ياختي الفاضلة
مادام معي القمر مالي ومال النجوم ،،،،، سبحان الله الثقة بالنفس زينة والتقدير حلو والتضحية قمة الحب
يبدو لي لو كان هناك مودة بينكما كان ماجعلت أمه سبب لبقاءك مع زوجك
في شيء اسمه فن التغاضي اقرئي عنه وهذه ميزة وليست عيب
ياحبذا لو تكوني رسمية مع زوجك لابعد الحدود بالذات امام امها لمصلحتك هذا الكلام حتى لو كانت أمه في قمة الطيبة
وحاولي تكوني على وضوء مع أمه من كل شيء يعني على حذر شديد حتى تأمني مكرها

اليوم بعد اذان المغرب رحت اصحي زوجي
للصلاه
وبعد مااصلى رجع لي الغرفه
وانا طبعا مجهزه قهوة مغرب وحلا وابريق نعناع
انتظر نصلي واحطهم بالصاله
رجع لي الغرفه وانا اصلي
وقال تكفين مليت من الصمت الهائل
الي بينكم
قلت وش ذنبي انا اسولف واضحك وهي ان تكلمت بسب او تجريح
قال طلبتك الحين نطلع واحنا عالقهوه بافتح سالفه وانتي سولفي
احب سواليفك وربي تعدل مزاجي
وعشان يمكن امي تسولف
قلت هالمره عشانك
قال اوك
لبست وكشخت ورحت الصاله سلمت عليهم وانا مبتسمه
وزوجي فقط رد السلام
وهي ماكانها سمعت شي
جبت القهوه والنعناع والحلا
ورفضت تتقهوى ؟؟
بعدها قالت لولدها صب لي انت !!
زوجي استحى مني جلس يصب ويناظر لي وطبعا ابتسمت له عشان اريحه شوي انه عادي
المهم فتح سالفه وانا جلست اسولف ومكرهه ولكن ابتسم وخلفي حزن
هي مازالت على زعلها
وقلت لزوجي نزلني لااهلي اتعشى معهم
ونزلني وابوي قال عازمكم مطعم بعدها بننزل مجمع
ورحت معهم
ابوي جاب العاب لولدي
وملابس اعجبته
ورجعنا البيت وجاء زوجي ياخذني
دخلت البيت ومعانا الاكياس
قامت بقووه في وجهي بشكل مرعب
وراحت بسرعه جناحها وقفلت الباب بقووووه حسيت الجيران سمعوا الباب
ونسمعها تكلم وتسبني
زوجي فتح التلفزيون ورفع التلفزيون عشان مااسمع
جاء عندي قال ترى امي طيبه بس مادري وش فيها
قلت تكفى اسكت مايحتاج تشرح شي كل شي واضح
ومالي خلق مشاكل ترى مبسووطه من جيت من اهلي لاتخربون جوي
نيمت ولدي وجيييت بنام قال زوجي بكره بنطلع شاليه ننبسط ونشوي
قلت لاتكفى لاتاخذوني
انتم الله معكم وان شاء الله تنبسطون
بس انا خلوني بعيد كفايه احتكاك
ولما نام زوجي فتحت باب الجناح وتركته مفتوح وطلعت قالت لايزعجني شي
قفلي الانوار والتلفزيون
اكاد اختنق منها
اخذت لاب توبي ورحت مجلس الحريم
شايله هم بكره وش بيصير ووش بتقول

عن جد
الله يعينك على هكذا امراءة
يابنات حطوا انفسكم مكان ملكة.. يعني انتي تحاولي تحسني الوضع وهي مابدها اكيد عيشه تطفش بس معلش احسن حاجه ريحي بالك وتصرفي ولا كانها موجودة... سوي اللي تبيه في بيتك ولاتقربين لها
وبعدين اذا مش عاجبها شي بكيفها هي اللي بتحرق نفسها وبتاكل روحها
اهم حاجه لاتجيبين سيرتها عند ولدها اللي هو زوجك.

اليوم كنت عالصامت
تعبت من المجامله لها
ولا سويت شي فوق طاقتي اكتفيت بالاساسيات من اكل اساسي وخلافه

طيب يا اختي من اختارك زوجه لزوجك من خطبك له ...هي ام ابيه ام اختها ..

بنت اخته
واخته جات تشوفني اخته من ابوه
طبعا زوجي كان له شروط ومااعرف ايش
عشان كذا طلع من قبيلته نهائيا
على فكره علاقتي ممتازه وبقوووه مع اخواته من ابوه وزوجات ابيه الثنتين
ويمدحون فيني قدامه ويظهرون حبهم لي وهو مبسوط من علاقتنا
ام زوجي علاقتها سيئه معهم جميعا
وبينهم عداوه كبيررررره

لاحول ولاقوة الابالله
واضح انها انسانة مريضة نفسيا... في احد سوي يعمل هكذا تصرفات
على الاقل اين الاخلاق والذوق وهي ماهي بطفلة عشان تعاملك هكذا
بصراحه هذه تحتاج موقف حازم عن جد...الله يعينك ويهديها وتفوق من طيشها

الي حسيت انها فيها شي مو طبيعي احصلها تفتش بغرفتي
تدور ذهبي
ونظراتها لاتفارق جسدي وهذا الشي كان جدا يضايقني ويضايق زوجي
وزوجي قال لها امي حاولي ماتناظرين زوجي بهالنظرات وتخصين اماكن معينه من جسمها
هالشي تعدل فيها وماعاد تناظر جسدي الا لما اكون مشغوله او زوجي يطالع تلفزيون تستغل
شغلنا وتناظر بعمق يحرجني ويضايقني ويضايق زوجي

زعلها علي بدون سبب ؟؟؟
يااعالم لو اقول لكم وانا امشي بزفتي
بليلة زواجي
طفت الزفه
من اول ليله كانت ناويه مشاكل لي
لما رحنا الفندق دقت تعاتب وتخاصم على زوجي ؟؟
على فكره مااعمري شفت عاائلته حتى بملكتنا بالرغم ابوي عمل لي حفله كبيره
وبزواجي كانوا ضيوف
وزوجي ايام خطبتي ووضح لي انه مااحد بيتدخل بتجهيزات الزواج وقال ابيك تصلحينها
وابوي حلف انها هدية زواجي
وجهز صالة حفلة النساء بالكامل بالضيافه ووالهدايا وووو
هي كانت ضيفه ولا حتى شفتها مبتسمه
وكانت تقول للناس لاحد يجي الزواج ترى الزواج بيكون مناسبه عاديه
هي ماصلحت شي لزواج ولدها كانت تعتقد انه بيكون عادي
وكان زواجي جدا راائع من اهلي وابوي الي صلحه وقال لانه ماعنده اب بااكون ابوه
واعتبره ولدي واساعده بالحفله وتكون علي بالكامل
انصدمت وخربت
حت المعازيم ضايقتهم الي من طرفنا وماخلتهم يرقصون ووو
وانا بزفتي راحت تركض وقفلت زفتي
والله ان كل هالاشياء تناسيتها بالرغم مانسيتها
تناسيتها
وتوقعت بيتعدل الحال
لكن شفت العكس

اختي ماقريت مواضيعك السابقة لكن بتكلم بناء على هالموضوع

واضح ان عندك تراكمات من الماضي وشايله بقلبك على أم زوجك بدليل ان نص المواقف اللي ذكرتيها بهالموضوع صارت لك مع أم زوجك في الماضي

أنا ما أقولك انها طيبه بالعكس مبين عليها انها موب هينه بس بامكانك تتقين شرها بانك تتجنبين الاحتكاك معها قدر الامكان مثل ما نصحتك الاخت متفائلة

واحمدي ربك ان جلستها عندك مؤقته مش بشكل دائم وان عندها بيت وزوج

تحمليها عشان خاطر زوجك وعشان لا تهدمين بيتك وتذكري ان أعظم الناس حقاً على المرأة زوجها وأعظم الناس حقاً على الرجل أمه

تعاملي مع زوجك برسمية قدامها ولا تنتظرين منه يمدحك قدامها لأن مدحه لك راح يثير غيرتها

اعملي بأصلك ولا تقللين من احترامها بكلمة أو تصرف.. مهما كان هذي أم زوجك وضيفه عندك وفي نفس الوقت أكيد ماودك ان زوجك يمسك عليك ممسك!

وسالفة ان ام زوجك وأهل زوجك مايبونك ويبون زوجك يتزوج فلانه مدري وشو انسيها وشيليها من بالك لأن المهم مش هم وش يبون المهم زوجك وش يبي.. وحسب كلامك انه يبيك ويحبك ماشاء الله

بالتوفيق اختي

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا