نفسي اعرف اش بتخسر لو قلت ترى عرفتك بدون ذكر سمها
ولو ما خفتي ربك بفضحك..يا اخي جرب وان ما وقفت تدور حل غيره

العيار اللي ما يصيب يدوش..

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

تقول نظراتها وحركاتها واضحه للاعمى
طيب كيف امك او اي احد ما لاحظ لو شي بسيط

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

هي المسألة مو مسألة خسارة او ربح ولكن بقولك وش يبي يصير وأنتي احكمي لو اخذت وعطيت بالكلام بتزيد هي لاني ارخيت الحبل لها غير كذا لو قلت لها عرفتك بتقولي كذا ( مين انا طيب ) برأيك اقول أسمها او لا اذا قلت اسمها فانا فتحت باب علي وهي بتعترف بكل ما بقلبها لي لاني هدمت الجدار اللي بسببه اشترت 3 شرايح اذا لا فهي بتقول ذا رأسه عنيد وتعبت كل شوي اشتري وحظر وكلمتين بس ، وبعض العيار يجيب لك مشكلة انت غني عنها لانها تهور

امي كبيرة بالسن ولا تدقق لانها محسنة النية وخواتي كل وحدة لاهيه بكتبها والا ايبادها وبالعادة يكونوا خواتي بنهاية الصالة واحنا باولها وهي معطيه ظهرها لهن واذا فيه شخص بينك وبينه هالسالفة صدقيني بتحسين بنظراته وانتي حاطه فنجانك عند فمك تشربينه الأحساس اللي وهبك الله يخليك تستشعر اللي حولك وانت متجاهله عمد لجل ما تبين له انك حاس فيه

الله يعينك ... طيب أرسل مسج انه كشفت شخصيتها من خلال تتبع الرقم عن طريق الإمارة وإذا ماوقفت هالسوالف راح تفضحها وإنه كل شيء مثبت من خلال الإمارة .. الأرقام وأماكن الشرائح والأجهزة ونوعها وأماكن الإرسال وحتى الشبكة اللي تدخل من خلالها للواتساب معروفه لدى المسؤولين بالإمارة بأسماء أصحابها سواء راوتر أو عن طريق السايم الشريحة ..
واعمل برنت لكل المسجات و أوقاتها تحسباً لأي تصرف منها.
هي راح تخاف وماراح تروح تسأل أو تبحث أو تتأكد إنك فعلاً تصرفت هالتصرف ، وبإمكانك فعلاً من خلال الإمارة تقدم شكوى إزعاج أو توضح لهم الموضوع ، أو إذا تعرف أحد بالشرطة بيسويها لك بكل بساطة ..

اشكرك على كلامك الطيب ولكن للأسف المشكلة اللي توصل للأمارة مشاكل كبيرة وطويلة وأبتزاز الله يبعد عنا هالمصائب وعن المسلمين والمسلمات والمشكلة اللي عندي صغيرة واتس وشرائح وجاي اشوف حلول مقنعة ومبسطة والا حرمة اخوي تقدر اذا درت انها طحت بالفخ تسوي نفسها المسكينة المغلوب على امرها وانا أكد لك ان فيه ناس وراها اللي هم أهلها راح يطبلون لها ضدي ويطلعوني بصورة انسان راعي غزل وانسان مو متربي لجل تبعد الشبهة عنها وعن سمعتها والمثل اللي يقول اللي رجله بالنار مو مثل اللي رجله بالماء أتمنى ان مقصدي واضح للكل

شلون بتقولنا وش بيصير تعلم الغيب انت ؟؟ كل ماعطوك الاخوان والاخوات حلول قلت لو سويت كذا هي بتسوي كذا ولو قلت كذا هي بتقول كذا وارخيت الحبل لها غريب انك فاهمها بدرجة كبيرة وتعرف طريقة تفكيرها بقدر كبير

وبعدين ياخي انا بقولك وش بيصير لو انتهت منك وفقدت الأمل بتراسل احد غيرك وتكون معاه علاقة وتخون اخوك

ثم اخوك بيعرف ويطلع الرشاش ويفرغه براسها وراس اللي تعرفه

خلك واقعي مافيه رجال بهالزمن بقتل زوجته للخيانة خلاص يطلقها ويردها لأهلها يتصرفون معها وانتهى

أنا أقصد إنك تكذب عليها إنك فعلا سويت هالشيء وعندك أدله ومثبته بالإمارة وستراً عليها ماراح تتصرف أي تصرف معاها بشرط إنها تبعد عنك ..
أما إذا أنت شاك في سلوكياتها فالأفضل تبلغ الإمارة مهما كان هذا عرض أخوك وأم بناتكم ، بكره تشوف غيرك وممكن تنفضح وتتلوث سمعة بناتك واخوك يفقد الثقة بكل النساء ،، الموضوع مو بسيط ..
الله يعينك ويفرج همك ..

مسألة انها تخون فهذا شأنه بينها وبين الله واذا على الخيانة افضل تكون من شخص من الشارع ولا اكون انا ومسالة اني فاهمها لانها طبعها واضح وعاشت بشقة يفصلها بينا وبينها درج احنا تحت وهي فوق لمدة 10 سنوات قبل ما تنتقل لبيتها وكانت كل يوم تنزل عند امي والشخص اللي يعيش معك كل يوم الاكيد تعرف طبعها وتحفظها مثل اسمك وتعرف طبعه وقت الشدة والرخاء اذا انتم تحت سقف واحد واذا على طلعة مع شخص فهي ما تقدر لانها قدام عين اخوي طول الوقت ولا تروح الا لاهلها ولاهلي حتى الاسواق يكون اخوي معها والمستشفى كذلك ولو افترضنا انها متعرفة فهي ما تقدر تقابله خير شر لان اخوي معها طول الوقت

اذن خلاص اتركها والبلكات ما توقف
بمجرد تجيك اول رساله من رقم غريب بلوك لحد ما يتضح لك منهو
وبكذا تريح راسك ومصيرها تتعب
وتزوج وابعد عنها..

لكن لو مكانك اجرب واسالها من انتي بلاش تقول عرفتك
قول من انتي وشوف اش بتقول اذا طلعت قليلة ادب وفضفضت بحب ومشاعر وعرفت بنفسها
على طول وري اخوك كلامه ولا رح يذبحها ولا شي يطلقها وتستاهل
وان ما عرفت بنفسها
وقف كلام معها واحظرها
واحتفظ بالرسايل
واقرب فرصه تمسك عليها ممسك افضحها عند اخوك هذي وحده ما تشرفكم

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..