يوه ياكنافه ههههههههه صدق انا حريم ندور النكد😂😂😂

يابنت قلتيها زميله طباخ
خليه يطبخ ويطبخ حتى يشبع دام الشي هذا ماهو من عادته بيمل


زوجي مره تأثر بصديقه يمشو بعد الفجر ساعه ونص انا عاجبني هذا الشي لكن راحت الشغاله وقومتي للاولاد وتجهيزهم للمدرسه يرهقني خاصه انهم مايقومو بسرعه ومااحب اصرخ عليهم وازعجهم ويتنكد يومهم فتعبت نفسيتي لكن فكرت فيها من الناحيه الايجابيه زوجي سار نشيط وامور ثانيه ارتحت فيها معاه



ويافرحه ماتمت بعد شهور رجع للكسل والتبطح وترك المشي

بس الحمدلله يقوم الاولاد الصباح😬


اعطيه جوه وساعديه يعني اعطيه البهار ورجعيها مكانها بحيث تستمتعو سوا ونظفي وهو يطبخ اي شي يرميه في المغسله اغسليه ومسحي وراه واذا بكره سبك قولي ماضربت ع يدك .....

هههههها خليخه يطبخ وارتاحي اتوقع مليون وحدة تتمنى يريحها زوجها من الطبخ. !!

ههههههها تراني اطبخ انا واحب اطبخ بنفسي .. وحتى اني اطبخ عن امي للعائلة، وصح نفس الرجل غير.. كل الي اعرفهم بعائلتنا ( من النساء) يعجبهم طبخي ويطلبون طريقة الطبخة لأن بس اغلب طبخاتي شغلات من اختراعي كسبتها من تجارب طول فترة عزوبيتي !!!

ههههههههههه
قولي له يابو فلانه
احسبني معاك اليوم 😜

خذيها بروح مرحه
قولي اذا ملزم تطبخ
علي الغدا وعليك العشا
يعني عن قولة غير متعاونه والا مطنشه
واسأليه ايش راح تسوي اليوم عشان اجهز الحمسه


الله يسعدكم

شوفي طريقته تغيره معك طريقة عقاب اكيد واخذ بخاطره منك بشي ممكن منتي فاكرته بس هو تاثر , لتعرفي بايش انزعج منك لازم تحددي شخصيته وهو من اي نوع . بعد تحددي شخصيته بتعرفي الاشياء اللي تزعجه وسبب عقابه لك

يعاقبها يطبخ عنها!!
يازينه من عقاب والله..

كنافة اخاف ربي يعاقبك على رفس النعمة بس . خليه يطبخ ويعيش جوه
مصيره بيتعب من بربسة البهارات ويدور طبخك ،، فترة ويمل ويدور شي جديد
من الآن فكري في شئ تشغلينه فيه..

الا ايش صار على موضوع الوظيفة حسمتيه ؟

__________________
ما يكتبه الله لنا ألطف مما نُحب ..وأعظم مما نطلب ..وألطف مما نشاء ..


[IMG]http://im67.***********/mg87DX.gif[/IMG]

السلام عليكم
انا فهمت قصدك انوو زوجك اصبح يشوفك ديكور
دا قصدك ماعليك الرجال ادا زوجته بعدت يحس بتعب
ونفسيته تتأزم ويحاول يشغل نفسه بأي شي
ووقت بعدتي في الاربعين زوجك حط حرته كلها في الطبخ
بس صدقيني مصير اللي في راسه يطيح
شهر بس وتعالي اكدي كلامي دا
اتمددي وعيشي حياتك راجع لك كرف الطبخ

__________________

يا ناس الفكرة مو انه ريحني ومدري ايش
اصلا انا احب انجز ببيتي
وزي ماقال احد الاعضاء: حسسني انو مالي عازه
يعني وجودي بحياته زي عدمه
وجودي ببيتنا زي وجودي ببيت اهلي
ان شاء الله فهمتوا علي
بعدين فجأه ماصار يملى عينه طبخي
ويتحجج بانه مايبغى يتعبني
وانا اعرف زوجي زين.. مو هذا قصده
هو صار يتلذذ من طبخه
لانه تعود خلال 40 يوم على المطبخ
وتعود ياكل لحاله
ويعتبر جلسه بالمجلس شي عادي
لان اثنين من اصحابه لهم نفس النظام
ذبحونا هالاصحاب وخربوا بيوتنا

