انا بصراحه مستغربه من خوفكم من زعلها اكثر من استغرابي من حركاتها الغريبه
عموما هي باين ماعندها اي مبادىء للذوق والادب فما بينفع معها التصريح
الحل انكم تواجهونها او تواجهون اخوكم او قولو لابوك يكلم اخوك او على الاقل اكتبو لاخوك رساله اذا مرا ماتقدرون على المواجهه واذا ماقدرتو على اي شي من ذولي خلاص تحملو نتيجة سكوتكم
الله يعينكم

عفوا اقصد ماينفع معها التلميح لازم تصريح

صح كلامك والله ، و بدينا انا و اختي نطبق هالشي ،
و لاحظت ان زوجة اخوي ما تكلمني مثل قبل ،
لكن لازالت تتدخل و تغير و تقرر و تخررررب و تعذب امي مع ولدها ترميه و تروح ،
واحيانا ترميه و هي اصلا موجوده ف بيتنا بس جالسه ف غرفتها ف الملحق !

و خلاص اللي يزعل يزعل لان بجد وصلنا لمرحله ما كنا متوقعين ف يوم نوصلها

صح ، لكن حالياً ظروف اخوي للشغل طول الاسبوع برا و ما يرجع الا ويك اند يومين ،
و على هالحال لمدة 9 شهور ، فيوم يرجع ما يشوف كل اللي يصير ،
و يكون ولهان على ولده فما نحب نخرب عليه هاليومين اللي يقضيهم ف البيت او مع اصحابه و عشان اذا رجع شغله ما يتم باله مشغول ، فقررنا نحن نتصرف ..


للأسف انها اخرجت اسوأ شي فينا ، ما توقعنا ف يوم اننا بنعامل حد بهالاسلوب او نشل ف قلبنا عى حد ، الله يسامحها جد يعني كرهتني حتى ف نفسي

ما ادري والله ،
نحن حتى مستغربين (=
يارب القى جواب يارب

جربنا ، و استاااانست و فرحت و عجبها الوضع ،
و وصلت لمرحله انها تورينا صورها بملابسها الداخليه يوم زواجهم (=
و اخوي لو درى بينهار و بيثوّر فيها ،
اخوي مؤدب و ماقد تكلم عن خصوصياته ،
فلو عرف او شم ريحة انها ورتنا صورها بهاللبس ، بيتضااااايق ما راح يورينا وجهه بعد ،
و بتصير مشكله كبيره بينهم

نحن ساكتين لأنا ماقد مر علينا ف حياتنا حد بهالشكل !
ماقد تعاملنا مع شخص بطريقه مب حلوه ،
صعبه صعبه ،
لكن حالياً بدينا نكون رسميين معاها ،
ما نسولف ابددددداً معها ، و اذا ولدها موجود ما نمسكه ولا نسوي شي الا اذا تدلع زياده عن اللزوم لازم يتأدب ،
و اذا جات تدخل غرفنا لأي سبب سواء تبي شي من غرفتي او غرفة امي او اذا امي أمرت علي و هي نقزت تسويه ، انقز قدامها اقولها لا انا بروح انتي قعدي لان ما يصير تدورين بين اغراض امي او ما ينفع ما راح تلاقين الشي بين اغراضي انا لازم اروح ،
يعني احاول امنعها و صرت حيل رسميه !
تنتفخ مرات و ما يعجبها ، بس انا و اختي اكثر من 3 سنوات متحملين و ما يبان علينا ، اتوقع كفايه و اللي يزعل يزعل ماعاد يهمنا

اي استمروا على ما انتو عليه خلوها تحس على دمها شوي ..
غرفكم ليش ماتقفلونها عنها ؟؟

اقفلوا غرفكم ..واذا جت تريكم اشياء ما تحبون تشوفنها ..قولي لها عيب ..ما ااريد اشوف واستحي
فهميها ان هذا الشي غلط ..
اعتقد انها من البنات اللي يحب الشلل وتخبر كل شي عن حياتها الخاصه ..وتحسب ان يجيكم فضول .

بعدين معقوله تصور نفسها بالملابس الداخليه ؟!!
اخبريها اذا اضاع الهاتف راح تروحين فيها ..

عندها نسبه من الغباء ...لا تخبري اخاك عنها ...الا اذا نكرت شي خطير