حتي خواتي اخواني انصدم منهم اتوقع منهم كل شي أهلي من أقرب الناس لي ....كلن نفسي نفسي زمن يخوف آسفة اذا ازعجتكم بس هاذا شعوري في هالحظة انتظر ردكم.....

الصدمات تخلينا اقوى
تعلمنا ما ننتظر احد يساعدنا نوقف من جديد
حتى امك ما فيها تساعدك
عارفة ليه
لانه مصونات هي اللي لازم تساعد نفسها
و تقاوم كل مرة تطيح فيها
الناس لهم مشاكلهم و حياتهم
ما يجوز ننتظر شفقة و عطف منهم
انتي مو غيرك اللي لازم يساعد مصونات

نيسان انتي مبسوطة بحياتك وكم عمرك .....

يسعدلي صباحك حبيبتي مصونات 😚😚😚

حبيبتي مستحيل ازعل منك وليش لازعل بالعكس خدي رياحتك
بالنسبة لسؤالك سبق وجاوبتك مرتين باول مرة وقت قلتلك متزوجة وقبل زواجي كنت مطلقة بعمر 19 سنة وبوقتها كنت مع طلاقي مبسوطة وفرحانة وعايشة حياتي بالطول وبالعرض وما فرقت معي لقب مطلقة
ومرة تانية وقت ذكرتلك انو بالجروب كلنا متزوجات ما عادا صديقة وهالصديقة لو بتشوفيها كيف عايشة صدقا من دون مبالغة بتضل مشاوير ومعبية وقتها لدرجة مرات بنقلها نيالك انك عصفور طيار من دون مسؤوليات

وصدقيني حبيبتي لو ما اتزوجت كنت رح ابقى بنفس نفسيتي سعيدة وما خلي هالكلمة اتأثر فيني لاني انسانة متلي متل غيري وما ناقصني شي
بعمره الزواج ما كان السبب ليخليني كاملة او محبوبة او مميزة
بالعكس نظرتي لنفسي هيي اللي بتعملي قيمة واهمية

حبي مصونات كم مرة اتفقنا انو كلام الناس ارميه وامشي من دون ما تلتفتي للماضي
حبيبتي عيشي لنفسك استمتعي بكل يوم بيومه ما تفكري ببكرة اذا بتزوج او لا
بالعكس اتركي المستقبل لرب العالمين وهو اللي رح يقدملك كل الخير


ربي يسعدك دنيا وآخرة

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

كيف أعيش لنفسي ميمو الصغير والكبير مافية احترام هاذا الي خوفني تنتكس حالتي مادري كيف شخصيتي ضعيفة من أي موقف انكسر .....يعني ياميمو انتي متزوجة كنتي قبل مطلقة .....

وينك يامبتعثة متفائلة ومبتعثة سعودية وزين أبيها وميمو خلونا علي تواصل دائما مع بعض ولانترك بعض ....

مصونات يا عسل وش رايك نسوي نصيحة المشيقيح سويتها مرة واحسست بروحانية مابعدها روحانية بس مو على طول يعني بعد فترة بسيطة

مافهمت ايش تقوليين يااستنكاروضحي

حبيبتي قصدي كنت مطلقة من الملكة او كتب الكتاب من دون دخول قبل زواجي هيدا

بالنسبة كيف تعيشي لنفسك سهلة يعني مهما سمعتي كلام قولي آخر همي المهم انا مبسوطة اتركي الحساسية لانو ما رح تفيدك
مثلا رفيقتي العزباء اذا اتقدملها عريس ورفضتو كرمال ما عجبها او مش متل ما بدها
بتصير تسمع بلحظتها كم كلمة من اهلها او محيطها او اصدقائها انو ليش رفضتي ومين ناطرة والقطار رح يفوتك بتعرفي شو بتجاوبهن انو هيي هيك مبسوطة وعايشة حياتها وما ناقصها شي وان ما اتزوجت اخر همها فبتلاقي الكل بيصمت وما بعود يوجهلها اي كلمة
ثقتها بنفسها كبيرة وبتحب نفسها كتير ومقتنعة بشو كاتبلها رب العالمين
وعندها رضا وقناعة وبتعرف انو مش كل شي بنتماه بنحصل عليه او ممكن ما يكون خبر النا

ليش يا عزيزتي عم تتعبي حالك وتضيعي اجمل سنين عمرك بهالموضوع

ارجعي ادرسي من اول وجديد ومن بعدها ابحثي عن وظيفة وما تيأسي
بتعرفي انا وصلت للجامعة سنة اولى وتركتها بعد الزواج لانو اتغربت على بلد تاني
وهلئ من بعد 14سنة عم ادرس من اول وجديد وبقول لو ما اتوظفت بدي ضل ادرس واخد شهادات واتعلم مهن لمجرد اتعلم شي جديد ولو ما مارستهن المهم اعمل شي واشغل وقتي
المهم اختلط بالناس واتعرف عليهن واكسب صداقات ولو مش دائمة
المهم حط هدف براسي واسعى لتحقيقه مهما طال الوقت

اتحرري حبيبتي من نظرة الناس من نظرة القريب والبعيد من نظرة الصغير والكبير

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

ميمو انا مبسوطة الحمد لله طليقي الحين مع زوجتة واولادة ولافكر نهائيا بمصونات الله يخلف علي ....