زوجي يتكلم عن أمورنا الخاصه (قررت الطلاق وغداًالجلسة) - الصفحة 6

30-06-2009, 01:57 AM

#51

كبار شخصيات المنتدى

تاريخ التسجيل: Apr 2009

المشاركات: 4,491

غاليتي وفقك الله //
إذا والدتك لم تتجاوب مع مشكلتك
لماذا لم تكلمي والدك فهو رجل ملتزم حسب قولك
وضحي له كل ماعانيتيه مع هذا الرجل وسوء أخلاقه معك
إن شاءالله يقدر يساعدك وبقدم لك النصيحه.
أسأل الله أن يزيل همك ويفرج كربك ويجعل لك من كل ضيقا مخرجا .

__________________

(اللهم لك الحمد كما ينبغي لجلال وجهك وعظيم سلطانك )

30-06-2009, 12:02 PM

#52

طرطعانة

عضو جديد

تاريخ التسجيل: Apr 2006

المشاركات: 23

زوجــــــك يغاااااااااااااااااار مــنــــــــك
دليل انه كلامه المتناااقض عنــــك

01-07-2009, 06:00 AM

#53

دلع وكلي دلع

عضو نشيط

تاريخ التسجيل: Jun 2009

المشاركات: 159

أشكر الجميع...
الله يجزاكم كل خيييير....سأكمل لكم ماحصل لي..زوجي مثل ماقلت لكم من أول الأيام..من أول شهر ..مل مني..مافيه إحترام والدليل كلمات كثييرة لن أنساها..والآن سنكمل 9 شهور...وقبل شهرين رايحه جايه للمستوصف لأنهم يبغوني أحمل..والحمدلله كل شئ سليم ولاأعاني من مشكلة..وأعطاني الدكتور ورقة لزوجي قال لازم أتأكد إذا زوجك سليم..
قد أخبرتكم من قبل أني أشترطت عليه قبل الزواج إستقلالية مطبخي..لكن للأسف...وعطيته مبلغ كي يشتري لي ثلاجة لأن ثلاجتي صغييرة جدا لاتكفي..وأنا أبي أطبخ وآخذ راحتي في أكلي..طبعا هوقال مامعي فلوس وعطيته ومر على سالفة الفلوس شهور ولاشفنا شئ!!...وقبل شهر كنا في السيارة وسألني أنتي مرتاحة؟..قلت في أكلي لا..أبي أستقل في طبخي..والله لايوريكم جلس يصارخ ويسب ويشتم..ويقول أدري إنك شرطتي المطبخ وأنا وافقت لكن الآن لا لا لا إعتبريها لعانية ..إعناد..أي شئ..وإذا موعاجبك روحي لأهلك ... المصيبة إننا كنا طالعين من أهلي وجالس مع أبوي وأخواني ومستانس ومعشينه أحلا عشا..لكن وش تقولون عن هذا من أي الرجال؟!! المهم السالفة طويلة وجلست عند أهلي أسبوعين..وبالعافية وافق إني أطبخ فوق لكن الثلاجة بعد8شهور!!!..طبعا وافقت أجاري الحياة معه..ولكم أن تتخيلو الثلاجة صغيرة جدا..الفرن كهربائي والأكل يطول..ولكن حاولت أصنع لنفسي سعادة يكفي أني آكل مايكفيني ولاأحد يحاسبني على لقمتي
وطول الشهر اللي أطبخ فيه ..تغير للأسوأ..والله أنا مومقصرة بأهلة حتى أحيانا أطبخ تحت..والله أمه مومحتاجتني يعني موكبيرة ..وعندها بنات..والبيت شباب ...يعني مومحتاجيني أبدا..لكن يتغير أكثر شئ من الأربعا إلى الجمعه بوجود أخته الكبيرة المتزوجة..طبعا فتحت معه الموضوع برسالة جوال...وأنكر تغيره..رغم الكثير من المواقف اللي تثبت كلامي..طبعا الخميس والجمعه طول الوقت تحت..حتى ياكل تحت ..وأنا والله موسعيده معه عشان أتلهف وأشتاق إنه يشاركني تناول وجبة الغداء أو العشاء...نعم أحبه ..لكن تعبت منه......يوم السبت وإحنا نتغدا..قال:أشتقت لغدا أمي..أناجاوبت بكل عفوية...(توك متغدي أمس من غداها..)وجلس يصارخ..إنطمي إسكتي..وطبعا طول اليوم مايكلمني ويوم حطينا روسنا بننام...حزت بخاطري ينام زعلان..قلت يمكن فهمني غلط..(قلت يافلان إذا تبي كل يوم تأكل تحت ترى والله عادي و..(ويصارخ إسكتي مابي أسمع صوتك ولوبتغدا كل يوم تحت ماشاورتك..) أنا حاولت أتكلم..وضربني بيده على راسي..الضربه كانت قوية..حتى نفسيا كانت أقوى..بكيت إنهرت...تصدقون إيش قال:يلعني..الله يلعنك ويلعن..... ولاهزته دمعتي ولاصوت بكاي...رحت بسرعه حسيت إني وحيييده وضعييييفه..توضأت وصليت ركعتين ودعيت في سجودي وأنا أبكي يارب أنت تعلم أني أبحث عن رضاه وعن الحياة الهادئه معه ولاقصرت بشئ معه وهويبحث عن المشاكل والهم يارب أعطه هم كي يعرف إنه كان بنعمه وبلا هم..
بعد أسبوع(طبعا ماتغير) عطيته ورقة التحليل..قال بروح للمستوصف...رجع وجهه أسود وثلاث مرات يناديني ويعصب ويصارخ حسيت إنه موطبيعي ناداني للفراش ورفضت أول مرة أرفض..طلع من عندي ..رجع في الليل وبرضو صديته..طلع مرة ثانية ..بكيت وبكيت وبكيت ماأدري ليش تمنيت إنه ضربني قتلني أي شئ..ندمت إني صديته..رغم إني موطايقه إنه يلمسني..بكيت على حالي..بكيت ليش يعاملني كذا..بكيت لأني موقادره أنسى أن أخته تتكلم وتقول أخوي موعاجبته ريحتها في وقت أنا أبذل قصارى جهدي لأرضائه...حسيت إني مهزومة مجروحة..تعبانه..حتى مطبخي لاثلاجة تحمل أغراضي ولافرن كويس ..ساكته أعاني ..عمري ماشكيت له شئ..صليت ركعتين..ولاشعوريا جهزت الجناح بكل شئ جميل صنعت جو عمري ماصنعته قبل كذا..أشعلت الشموع..الفواحه..لبست لبس جديد لأني عارفه شخصيته إذا أنا هي أنا لاجديد فكيف سأرضيه ..ماحيلتي غير لبس جديد. ولاأدري ليش سويت كذا كأني أقول محاولة أخيرة....إنتظرت..ولارجع..إتصلت عليه أكثر من مرة ولا رد..أرسلت رسالة..إتصل نعم وش تبين؟..قلت متى بترجع....رد:وش تبين؟...قلت أبيك....رد:خلاص مع السلامة..بعد شوي أرسل رسالة بنام برا....
.نمت من التعب والإرهاق أذن الفجر وسمعت صوت الباب..وخلاص حاسه إني تعبانه إذا بنطق بكلمة بقول..أرجوك أبي أهلي..أبي حريتي...ماأدري ليش كانت أفكاري متضاده..صلينا الفجر..جاء حب راسي أنا آسف وبعدين ليش ماقلتي لي إنك بتصلحين سهرة..صدقيني أنا منحرج من نفسي !!..اليوم الثاني هادئ جدا..وفي الليل قال لي عن نتيجة التحليل قال أنا عقيم والدكتور يقول5% ممكن تنجب .....كلام كثير.......في النهاية خيرني بأن أقبل فيه وأستمر أوالطلاق؟...
أنا رديت...بصبر..وجلست أهون عليه...
إن شاء الله أكمل لكم بكرة...أشكركم..الله يجعل نصائحكم لي في موازين أعمالكم

