أنا كمان زعلانه من كل الرشيقات
فينكم
شكلكم كده مش قد المنافسه وهربتوا علشان ما تتهزموش
لكن فريق التحدى قدها وقدود وهنهزمكم هنهزمكم بعون الله
عموما الف مبروك لحبيبتى الغربة مره على النزول ما شاء الله لا قوة الا بالله وعقبال ما توصلى للوزن المثالى بصحة وعافيه
عايزين تعرفوا انا نزلت الاسبوع ده قد ايه
طيب قولوا ماشاء الله لا قوة الا بالله الأول
نزلت 1600 جرام وبقى وزنى 60،9 وعلى فكره انا بدأت الرجيم الجديد اللى انا ماشيه عليه ده من يوم الأحد فقط يعنى النزول ده فى مدة 6 أيام
عايزين تعرفوا كنت ماشيه على اى رجيم الاسبوع ده
لو عايزين تعرفوا ادخلوا وردوا على واعطونى اوزانكم وانا أقول لكم يالله منتظراكم
باريسا يا منافستى العزيزة ادخلى وما تخافيش ان شاء الله هنهزمهم
و يا نورا الحمد لله عدت الحلى من اول و جديد و الحمد لله زبط و اليوم تبين النتيجة باقيلي كم ساعة و تظهر النتايج الكهربا هنا مطفية و مافي الا لمبة اللابتوب
عندي كلام كثير بس خلوها بعدين
__________________
رب لا تذرني فردا و انت خير الوارثين
الف مبروك لكل اللى نزلت أوزانهم حتى ولو قليلة زى نورة ودلوعة حسين مش مشكله لأن إنتوا أصلا أوزانكم قليلة فطبيعى ان نزولكم هيكون قليل وأهم حاجه انكم ما تزيدوش ويالله خليكم واقفين عندكم لحد ما أخس كمان 2 كيلو وأحصلكم ووقتها التنافس هيكون على أشده أم جوجو فينك يالله منتظرهنتيجتك حتى لو ما نزلتيش ادخلى وطمنينا عنك وباركي لنا لكن ما تسبيناش كده باريسا يالله ادخلى فورا قلقتينى عليكى الغربة مره فينك يالله مستنيين نعرف نتيجتك
و باقى البنات فى كل المجموعات يالله عرفونى نتيجتكم
أما لكل اللى سئلوا عن رجيمى اللى اتبعته الاسبوع ده فهو رجيم قرأت عنه على النت فى أحد المواقع وقاعدين يقولوا انه رجيم صعب جدا وبينزل من 4 الى 5 كيلو فى الاسبوع فقلت طيب اشوفه وبصراحة ما كنتش متحمسه له فى البدايه بس بعد ما قرأت مشاركات البنات ولقيت تجارب حيه لبعض الأخوات اللى بيكتبوا يومياتهم ومعدل نزولهم يوم بيوم اتحمست ففيه اخت كاتبه انها نزلت 4 كيلو فى اول اسبوع وفيه اخت تانيه لم تلتزم بالرجيم تماما وخبصت لها يومين ورا بعض ومع ذلك نزلت 2 كيلو فقلت أجرب وخصوصا ان الرجيم سهل جدا وفيه أكل كثير يعنى خمس مرات باليوم
وبناءا عليه استعنت بالله ونقلته وجربته والتزمت به تماما فلم أضف اى شيئ من عندى ولم احذف اى شيئ منه
وكان كالتالى:
الفطور خمس تمرات وكوب الا ربع حليب قليل الدسم
بعده بساعتين كوب عصير طبيعى فريش بدون سكر مثلا عصير فراوله او أناناس وكيوى أو برتقال أهم شيء انه يكون بدون سكر
الغذاء: صدر فرخه مشوية او مسلوقة بدون جلد + طبق خضار سوتيه أو طبق سلطة خضراء كبير+شريحة أناناس
أو سمكة متوسطة+سلطة خضراء+شريحة أناناس
أو قطعة لحم ستيك+ربع رغيف+سلطة خضراء(لم آكل اللحم مطلقا طول الاسبوع)
أو بيضة مسلوقة+ربع رغيف بر +سلطة خضراء( أكلت البيض مرتين فقط فى الاسبوع)
المغرب: ثلاث تمرات أو ثمرة فاكهة
العشا: ربع رغيف بر +قطعة جبن قليل الدسم تكفى لتغطية الخبزة +خيارة أو طماطمة
أو علبة زبادى قليل الدسم مع خيارة