ممكن تستشيري صديقك ممكن يلقالك حل .. انسان ما يخاف الله يكلم مره متزوجه وهو الحين مرتاح ومستانس
وانتي ما اقول الا الله يغفرلك

فين خوفك من الله؟

فين الحرام والحلال؟

استغفرتي ورجيتي الله يغفر لك خطيئتك ويكتبك في التائبات بنفس قدر همك زوجك يغفر لك ويرجعك؟؟

إن زوجك غفر لك ورب الكون ماغفر لك ايش الفايدة؟؟

اجعلي الله كل همك تأتيك الدنيا راغمة

__________________

صالح اخاف يطلقني قبل مايفتح جواله
وهو قال كلها يومين وبتجيك ورقتك

وهو قال انا اهلي ماراح اقولهم شي واذا جيتي البيت طردتك والله بيتنا ماتطبينه وانتي ماتستاهليني والله يستر عليك

أنت علقت نفسك ببشر ولم تعلقي نفسك بالله

لذلك جالسة تسألين لو فعل كذا أو كذا وتبني على ذلك إرادتك وأفعالك ،،، ف
هذا لا يهم المهم كيف علاقتك مع الله على كل الأحوال والعواقب !!!!

فإطلبي من الله العفو والمغفرة وأظهري صدق توبتك إليه على كل الأحوال (وهو اعلم بحالك)


هذه فرصة للجوء إلى الله وطلب العون على ما أصابك

ثم ليس شرطاً أن زوجك إذا قبل بك وأرجعك أن هذا دليل قبول التوبة
وكذلك العكس ...!!!!

لذلك على كل الأحوال الشيء الثابت هو التوبة والإنابة
مهما صار وحدث بعد ذلك ( رجوع ، طلاق ، قد يقدر الله وفاة زوجك!! ....)


فهل ستتغيرين وفقاً لهذه الظروف وما يقدره الله لك ....

أذكرك بسحرة فرعون لما رجعوا لله ورأوا أن الظروف ضدهم
من كل ناحية وصوب ركزوا على التوبة والرجوع لله عز وجل
ولم يثنيهم شيء أو يضعوا تفسيرات وحسابات للقادم من الأحداث

تأملي ماذا قالوا في محكم التنزيل


(( قالوا لن نؤثرك على ما جاءنا من البينات والذي فطرنا فاقض
ما أنت قاض إنما تقضي هذه الحياة الدنيا ( 72 ) إنا آمنا بربنا
ليغفر لنا خطايانا وما أكرهتنا عليه من السحر والله خير وأبقى ))




الله يرزقك التوبة الصادقة والعاقبة الحسنة





عزوبي بس رجل

__________________

يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين

تتوقع كذا

تدري وانا اكلمه اقووله بتطلقني وانا اصيح اقووله احلف انك منت مطلق قالي ماني حالف اصريت عليه قالي لاتخليني انطقها الحين وسكر بوجهي

بعدين دقيت عليه قالي لا ماني مطلق بس علميني منهو؟ وش اسمه

قلت له اوول احلف انك منت مطلق قال انا يبيلي وقت ابني الثقه بعدين ماادري وش قال بعدها وسكر بوجهي

دقيت عليه مارد دقيت الين رد ثم قالي لاتدقين علي الله يلعنك ياام الرجااجيل لاتدقين برووح اصلي وسكر

دقيت بعدين قفل الموووبااايل

يعني وش افهم من كل هذا ممكن احد يسااعدني؟


ومعليش تحملووني شووي تكفوون مالي الا انتوا بعد الله

عنده رقمه ودق عليه

بس هو يقوول انا بجيبه اوول وبمسح به الارض بعدين اطلقك

أختي لا زالت طريقتك في التعامل ومخاطبة الرجال الغير محرمين عليكي طريقة غير لائقة تماما ... والدعاء والرجاء من الله المغفرة يجي بعد التوبة ... اذا شعرتي بعظم غلطتك بيتقبل ربنا منك الدعاء .... لكن اذا شعورك انك غلطتي غلطة بسيطة والمهم انك ما تطلقي وبس فهذا حال ثاني.

عندي شعور غريب انك لو رجعتي لزوجك ورجع لك جوالك راح تكلمي صديقك مرة ثانية أو تكلمي صديق ثاني بحجة انك تاخذين النصيحة أو عندك شعور بالملل لان زوجك مشغول ...

تشتكي من غيرة زوجك ؟؟؟؟؟؟؟؟ ما عنده حق انه يغار وانتي تقولي انه يعرف عن صديقك ومكالماتك معاه ؟؟؟؟؟؟

من شرحك أقدر اقول انه زوجك مو ناوي على الطلاق الحين .... وقفل جواله من كثر ما ازعجتيه بمكالماتك ومن كثر ما دقيتي عليه تساليه اذا ناوي يطلق او لأ ...


لا تبرري لي ولا تبرري لزوجك ولا لأخوكي ... برري لرب العالمين .. وكوني صريحة مع نفسك ..هل انت تبتي فعلا ؟؟؟ لو بين ايديكي جوال الحين ما راح تدقي على صديقك تاخذي النصيحة منه ؟؟؟؟؟؟؟؟

اختي برد عليك في وقت لاحق بشكل موسع
بس الحين لا اوصيك بالدعاء مو لازم اتصلين اذا عندك عذر ياقلبي
اهم شي صحتك ياحبيبتي
وماعليك من أحد
انتي توضي وضوء الصلاة والبسي جلالك واشكي لربك ضعفك وتوبي له وابكي ابكي ولا تباكي
ولا تقومين من مكانك الا اذا هدت روحك واطمانيتي وابشري بالخير باذن الله

سبحان الله يا أختي

قصتك والله مؤثرة جدا جدا ...

يا أختي الله سبحانه وتعالي أمهلكِ كثيرا ولكنك تماديتِ كثيرا ..

شفتي يا أختي كيف ان الشيطان استدرجك !

أول شي قلتي : بتصل فيه بقوله اني تزوجت فقـــــط . وهذا استدراج الشيطان لكل بنت , يحط لها الف عذر وعذر ويقنعها بأسباب واهية

وبعدين تطور الموضوع وقلتي أشكي له من زوجي ..

وبعدين كان بيصير شي ثاني ولكن لله سبحانه وتعالى قدر لك أمرا آخر وأنا أراه لمصلحتك ..

الله سبحانه وتعالى يقول يا أختي : ويمكرون ويمكر الله والله خير الماكرين

سبحان الله مافيه رب تدعينه يفرج كربك !!

يا أختي مالقيتي صديقة تشكين لها !!! ام اخت عمة خالة ... رجال مرة وحدة تشكين له !!!!!!!!!!!!!!!!!!!!!!

على طووووول تخوين ربك أولا ثم زوجك !!! سبحان الله ما استحيتي من الله ولا استحيتي من زوجك !!!

لا تقولين لا تلوموني الا بنلومك ألف مرة ..

الشي الثاني :

أول شي تسوينه تسحبين حالك وتروحين بيت زوجك , روحي البيت غصب عنه , واجلسي في غرفتك اخدميه واغسلي ملابسه وقومي على شؤووونه يمكن يحن عليك ...

افرشي سجادتك وادعي ربك بصدق وتوبي لله بجد .. سبحان الله المرأة لما يطلقها زوجها الله أمرها انها تبقى في بيتها في العدة الا اذا اتت بفاحشة مبينة

وانا حقيقة لا ادري هل فعلك هذا يعد فاحشة او لا ..

لاني كنت بقولك حتى لو طلقك اقضي العدة في بيته لانه من حقك بس الله قال

يا أيها النبي اذا طلقتم النساء فطلقوهن لعدتهن وأحصوا العدة واتقوا الله ربكم لا تخرجوهن من بيوتهن ولا يخرجن الا ان يأتيني بفاحشة مبينة وتلك حدود الله

والله يا اختي اللي مثلك تقعد عمرها كله على سجادتها تبكي وتتوب وتدعي ربها

سبحان الله , لما ربكن يقول لكن تغطن المرأة كلها عورة الوجه حرام واليد حرام والقدم حرام مافيه لا حياة لمن تنادي وقلتن تشدد ومتخلفات وخيمة , ولكن لما تحل المصايب عرفتن الطريق الصح وقلتن بنتوب وبنلبس وبنسوي , يعني عارفات الصح بس مكااااابرة الله يهديكن

وأخيرا

أنا مطلقة وأم لطفل ولو كنت مكانه ما أرجعك الا اشوفك أعبد العابدات وأزهد الزاهدات تقية عفيفة شريفة لا تنظرين للرجال ولا ينظرون لك لا تكلمين رجال ولا يكلمووونك .. اما توبة اي كلام لا

توبة صااااااااادقة نصووووحة