انتي قاعده تحمين نفسش او تهربين من وضع سيى ولكن الوضع الي بتهربين له سيكون الاسوأ

وكأنك بزواجك من المعدد ستخسرين ولكن اقل الخسائر

ليش؟؟

انتي تستاهلين الافضل وتعيشين حياه سليمه ، صححي وضعك وتفكيرك وابدي ابنيه بناء جيد صلب

هل اثرت افعال ابن خالك على تفكيرك وبنيتي نظرتك لحياتك على ما سبق ؟؟؟

__________________
وهل من مصير اخر ؟

التفكير والنفسية وقتها كانت في الحضيض كنت أخفي هذا بنرفزة اللي حولي او أي مشكلة أسويها عشان ما أجلس عندهم
حاولت أتعايش مع الوضع وأحسن من التفكير ع كل حال أفضل من أول إن شاء الله
بس من جا هنا ولد خالتي وقرب تخرجي بدأ القلق يزييد أبي أطلع من هذا اليوم قبل بكرة بس أتكلم فيه صداع حاااد حسبنا الله ونعم الوكيل

طيب استخيري وفكري واسألو عنه في عمله يمكن يكون ولد خالتك تغير
ويبغى يصلح غلطته
نصيحتي لاتستعجلي بالرفض يمكن يكون مناسب لكِ

تزوجيه وشوفي كيف راح تندمي راح تدخلي في مشاكل ومتاهات اعقلي وعيدي حساباتك قبل فوات الاوان نصيحه من اخت لااختها

اختي التحرش ترك أثر في نفسيتك ونفور من الزواج أنصحك تعالجي تبعات التحرس عند أخصائي نفسي قبل اي خطوه..

والله يا عرين هذي حياتش وانتي حره فيها ، تبين تخربينها خربيها لكن تحملي نتيجه تفكيرش الغلط

انتي فاكره المعدد مشغول مو فاضي لش ، طيب وقت وجوده شو راح تسوين بتصدينه او بتتحججين ولين متى

هذي عشره عمر مو وضيفه بالساعات وتخلص ، ولد خالتش هو الي غلط ومن حقش انتي تعيشين حياه صحيحه

اذا كان يريحش كلميه وقولي له كل الي في خاطرش وارفضيه وانهي الموضوع اما تتهربين من لوضع لوضع لي متى؟

__________________
وهل من مصير اخر ؟

عرين

ابعدددي عن المعدد
اولا انتي وش ناقصك تاخذين ثلث رجل!!
ليش ماتكونين مثل بنات عمرك تستمتع بحياة رجل هي اول حبه وهو اول حب في حياتها متفرغ لها..
المعدد مهما كان كل شيء عنده مقسوم على 3 حتى لو فكر يهديك شيء بيفكر انه لازم يضربه في 3
بكون معك صريحة
بعد الزواج تتغير حاجتك للزوج وراح تندمين بقبولك واحد مشغول ومقسوم وقته وانتي تووك باول شبابك..

ثانيا
هذا بحد ذاته مايشجع معه 2 وعن طريق تواصل حب يرتبط فيك.. حبيبتي انتي توك صغيرة وماتستوعبين بس اللي تعلق بهالسرعة وبهالطريقة مجرد مايرتبط بك بيصفك مع حريمه وممكن يتعرف على رقم4بنفس الطريقة..الرجل سريع التعلق يخوووف..
انا اكبر منك لما كنت بعمرك كنت افكر بوردية نفس تفكيرك بس صدقيني الحياة مو مثل مانظن للاسف..


اعيدي تقييم ذاتك
بامكانك ترتبطين بزوج اعزب وراح تلاقين وقت كبير لطموحاتك..اساسا الاطفال هم اللي يملون الوقت مو الزوج ومسؤولياته..

بعدين ياعرين بعد سنوات من زواجك ووقت ماتشوفين قريناتك متزوجات ووحيدات وانتي تحاربين في حياة المعدد راح تندمين على قرارك وتتمنين انك كنتي اكثر صبر وابصر عقل..

وولد خالتك بامكانك ترفضينه بدون ماترمين نفسك هالرمية
مع اني مع اعادة النظر بموضوعه بحسب درجة التحرش وعمره وقت التحرش
لانه اذا صغير فأكيد كان مغيب تحت ضغط الرغبة الشديد ماابرر له بس العمر له دور..واذا التحرش سطحي فكثير بنات تعرضوا لهالنوع وتجاوزوه..
ونقله للمدينة اللي انتم فيها دليل على حبه الشديد لك واستعداده للتضحية لاجل حياتكم..

