بتكونى مستمتعه (صح) ؟
أجعلي زوجك فى هذه الفتره يحاول يدخل اولا صابع فى فتحة المهبل وانتى لا تتوترى واخذى نفس العميق حتى الفتحه توسع وماتخافيش صدقينى مابتوجعش بس أجعليه يحرك صابعه بهدوء حتى تشعرى بمتعه كامله وبعدها يبتعد وكررى نفس الوضع ممكن بعدها بى 10 دقايق وكل يوم هكذا وبعد بأسبوع يحدث جماع كامل

صدقينى النتيجه هتكون بعد أسبوع من التمرينات دى وهيحدث جماع بإذن الله بسهوله ( بس أذهبى لطبيبه تفتحلك الغشاء بمشرط )

وربنا يطمنا عليكى بعد الجمااع الطبيعى نص مشاكلك هتتحل لأنكم الان متوترين سواء هو أو أنتى الله يسهل أموركم

__________________

جزاكى الله كل خير ورزقى الفردوس واعطاكى من خيرى الدنيا والأخرة وارااااااااااااااااااح بالك حبيبتى مثلما ارحتى بالى

بكرة ان شاء الله سأتحدث معه فى الموضوع لأنه نايم من العصر للأن ولن يقوم الا الصباح
وانا بالنسبه لى لن ايقظه كده اريح لى

نعم سأفعل بعون الله كل ما قلتى عليه والله انى احبك فى الله واتمنى ان التقى بك فى الجنه

والله كلامك وكلام اخواتى اعطانى القوة والثقه ربنا يكرمكم ويحققلكم كل اللى بتتمنوه

__________________
{ربي إَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ}

ياسلام على الدعوه الحلوه
وأدى زغرووووووطه لأحلى عروسه :14::14::14::14:

قلبى بيقولى أن فى قريب خبر هيفرحنا

__________________

وانا كمان متفاءلة جدا جدااااا :14:.. انا مبسوطة جدا بيكي لأنك حساكي بجد بتتقدمي بخطوات كويسة

وبتسمعي للنصايح .. ماشاء الله تبارك الله

بصي يا ستي الشخصية الشمالية شخصية حلوة اوي ويعتمد عليها ..

ده كفاية انه دايما تحسيه بطل حرب وقائد مغوار وفارس شجاع .. الشمالي ده حساس جدا بس عاوزك منطقية ومنضبطة شوية .. ده غير انه غيور ومايخلكيش محتاجة لحاجة بس تأمري .. يعني كل صفات الرجولية فيه.. وكمان انسان ناجح جدا ومستقبله باهر.. وبيتوتي

وبعد بس ماتحصل الدخلة احتمال كبير قلبه يرق .. لأن هو مش بيحب الفشل واحساسه دلوقتي قاتل في الموضوع ده.. ومش بيقتنع غير بالكلام العلمي

ولعلمك على ايدك ممكن تعوديه زي ماقالت مصرية وتاخدي حقك من كل حاجة حتى الرومانسية

وبعدين هو وحش انك تمدحيه ده عز الطلب على الاقل تعرفي تراضيه وتبسطيه بكلمة حلوة .. مش معقدخالص .. ده زي الاطفال تمام

الراجل الجنوبي ده يا بنتي مش بتاخدي منه غير كلام حلو وبس

يعني ليل ونهار كلام وبعدين انتي اللي تقفي مع الكهربائي والسباك وتغيري اللمض .. والانبوبة وكدا

ويجبلك حاجتك لما ربنا يسهلها باه .. ومش حاسم خالص ..وعلى طول بيحب المتعة واصحابه وطول الوقت بره ... ومش طموح خالص

وبعدين عاوزة نفسك طويل .. وحلو كدا ....في فعلا عرسان بتبقى اول سنه ليهم هي اصعب سنة في حياتهم.. وانا شوفت من دول كتير

واحدة قريبتي قالتلي اول سنة كانت كرب وبؤس ومش عارفة عدت عليها ازاي وراحت لأهلها وكانت مش طايقة وعاوزة تطلق وقالولها طلاق مافيش واتصرفي ورجعت وابتدت تظبط حالها .. ولما عدت بتقولي السلام بجد والحب والتفاهم ملو البيت وانها كانت اصعب سنة .. وهي ماشاء الله تمام دلوقتي ...

وبالنسبة لموضوع الجنس انا عاجبني كلام مصرية ..بس مش عارفة موضوع انك تفتحي بمشرط ده ضروري يعني!.. لازم تسالي دكتورة .

واحنا كستات فعلا الجنس بالنسبة لينا معظمه يعتمد على نفسيتنا وطريقة المعاملة قبلها .. بس انتي تقدري تخلقي جو الحب ده .. انا قريت كتير ان السعادة والحب مش بتيجيلنا كدا ومش من المفروض نستناها من حد .. تخيلي ان حياتك واقفة على بني آدم بأنه يؤمر بانك تكوني سعيدة او لا .. ليه ؟!

