الله يستجيب منك يا رب .. ويرزقني صبر النبي أيوب

مثل كلام زوجي لي..
تهمني افعالج اكثر من كلامج


يا رب يهديني ويهديه ان شاء الله لما يحب و يرضى

هههه حبيت اسفنجة...

ما اقدر أقول عن هالقصص سخيفة لأن فيها عبرة بطريقة ما

تشبيه بليغ

__________________

حاجة الناس إليكم من نعم الله عليكم ، فـ لا تملوا النِعم ☁✨

طيب من إيش يعصب زوجك يازين؟
هل عصبيته منك أنتي؟ ولا في أمور الحياة عامة؟
مانوعية عصبية زوجك؟

وماتعتقدي إن لك يد فعلا بهالعصبية؟ أقصد تكوني سبب لها؟

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

هههه الله يسامحج عاد ارتحتي داخلياً !
مرة سويت له هالحركة قط كلمة وهو معصب .. قلت له يممممه من لسانك عسل بعد قولها .. واقرص خدوده واضحك ..
ويهه قلب احمر وقال لي تستهزئين ؟ قلت له لا شكلك حلو وانت معصب فديت المعصبين والله ..
انقهر بس ما قال شيء سكت وطخ ..
بس من له مزاج هو يقط كلام يسم البدن وآنه اضحك
مو وايد يرفع صوته في الفترة الأخيرة .. لأن من يبتدي يرتفع أقول له ارفعه اكثر يمكن الجيران ما سمعوا .. فينزل صوته
الله يهديهم و يهدينا


أي فعلا بدون شتائم ولا اهانات..
بديت اقتنع بهالكلام.. راح ألقن عقلي فيه


الله يسامحها .. مبتعثة ما اشك انها تبي لي الخير
بس والله الكلمة عورتني ظليت طول الليل ألوم نفسي خفت ان آنه قلت كلمة خليت الناس تفهم انه ظالم
مو عشان انه زوجي بس والله كلمة حق الرجال ما فيه سوء
بغض النظر عن عصبيته شايلني شيل .. عندي شغالة بس مع ذلك يجي من بره تعبان يجي يوقف معاي بالمطبخ يحط الغدى ويلم معاي السفرة .. قلاص الماي ما يشربه عني ولا يمد ايده في الأكل الا لما اشاركه .. حتى النوم ساعات يكون هلكان يبي ينام .. وآنه بايدي شغلة ما يدش الغرفة الا اذا دشيت .. نادرا اذا يناديني باسمي ..
دايما على لسانه كلمة ان شاء الله ومن عيوني.. ما شاء الله الله يحفظه
بعد كل هذا أقول عنه ظالم ؟ تنقص ايدي وينقطع لساني والله..
الله يغفر لي ويسامحني اذا وصلت هالفكرة من غير قصد بس الله يشهد انه مو ظالمني ولا ظالمها ولا ظالم عياله..

__________________

حاجة الناس إليكم من نعم الله عليكم ، فـ لا تملوا النِعم ☁✨

زين حبيبتي
انا ماعشت ببيتكم
بس تخيلت الوضع
لمجرد انه ذكر يحق له يعصب ويصرخ ويهين ويسىء
مره او مرتين نعديها
بس طبع صعبه
وخاصه مرته الاولى تعاني من نفس الشي
طيب انا كيف افهمها قولي لي
مارضيتها على نفسي وطبيعي ماراح ارضاها عليك او اي احد اعزه
صعب اكون متحفز للمشاكل وانطر متى بيعصب علي
عندي واحد من اخواني كذا
ارحم مرته مع انه مدلعها دلع ماحصل
بس لازم لحظات هالانفجار
وتقعد حياتهم بين مد وجزر
الرجل يضنه عصب وخلص يله
ليه تطولين بالزعل

أمس انختمت الزعلة ..
لأن في الأساس ما تستمر 24 ساعة..
و طبعا بعد كل زعلة لازم يعزمني عالعشى
وياخذ لي لي هدية..
راح اجمع هالهدايا واوريهم عيالي واحفادي واحفاد احفادي
باقول له هالكثر بابا عود زعلني و راضاني..

هذي نهاية كل زعلة عشى وهدية ..
هذا اذا هو اللي كان مزعلني و غلطان بحقي...

وبسرعة ارضى ما أطول .. لأن بيراضيني مرة فقط
إذا راضاني وظليت زعلانه
بتنقلب الأدوار ان انا راضيتج و ظليتي زعلانه
وهو بيزعل فالغبنة ان لازم أراضيه .. فاختصر الوقت وارضى

سؤال يراودني :

هل بهالطريقة الرجال يقولون آسف زعلتج ؟!
ولا يبون يشترون راحة راسهم عشان لا يستمر الزعل ؟
مع إني من النوع اللي لو يبتسم لي انهي الزعل..