تمنياتي لك بحياة سعيدة..

عرين ذكرتك وفتحت الجوال اكتب يارب تقرين كلامي زين

كثييير بنات قبل الزواج يكرهون الجنس ولا يتخيلونه ولا يستسيغون فكرته خاصه الصغار وهم كاتحرش بهم أحد ولا شي
يعني المرأة ماتظهر عندها هالحاجة إلا متأخر نسبيا

وكثير كثير من البنات يعانون في بداية حياتهم من هذا الأمر ورغم تحفظ الناس على هذا الكلام لكن أعرف كم حالة من اللي حولي

يعني لا تربطين كره هذا الأمر بالتحرش أنت طبيعية وعندك خلفية صغيرة سيئة ماكان لك ذنب فيها ستختفي مستقبلا بإذن الله
حاولي تخطي هذا الموضوع بطريقتك ولا تكبرينها براسك

الشيء الأهم عزيزتي توكلي على الله حق توكله
التوكل يعني تسليم الأمر لله والدعاء

أنت بنظرتك القاصرة عندك ولد خالتك اللي يمكن تاخذبنه بالإجبار وعندك المعدد اللي رفضتيه بحمد الله
متعبه حالك وتفكرين وحاسه مصيرك بإيدك بسرعه لازم أختار وأنقذ نفسي من الحالة أ إلى الحالة ب
لكن تعرفين ربك وش عنده؟
عنده خير السماوات والأرض
ومعجزات السماوات والأرض
والخيارات عند ربي مفتووووحة

ارفعي يديك وقولي يارب أسألك عيش السعداء
يارب اجعل قادم أيامي خير من ماضيها
اللهم إني أعوذ بك من الشقاء في الدنيا والآخرة
ربي دبرني فإني لا أحسن التدبير

والله تتفاجئين من تدبير رب العالمين وتضحكين على الأزمة والخيارات الضيقة اللي حطيتي نفسك فيها

رب يقدر يخلي تحاليلكم ماتتطابق
يقدر يكتب مشكله تصير بينه وبين إخوانك تفرق هالبيتين
يقدر يسخر لك قلوب أهلك ويتفهمون قرارك أو أو أو


ذكرتيني بوحده كانت تقول عندي فوبيا من الولادة لدرجه كم مره ارفع يديني ابي ادعي اني اكون عقيم ثم استغفر وأنزلها
تزوجت وحملت وكانت تدعي بالتساهيل وتتماسك بالقوة وسبحان الله كتب لها الله ولاده سههههههله بالبيت تقول ماحسيت ان هالألم ألم ولاده فجأة البيبي طلع
تخيلي تقول ربي كان بيعلمني يوم سلمت له الأمر إنه يقدر يجعل أصعب الأمور مثل شربة الماء والفوبيا اللي معاي من كان عمري 15 صارت ذكرى مضحكة

ياعرين تحسبين إنك حاله فريده والبنات كلهم يدخلون الزواج وهم مستعدين نفسيا وبدنيا ومتشفقين؟
كم بنت كانت بحاله خوف انها فاقده البكاره بسبب نفسها أو بسبب تحرش خارجي؟
وكم بنت عندها تشوه بجزء من جسمها مقلقها؟
وكم بنت عندها مشكلة شكلية أو نفسيه؟ كان المفروض يحكمون على حياتهم بالنهايه؟ وإلا يعيشون على أقل مقومات السعادة عشان يعوضون الشريك عن هالنقص؟
مافيه بنت ولا ولد يدخل القفص وهو كامل
كلهم فيهم مشاكل ونقاط ضعف وأمراض وتشوهات وعاهات ونجحوا ونالوا السعادة اللي يتمنونها

تمني لنفسك السعادة وادعي
انت تستحقين وانت اطهر وانظف من مليون بنت بالشوارع وبالنهايه يتزوجون ويخلفون

الزواج مو مكافئة للمثاليين الزواج فطرة و حق للجميع
والسعادة رزق من الله يعطيه من يشاء
المفتاح اللي بيدك الدعاء وتوكيل أمرك وصدقيني يوما ما بتضحكين على تحميل نفسك كل هالهم والألم

الله يسعدك ويزوجك الشاب اللي يطير فيك ويتحملك بنواقصك وتتحملينه بنواقصه
وتخلفون وتربّون بجو أسري كله ألفه ومحبة ياعرين
قلبي معك من أول مره قريت كلامك لأن الموضوع صغير بس أنت مكبرته مررررره ولا ألومك لو تزوجتي بتفهمين كلامي