خليها من جواكي انتي .. شوفي ايه يبسطك ويريح نفسيتك واعمليه وهو مش موجود..
شوفي ايه ممكن يعجبه ... اكلة معينة ... هدية رقيقة .. بادري .. واطلبي منه مقابل .. قوليله بكل رقة ماستهلش بوسة .. او كلمة حلوة ..

وادينا اهوه معاكي خطوة بخطوة ولو حاجة مانفعتش ماتعيطيش ... تعالي احكي ونحاول كلنا سوا تاني ..

انهارده قعدت ادعيلك .. ويارب يوفقك وييسرلك الحال

__________________

أهلا بالحبوبه الست السكر حلوى
أنا سعيده على مساعدتك التى تدل على كرم أخلاقك لأختنا الرقيقه والطيوبه أجمل عروسه

وكويس أنك اتكلمتى على الشخصيه الشماليه لأن نسيت جدا أحكيلكم هذه القصه ( الحلوه )

بصو أنا اول ماأتخطبة كنت بجلس مع خطيبى كنت بصراحه بكسف أتكلم معاه كنت دايما بصمت وهو المتحدث الوحيد
بكل صراحه كان رخم جدا وشخصيه متعجرفه ويحب الاوامر وأشعر أنه من محبين كلمة لأ
كل ما أقول شيئ يقول لأ
والله كنت كل يوم أبكى وأنام والله وأملئ مخدتى دموع وحسيت لو تزوجة هذا الرجل بالتأكيد حياتى فاشله

ومكنتش بحب اتكلم واقول أنا عايزه أنفصل قولت لازم أصبر واشوف أيه حكاية الراجل ده ( صبوره أنا )
وبعدين كنت كاتبه مشكله بينى وبين زوجى وأختنا الحبيبه أميرات قالتلى على موضوع بصلة الشخصيه

ذاكرتها جيدا ووجدته شمالى فى البدايه كنت حزينه أنه شمالى

بس عندما أتعلمة كيفية التعامل مع الشمالى

أقسم بالله مابيقولى غير حاضر بسم الله ماشاء الله
اتغير 180 دررررررررررجه
غير الكلام الرومانسى كان فى اول الخطوبه مكنش بيكلمنى غير فين وفين وكل كلامه جاف
دلوقتى ياسلام على الكلام الحلو حتى بقى بيكتب شعر

بس المهم تتعلمى تتعاملى معاه وهو بطبعه يحب الست اللى ثقتها فى نفسها تصل للغرور
اياكى تشعرى انك فاشله بالعكس لازم تفهمى أنك فى مشكله وللمشكله حل
بس نجتهد واكيد ان شاء الله هتحليها وياعروسه فى شهر عسل مفيش أحلى منه :14:
وجوزك هياكل صوابعك قبل كل وجبه من الفرحه :14:

بس أنتى أصبرى يادكتوره ده حتى تعبتى ياما وسهرتى ياما فى المذاكره ولا أنتى داخلتى طب بسهوله

يعنى هتيجى على السعاده كمان اللى عايزاها تجيلك جاهزه لازم تتعبى شويه ( مفيش مانع) بكره تفررررررررررحى وتتهنى

واحنا اهوووووو معاكى ولازم لازم نحل مشكلتك ومش عايزين اى دمعه تنزل من عنيكى

__________________

ربنا يخليكى ليا حبيبة قلبى ويرزقك كل اللى تتمنيه

بجد سبحان الله لا اعرفك ولا تعرفينى وجمعنا بس الحب فى الله

ايه اللى يخليكى تتألمى لألمى وتتساعدينى وتدعيلى وتخففى عنى الا الحب فى الله

انا بجد ممتنه لربنا انه خللاكى جنبى

يارب يجمعنا على منابر من نور يوم القيامه انتى واختى مصريه وكل اللى اتألموا لألمى وساعدونى

تعرفى؟والله كل مرة بدخل النت ببقى خلاص جايبه اخرى وناويه مكملش معاه لكن لما بشوف ردك ورد اختى الجميله مصريه بهدى وبحاول افكر من جديد

ياريت لو تدخلى قبل ما اتكلم معاه وتقوليلى ابدأ معاه ازاى لأننا زى ماقلت فى مرحلة جفوة ومش بنتكلم الا نادر ومش عارفه ابدأ ازاى

__________________
{ربي إَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ}

ربنا يكرمك ياحبيبة قلبى ويسخرلك زوجك اكتر واكتر ويحفظكم ويخليكم لبعض ويرزقكم بالذريه الصالحه امين
ماشاء الله عليكى (صبورة بجد)

طيب ياجميله ممكن تقوليلى امثلة عن تعاملك مع زوجك اللى خللاه يتغير التغير السحرى ده ومبقاش يقللك الا حاضر وككمان رومانسى ماشاء الله ولا قوة الا بالله

وياترى التغير ده حصل فى وقت بسيط وللا اتطلب منك صبر؟

وبالنسبه لتمرينات المهبل تقصدى التمرينات الموجوده فى علاج التشنج المهبلى اللا ارادى وللا ايه؟

فى انتظار ردك يا احلى مصريه

__________________
{ربي إَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ}

والآن سنتحدث عن نقطه أعتقد أنها تهم جميع زوجات الشماليين . وخصوصاً إذا كنتي جنوبيه ...