__________________

حاجة الناس إليكم من نعم الله عليكم ، فـ لا تملوا النِعم ☁✨

طبعا يقول اسف بهالطريقه
الله يسخره لك
مصيره بيتعب ويترك العصبيه

اعرف نيتج عشان جذي ما زعلت منج
اعرف انج تبين لي الخير ..

بخصوص ام عياله موضوعهم له حيثيات وايد غير..
و زوجي عانى و العيال عانوا وايد وايد على مدى سنوات...
عموماً ما احب أتكلم عنها وهي مو هني...

تبين اجاوبج بصراحة ؟

كونه ثاني زوج لي خلاني احس بقيمته
أين الثرى من الثريا يا صديقتي!
هم ما ابي أتكلم عن طليقي لأنه مو موجود
بس والله لما اقارنهم ببعض يكبر بعيني زوجي
يكفيني فخر ان من تزوجته للحين سنتين
يمكن 3 مرات صلى بالبيت لظروف طارئة
احنا ما فيه جنبنا مسجد يقدر يروحه مشي
لازم يروح بالسيارة
صيف وشتاء يقعد قبل اذان الفجر بمدة ويروح المسجد
مستواه المادي والاجتماعي يعزز محبته عندي
بس اللي صج صج يخليني اتعلق به هو تعامله معاي
بعيداً عن عصبيته اللي تقتلني..
وايد أشياء يسويها عشاني
يفضلني على نفسه
كلمة حبيبتي ما تطيح من لسانه
ما يرضى انام زعلانه
استحي امدح شيء جدامه لأن بيروح يجيبه يفكر خاطري فيه
لما فقدت البيبي كان مو في البيت و بعيد وكان في رحلة عمل بس مع ذلك ما خلاني ودعمني معنوياً
رغم ان عنده عيال .. دايما يسعدني بكلمة ابي منج انتي..
واشياء وايد وايد وايد..
تعامله معاي معقلني فيه وايد
عصبي عصبي عصبي .. لكن أشياء وايد بالمقابل تخليني احبه ولا ابي افقده

__________________

حاجة الناس إليكم من نعم الله عليكم ، فـ لا تملوا النِعم ☁✨

طيب تجنبي عصبيته
وش الاشياء الي تخليه يعصب
هل يعصب على زملاءه الخدم الموظفين
عياله
شخص راكد ورزين مثل وصفك مستحيل يعصب مني و الطريج
ادخلي له من مدخل الدين
من مدخل الصحه
يخلي هالعصبيه الي بتوغل بالصدور نتائجها

اها طيب ماذكرتي هالجزئية والا كنا نصحناك غير شي

لا بمزح حبيبتي..

بس سؤالك..

أكيد انتي بتحسي من عيون زوجك وطريقة كلامو اذا الاعتذار من القلب أو لطي الصفحة..
وبما انه يعزمك عالعشا والهدية بعد .. لو شايفك عنجد مثل مابيوصفك لما يعصب عليك.. كان يجيب هالهدية ويعشيك؟؟ طريقة اعتذاره تليق بمقامك في قلبه وعيونه..

واتفق معاك ان نوعية زوجك لما تراضي لازم ترضي والا بتقلب الادوار..

الله يسعدكم

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

الله يسامحك يا زين
كيف تحقدين على الرجال مع كل اايجابياتو عكلام يقولو وقت غضب وكلنا نعرف انه ما يقصده
ميمو الله يحفظها كفت ووفت
وحالتي مثل حالتها تماما
يحصل انه نغلط على بعض في وقت الغضب وقليلا ما يحصل
لكن يستحيل احقد علليه او اتذكر كلامه حتى لانه اعرف مكانتي عنده واعرف طببعة العصبي انه قلبه ابيض لكن قد يخطئ بالكلام
الامر الوحيد الي لتذكرة ويرجع عبالي هو يوم كان معصب دعا اللهم اجرني في مصيبتي هذهواخلفني خيرا منها
وما اتذكر الدعاء لاني اخاف يقصده لا لكن اخاف ان الله يستجيب دعاءه
على كل حال حبيبتي لا تخلي الشيطان يضخم هذا السلبية وينفرك من زوجك
زوجك يبقى انسان ماهو ملاك وظن ههذه سلبيته الوحيدة فتغاظي عنها
الله يوفقك

__________________
ربنا هب لنا من ازواجنا وذرياتنا قرة اعين واجعلنا للمتقين اماما