ماشاءالله سيدة الموقف كفت ووفت

وبعدين حبيبتي بنبهك لشئ

بما ان زوجك يغار عليك ومبين انه يحبك ويلهيك عن الكمبيرتر هذا من صالحك

ومن غيرة زوجك عليك يمكن يدخل ويشوف الموضوع

لان المواقع تتخزن بالجهاز ويقدر يشوف اش قعدتي عليه

تنبيه لان بصراحه فيه حاجات بالموضوع المفروض مايشوفها

__________________

والله اني داااايم اقولها ليش تسالين عن زوجي .... علاقتك فيني انا

واقري ردودي في الصفحات السابقه

مهما اقولها لاعاد تسالين .... ومرات اتجاهل سوالها عشان تستحي تكرر السؤال

القاها تكرره بدووون خجل ....

هذا الشي اللي مضاااااايقني .... سوالها المتكرر عن زوجي .... حتى وان قلت لها لاعاد تسالين


وقلت اني قطعتها فتررررره ... ورجعت لها بكل رسميه ...
اول ما كلمتني ..... قالت كيف حالك وكيف ايامك ...... وبعدها على طووول قالت وين زوجك ؟؟؟؟؟


وقتها دااار في راااسي الف موااال ..... وش تبغى فيه تسال عنه ...
ماسالت عني ولا قالت وش فيك مقاطعتني .... على طووول سالت عن زوجي ؟؟؟

إذا عرف السبب بطل العجب
رد فعلك طبيعي جداً مع صغر سنك
هل سبق ولزمتي الصمت وبينتي له أنك
غاضبه منه...؟!

أم كل نقاش ينتهي لصالحه وينتهي بإسكاته لكِ
ومقاطعته لحديثك..؟!


قضيتك لازم ننظر لها من أتجاهين
الأول: زوجك وسلاطة لسانه ومحاولته مصادرة حقوقك كزوجه لها مشاعر ورأي
الثاني: جارتك الحشرية المشكوك في أمرها وهل هي على علاقة بزوجك أم لا

::
وصدقيني المنتدى به ناس من خيرة الناس
وسوف نتعاون جميعاً لنخرجك مما أنتِ فيه من قلق

هو مايعرف للنت ابدااااااا ...

حتى اذا جاء يكتب على الكيبورد ... انا اللي اكتب له ..... يجلس ساااعه يدور الحروف

اخر شي يطفش ويعطيني الجهاز ...

وحريصه اني امسح المواقع اللتي تم زيارتها والمحفوظات ....

انا عارفه انو شي زي كذا لو شااافه زوجي بيخرب بيتي ...

لكن ماعندي حل ....

لو علمت اهلي بالسالفه ... تشمتو الناس ... وكبرت السالفه ... وصرت سالفه في لسان اللي يسوى واللي مايسوى


وانا والله ماكتبت مشكلتي في هالمنتدى ....... الا عشان القى حل منااااااسب لمشكلتي


احسن شي هنا الخصوصيه ...... والامانه في النصح

معاااااااااااااااااااااااك حق

والله هذا اللي انا كنت ابغى حله ....

الأول: زوجك وسلاطة لسانه ومحاولته مصادرة حقوقك كزوجه لها مشاعر ورأي
الثاني: جارتك الحشرية المشكوك في أمرها وهل هي على علاقة بزوجك أم لا



هل سبق ولزمتي الصمت وبينتي له أنك
غاضبه منه...؟!

اي ابين غضبي ... لكن يخليني زعلانه لين ارضى من نفسي ...

أم كل نقاش ينتهي لصالحه وينتهي بإسكاته لكِ
ومقاطعته لحديثك..؟!

ينتهي باللي هو يبغاه ...... لاني لو زعلت شهر كامل ... ماجاء راضاني

في اعتقاده انه صححح ..... وان زعلي مو منطقي ابدااااا

::

اسمحي لي بهذا السؤال
كيف زوجك معك في العلاقة الخاصة
هل يشتاق لكِ؟؟
هل يهمه هذا الأمر..؟

نريد نقطة ضعف عند زوجك
فبعض الرجال الجنس نقطة ضعف لديهم


::

عفوااً أختي...

أي سالفه؟ ترى مافيه سالفه أصلاً....
الأمر مازال في طور الشك....لاتخلي الحاجه هذي تغيب عن بالك....يعني انتي ماتأكدتي الى الآن....فمن الظلم لو تشعب الموضوع وصار سالفه من لاشيء ويمكن يكون الرجل بريء وهذي مجرد شكوك وأوهام من قبلك بسبب شخصية جارتك الفضوليه....

فيه نساء تأكدوا من خيانة ازواجهم لهم باعترافهم ومع ذلك ماوصلت للأهل....والمنتدى مليان عينات منهم....بالعكس احتووا ازواجهم ووجهوهم...حذاري اختي تدخلي اهلك في مواضيعك في هالمرحله...
احنا ماقلنا ترى زوجك يخونك لا....لاتفهمينا غلط......احنا اعطيناك طرق لقطع الشك باليقين حتى ترتاحي بناء على طلبك...

سيدة الموقف
جزاك الله خير من جد صح لسانك والله يوفقك عالدرر اللي تقوليها
أسجل إعجابي بردودك الحكيمة

وردة الرياض ماقول غير الله يعينك على زوجك والجارة

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

::
الإتجاه الأول من قضيتك
كيف تجعلين زوجك يحترمك ويتعامل معكِ بإحترام ويمنحك جزء من وقته
ويخلع عن ذهنه فكرة أنكِ عجينته السهلة التي بحث عنها حتى وجدها
فبدأ بتشكيلها كيفما يشاء وخاصة أن فارق العمر بينكما كبير نوعا ما ورجح
كفة الزوج وجعله يتغلب عليك في الخبرة والحنكة وقوة الشخصية

*****
عليكِ بإتباع الخطوات التالية :

*الإبتعاد كلياً عن ذرف الدموع والبكاء أمام الزوج عند أي حوآر أو نقاش

*أتباع أسلوب الغموض والصمت لفترات طويلة في حضرته وعدم أشراكه أو أطلاعه
على أي أحداث تخصك أو أي حوار دار بينك وبين جارتك والرد بعبارات مقتضبة جداً
على أسئلته مثل ( يمكن / مدري / لا / نعم ) هذا الأسلوب سيكون مؤقت
حتى يتغير للأفضل ثم بإمكانك التبسط معه بالحديث

وحذاري من أسلوب "الثرثرة" مع الزوج حول أمور القيل والقال وكلام الجارات أو كلام
النساء حتى لاتسقطي من عينه ويعرف نقاط ضعفك ومالذي يعجبك ومن تحبين ومن
تكرهين .

*عند توجيه أي أهانة لكِ النظر إليه بنظرة حادة غاضبة دون أي كلمة وترك
المكان له وعدم القيام بأي عمل من الأعمال التي أعتدتي القيام بها له
من تحضير الفطور صباحاً أو غسل ملابسه أو كيها (عقوبة صغيرة ) لن تضره
لأن هذا الزوج ليس هناك أمر يستطيع أن يجعله يتزعزع عن موقفه إلا تغير
الرتم اليومي الذي أعتاد عليه فهو مهما فعل ومهما أساء فطعامه جاهز وهندامه
نظيف وكل مايريده حاضر إذن مالضير في توجيه الكلام السيء للزوجه وأهمالها مدام
غضبها لايتجاوز الصمت والزعل ولكنها قائمة بعملها على أحسن وجه فعذابها لنفسها
وليس له

*خففي من كلمات الشكر المفرطه عند كل صغيرة وكبيرة يقوم بها أشعريه أنه
يؤدي واجبه ولايتفضل عليكِ بشيء
فللأسف بعض الرجال يعتقد أن زوجته حين تشكره بإستفاضه فهو قد تفضل عليها
وقام بعمل جبار ويرى أنها لابد أن تقبل يدها (وش وظهر) لأنه أحضر لبيته
(خبزاً أو حليباً ) ولايعلم أنها فعلت ذلك تحبباً وتودداً وحسن تبعل

فيرآها ضعيفة وهو رب نعمتها

طبعاً لانقول لاتشكريه نقول في هذه الفترة غيري بعض طباعك للفت نظره
للكيان الأنثوي الرقيق الذي كان يعيش معه وملَّ من التعامل الجاف دعيه يعلم أن الجفاف
لايولد إلا جفافاً وأن قلة الإحترام لاتولد إلا جفاءً وقسوة

*أحذري أن يدخل للبيت فيجدك منكبة تنظيفين أو تمسحين أو ثيابك توحي
بأنك خادمته المطيعة

حين يقترب موعد حضورة ألبسي أجمل ثيابك تعطري أمسكي بمجلة أو كتاب
أو أنشغلي بأي شيء يتعلق بكِ أنتِ (أطلي أظافرك بلون جميل في حضوره)
دعيه يشعر أنك أنثى لديها أهتمامات أخرى غير غسل ملابسه وكيها

لا أقول لا تفعلي هذه الأمور أفعليها لكن ليس في الوقت القليل الذي يكون
فيه معكِ بالمنزل

لاتجعلي صورة ربة البيت المنهمكه في أعمال البيت هي الصورة الوحيدة
الملتصقه في سقف ذاكرة زوجك

أصنعي لكِ في خياله صور عدة لأنثى جميلة فاتنه متغيرة ومتقلبة
(تقرأ /تبتسم بغموض / تتحدث بروية / تصلح تسريحة شعرها/ تطلي أظافرها
تحرك قدميها في غنج )

دعي مشاعره القاسية تلك ولغة حوآره المتعسفة تتحول للغة مقدرة ومحبه

الله يعينك يا أختي على مثل هالنوعيات من الجارات سبحان الله وكأنك تتكلمين عن جاره لي سابقا بقول لك قصتها معايه يمكن تفيدك كنا ساكنين في عمارة مكونة من أربع شقق وحنا سكنا في شقة وفضيت عندناالشقة إللي مقابلتنا وزميل زوجي تزو ج وجاب زوجته وأستأجر الشقة إللي مقابلتنا وفرشها وسكن فيها يعني توهم عرسان جداد وتعرفنا على بعض حنا يالحريم وزوجها زميل زوجي بالعمل وطلعنا للبر نتمشى مع بعض طبعا أنالاحظت إهتمامها بزوجي من أول ماسكنوا جنبنا دايم تقول والله زوجي يمدح زوجك ويقول إنه كذا وكذا وطيب أنا ما أعرتها أي إهتمام في البداية لاكن لما نطلع نتمشى برى أتضايق من حركاتها إللي تسويها كان لوطلعنا البر الرجال يحلقون بسيارت من الجوانب ويفرشون لنا فرشة وحنا نجلس بنص السيارات وهما الرجال ياخذوا قهوتهم وعدة الطبخ ويروحون يجلسون بعيد عنا علشان حنا ناخذ راحتنا بالسوالف الله لاجابها من راحه كل شوي الحرمه قايمه جالسه وش فيك أعدل عبايتي وشوي إلا تطبطح من تحت السيارة وتناظر وش فيك قالت بشوف أزواجنا وش جالسين يسون
وجها كاشف أقول لها عيب تغطي الرجال يشوفونك تقول ما أحد شافني شوي إلا وقالت ياالله خلينا نقوم نتمشى شويه برجولنا كان فيه مزرعه قدامنا قمنا نبغى نمشي كان أنا أقول لها خلينا نرو ح حول المزرعه وهي تسحب فيه للجهة إللي جالسين فيها أزواجنا آخر شئ طفشت من حركاتها قلت لها خلينا نرجع رجولي تعبت من المشي رجعنا جلسنا مكانا وشوي إلا وهي نازله سوالف في زوجي ماشاء الله زوجك حلو وأبيض ولحية وجسمه روعه
لاكن أما أنا زوجي أسمر وسنونه طالعه لما أناظر فيه كأنه يضحك وهو مكشر بسنونه طالعه هالكبر وشعر راسه خشن وأمرد وشكله ينفر هيه تسولف وأنا خلاص واصلة حدي حسيت إني بأنفجر من كلامها ماعرفت وش أرد عليها غير إني قلت لها الرجال بأفعالها مو بأشكلها وهاذا الله خلقه في هاذي الهيئه وأنتي ماشفتيه في النظره الشرعية وليش وافقتي عليه دام إنه ماعجبك شكله قالت شفته بس إخوانه مدري وين ودوه يضبطونه كان شكله متغير مو بهاذا الشكل إللي ينفر والله إني أنا ماصدقت وأنا أرو ح لبيتي بعدين كنت متضايقه حيل منها سألني زوجي وش فيك قلت له عندي صداع وبنام بعدها طلبت من زوجي ماعاد نطلع معاهم سألني ليش أنا كنت حامل بالشهر الأول وقلت له أنا ما أحب أمشي كثير أحس نفسي أتعب وزوجة صاحبك فاضيه لما نطلع تبغى تراكض وأنا المشي يتعبني طبعا زوجي كل شئ عنده إلا الحمل مايصير له شئ لأنه حملت بوقت متأخر وزوجي كان فرحان فيه مره وكان كل مازميله طلب منه نطلع برى مع بعض زوجي يعتذر منه وقدر الله علينا وسقطت حملي وأنا بالشهر الثالث وتنومت بالمستشفى جلست أربعة أيام وعملوا لي عملية تنظيف وأثناء تواجدي بالمستشفى ظهرت هاذي الجاره على خبثها أنا علمني زوجي يقول أنا قلت لزميلي إنكم تعبانين بالمستشفى علشان زوجته ماتجلس تدق تحسبك بالبيت يقول من ثاني يوم وأنا جاي من الدوام طبعا حنا ساكنين شقتين بالدور الأرضي يقول وأنا داخل من باب العماره وشلت المفتاح وجلست أفتح باب بيتنا وإلا أتفاجأ في باب جيراننا ينفتح وأنا مقفي عنه وألتفت إلا وهيه زوجة زميلي يحلف زوجي يقول إن ماعليها إلا ملابسها الداخليه وتنادي عليه يقول أنا صراحه حسيت برعشه بجسمي وخفت ويقول كنت أقول أعوذ بالله من الشيطان الرجيم أستغفر الله العظيم وماصدقت الباب ينفتح معاي ودخلت بيتنا على طول خفت ترمي نفسها عليه وتسوي لي مصيبه يقول شكلها هاذي الحرمه مو بصاحيه
ويحلف زوجي يقول حتى الغداء جبته معاي ماعاد تغديت من شدة الخوف إللي صابني ويقول أمتحنتني محنة كانت أول ماتسمعني أفتح باب بيتنا كان ترفع لصوت المسجل أغاني وتفتح الباب على خفيف وتناظر منه وأنا أطلع أسوي نفسي كأني ماشفتها أركب في سيارتي برى موقفها في الشارع عند العماره يقول تفتح النافذه حق شقتها وتطالع لي منها وأنا أطنش يقول آخر شئ كان زوجها في التوقيف في العمل وقفوه علشان غياب كان غايب عن واجبه يقول جيت البيت وفجأه وأنا أفتح الباب إلا فيها واقفة ورى ظهري وتصيح وش فيك يابنت الناس قالت فلان راح من أمس لدوام ولحد الآن مارجع وأنا إسطوانة الغاز خلصت وما أعرف أفكها أبغاك تجي تفكها وتغيرها علشان بضبط لي غداء قال زوجي بصراحه أنا خفت منها قلت في نفسي شكلها تكذب وتبغاني أدخل بيتها وتقفل عليه الباب وتسوي لي مصيبه وفضيحه بين الناس يقول تركتها وطلعت وأعطيت ولد صغير فلوس إبن جيراننا يرو ح يجيب لها كيس خبز و يعطيها ومن وقتها حلف زوجي ماعاد يدخل البيت إلا إذا أنا طلعت من المستشفى وكان ينام بالمسجد و أنا بصراحه لما زوجي علمني باللي صار معاه وإللي سوته جارتي في غيابي كان نفسي أمسكها وأذبحها وأقطعها تقطيع زعلت وتضايقت وبغيت أرو ح لهابيتها وأفضحها بالعماره كلها بس زوجي مسكني هداني وقال أنا ماقلت علشان تسوين لنا فضايح بين الناس وطنشيها وماعليك منها أنا مافكرت فيها ولا في مليون من أشكالها بس أنا متأثر علشان زوجها المسكين والله إنه رجل طيب ومحترم ومايستاهل إللي تسوية زوجته فيه يقول زوجي حتى زملائنا في العمل أنا وزوجها يسولفون عن حركاتها من ورى ظهر زوجها وأنا سامعهم بنفسي وأبغاك تقطعي علاقتك فيها نهائيا وأنا علاقتي بزوجها بخليها رسمية هاذي شوهت سمعة زوجها وبكره الكلام يلحقنا حنا بسببها طبعا بعد هاذي السالفه أنا قاطعتها ولا عاد جيتها وأذكر مرة أنا جيتها في بيتها زياره قبل ماتصير هالمواقف منها وكنا جالسين نتقهوى أنا وياها وسوالف ودق باب الرجال المجلس الخارجي
وردت قالت مين وأنا لاحظت صوتها دائما ترققه وتنعمه لماترد على رجل غريب عنها فكان إللي على الباب زميل لزوجها يسأل عن زوجها قالت له إنه ماهو موجود وزوجها كان طالع برى البيت قال لها خلاص قولي له فلان مرك البيت إلا وتنط تقول له خلاص أنا أفتح لك المجلس إجلس فيه إلين زوجي يجي مو مطول الحين يجي الرجل رفض وراح جلس في سيارته برى ينتظر زوجها و أنا عيوني طلعت أربع أربع قلت لها فلانه أنتي أستخفيتي كيف تدخلين رجل غريب بيتك وزوجك مو موجود قالت وش فيها أنتي جالسه عندي قلت لها وخير لايكون مفكرتني أنا واحد من محارمك قالت بضحكه لا بس الرجل يجلس بالمجلس وحنا جالسين هنا وش فيها وراحت تناظر من نافذة الشقه لزميل زوجها وهو جالس بالسياره برى أنا شلت عبايتي ومع الباب روحت لبيتي أثاري زوجي كان بالبيت وسمع دقت الباب وسمع ردها على الرجل وسألني قلت له السالفه وزعل قال هاذي حرمه ماسخه لا عاد تروحين لها بيتها ولا تزورينها كيف تدخل رجل غريب بيتها وزوجها ماهو بموجود طبعا هاذا سالفة قديمه قبل الحركات إللي سوتها وأنا بالمستشفى والحمدالله ربي فكنا منها زوجها نقل وسكن في عماره أخرى وأنا حصلت لها جاره ساكنة معاها في نفس العمارة الجديده إللي سكنت فيها وجارتها تشتكي منها وتحلف إنها حصلت رسايلها الغراميه إللي ترسلها لزو جها بجزمة زوجها الله يكرمكم عند باب البيت من برى تقول زوجي أخذ الجزمه وقال لي نظفيها وجلست أنظفها إلا وأطلع رسالتين منها هاذا غير إللي تحذفها عليه وهو داخل وخار ج
وغير حججها إللي كل شوي طالعة فيها مره عندها فيش خربان بالبيت ومرة فيه ألتماس كهربائي ومرة عندها شئ مرتفع تبغاه ينزله لها أو شئ قوي تبغاه يفتحه لها وتقول زوجي صار أبو الفزعات لها أحيانا تناديه وهو توه داخل للبيت وتقول والله إن حياتي كانت مستقره ومرتاحه حتى جتنا هاذي الجاره ونكدت علينا عاد أنا أقول في نفسي الحمدالله إنها نقلت وارتحنا من فعايلها أقول يا أختي وردة الرياض لايكون هاذي هيه جارتي ترى نفس أسلوب جارتك أسألتها وملاحظاتها وطريقتها وترى مثل هالنوعيات ماينفع معاها إلا إنك تنقلين من البيت إذا هيه مانقلت ولاكن الحل الأفضل الآن إنك تقاطعينها ولا تعطينها وجه أبد حتى تبطل حركاتها الماسخه
وتحس وتستحي على دمها وأسأل الله أن يكفيك شرها ويبعدها عنك ويصلح حالك أنتي وزوجتك وأنتي حطي عقلك في راسك ترى زوجك ماله ذنب في إللي يصير فلا تظنين فيه ظن السؤ ولا تشكين فيه ترى هاذي حاسدك على راحتك وتفاهمك أنتي وزوجك ومثل هالجارات نفسها تشوف كل الأزواج تعساء مثل حالتها وماتحب الخير حق أحد فإنتبهي لزوجك وبيتك وطنشيها وإنتبهي تنقلي أخبارها لزوجك أو تنقلي أخبارحياتك لها ترى تستغلها في صالحها وأتمنى لك التوفيق من الله في حياتك الزوجية

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله