ربي يسعدك ياقلبي دنيا وآخره ...

والله لا يحدني لا ع أهلي ولا ع زوجي انا استنى اللحظه اللي أتوظف فيها واستقل بحياتي واعيش بدون ما اشحذ احد او يمن عليا احد ..

الله يعينها يا مبتعثة
عندما كتبت الموضوع نحن لا نعرف التفاصيل!
لكن بعد التوضيح ظهر كل شيء.
و ان شاء الله زوجها يستوعب و يعقل

__________________

انا نفسي لو اني أتوظف من دحين يعني قبل ما اخلص دراستي وهو رااااافض
مره قال لي انتي لو توظفتي راح تسحبين عليا سيفون قلت له ليش تقول كدا ؟ قال انا أعرفك ؟ وإنتي شخصيتك استقلاليه !!
وانو انا مو متحمله أشياء فيه عشان كذا بشوته واسحب عليه
قلت له لا تفكر وتتعب حالك لأنو تفكيرك خطا بخطا

مدري أحسه خايف مايبغاني أتوظف ...!!!
يبغاني أعيش تحت رحمته ؟!!

ولا يقول انتي لسى طفله لما يصير عمرك 30 نفكر

اشلون أحوال زوجك الماديه ؟ قادر على دفع اكثر من ذلك او غير مستطيع

__________________
اللهم ألهمني الرشد

الغريب اغلبكم بدأ ينتقد الزوج بدون ما تسألو عن حالته المادية ؟؟

طيب يا جماعة الخير يمكن الرجال هذا حده !! يمكن ما يقدر يدفع اكثر من 2000 مصاريف ؟؟ يمكن الرجال يحتاج المبلغ عشان سفره ؟

مافي رجال عاقل وخاصة انه داعية كمان , يبخل على اهله وزوجته وهي حامل , اغلب الظن انه يعرف ان صرفياتك كثير ومبالغ فيها , لذا اعطاك 2000 ريال عشان تقتصدي .

وبعدين اسمحيلي , 2000 ريال تكفي في الشهر وتزيد كمان , الزوجة العاقلة تصبر على زوجها في المنشط والمكره , انتي ادرى الناس بحال زوجك , ممكن ما يقدر على اكثر من 2000 في الشهر , وخاصة انك بتسكني في بيت اهلك .

الوضع يحتاج منك تدرسي بحذر صرفياتك , لا تدفعي الريال الا لحاجة , اما تقويم ومصروف خاص وتبديل فرشاة اسنان كل شهر , هذه مالها داعي , لازم تقتصدي وتوفري , وانا متأكد لو حسبتيها صح بتوفري من الـ 2000 ريال .

معليش لا تزعلي من كلامي باين انك تصرفي كثير بدون تفكير , ولا تقارني نفسك باللي تروح كوفيره كل شهر ولا اللي كل شهرين تسافر او او ,,, قارني نفسك باللي اقل منك , هذولي ناس ربنا معطيهم وحالهم غير عن حالكم , ومدي رجولك على قد لحافك

ممكن ماعنده قدرة مادية وانتي ضاغطه عليه !!!

اطلبي البركة في اللالفين
تعرفين قصة زوجة اسماعيل لما تذمرت قل الحاجة و قال ابراهيم عليه السلام غير عتبة بابك اي طلق زوجتك
لاتتذمرين و تحسبينها المل مثل ما قالت طموحة
فقط اطلبي ربك يبارك لك في فلوسك
امك مافيه احسن منها لما ترضى .. خلاص اطلبي رضاها

في الحقيقة نحتاج بالفعل أن نعرف مقدار دخله حتى نعرف هل بنت الناس متطلبة ومسرفة أم أنه بخيل أو ينتظر أن تمطر عليها السماء فلوس كمكافأة ربانية!!


بعدين أستغرب صراحةً من تعليقات البعض على مثل هذه المواضبع .. وممن يرى أن المبالغ المطروحة فيها تكفي .. لا وتوفر منها بعد!!!!

لا توجد قاعدة عامة في مثل هذه الأمور .. وما يراه البعض كثيراً يراه البعض الآخر قليلاً .. وعيب أصلاً أن تحصل مشكلة أو يتم التفاوض على مبالغ زهيدة مثل هذه!!!

الفيصل الوحيد هو قدرة الزوج المادية .. فإن كانت حاله على قده فلا يكلف الله نفساً إلا وسعها .. وإن كان قادراً والله فاتحها عليه المفروض يعز زوجته وعياله ويسد حاجتهم .. بل ويزيد .. مب يقول ما دام إنتي عندج أهلج فهم يتكفلون بج وبعيالج!!!!

يعني حتى لو أهل الزوجة ما بيقصرون .. عيب يتصرف الزوج وكأنه ما صدق حد يشيل عنه!!!




منذ بضع سنوات سمح لي زوجي بالسفر إلى بلد والدتي رحمها الله.

حينها كان عندي سلطان ومهرة .. وهناك أربع بيوت لخالاتي وأخوالي .. وكل منهم كان مستعد يشيلني أنا وعيالي فوق راسه ... ورغم ذلك زوجي رفض أن أقيم عند أحد منهم .. وحجز لي فندق خمس نجوم عشان أكون مرتاحة أنا وعيالي .. غير المصروف المضاعف باعتباري على سفر.

هذا وهي رحلة ترفيهية!

كيف ببنت الناس اللي على وشك ولادة وطفل جديد؟!!

__________________


اللهم طِيبَ الأثر .. وحُسْنَ الرحيل.

زوووجها راتبه 12 ألف هذا اولا
ثانيا اَهلها مو مكفلين بأكل وشرب عياله فيه أهل يحاسبون على الريال وكمان حتى ازعاج عياله والله مو من واجبهم يصبرون على عياله 4 شهور عندهم ابو يضفهم والا يخلف ويرمي ل
وبعدين هو سنويا يسافر ثلاث ولادات ما حضرها ...
ثالثا من كلامها 2000 فيها كل شئ حتى الملابس وحطوا في بالكم ورآنا عيدين وهي كمان ولادة ...
المفروض النفاس أكلها زوجها يُوفره احنا عندنا حتى الذبيحة هو يجيبها عشان اكل زوجته


وبعدين المفروض الواحد يطبق الدين اولا في الواجب عليه خيركم خيركم لأهلة ..