فالجنوبيات يتحدثن بالمشاعر ويفعلن بالعواطف ...ويتنفسن هواء الرومنسية والكلام العذب .

يبكون كي يجدون من يخفف عنهم ويحتضنهم ... يعاتبون كي يجدون صدراً حنوناً يحنو عليهم .

آن الوقت كي تعرفون يا جنوبيات أن الرجـــال الشماليين ::::::::::::::::::::::::::::



يعبرون عن الآراء بسهولة أكثر من المشاعر



هذا هو الرجل الشمالي ... يحب النقاش وإبداء الرأي .... ولا يفهم المشاعر والحساسية ...

ربما يفهمها ولكنه لا يجيد التعامل معها ...

ربما يجرحك بقصد التخفيف عنك .... هو يحبك ...ولكن !!! ما علاقة الحب بالبكاء ؟

هو يعتبر الحب مشاعر تترجمها الأفعال ... والمال ... الحب عنده مادي أكثر من معنوي .

هو يريد أن يلمس حبك بيده وعقله لا بالبكاء والنويح والعتاب ...

الفرق بينكم .... هو يغضب لأنه غاضب ولا يرضى إلا بالنقاش وتقديم الحلول

هو لا يشعر بالظلم والقهر عندما يكون غاضباً ...بل يشعر بالغضب نفسه وبسبب محدد ومعروف ..

أما أنت فتغضبين بعد ما يمتلئ قلبك بالحزن والظلم والإحباط ...ولا تعرفين سبب غضبك ... فالحزينة تعيش في اختلاط لمشاعرها ...ولغتها الوحيده هي البكاء ..

أما الشمالي فلغته الوحيده هي إبداء الرأي والنقاش الجاد والواضح والصريح ...

جولتك تكون خاسرة دوماً في النقاش ... لأنك حزينة ومحبطه وتنتظرينه أن يخفف عنك حزنك ويلفك بذراعيه ويخفف عنك بكلمات الحب .

بينما هو ... سيكون قاسي على مشاعرك نوعاً ما.... فهو لا يفهم لغتك ولا تفهمين لغته ....


ستستمرين بالبكاء والحزن .... فلن يجد وسيلة للحديث معك .

ربما يصفك بالنكدية .... أو ربما يقول لك كفي عن البكاء كي استطيع الحديث معك ....

أو يتركك ويهرب عنك ...

أهم نقطة للوصول إلى مشاعر الشمالي وتحويله إلى الملاك الذي ترجينه ....

تماسكي .... ثم تماسكي ..... لا تبكي ولا تقاطعيه .

عندما يغلط في حقك .... واجهيه ... تحدثي إليه بلغته التي يفهمها ...

لا تنتظري نفسك حتى تجمعي إحباطاتك كلها وتواجهيه بالإنفجار الهائل الذي يقتله ويبعده عنك.

لا تقبلي منه أي إهانة تشعرك بالنقص ... فقد يتمادى ويزيد من ضعفك .

واجهييه في فترات هدوءك وليس في فترات حزنك .

لا تستعطفيه ولا تبرري أسباب أخطائك ...فلن يلتفت لك ..

كون ثابته وواثقة من نفسك عندما تتكلمين .... جهزي كل ما تودين الحديث به في ورقة وتدربي على بداية النقاش ووسطه ونهايته .... واطلبي منه عدم مقاطعتك حتى النهاية ... حتى لا تتشتت أفكارك .

أو يرميك بكلمة قد تثير بكائك وتخسرين الجولة .

الكلام ده قريته عن الزوج الشمالى مع الزوجة الجنوبيه وده نسخ للى بيحصل بيننا

انا محتارة الحياة كده هتبقى صعبه جدا وهضطر اتنازل عن كل اللى بحلم بيه لو الوضع بالشكل ده!

مكنتش اتخيل ان الجواز صعب كده!!!

__________________
{ربي إَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ}

بدأت التنفيذ مع زوجى والأمور ليست مبشرة اطلاقا

الأمور ليست على مايرام والأمور تنتهى بالفشل لأنه يقاوم محاولتى للوصل لأرض وسط

وكل مايتكلم عنه حقوقه فقط ويستهزأ بأى كلام اخر

__________________
{ربي إَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ}