الله يوفقك ويسعدك وييسر دربك

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

مشكوره فديتج ع هالدعوه الحلوه وربي العالم ايشكثر محتاجه هالشي بحياتي في الوقت الحالي .. أسعدتيني وايد ولج بالمثل وأكثر حبيبتي .. للأسف مافي فيس يبوس جان حطيت ههه

الله يوفقك .. باين عليك طيبة وقلبك أبيض ..
بالنسبة لوجود اهل الزوج .. نظرا لعمره لم اقتنع بضرورة وجود أهله وبالاخص الوالدين..
الرجل واضع وصريح معاك ووضح لك من البداية انه مايقدر يبات عندك ..
اذكر فيه موضوع بالمنتدى لعضوة بيّن لها زوجها حدود استطاعته ووافقت وبعدين جات تشتكي وقالت توقعت بستحمل الوضع وماقدرت استحمله..

من طيب أصلج حبيبتي اتشوفيني جذي تسلمين .. هم أنا ما أشوف له ضروره وخصوصا انهم عايشين برا فشي أكيد ما راح أجتمع فيهم وايد .. بس الوالد يشوف شي غير جذي ومصر عليه أن حد من هله لازم يحضر حزة الملجه دامنا تنازلنا عن علم مرته بهالزواج وفي عضوات اموافقينه بالراي فأعتقد ان هالشي من مصلحتي ولازم أصر عليه لو أبي هالزواج يستمر معليه لو حد من اخوانه دام امه وابوه اكبار بالعمر وما يقدرون ع السفر .. وبخصوص المبيت انا متفقه وياه اني متنازله عنه بس بالوقت الحالي ليما يمهد موضوع زواجنا ويا مرته بما انها مريضه حاليا فمضطره اسكت عن هالشي وأتحمل غصبا عني بعد ههه بس الشي الزين انه راح يمرني كل يوم وهذا امخفف عني التفكير بالمسأله هذي وبنشوف عقب ايش بيصير .. جزاج الله خير ع ردج واهتمامج فديتج

أختي أم الدانه وجود اهله مهم
كيف الوحده تكتب كتابها ومحد من اهله معه!!
اسرتين لازم يتعرفون على بعض
الموضوع فيه نسل وأحفاد
يزورونها تزورهم .. الزواج تداخل عوايل في بعض
مالها خص المسألة بعمر

السلام عليكم ورحمة الله وبركاته ..
أنتِ انسانه طيبة والمهم دوماً أختي العزيزة تكون نيتكِ طيبة كي يُسهل الله أمركِ وتكون حياتكِ هادئة ..
والله يشفيها ويشفي جميع مرضى المسلمين والمسلمات ..

نعم صدقتِ أختي العزيزة العقد فلا بد من وجود والديه ..
وفقها الله لكل خير ورزقها من حيثُ لاتحتسب ..

وعليكم السلام والرحمه ..

فديتج من ذوقج والله ما عليج زود حبيبتي .. الحمدلله ع كل حال المشكله ان طيبتي الزايده هي اللي اتوديني في ستين داهيه هههه واقع في حياتي فمتخوفه من هالشي ابي اظمن نفسي وحقوقي وسعادتي بهالزواج ما ابي اتنازل عن شي الا وانا مقتنعه انه هو يستاهل وقبل كل شي ربي يكون راضي عني ع طول وهي ربي يشافيها ويعافيها مالي غير الدعاء لها بالصحه والعافيه دووم .. المشكله أن أمه وأبوه اكبار في العمر اخاف يقول هذي ايشفيها حتى ما راعت كبر سنهم وهم اصرت على حضورهم أعتقد حد من اخوانه يكفي .. وتسلمين ع الرد جزاج الله عني كل خير .

والله أحس الواحد بهالعمر يستحي يجيب أبويه ..
ممكن أخواته أو بنات اخواته ..
الام والاب بعد العقد ياخذها لهم تتعرف عليهم ..
لكن الأم بسن 70 سنة مثلا والأب كذلك يجون يخطبون لولدهم ..
ما اتخيل ..

موشرط يجيبهم يخطبون بس وقت الملكه لازم يكونوا حاضرين
لو جاء لوحده ماتضمن انه يقولهم
ويمكن يمنعها من زيارتهم

والله خوفتيني انا المشكله قاعده اراعي كبر سن امه وابوه ما ابي يتعبون نفسهم وهو قال بنفسه ان كل هله يدرون بموضوع زواجنا وامباركين له والمشكله انهم عايشين برا .. مرات افكر اهون من الخوف والله شي صعب اللي قاعده امر فيه بسبة هالخطبه بس هم ما ابي اخسر حياه يمكن اقدر اعيشها بسعاده وياه احس كل افكاري املخبطه في الوقت الحالي مشكوره ع ردج فديتج