وثقت فيك وعند ادنى مشكلة تبين تفضحينها المشكلة انها طفلة !!
عشان كذا ينصحوننا ان الانسان ما يثق بشخص ثاني و يعطيه اسراره

بين سطورك نلقى الاجابة اذا كانت متعمدة توريه او لا

قلتي تاخذ حذرها و ما تفتحه اذا احد موجود يعني مستحيل تورط نفسها مع اخوها و توريه سناباتك لأن ممكن يجيه فضول و يتفرج بكل اللي عندها او ع الاقل يلقي نظرة

يا اختي اتق الله ان بعض الظن اثم

الله يهدي النفوس

اكيد ما راح يسامح لان اعتذارش ناقص ما اعتذرتي له حق اخته .. انتي ما غلطتي بس في اخته بل في خواته

وقارنتي بينش وبينهم هم يصورون مثل ما يبون زوجش معارض طريقة تصويرش هذا شي بينش وبينه

ما تقولين ايش معنى خواتك

هذي الكلمه التقليديه لكل زوجة اخ

بعدين تتحسبين على البنت وكأنش واثقه تمام الثقه وبالدليل انها هي السبب !

من اول مشكله نشرتي الغسيل ما شاء الله عليش وحللتي واستنتجتي وبالفعل احسنتي الظن
تبينه يغير نظرته بخواته حاولي مره ثانيه ممكن تنجحين

__________________
وهل من مصير اخر ؟

مهما كانت افعال البنت اللي تخبرج عنها شينة
مش من المروءة انج تفضحينها مع اول مشكلة بينج و بينها!
البنية وثقت فيج وقالت لج اللي ما قالته حق اخواتها!
يفترض انج تكونين ستر و غطى !
والمشكلة انج اساسا منتي واثقة ان اهيه اللي خلته يشوف
او قالت له كلام عنج!!!!!!
يعني مجرد سوء ظن و لحقتيه وبنيتي عليه اثر و ردة فعل!

__________________

حاجة الناس إليكم من نعم الله عليكم ، فـ لا تملوا النِعم ☁✨

تبغي تختبري الإنسان
اختبريه وقت الزعل

لكن إنت تصرفاتك مثل تصرفات أختي الكبيرة .. و أكره الطبع هذا في الإنسان
لما تزعل ، تطلع كل أسرارك و كل شي ائتمنتيها فيه ..

هذه ماهي تصرفات من المروءة و لا من أخلاق الإنسان الكريم الطبع

تخلصي من العيب هذا

انت لو فعلا تخافي عليها ، ما تجلسي تستني موقف عشان تفضحيها و تلوي ذراعها ..

للأسف ، تصرفاتك مو تصرفات ( أخت تحب أختها ) ..

جالسة تشوفي الغلط و عاجبك ، و لما لقيتي فرصة .. جيتي تنتقمي بإنك تفضحيها

ريتاج خلاص لاتفكرين بشي
ارتاحي في بيت أهلج وعيشي ؟أسعد لجظات حياتج مع الحمل
وإذا أرسل شي ردي عليه برسميه..لاتفتحين له أي موضوع
مصير الأيام تنسيه..وبعدها يشتاق لج

بالنسبه للي يقولون وثقت فيك والخ .. طيب انا قد الثقه ونص الجماعه اسرارهم عندي ومهما صارت مشاكل ماني شخصيه ابتزازيه ولا عمري هددت احد .. اما هالبنت انا واثقه 100% انها هي سببت لي هالمشكله .. لان اعرفها اعررررفها اكثر منكم ... يعني مثلا مره بزواج كنت ارقص مثلي مثل كل الحضور و اشوفها تطالع لي وتحفظ حركاتي و بعد كم يوم رحت عندهم مدري ب ايش تناقشنا قالت انتبهي ترى لسا ماعلمت اخوي ع رقصك !! طيب اهله كلهم حاضرين ورقصت حتى مع امه حسيت كأني مسويه جريمه قلت ياحليلك يعني هذا ممسك ! علميه يدري ان ارقص ويعرف رقصي بعد وقتها هي انجلطت وقالت اجل اعلمه انك سلمتي ع فلانه ! قلت فلانه بنت عمي ويدري ان علاقتي فيها عاديه ونسلم ع بعض .. < تكون طليقة اخوه وهم قاطعين علاقتهم نهائيا فيهم > المهم ماعطيتها فرصه .. وكثير مواقف من هالنوع مرات احسها تتحرش ومرات احسها بريئه بس اقسم بالله ان اعرف هالنوعيه زين واعرف انهم ابتزازيين ويحبون المشاكل ورغم صغر سنهم الا ان نصهم يمشي تحت الارض .. وانا من تحقيقي بالموضوع عرفت انه ماشاف شي و انها هي اللي قالت له لاتقولون ظن و ما ظن . انا متأكده 100% لان زوجي مايدري وش مصوره ولا يعرف طريقة الصوره لو شاف كان قال شرح لي الصوره وكان شافها عاديه ! بس هذي كأني اشوفها كيف خبرته وكيف بالغت بالوصف وشككته .. والدليل لما هجمت عليها ما ردت ولا شي !!! و الشي الثاني قلت لكم وقت شافت السناب زوجي كان مصور مكانه واعرف هالمكان مايمدي يوصل بدقيقه .. حتى لو كان جاي بالطريق .. وهي بعد مافتحته مادري كم الوقت بالضبط ربع ساعه ولا ثلث ساعه ولا نص ساعه ماحسبت بالضبط لان كنت اتجهز بروح لاهلي وكنت انظف البيت ... وهي اذا كانت قالت له ان شاء الله تلقاها بصحتها ياررررب مايجي رمضان وهي بعافيتها .. حسبي الله ونعم الوكيل فيها .. وانا قلت لكم ما افضح شخص ممكن اهدد ايه .. واذا زاد الامر ايه افضحها وافضح جد جدها .. ليش بس انا مطلوب مني ان احسن وان اسامح وان اغفر و ان اعتذر ..

ولازلتِ تظنين!


لا حول ولا قوة إلا بالله!!

والله شيء مؤسف يا ريتاج.

__________________


اللهم طِيبَ الأثر .. وحُسْنَ الرحيل.