في هذه صدقت يالرسمي ..

ومن خلال مواجهتك له ومحاورتك له للاسف الشديد اثبت زوجك فعلا انه له علاقه مع الفتاة ..

بالعادة الرجال الخونة ينكرون ويتفننون بالانكار ويقلبون على الزوجة لدرجة تصدقهم ..

لكن زوجك على اتقانه المرواغه وقلب الطاولة عليك وكما حصل في موضوع الضرب الا انه هذه المره لم ينكر ..
والبرئ شي طبيعي بيتفأجا ويبادر بالانكار ..

لكن زوجك لانه ماله وجه يكلمك حور الموضوع لموضوع الضرب ..


منفردة نصيحه وكل امرأه
لا تحبين لدرجة العشق ..

الله سبحانه جعل مراتب للحب وهو
حب الله اولا ثم حب الرسول
وبعدها حب النفس والاشخاص ..

فاذا جعلنا محبة الاشخاص بالمرتبة الاولى هنا يختل التوازن ويصل الشخص للتعلق المرضي ويرتفع سقف التوقعات للشخص المحبوب وهذا خطا
ولو حصل من المحبوب ما يناقض سقف التوقعات فان المحب يصل لدرجة الانهيار ..

الله يكون بعونك اختي منفردة واخفضي سقف التوقعات تجاه زوجك تعيشين براحه واطمئنان ..

زوجك كان له زوجه قبلك فخبره ويعرف كيف يحير زوجته وصادف انك فعلا انفعاليه ومتهوره انت ملاحظة انك جالسه تطاردين وراه وكانك المذنبه مو هو كلام الرسمي مقنع جدا هو منحرج منكم المطلوب منك ترتاحين ولاترسلين ولا تتصلين كل مالاحقتيه اكثر كل ماطال مكوثك في بيت اهلك اكثر لان ضامنك ويبي يخليك تستوين على نار هادئه طنشي يابنت من ايش خايفه اذا هو مئه مرة قال صراحة وتلميحا انه مارح يطلق وانه شاريك خلاص مافي شي تخافين منه فخليه يجهز روحه هو قال بيجي بعد ماترجعون من السفر وانتي ماعطيتيه فرصه فراح تطول جيته اكثر اثقلي يابنت

وكلمتك ماراح تلقى قلب يحبك زي
يخليه ضامنك
عارفه انك تعشقينه وذايبه فيه
وهو عارف كيف يتعامل معكم
سواء انتي ام امك
يبي له وقفه جامده وثقل
بس للاسف انتي مافيك صبر

نعم أختي كوكتيل ماتت فعلا وهي صائمة ة تطوع الخميس
أعرفها وأعرف أمها وأخواتها مما يقارب ٢٠ سنة
وحضرت عزاءها كاملا لمدة ٣ أيام

هو حكم مؤبد
وهي ماتت رحمة الله عليها
وبنتهم عند جدتها للأمها

كانت القصة فاجعة على محتمعنا
خصوصا أنها خليجية بنت البلاد
مانقول أجنبي بعادات مختلفة

__________________
الحمدلله الذي بنعمته تتم الصالحات

صباح الخير منفردة
ان شاء الله اليوم انت احسن من امس ..

منفردة
بالامس كنت اسأل نفسي
لماذا زوج منفردة يعاملها بهذه الطريقة ؟
لماذا لم يرجعها لبيتها رغم اعتذارها ؟

ما رأيك
هل السبب يرجع لشخصية زوجك او شخصيتك ..
بمعنى هل هو انسان قاسي ولا يرضى
حتى لو اعتذر له من امامه
ام ان السبب هو ان شخصيتك العاطفية
تجعلك قريبة منه جدا لدرجة يشعر فيها
انك تريدين امتلاكه و لا تسمحين له
بالحرية ؟

ارجو ان لا تكون تساؤلاتي ثقيلة عليك
و ان احببتي الاجابة فتفضلي
جزاك الله خير

__________________
أستودعكم الله الذي لا تضيع ودائعه .. و احفظوا عني :
إن لم تكن إنسان إرادة تلتزم بفعل ما تريد فكن إنسان شغف و أحب ما تريد الالتزام به و ستنجح بإذن الله .

مثل ماقالوا الاخوان والاخوات .. اصبري واحتسبي وهذا درس من دروس الحياة لتقويم نفسك وتقويتها

لا تراسليه الى ان يبادر هو بنفسه ...

انتهى

منفرده نرجوا ان تكوني بخير ...
منشغله قلوبنا وعقولنا بك ..
طمنينا ..
اسأل الله العظيم رب العرش الكريم ان يفرجها عليك وينور بصيرتك ...

__________________
(سيدة الموقف)
لم ننساك ونسأل الله ان تكوني أنتي وأولادك بخير

جا يوم الاثنين
جلس مع بنته وامي ..
بعدين راح اشترى لبنته اغراض من الصيدليه وملابس شتويه وجاب لاطفال العائله حلويات وشيبسات وعصيرات بكميات كبيره ..
اتصل على امي قال لها ايش اجيب لك من السوبرماركت قالت يديك العافيه بس اشتري اغراض ... بنتي ، قال اشتريت أغراضها
قالت له امي وأم ... تقصدني
قال لها شي اكثر من اللي هنا .. ضحكت امي قالت له خلاص وصلت لأذن منفرده ..
طبعا مدري ايش يقصد

اتكلموا هو وامي بموضوع البنت وقال لها انها نشبت له مرا ومطفشته
قال كمان ليش منفرده حذفت البرامج ليش ما أدتها بلوك وخلاص
قالت امي كل ما أدتها بلوك تجي برقم ثاني وحساب ثاني
قال لها نفس اللي يصير معايا ..

اول مرا احس اني ما ابغى اسمع صوته ولا ابغى اعرف ايش قال ولا اتسمعت من ورا الباب

لما شرب من الشاهي
قال هذا شاهي منفرده
قالت امي مدري والله مين سواه
قال الا هذا الشاهي هي سوته انا اعرفه


جاب لي حليب سعوديه بالشوكولاته وبسكوت بالتين .<< كثر خيره
طبعا اداهم الكيس حق اغراضي وقال هذا لمنفردة ..


ما طلب يكلمني وانا ما رحت
وامي قالت لا تذلي نفسك ... واليوم امي تقولي اقولك طالت ومصخت .. اذا جا المره الجايه ادخلي له .. قلت لها ماني ذاله نفسي ..



طبعا هذا اللي صار


بالنسبه لأسئلتكم..
زوجي ما يعرف اني اكتب هنا ..
وأساسا مرا قال لي ما أسامحك لو تكتبي مشاكلنا بالنت ولو عرفت بيكون حسابك عسير

مرا حكيته عن قصه انكتبت هنا انه سافرت مع اخوها وخانت زوجها وحملت .. وزوجها يدور حل .. قال هه يطلقها وخلاص ..



هند
والله اني ما اقيده ..
اول ما تزوجته كنت اراسله واتصل بغير يومي
بس لما شفت انه هذا الشي ما يعجبه
صرت أغيب باليوم اللي مو يومي غالبا حتى رسايل ما ارسل
بالبيت فترات كنت لما اشوفه ع اللاب توب او ع جواله ما اكلمه لو يجلس ساعتين .. ولما يخلص يقول فينك .. ما تحسبي انشغل علشان تنشغلي عني !
يقول انا أحب انك انتي دايما اللي تجي وتتقربي لي وووو
طبعا انا اوقات ليا مزاج ادلعه وأوقات انتظره هو يبادر
هو دائما يعترف لي انه محتاج لي ..
محتاج وحده زيي ..
شكله ما يدل انه محتاجني ولا تصرفاته من بعيد .. اكتشف احتياجي له لما اقرب منه .. وان انتظرته نادرا ما يعاملني المعامله اللي انا ابغاها

لما يجلس عندي ما انشغل بشغل البيت ..
انشغل ب ايبادي.. او كتاب .. وأكون عنده .. لكن هو قاسي
مرا زعلت سته ساعات بعد ما جيته وكلمته قال زعلتي واحد اثنين ثلاثه سته ساعات انتظري سته ساعات الين انا ارضى ..قلت له يلا طيب نطلع نقضي كم غرض للبيت وخلاص خلينا زعلانين ..
طلعنا ... بالسياره يسولف وبالمحلات .. لكن لما رجعنا ما اتكلمنا مع بعض ..
حتى لما جا ينام كانت بنتي جنبي
قلت له بعد يدك لا تلمسني.. قال طيب وبعد عني ونام



هالانسان السهل الممتنع ..
متعب ومريح بنفس الوقت
قاسي وحنون
طيب وشرير
بالاخير اكتشف انه متدين لكن ...




هالفتره مشاعري متضاربه
نسيت اقولكم قال بيطلع لي رقم جديد
امي قالت له احنا بكرا نجيب لها شريحه
قال لا هي اكيد تبغى رقم مميز ..


النوم جافاني
حزني عميق مثل جرحي ..
تعبت اتسآءل ليش ومتى وكيف


الان احسه زبط الامور مع امي وتطمن
لكنه عارف ان واجهني اني بواجهه بالدليل
عارف اني ما سمعته احد
لكن مو عارف ايش يبرر لي علشان كذا ماراح يقابلني ..

والله انا رغم اني سمعت ب أذني صوتي لكن مازلت ماني مصدقه فيه ..
لكن لازم اصدق ..
رجعت لنقطة الصفر.. للحيره..للضياع.. للأفكار المتشابكة .. للمشاعر المتضاربة


مدري ايش اقول ومدري ايش اسوي
لحظات تمر عليا احس اني بسامحه وأوقات كثير تمر عليا احقد عليه واكررهه

طال البعد وبدأت اتعود ع وضعي عند هنا

__________________

حبيبتي منفردة الله يفرج همك ويسر امرك ويسعدك من حيث لا تحتسبين
ما تخلي الافكار ترجع ترجعك لنقطة الصفر وتبدأ الدوامة من اول وجديد
ريحي حالك لتعرفي كيف تاخدي حقك بعدين
ولتزبطي امورك متل ما انت بدك
هو عم يلين وعم يمهد خط الرجعة وزبط اموره مع والدتك
بقي امامه مواجهتك وممكن هالشي اللي مخوفه ومأخره
رتبي امورك وجهزي كلامك كرمال ترجعي بطريقة ما ترجع تتكرر المشكلة مرة تانية
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

حاليا يمهد عشان ترجعون حق بعض
منفردة رتبي افكارج
تكلمي بهدوء ... هدوء مخيف
بعيدا عن الانفعال
كوني واضحة و الجمل اللي تنتقينها خالية من اي مشاعر
سوى حب و قهر او او او
سمعيه صوته... واسمعي منه تبريراته

رتبي نفسج
ولا تستنكرين على نفسج اي شعور بالضيق او الخيبة والخذلان او او او
لان احساسج طبيعي... اللي مو طبيعي انج تكونينة طبيعية بهالفترة
بس انتي قوية وبتتجاوزين الامر

__________________

حاجة الناس إليكم من نعم الله عليكم ، فـ لا تملوا النِعم ☁✨