هلا حبيبتي...
شوفي انا خالتي كانت متزوجه طياار ,, وتقريبا نفس معاملة زوجك ,, الفرق بينكم ان خالتي ماشاء الله امرأه حديديه..
ابد ماكانت تشتكي لاحد وكانت شايله بيتها وعيالها لحالها,, وعايشه حياتها كأنه موموجود,, والله يسافر ويرجع البيت ولا حتى يسلم عليها..
كذا بدووون سبب ,, ولما كانت تقوله ابي اشوف اهلي وحشوني لانهم في مدينه ثانيه بعيده عنهم,, كان يرفض وبشده
لانه يقول لها انا ما أحب اهلك,, وعيالها هي اللي ربتهم وبيتها هي اللي كانت قايمه فيه وهو ولا كأنه موجوود,,
وبعد عشرين سنه لما كبروا عيالها وصارت تعتمد عليهم في كل شي,, وتعودت هي على وضعها كذا..
رجع زوجها يقولها احبك وسامحيني..انا اهملتك وصار يحاول يعوضها عن كل شي,, لكن خالتي مو معطيته وجه ابد..
تقول راحت احلى سنين عمري وانت ظالمني ومهملني جاي الحين تقول بأعوضك؟؟ انا متعوده اعيش مو معتمده عليك..
وخلااااااص.......
انتي الحين يارشفة توت شوفي وش اللي يناسبك؟
1- تصبري عليه وتعيشي حياتك مثل ما انتي حزينه ومكتئبه,, ويمكن يرجعلك بعد سنين طويله نادم وعارف قيمتك..
2-تتعلمي وتسعين جاهده لفهم شخصيته المعقده شوي,, وطريقة التعامل معاها,, وتدخلي دورات في فن التعامل في العلاقات الزوجيه,,
وتقرئين كتب في هالمواضيع ,,وتلجأين الى الله بالدعاء والتوسل انو يصلح زوجك لك..وتتصدقين بهذي النيه..
والتغيير راح يكون بطييئ وعلى مراحل وراح يصاحبه شوي احباطات لك,,لانك راح تجربي كل الحلول وشي يناسبه وشي لأ..
3- تستسلمي وترفعي الرايه البيضاء وتطلبين الطلاااق..
انتي اختاري واحنا بأذن الله راح ندعمك ونوقف معاك..
اختك سحابة ورد,,
__________________
سبحان الله وبحمده..سبحان الله العظيم..
التعديل الأخير تم بواسطة سحابة ورد ; 16-10-2009 الساعة 11:15 AM