الله يعينك يا اخي

استخير لكن لو عزمت على الطلاق لاسمح الله اتركها عند اهلها شهرين دون تواصل ابداً لتتضح لك الامور ويا اخي لامانع انك تكلم ابوها قبل ان تحسم الموضوع وتشرح له الموضوع كما شرحته للأعضاء هنا حتى لا يكون في خاطرك شئ

اما خوفك من تشويه السمعه فهذا شئ نادر والرجل مايعيبه شئ يارجال فيه ازواج سوو بلاوي وتزوجوا وانت الحمدلله مايعيبك شئ

احتسب الاجر عند ربك وسرحها بإحسان

استغرب من اللي يقول انت لابد تتغير وش يسوي يعني ؟؟ يبطل شك وهي تقعد على التلفونات وتقفل باب الغرفه

وكاد المريب ان يقول خذوني

معليش لو عضوه تقول اشك بزوجي يكلم برا البيت ويقعد بالساعات ولما اجي يقفل الخط ويطلع من الغرفة يروح غرفة ثانية يقفل الباب ويكلم بالساعات وش بتقولون ؟؟

ياخي انا شككت بزوجتي والله من تصرفها وتعلقها بالجوال واخفاءه عني وهي متدينة وتصلي جميع الفروض بوقتها وتطردني من البيت علشان اروح اصلي الى ان اكتشفت ان لها صديقة سيئة تحرضها وسوت لها غسيل مخ لا وبعد شكله غسيل بستم

والنتيجة كانت واضحة لكني حبيت استنفذ كل السبل للمحافظة على بيتي واطفالي

كما تحس المراه وتشك بزوجها وتفتش جواله - بالنسبة للرجل هذا وارد ايضاً

بالنهاية كما يقال لا تحط نفسك موضع شبهه

انا مع اخوي البليغ

و زي ما قلت لك سافروا لو جمعة وسبت ولا تقصر عنها بشيء وشوف كيف يرق قلبها
صدقني فيه امل كبير لكن اسمع كلامي وانا اختك هي مو بس تحبك الا تموت فيك بس لا تسمع اي احباطات وباذن الله وضعكم بينصلح
طيب اذا تشوف انها مو فاهمة الزواج ودها دورات تاهيل الزواج وانت كذلك
كل المسألة انها تعودت تتغلى بسبب برودك وقلة تعبيرك عن الحب هي تبي حب اكبر من كذا وخلها على تغليها قرب منها دايم وشوف كيف تتغير يكفي انها 5 ايام بعيدة عنك ويبدو انها غير مكتفية من ناحية الحب والحنان وهذا كرهها الفراش لانها تشوف انك ماتعطيها حنان الا هذاك الوقت
فيه كتاب حلو استفدت منه كثير اسمه كوني مختلفة مؤلفه من العوضي لكن مو الشيخ نبيل العوضي واحد ثاني جب لها هدية واشتر لك كتاب عشان تموه الموضوع اخاف انها حساسة مثلا عندك الرجال من المريخ والنساء من الزهرة هو موجود بقوقل لكن مفيد جدا بتلقى كتب اخرى تشد انتباهك خذ لك اي شي واذا حاب تاخذ لها كتب طبخ وعلبة شوكولاطة او صحن حلا وقل لها تسوي قهوة وبتشوف تغير سريع اكيد هي بتستانس هي انسانه ويرق قلبها وترحم وبتشوف النتائج باذن الله ترا مو حلو تبين لها انك تحاول تغيرها قل انك مريت المكتبة واعجبتك هالكتب وما جاء في بالك غيرها وانها دايما ببالك وانه اعجبتك طبخة وودك تذوقها من يديها خطط زي هالحركات مو تظل تسوي نفس الحركات والخطط

اي تغلي يااهتمام

تقول اكرهك وبدون ماتقول انا شفت الكره بعيني واي قلب اللي يرق اظن ماعندها شي اسمه مشاعر
سفرتها واشتريت لها هدايا قيمه مع ذلك حتى شكر ماتشكر ماتوقعت فيه ناس كذا

بإختصار



قلبها ماهو معك




هناك ما يشغلها

نصيحة راقب جوالها



لا احد يقول ماله حق
اجل ممكن تستغفله
والقصص كثييييير
المؤمن فطن

__________________
ربنا هب لنا من ازواجنا وذرياتنا قرة أعين

واجعلنا للمتقين إماما

هذا احتمال وارد واعتقد هذا اللي لف راسها عليك انتبه من صديقات السوء يمكن يقولون ان ماديتك سيئة شوفي فلانة وش جاب لها زوجها وانتي مايقدر يجيب لك وشلون خذتيه
جلستها عند اهلها غلط حاول تنقلها لديرتك يمكن فيه احد هناك يحشي راسها بس لا تناقشها تترك وظيفتها شف لك صرفه او انت انقل عندها بس لا تخليها تنفرد بصديقاتها كثير فما فيه حل الا انك تطلعها كثير لو كانت ديرتها قريبة مرها كل يوم او خلها تطورق يمكن احد قايل لها ان زوجك ناطلك ولا درى عنك وانتبهي تحملين منه لين تشوفين وش سالفته وخمبقة مالها داعي
ترا كنت اعاني من كلام الناس لي بهالطريقة وانا اصلا ماشكيت لهم الحال حتى اسمعه من اخواتي للاسف يقال انهم خايفين علي مايدرون انهم يقهروني مع اني مو محتاجه ماديا ابداً ولا همني الا لما فتحوا عيوني على اشياء غلط وكنت اسكتهم وانفخ عليهم واطلع بس يظل الكلام فتح عيني ع اشياء مانتبهت لها
وانا اقول لك انها ما تخونك وبتشوف كيف اني على حق في هذا
اغلب الحريم وانا منهم كان لما يجي زوجي اسكر السماعة على طول احتراما له واقصر الشر عشان مايقول تبربرين ومهملة بيتك ومن تكلمين واسئلة كثيرة فهذا مو دليل ع الشك فهي ممكن تشكي منك وماتبيك تسمع او يمكن تسولف سوالف حريم ماتبيك تسمع لا تسيء الظن ابدا فلا يعقل ان زوجة ما كملت سنة وتخون بهالسرعة خصوصا انك تعرف اهلها و تربيتهم لها

اخر شي بعد اسبوعين كذا اذا ماتعدلت انصحك تكلم ابوها ولا تستحي منه ضروري تبدا تتخذ اجراءاتك لانه راح يبين معك اذا هي فعلا تبيك او لا
سالفة الحمل لما قالت ماتبي هل كانت معصبة او لا؟؟ او وقت تقلبات هرمونية؟ احذرها اذا عصبت لان قراراتها تكون مو جدية قاعدة تخربط وماتدري وش تقول
انا جدا متعاطفة معكم اثنينكم لازم تبين مشاعركم لبعض
اخوي ممكن تقول ايجابيات زوجتك؟ ووش الاشياء اللي تحبها واكثر انسان ياثر عليها؟
هل تاخذ حبوب منع الحمل لانها تزيد التوتر وتنفرها منك يعني تسبب برود

....................................
نسيان .. ماتدرون وش بخاطرها اصبروا وشوفوا واحسنوا الظن

مستحيل بنت ترفض الاهتمام والحنية والتدليع من رجل واقولك مستحيل لانني افهم نفسياتنا حنا يالاناث الا بحالات

1- تكون مغصوبة على شخص وكارهته
2_ تحب شخص وقلبها له او سبق وحبت قبل الزواج
3_ صاحبة علاقات فلم يعد يؤثر فيها الاهتمام والحنية لانها شبعانه من هالجانب
4_ المرض النفسي كالمس والعين

كلام منطقي بس كيف اعرف السبب من بين هذه الاسباب

شكرا لردودكم القيمه جميعا

الاخوان البليغ وجميل الهدب سوف اطبق ماقلتم بإذن الله

الاخت ام الدانه انا ماقلت مابطلقها ونفسي عزيزه ماارضاها تعيش معي وهي ماتبيني
لكن لو طلقتها بطلع غلطان ومتهور وماني كفو زواج

لو طلبت الطلاق مستعد اطلقها مباشره اللي مايبيني ماابيه

اتوقع انه انت شخصيتك جنوبي او غربي .
حسيت في حاجات من شخصيتي. .انا جنوبيه غربيه ...

وزوجتك شماليه...
لكن من رأيي لو هي مو حابه تكمل معاك ف من البدايه افضل قبل يكون في اطفال وتضلموهم ... او تصير مشاكل ...
لكن حاول تجلس معاها وتتكلم معاه اول شي بهدوء ممكن تتوصلو لحل ...

والله يكون بعونك

يااخى انا مستغرب والله ليه راضى على نفسك هذا الهوان .
هى غير مقتنعه بك وتنظر لك من عل وانت اقل منها وتشعر انك اقل منها فلا تنتظر منها ان تعطيك قوامه .
الرجال قوامون على النساء بما فضل الله بعضهم على بعض وبما انفقوا .
عشان تعطيك حق القوامه يجب ان تكون فى مقام والدها وهى ان لم تقتنع بذلك فما معنى انتقال الولايه اليك .
حتقعد تحب فيها اسبوعين وكانك ياابوزيد ماغزيت .
اجلس معها وضع النقط فوق الحروف واجعلها تقول ماتريد امام والدها .
هذا ان لم تكن تبغضك لاشياء لم تذكرها لنا . وربنا حدد لنا معالجة النشوز وارى بعد المصارحه والمصالحه ان لم تجد تغييرا فلا مناص من الاجراءات العنيفه .
فلتمنعها من العمل واصرف انت على البيت
او ارسلها الى بيت اهلها حتى ينعدل اعوجاجها .
او تزوج عليها من تقدرك وتحترمك .
اما هى فعلى والدها اعادة تقويمها لكن لا تنساق الى طلبها الطلاق حتى لا تعطيها مرادها
فانت لم تجبرها على الارتباط بك واجعلها هى من تطلب الطلاق حتى لا تشم رائحة الجنه .