المشاركة الأصلية كتبت بواسطة رائحة البخور

طيب يا آخي دام البنت شورها بيد امها
كلم الام ، قولها عن تآثير تدخلاتها بينكم
وان لمصلحة بنتها تخلي البنت هي الي تقرر حياتها
لاان استمرار تدخلات الام بعد الزواج معناه فشل الزواج

والبنت قول لها لازم تحطي معي النقاط علي الحروف
حياتنا بهالشكل ماراح تمشي
ومافي رجال بيرضئ بهالوضع
وان كانت حريصه انها تستمر اكيد بتصحي


وخلها كم يوم هي وامها يفكرو زين بكلامك
روح لهم البيت افضل وتكلم بوجود الثنتين عشان يعرفو انگ جاد بكلامك

وان استمر الوضع علي ماهو عليه ( الله يعينك صراحه )

المشاركة الأصلية كتبت بواسطة سمو الورد

الحين انت حاولت ومثل يقولون سويت باصلك ومالهم حجة عليك
وتفكير البنات ترا مو مختلف كثير حركاتهم واضحه
البنت احس انك انت اخر اهتماماتها شي مو اساسي عندها
وسنه مو عذر بالعكس سنها دافع قووي انها تميل لك
بس الام بعد لها دخل كبييير بسبب نصايحها الي الله واعلم كيف طريقة سردها
وكانهم يبون يحسسونك انك تحمد ربك ماخذ بنتنا !!!!
انا مو عاارفه انت ليش راضي على نفسك هاالشي يمكن متعلق بالبنت؟؟؟
وانسان طبعك شريف ونيتك سليمة اكيد هالشي ومن غير اتهام لهم
حنا مانعرف اسبابهم الي تخليهم يعاملونك هالمعاملة
بسبب تاخرك بتحديد الزواج هذا مو سبب كافي لتصرف البنت وامها
وفي اصول وفي كلام منطقي باحترام ممكن ينقال + ان البنت اذا تعلقت بك ابد ماراح تحسسك باي شي مو مقبول من ناحيه حبها اذا كانت تميل لك بيكون تصرفاها مختلف تماما وانتظارها لك بشغف وهذي سنتين كفيله انها تخليها تتعلق بك وتهون كل الامور الصعبه بينكم

البنت في خلال هااسنتين ماحبتك وهذا واضح من تصرفاتها
وانت مجرد شي اقل من عادي لها والدليل ماتبدي لك اقل اهتمام
كلامنا هنا ونصايحنا مو حل جذري بس سبحان الله يمكن ربي يسخرلك حل باي شكل واي سبب

حتى حمااسك قل للزواج ممكن

واذا انت مستعد تقدم للزواج وتتنظر وعندك وقت تتحمل كل العواقب
استمر انا بحكم اني بنت واعرف بالبنات
واحساسي يعني مو مرة مختلف لكن تحكمه

التربية او السن او الثقافه والعادات والبيئة
قبل فترة مو طويلة انخطبت لشخص ماتقبلته واستخرت كثييير
عشان انا ماعرف مصلحتي ماحسيت لابميل ولا باي شي ناحيته
وكنت الحقيقة اتهرب من اتصالاته ومارد على رساايله الا نادرا
وكان عندي اسباب قوووية اني ارفضه واستخرت استخارة نهاائية و

وقررت الانفصال وانفصلت والحمدلله

نصيحتي لك اترك كل شي جانبا واستخير استخاااارة صحيحة
واحسم الامر وبعد الاستخارة لابد ان الله يهيئ لك اسباب ترضيك
والله يريح بالك ويلهمك الصواب

المشاركة الأصلية كتبت بواسطة صاحبة السعاده

مع رد الأخت سمو الورد حفظها الله ،،،
عليك بالاستخاره ،،،
بصراحه زوجتك وأمها يرفعن الضغط استغفر الله
هذا مو خجل أبدا
هذا قلة ذووووق بصراحه
وش انت طالب منها عاد ؟؟؟
مجرد تواصل بسيط واهتمام ابسط
واضح جدا البنت ماحبتك ولاتعلقت فيك
البنت اذا حبت ماتصبر تنتظر اي بادره منه
لازم تحط النقط ع الحروف معها وقلها لو مافيه حب عيب عليك تطلعين مانردين علي !!!
وامها لازم ماتتدخل بينكم
بمجرد ماوافقوا عليك وتملكت عليها خلاص
انت احق الناس فيها ولاهو عيب ولاحرام تتواصل معك بالواتس ع الاقل وتبدي شي من اهتمامها ومشاعرها العيب والله تصرفاتها هي وأمها والله يعينك بس !

المشاركة الأصلية كتبت بواسطة ومض القمر

ارسل لها ....انت تغيني ولا تبغيني ..

اذا قالت ابيغك

قلها انا ما ابييغك ....ولا تتواصل معها نهائيا بعدها

وشوف ردة الفعل ...اسبوعين ......اذا ما في ردة فعل

اعرف انها ما تبيغك فعلا ...

بعدها روح عند امها وابوها ...وقلهم كلام صريح يا ابيض يا اسود ....
وهذا اخر شي

المشاركة الأصلية كتبت بواسطة صاحبة السعاده

ان شاء الله خير
لايضيق صدرك
بعض الناس مازال يعتبر التواصل اثناء الملكه يعيب البنت واهلها وممكن الرجل يسيء الظن فيهم وبترييتهم وبعض الأهل يخشون المشاكل قبل الزواج من كثرة التواصل والاخذ والرد
التمس لهم العذر
ان كان هذا بس عذروبهم
وبتمل منها بعدين ومن ملاحقها لك
دايم الرجل بالبدايه مندفع والمره عاااادي
عقب تنقلب الآيه سبحان الله
ومأدام اختك صديقتها وتعرف منها انها تبيك بس اَهلها رافضين مالك الا تصدق لان فعلا مازال فيه ناس كذا متشددين من هالناحيه
الله يسعدك مع زوجتك الان ودوم وكل المملكين والمتزوجين 🌹

المشاركة الأصلية كتبت بواسطة ياميسر الامور

انا كنت متواصل معها اليوم وصراحه قفلتها معي بإسلوبها البارد
قلت : بذمتك ليه اجر الكلام منك جر ؟
قالت: مااقصد تجر الكلام ، بس ماعندي شيء اقوله .
قلت: شوفي انا لي يومين وانا اسولف معك ، وانت تنقطين علي بالكلام
وهذا الامر مايعجبني ولا ارضى اكون كلب عندك تجدعين عظمه لي وتوقعين ارضى !

قالت: لا مااقصد ومدري .
قلت: طيب بسألك ، انتي ماتحسين انك مخطيه بحقي ؟
قالت: لا
قلت: ابد ؟
قالت: ايه
قلت: يعني انا ابالغ !
قالت: مدري والله .
ثم سكتت فترة وقالت : ليه انت تشوف مخطيه بإيش ؟
قلت: إذا ماتعرفين اخطاءك ، لا تنتظرين احد يجيك يعلمك فيها ؟
قال: انا مااشوف اني اخطيت بشيء أبداً .
قلت: طيب

وسكت بعدها ....