حتى الكلام بينا شبه انعدم
والله لما كنت نفاس عند اهلي
كان يدق ويسولف معي بالساعه والساعتين
ويفضفص ويتكلم عن كل شي صار معه
وانا كنت اسولف عليه واتناقش معه
كل هذا تلفون
وسبحان الله اول مارجعت البيت تغير الوضع
احلف لكم لي اسبوع ماتكلمت انا وهو
الا باغراض البقاله والا تصرفات البنت والولد
وانا صرت انومهم بدري
واروح القاه مشغول بالمطبخ والا جالس لحاله
يكلم اصحابه والا يشوف مباراه
هذا اذا ما جاء له احد من اصحابه للبيت
وعلى هالحال كل يوم
وانا مليت وكبريائي مايسمح لي الاحقه اكثر
خلاص هو عمل حاجز بينا
واذا شافني متضايقه منه حول لي فلوس
والا شرى لي اشياء احبها
كأني خدامه مو زوجة.. وانا قايله الماديات مو اكبر همي

سحابه
استخرت واستشرت والدي
وقررت الاعتذار عن الوظيفه
وزوجي عطاني رضاوه (مبلغ كبير)
وبعد ضغوط بيبي الجديد والسهر
قلت الحمدلله اني اعتذرت
وناويه ابحث عن وظيفة اذا كمل ولدي 6 شهور
ويارب يسهلها من عنده

اول مرة اتفق معاك يا كنافة في حدسك

زوجك يسعى الى تهميش دورك في حياته، لانه يعاني من ضعفه، و ان شاء الله تكوني فاهمتيني، فهو يحاول ان يغطي على ذلك

لارا وباقي الاعضاء
انا للحين اطبخ مو مريحني ولا شي
الى الان ادخل المطبخ
اولا لان طبخه مايناسبني ابدا
ثانيا بنتي ماتحب طبخ ابوها ابدا
ثالثا هو مايبدى طبخ الا بعد العشاء
وانا لازم احضر الغداء لي ولبنتي
وزمان كنت اعزل له من غدانا
واجلس معه عالسفره نسولف سوا
وكان يحس انه مدين لي
واحيانا يبوس راسي ويشكرني عالطبخه الحلوه
الحين صار مكتفي بنفسه
ورافع خشمه
ويحس انه احسن زوج بالدنيا
لانه يقوم بكل شي لنفسه


شوق اللقاء
هو فعلا همش دوري تماما
بس ما اقدر اربط هالشي بالعلاقه الزوجيه
علما بانو ماصارت بينا علاقه لحد الان
لما رجعت بيتي كنت لسى مو طاهره
ولي اسبوع طاهره وهو مو مهتم
وانا مع السهر والرضاعه مالي رغبه
فطنشت هذا الموضوع

يمكن معظم المتزوجات يزعلون من هالشي
بس انا تعودت خلاص
هو وقت الحمل وقبل الحمل نادرا يلمسني
وكنت مكتفيه بشعور الصداقه والمشاركه اللي يجمعنا


حتى هذا الشي راح حاليا

على فكره
هو البارح سألني
اذا يعمل لي ساندويش فهيتا اللي احبه
قلت لا شكرا.. بدون نفس
لانه حسسني كأن انا الرجال وهو المرأه
واتوقع هو برضو تضايق من ردي
كان يحسبني بفرح واقول ياليت حبيبي!

حتى ام زوجي الله يسامحها شجعته
صارت تعطيه وصفات من عندها
وتركز عالاكلات اللي كان يحبها من يدي
وتمدحه وتكبر راسه اذا طبخ
وهو دايما يرسل لها صور طبخاته