01-07-2009, 06:22 AM

#54

وردة بين الثلوج

كبار شخصيات المنتدى

تاريخ التسجيل: Apr 2009

المشاركات: 4,491

ماشاءالله تبارك الله
بعد كل اللي عمله معاك تصبرين عليه
الله يزيدك إيمان ويثبتك على طاعته
بإنتظارك يالغلا

__________________

(اللهم لك الحمد كما ينبغي لجلال وجهك وعظيم سلطانك )

01-07-2009, 11:35 PM

#55

abo marym

عضو المنتدى الفخري

تاريخ التسجيل: Dec 2003

المشاركات: 5,805

لا حول ولا قوة الا بالله

والله يا اختى شىء يحزن ويدمى له القلب

ما كل هذا اهكذا يكون جو الاسرة

وحياة المتزوجين الجدد

نسأل الله له الهداية والصلاح

وجزاك الله خير الجزاء على كل ما تقومى به

ولا تحزنى على موضوع الانجاب ربما كانت
نتيجة التحاليل هى عقاب له نتيجة ظلمه
لك وتقصيره وكل ما يفعل معك

بل ربما استجاب الله دعوتك عليه يوم قلتى
يا رب اعطيه من الهم ما يشغله عنى

وربما هذا الموضوع يجعله يعود الى الله
ويتقى الله فيك ولا يظلمك ويعيش معك
بما يرضى الله سبحانه وتعالى

واخيرا اسأل الله لك التوفيق والفلاح
او يقدر لك الخير سبحانه وتعالى اينما كان

__________________

قال الله تعالى

فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً {10}
يُرْسِلِ السَّمَاء عَلَيْكُم مِّدْرَاراً {11} وَيُمْدِدْكُمْ بِأَمْوَالٍ
وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً {12}

التعديل الأخير تم بواسطة abo marym ; 01-07-2009 الساعة 11:37 PM

02-07-2009, 12:25 AM

#56

دلع وكلي دلع

عضو نشيط

تاريخ التسجيل: Jun 2009

المشاركات: 159

السلام عليكم...
بكمل لكم اللي صار...وهلا فيك أختي وردة بين الثلوج..والله يجزاك كل خير أنتي والجميع..ولاتنسوني من دعائكم..بارك الله فيكم..
طبعا كلامه كان مؤلم..قال أنا أحب الأطفال وأهلي ينتظرون طفل لي..أمي دايم تقول الله يرزقك..وش شعوري يوم أشوف طفل أختي..يكفي المستوصف يوم يتصلون يذكروني في الموعد معك...لعلاج العقم..يكفي كلمة العقم تتعبني...أنا كان بإمكاني ماأقول لك وأوهمك إن المشكلة يمكن منك(رغم إني سليمة)..وأخدعك وأخبي عنك!! لكن قلت لك...
سكت ينتظر إجابتي هل بطلب الإنفصال..أو بكون معه؟...أنا برضو أخواني ماتصدقون حبي الجنوني للأطفال لكن قدر الله وماشاء فعل..
طبعا وضحت لزوجي وبصريح العبارة أني أخترت الصبر..وهونت عليه..وقلت الله بيرزقنا إن شاء الله..
في نفس الجلسه قال :لازم تنتبهين لنفسك إنتبهي لازم كل شئ يكون على سنقة عشرة لأن نفسيتي بتكون تعبانه !!!! (يهددني..أجل لوقلت ياعمري أبي أطفال وأصلا أنت كلك على بعضك في عالم آخر بعيد عن القيم والأخلاق ومعاملة الزوجة بمايرضي الله..تتوقعون وش بيسوي فيني؟!!..يتكلم وكأنه موداري عن نفسه ..هوأصلا من زمان نفسيته تعبانه من زمان عصبي!!!...يعني لاجديد)...لكن ماتصدقون كيف كان شعوري حزن بدرجة كبيرة لدرجة إني أقول ليت المشكلة مومنه مني أنا..ماأدري هل أنا ساذجة أو حبه مسيطر علي...
رحت لأهلي كم يوم ..كلمني قلت له أثناء المكالمة مشتاقة لك..مارد ولاجبر بخاطري تجاهل كلمتي..طلبت منه مصروف رفض يعطيني قال (مافيه)..صار بيننا زعل..لأنه رفض يعطيني وتدرون ليش كنت أبي المصروف لأني بشري عباية لأنه يستهزأ بعبايتي ويتطنز بأسلوب...!!....وكان يقول أعطيك لو800تشرين!! ..وكالعاده أخلف بالوعد..طنشني لايتصل ولايرسل ..أرسلت ولارد..كنت أبيه يمر ياخذني..جالسه عندأهلي لامصروف ولاملابس..قلبي ينزف على كل اللي قاعد يصير..أبيه يحتويني وأبي أحتويه..لكن أعتقد أني أعيش الخيال وأطلب المستحيل..
تعبت نفسيتي ياناس والله أحبه ..أتعب إذا زعل وتركني..أدري يمكن تقولون هذا ضعف..لكن قلبي موملكي!!..إذا تركني فكل اللي بالدنيا مايحرك فيني سعادة أويحرك فيني نسيان زوجي أوتجاهل اللي قاعد يصير بيننا..أنسى الراحه أنسى الناس أنسى أكلي وشربي..وماعندي غير جوالي..أناظر فيه أترجى الجوال يدق أو صوت مسج!!...
لاحظت أمي التعب والإرهاق والحزن اللي أنا فيه وإستغربت أن زوجي ماجاء ...سألتني وش فيك؟....هنا بس بكيت ولاني قادره أقول شئ..تدرون ليش ؟..أخاف عليه من كلمة تجرحه أوتزعله من أبوي حتى لوكلمة حق أودفاع عني..
قلت لأمي إنا زعلانين من بعض...وأنه مايرد...قالت أمي أكلمه؟....ومجرد إني سمعت هالكلمه وكأن الدنيا ضحكت لي..إيه يمه تكفين.....وبسسسرعه عطيتها رقمه ..إتصلت فيه أمي....كلامه طبعا حلو مع الناس اللي غيري حتى أمي يوم خلصت المكالمة تقول ماشاء الله عليه!!!....طبعا قال لها إني أنا أبي مصروف وأن مامعه شئ ويبيني أنتظر الراتب وقال لأمي بمرها بكرة آخذها......
وطنشني ولامر ولاهم يحزنون...ووبعد 3 أيام إتصل فيني قال بمرك الليلة ..أهلي مسافرين وأبوي ماعنده أحد يطبخ له غدا!!!...تجهزت ورجعت معه...الصباح صلحت قهوته وطلع لدوام..نزلت صلحت قهوة أبوه ..وتقهويت معه..شكيت له الحال قلت ياخالي ولدك عصبي وتركني عند أهلي و..و...وقلت إني مرة تعبانه معه وإذا ماتعدل ماأتوقع إني أستمر معه..أبوه قال أنا عارف وشايف..أنا اللي قلت له البارح رح جيب زوجتك!!...وقال كلام كثير يخفف عني..
طبعا طول الأيام اللي كنت عند أهلي ومنحرقه أعصابي ..زوجي كانوا عيال عمه جايين من برا..وطايح تمشيات معهم ولادرى عن هوى داري....جلست يومين..اليوم الثاني قلت له أبغى أطلع مع أهلي وخالاتي لمنتزه نسائي..ووافق يوديني والله والله هذي أول مرة من تزوجت أطلع لملاهي..والله والله أول مرة من تزوجت يوديني زوجي لطلعة زي كذا...مايوديني إلا لبيت أهلي..طبعا الطلعة كانت اليوم الثالث بس لازم أعطيه خبر وإلا أحلم بالطلعه...وفي الليل بعد ماطبخت عشا وتعشيت مع خالي..وبعدين رجع زوجي وحطيت له عشا..كان جالس على اللاب توب وأنا معه في الصاله..ماأدري والله كيف إنفتح موضوع (سالفة الكلام اللي قاله لأخته وهي بصفتها تمشي وتتكلم) سألني من قال لك؟...
وبدأ يصارخ ويجرح فيني ويعيد ويزيد على سالفة الريحة وبدون إحترام ولاذوق ولارحمة ولاأدب ولامراعاة يصرخ::قلت لها عن ريحتك الخايسة مثل وجهك!!...وكأنه يريد قتلي ..كأنه يقول نسيتي السالفه أنا بذكرك وبحد السكين وأذبحك كأنه قاعد يقول خلاص من وين لك كل هالصبر روحي ياشيخه لأهلك....
بعد مارمى كلماته سكت..خلص..قال اللي عنده..وإرتاح..هوقالها من قبل بس شكله فنان بالتعذيب..
وقفت دخلت لغرفتي حطيت راسي على المخدة وتغطيت بكيت بكيت بكيت..بعد شوي جاء وإنسدح في مكانه ناداني ولارديت عليه(وش يبي يعني خلاص ذبحتني وش تبي ؟!)..سألني بتروحين بكرة للملاهي..قلت : لا....قال أكيد موبكرة تقولين بروح....ولارديت ونمت ولاأدري متى نمت...
صحيت بدري نزلت جهزت القهوة لخالي وصلحت الغدا ..تغديت أنا وخالي...وزوجي نايم ولاراح لدوام..
صلحت حلا ..فطائر..لأني بروح للملاهي مع أمي وخواتي وخالاتي وبنات خالتي إلى متى وأنا حابسة عمري عنده أراعيه ولايراعيني...نزل وراح لملحق أهله ومعاه القهوة...سألته بدون ماأدخل عنده تبي غدا؟...لا...<<والمصيبة يرد بدون نفس وكأني أنا الغلطانة...رجعت للمطبخ أكمل شغلي..جاء ودخل قال:ماشاء الله ليش مصلحه كل هذا؟...قلت بروح للملاهي.. قال أنتي البارح تقولين مابي أروح؟!...قلت بس أبي أروح.....قال:أوديك بس بشرط تقولين آسفة....قلت:ليش أقول آسفة؟.. قال:لأني مانمت البارح لأنك يوم جيت أراضيك مارضيتي!!!(قصده يوم سألني على السرير بتروحين للملاهي؟!.. يعني كذا الزوج يرضي زوجته؟)..يعني لازم أعتذر لأني سبب بعدم نومه..طيب من قاله يجرحني ويعذبني ويعذب نفسه... قلت:آسفة....قال:يالله تجهزي بوديك....وفي الطريق شب الخلاف بيننا ولاأدري بالضبط عن إيش هو صاير دايم كذا ..سألته إلى متى بنجلس على ذا الحال..قال:كل واحد منا عنده طاقة تحمل إلين ماتنتهي ويقول لثاني ماااابيك!!..
دخلت الملاهي(المنتزة)..يظن إني سعيدة!!...وأين السعادة لزوجة سمعت هذا الكلام من زوجها من حبيبها..
صدقوني دخلت وأنا عقلي وقلبي مومعي...تدرون مع مين؟..مع اللي قتلني وراح...كانت الساعات تمر ثقيلة موحاسه باللي حولي..أصطنع الإبتسامة..أحاول أدخل بالكلام معهم أبين إن مافيني شئ..موقادرة حتى آكل..طول الوقت أناظر بالجوال أنتظر رسالة تجبر بخاطري أنتظر أي شئ...أرسلت له رسالة وسائط حب ومشاعر ولارد..كنت أتمنى يرد بأي شئ على الأقل عشان أرتاح وأنبسط في طلعتي لكن للآسف؟؟!!..دخلت مكتبة في المنتزة أنا أحب أقرأ..وشفت كتب أعجبتني عن أشياء تخصني وأخذتهم ..ولقيت كتاب عن كيف تتمالك نفسك وتتحكم بأعصابك وشريته ولقيت كتاب اول مايشوفه الواحد يدل إنه يوحي عن الحب وهويخص الحياة الزوجية..طبعا أنا عندي كتب كثييرة..بس ماأدري ليش كأني كنت جالسه أتمسك بأي شئ..واللي شجعني إني أهدي زوجي هذي الكتب إنه هوبنفسه يشري كتب عن الريجيم يعني يحب يقرأ.. اليوم الثاني ماجاء ولاإتصل يعني طنشني ومر اليوم الثالث ملييت تعبت موقادرة أتحمل دقيت عليه ..سلمت وسألني عن حالي قلت له متى بتمرني ..تدرون وش رد:قال: وش تبين؟....هنا حسيت باإهانة وإنكسار وضعف...هومايدري عن حال الأزواج كيف يعاملون زوجاتهم هويظن إن أسلوبه طبيعي؟؟!!!..قلت أبي ملابس مامعي إلا اللي لابستهم بالملاهي... (طبعا هو قال لي إرجعي مع أهلك ونامي عندهم وبكرة أجي آخذك لأن بيت زوجي بعيد عن الملاهي ويقول مايمديني أرجع..وأهله بيوصلون بكرة يعني مومحتاجني)
برجع لكم...

02-07-2009, 01:41 AM

#57

unbelievable

عضو الهيئة الطبية - طبيب عام

تاريخ التسجيل: Mar 2009

المشاركات: 219

عجيب عجيب جدا ......

ما أدري وش أقول لك صراحة

02-07-2009, 02:17 AM

#58

مشكلة والله !

عضو مثالي

تاريخ التسجيل: Mar 2009

المشاركات: 640

انصحك تطنشينه خليه يتأدب طلعي عينك الحمراء عليه والله يتأدب !!!

هالرجال قلق والله ماينفع معهم غير كذا !!

هو شايف إنك ماتقدرين تستغنين عنه فجالس يهينك يختي عطيه درس إنك بنت عائلة

وبنت ناس وطالعة من بيت اهلك معززه مكرمة يختي بدال هالرجال 1000 رجال غيره !!

أصلاً حبيبتي بعطيك قانون تستخدمينه في حل معادلة الرجال الصعبة :

المرأة القوية والواثقة من نفسها + اللي ماتبين انها محتاجة له + الكشخة = يموووتوون فيها الرجال

شوفي وش ناقصك في هالمعادلة وتقدرين تطلعين بنتيجة اوكي !!

خليك قوية ولا تراعين مشاعره عوديه على الصلابة والله خوذيها مني يتأدبون !!

دوسي على حبك له والله يجي يراكض وراك مع كذا لا تلقين له بال خليك عزيزة نفس ,, !!

بعدين سالفة العقم هذه أنتِ متأكدة منها ؟؟

تأكدي كويس من التحاليل ويفضل تسألين الدكتور بنفسك بدون مايدري ,,

كوني بخير ,,

__________________

ربي .. إلى من تكلني ؟! ,, ~

التعديل الأخير تم بواسطة مشكلة والله ! ; 02-07-2009 الساعة 02:19 AM

02-07-2009, 03:34 AM

#59

daimound22

كبار شخصيات المنتدى

تاريخ التسجيل: May 2008

المشاركات: 2,209

اختي اااالكريمة:::
حقيقة اني لم اضحك كماا ضحكت على قصة قميص النوووم هذة

اقتباس:

المشاركة الأصلية كتبت بواسطة دلع وكلي دلع

يجيني ذاك اليوم يقول لي سالفة صديق زوج أخته المصون..إنه سافر لدولة عربية وترك زوجته وعياله وتعرف على وحدة وتزوجها يقولون الرجال خلااااص رفض يرجع لديرته وعياله..يقولون الرجال زوجته(العربية)طول اليوم لابسة عنده قميص النوم ..(سكت ماوضح لي الباقي)..وإن أخوان الرجال يدقون عليه :يارجال إرجع لأهلك وعيالك ورفض..وإنهم إستنجدوا بصديقة (زوج أخت زوجي) عشان يكلمه ويقنعه؟!!!.........سألته أنا من قال لك عن السالفة..وبسرعه رد(فلانه)<أخته.. بعدين قال: لا لا..فلان(زوج أخته)...زوجي سكت شوي بعدين قال أنتي ليش ماتلبسين طول اليوم قميص النوم!!!..
.

حدث العااقل بما يعقل كاان المفرووض ردك يكوون بسيط وصغيرررر
زوجي العزيز ::عفوااا ولكن صحيااااا انة قميص النوووم وقت النوووم فقط وفهمك كفااااية !!!

يعني اختناا في الله بتطبخ وهي لابستة وبتتهاوش مع زوجهاااا وهي لابستة
وبتتحمم وبتررجع تلبسة كح كح

اين الاثاارة والتجديد في الموضوع !!!!
لااااااا وترك زوجتة ام عياالة علشاان قميص نوووم

طيب كاان جابلهاااا واااحد ولبستة ماابتقصررررر

شووفي من وجهة نظرري القصة هذة لهااا مخرجااان ::
الاول:: اخت زووجك وزوجهااا المووقر<<<الظااهر انهم شايفين شكواة منك
وقاامو يجيبوولة قصص من خيااالهم لتتتوافق مع محتووى قصتك مع زووجك !!
الثااني ::انة زووجك قرأهاا في احد المنتديااات المختصة بهذة الاموررر
وهي غااالبا تكوون خياااالية وبعيدة عن الوااقع وقاال يالله خلينا اقولهاااا
وتعرفي لية قاالها لأنة يعرف نقطة ضعفك لبسك وريحتك هو شكك من اول في نفسك
والان بيزيد العياار حبتين بقصص وامثلة تدعم المووضوع علشااان يكسررررك تمااما

والمستغررب اكثر سكوتك وتصديقك للقصة والي زااد تعجبي انك ذكرتيهااااا
وكأنك مصدقة انهااا بتجيب نتيجة <<<<لو تجيب نتيجة كااان كل الرجااال مبلطين في بيووتهم
من هووس الحريم بأقمصة النووووم

الان اتوووقع لو تأخذي اجاازة من زوجك وترووحي تقولية
يازوجي يااحبيبي ابغى ارووح لأهلي اسبوووع وااحد بس اغيررر جو
ولماااتروحي ماتجلسي تزووري فلاانة وعلاانة <<<الي من تزوجتي ماشفتيهم

لااااااا رووحي اقررب مكتبة اشتري كتب تثقفك
كتب عن الزواااج
عن فهم نفسياات الرجل
عن تفكيررر الرجل
عن انمااط الشخصية
عن اصلااح نفسك كزززوجة
<<<<<<<<<<<
يعني اسبووع تأهيلي لزواااج ناااجح
الصقي في امك وشووفي كيف بتعاامل واالدك
اسألي اخوااتك اذا اكبر منك ومتزووجااات او زوجاات اخوانك اذا تمووني طبعااااا
اتصلي على مستشاااارين اسرررة
اغتنمي كل ثاااااانية من وقتك علشاان تنجحي بزواااجك ان شااء الله
صدقيني رااح تفهمي نفسك قبل ماتفهمي زووجك
وتعررفي كيف يفكررر ؟؟
اخيرااااا الصبرررر الصبرررر ماافية حيااة سعيدة على الجااااهز

الله يوفقك ويكتبللك السعااادة والهنااااا

__________________

02-07-2009, 03:49 AM

#60

miss. fofo

عضو نشيط جدا

تاريخ التسجيل: Apr 2009

المشاركات: 465

اختي
انتي مشكلتك انك تحبيه

وشكلك مو قادره تاخذي اي قرار ضده

نصيحه مني اسمعي راي الاخوان والاخوات وطبقيه

__________________
يارب ...والباقي وحدك تعلمه

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه